ភ្នំពេញ៖​ កម្ពុជានឹងរៀបចំ «ពិព័រណ៍ផ្សារណាត់មិត្តភាពកម្ពុជា-វៀតណាម» ដែលនឹងប្រព្រឹត្តទៅនៅដើមខែ មិថុនា ឆ្នាំ២០២៣ នៅខេត្តត្បូងឃ្មុំ ដើម្បីលើកស្ទួយផលិតផលខ្មែរដែលកសិករ ផលិតករកម្ពុជា ផលិតបាននៅតាមមូលដ្ឋានឱ្យមានការទទួលស្គាល់កាន់តែទូលំទូលាយ។ សេចក្តីជូនដំណឹងរបស់ក្រសួងពាណិជ្ជកម្ម ដែលបានជម្រាបជូនដល់លោក លោកស្រីជាអាជីវករ ផលិតករ ពាណិជ្ជករ សមាគមអាជីវកម្ម និងសាធារណជនទូទៅថា មន្ទីរពាណិជ្ជកម្មខេត្តត្បូងឃ្មុំ ដោយមានការគាំទ្រពីក្រសួងពាណិជ្ជកម្ម រដ្ឋបាលខេត្តត្បូងឃ្មុំ និងវិស័យឯកជន នឹងរៀបចំពិព័រណ៍ផ្សារណាត់មិត្តភាពកម្ពុជា-វៀតណាម ដែលនឹងប្រព្រឹត្តទៅចាប់ពីថ្ងៃទី០១-០៥ ខែមិថុនា ឆ្នាំ២០២៣ នៅក្នុងបរិវេណផ្សារគំរូព្រំដែនកម្ពុជា (ផ្សារដារ) ដែលមានទីតាំងស្ថិតនៅភូមិដារកណ្តាល ឃុំដារ ស្រុកមេមត់ ខេត្តត្បូងឃ្មុំ។ សេចក្តីជូនដំណឹងបញ្ជាក់ថា៖‍«ការរៀបចំពិព័រណ៍នេះដើម្បីលើកស្ទួយផលិតផលខ្មែរដែលកសិករ ផលិតករកម្ពុជា ផលិតបាននៅតាមមូលដ្ឋានឱ្យមានការ ទទួលស្គាល់កាន់តែទូលំទូលាយ និងដើម្បីជំរុញសកម្មភាពអាជីវកម្មនៅផ្សារគំរូព្រំដែនកម្ពុជា(ផ្សារដារ) ដែលរាជរដ្ឋាភិបាលកម្ពុជា បានបង្កើតឡើងហើយឱ្យមានសកម្មភាពអាជីវកម្ម ផុលផុស ឡើងវិញ ក្រោយវិបត្តិកូវីដ១៩»។ ប្រភពដដែលបន្តថា  ក្រសួងពាណិជ្ជកម្ម ក្នុងនាមអ្នកសម្របសម្រួលដល់ ការរៀបចំ ព្រឹត្តិការណ៍នេះ សូមអញ្ជើញអាជីវករ និងសាធារណជនទូទៅដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍នេះ ឬមានគម្រោងពិភាក្សារការងារផ្លាស់ប្ដូរពាណិជ្ជកម្ម ជាមួយដៃគូក្រុមហ៊ុនមកពីប្រទេសវៀតណាម សូមអញ្ជើញបំពេញបែបបទចូលរួមឱ្យបានមុនថ្ងៃទី២១ ខែឧសភា ឆ្នាំ២០២៣ ជាកំណត់។ សម្រាប់ព័ត៌មានបន្ថែម…

ភ្នំពេញ៖ Visa ដែលជាក្រុមហ៊ុនបច្ចេកវិទ្យាទូទាត់សាច់ប្រាក់តាមប្រព័ន្ធឌីជីថលឈានមុខគេ បានចេញផ្សាយការសិក្សាចុងក្រោយរបស់ខ្លួន ដែលបានបញ្ជាក់ថា ប្រជាជនកម្ពុជាកំពុងទទួលយកទម្រង់ថ្មីលើការទូទាត់ដែលមិនប្រើប្រាស់សាច់ប្រាក់សុទ្ធ ខណៈពេលដែលជម្រើសការប្រើប្រាស់ក្រដាសប្រាក់នៅតែបន្ត។ អ្នកស្រី Ivana Tranchini នាយិកាគ្រប់គ្រងក្រុមហ៊ុន Visa ប្រចាំប្រទេសកម្ពុជា បានមានប្រសាសន៍ថា វាពិតជាគួរឱ្យភ្ញាក់ផ្អើលខ្លាំងណាស់ តាមរយៈរបាយការណ៍ពីអ្នកចូលរួមឆ្លើយតប ក្នុងចំណោមក្រុមមនុស្សដែលយើងបានស្ទង់មតិ បានបង្ហាញថា ក្រុមគោលដៅជំនាន់ Z គឺជាអ្នកដែលមានចំណូលចិត្តខ្ពស់បំផុត ក្នុងការប្រើប្រាស់សាច់ប្រាក់សុទ្ធ។ អ្នកស្រីថា ភាពធន់នៃការប្រើប្រាស់សាច់ប្រាក់សុទ្ធក្នុងចំណោមយុវជន និងការយល់ខុសដែលបានចាត់ទុកការប្រើប្រាស់សាច់ប្រាក់សុទ្ធ ជាជម្រើសមានសុវត្ថិភាព ដូចទម្រង់ទូទាត់ប្រាក់តាមរយៈការស្តេន QR កូដនេះ ហាក់ដូចជាកើនឡើងចំពេលមានកិច្ចសហការក្នុងភាពជាដៃគូរបស់ក្រុមហ៊ុន Visa ជាមួយដៃគូអាជីវកម្មនៅកម្ពុជានាពេលថ្មីៗនេះ ដើម្បីលើកកម្ពស់ចំណេះដឹងផ្នែកហិរញ្ញវត្ថុ។ ការទូទាត់តាមរយៈការស្កេន QR កូដ ក៏មានការកើនឡើងផងដែរ។ ជាក់ស្តែងប្រមាណ៦៨ភាគរយ នៃអ្នកប្រើប្រាស់ដែលបានចូលរួមស្ទង់មតិ បាននិយាយថា ពួកគេបានប្រើប្រាស់ការទូទាត់តាមរយៈការស្កេន QR កូដ ដែលនេះបានបង្ហាញពីកំណើនប្រមាណ៣៦ភាគរយ បើធៀបទៅនឹងឆ្នាំ២០២១ និង១២ភាគរយ បើធៀបទៅនឹងឆ្នាំ២០២០។ ប្រជាជនកម្ពុជាបានប្រើប្រាស់ទម្រង់ទូទាត់ប្រាក់ តាមរយៈការស្កេន QR កូដ សម្រាប់ការទិញទំនិញញឹកញ៉ាប់ ក្នុងនោះ ៦៨ភាគរយ បានអះអាងថា…

ភ្នំពេញ៖​ ក្រុមបណ្តុំ​អាជីវកម្ម​ទុរេន​សំឡូត ខេត្តបាត់ដំបង បាននិងកំពុងប្រឹងប្រែងបង្កើនបច្ចេកទេសក្នុងការដាំដុះរបស់ខ្លួន ទៅតាមការណែនាំពីក្រសួង និងមន្ទីរកសិកម្ម បន្ទាប់ពីវិនិយោគិន​ចិនជាច្រើនក្រុមហ៊ុន បានជួបនិង​ច​ចារ​ចង់ប្រមូល​ទិញ​ទុរេន​សំឡូត ស​ម្រាប់​​នាំចេញ​ទៅកាន់​ប្រទេស​ចិន នាពេលខាងមុខ។ លោក ណៃ ច​ន ប្រធាន​បណ្តុំ​អាជីវកម្ម​ទុរេន​សំឡូត ខេត្តបាត់ដំបង បានឱ្យដឹង​នៅថ្ងៃទី៩ ខែឧសភា ឆ្នាំ​២០២៣​ថា​ បណ្តុំ​អា​ជីវកម្ម​ទុរេន​សំឡូតបានជួបជាមួយនឹង​ក្រុមហ៊ុនច្រើនគួរសមដែរ ដែលក្រុមហ៊ុនទាំងនោះ មានបំណងចង់នាំចូលទុរេនរបស់ស្រុកសំឡូតទាំងមូល ទៅលក់នៅទីផ្សារប្រទេសខ្លួន ប៉ុន្តែនៅមានឧបសគ្គខ្លះលើ​បរិមាណផ្គត់ផ្គង់ ដោយភាគីចិន បារម្ភខ្លាចខាងស្រុកសំឡូតផ្គត់ផ្គង់ មិនបានតាមកិច្ចសន្យា។ លោក ណៃ ច​ន បានបញ្ជាក់ថា ខាងបណ្តុំអាជីវកម្មទុរេនសំឡូង និង​ខាង​មន្ទីរ​កសិកម្ម​ខេត្តបាត់ដំបង តែងតែពិភាក្សាគ្នាជាច្រើនដង​ទាក់ទងនឹងការនាំចេញទុរេនទៅចិននេះ ដោយកន្លងទៅចិន តែងសួរយើងថា តើយើងអាចផ្គត់ផ្គង់ទុរេនឱ្យគេក្នុងមួយឆ្នាំបានប៉ុន្មាន គេតម្រូវឱ្យយើងផ្តល់ទិន្នន័យលម្អិតឱ្យគេ ប៉ុន្តែយើងមានការព្រួយបារម្ភថា បើសិនជាយើងចុះកិច្ចសន្យាហើយ យើងមិនអាចផ្គត់ផ្គង់ឱ្យគេបានតាមកិច្ចសន្យា ដែលនេះ​ហើយ​ជាបញ្ហា។  លោកបានបន្ថែមថា កាលពីពាក់កណ្តាលឆ្នាំ ២០២២ ខាងមន្ទីរកសិកម្មខេត្តបាត់ដំបង បាន​នាំ​ខាង​ឈ្មួញ​ជនជាតិ​ថៃ​ និង​ចិន ចុះ​ដល់​ចម្ការ​ទុរេន ក្នុង​បណ្តុំ​អាជីវកម្ម​ទុរេន​ក្នុង​ឃុំ​សំឡូត ក្នុង​គោលបំណង​នាំចេញ​ទុរេន​ទៅកាន់​ប្រទេស​ចិន តាមរយៈ​ទីផ្សារ​ប្រទេស​ថៃ។ ក្រុមហ៊ុនចិននេះ​ មានការពេញចិត្តយ៉ាងចំពោះរសជាតិ និងគុណភាពទុរេនសំឡូត។ លោក…

ភ្នំពេញ:​ សភាពាណិជ្ជកម្មកម្ពុជា បាន ចាប់ផ្តើមពង្រីកទំនាក់ទំនងសេដ្ឋកិច្ច ធុរកិច្ច និងពាណិជ្ជកម្ម ជាមួយធុរជនអូស្រ្តាលី ជាពិសេសនៅ ទីក្រុង មែលប៊ន ប្រទេសអូស្រ្តាលី បន្ទាប់ពីមានការិយាល័យតំណាងនៅក្នុងប្រទេសនេះ ដោយរំពឹងថា នឹងជំរុញកិច្ចសហប្រតិបត្តិការផ្នែកពាណិជ្ជកម្មរវាងប្រទេសទាំង២ ឱ្យកាន់តែសកម្មជាងមុនបន្ថែមទៀត។ នៅមុនមួយថ្ងៃ នៃការចូលរួមបោះឆ្នោតជ្រើសសមាជិកការិយាល័យតំណាងសភាពាណិជ្ជកម្មកម្ពុជា នៅប្រទេសអូស្រ្តាលី កា លពីដើមសប្តាហ៍នេះ ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានជួបប្រជុំជាមួយ លោកស្រី ឡូរ៉ា បឺក ប្រធានតំ បន់អាស៊ីយអាគ្នេយ៍ នៃរដ្ឋាភិបាលវីចតូរីយ៉ា នៅការិយាល័យវិនិយោគវីចតូរីយ៉ា ទីក្រុងមែលប៊ន ប្រទេសអូស្ត្រាលី ក្នុងគោលបំ ណងនៃកិច្ចពិភាក្សានេះ គឺដើម្បីស្វែងយល់ពីស្ថានភាពសេដ្ឋកិច្ច វិស័យសក្តានុពលទីក្រុងមែលប៊ន និងពិនិត្យលទ្ធភាពសហប្រតិបត្តិការរវាងធុរជនកម្ពុជានិងអូស្ត្រាលី។ នៅក្នុងជំនួបនោះ ឧកញ៉ា លឹម ហេង បានគូសបញ្ជាក់ថា ទំនាក់ទំនងល្អរវាងកម្ពុជា និងអូស្ត្រាលី បានគាំទ្រដល់ការជំរុញធុរកិច្ចនិងវិនិយោគទ្វេភាគីឲ្យកាន់តែច្រើនឡើងថែមទៀត។ឧកញ៉ាបានប្រាប់ថា ៖ «ការបង្កើតការិយាល័យតំណាងសភាពាណិជ្ជកម្មកម្ពុជានៅទីក្រុងមែលប៊ន ប្រទេសអូស្ត្រាលី ដែលនឹងដើរតួនាទីយ៉ាងសំខាន់ក្នុងការជំរុញធុរកិច្ច និងវិនិយោគប្រទេសទាំងពីរ ខណៈដែលកម្ពុជាបានផ្តល់ឱកាសធុរកិច្ច សក្តានុពល និងវឌ្ឍនភាពសេដ្ឋកិច្ចកម្ពុជា…

ស្ទឹងត្រែង៖ លោក ហេង វ៉ាន់សាក់ ប្រធានប្រតិបត្តិការធុរកិច្ច នៃក្រុមហ៊ុន វ័ន ហ្វ្រេតធើនីធី (វីតាល់) បានមានប្រសាសន៍ថា វិស័យបរិស្ថាន គឺជាវិស័យអទិភាព ដែលវីតាល់បានធ្វើវិភាគទាន និងបរិច្ចាគច្រើនជាងគេ ក្នុងវិស័យទាំង៤ នៃសសរស្តម្ភការងារសង្គម របស់វីតាល់។ លោក ហេង វ៉ាន់សាក់ ប្រធានប្រតិបត្តិការធុរកិច្ច នៃក្រុមហ៊ុន វ័ន ហ្វ្រេតធើនីធី (វីតាល់) បានបញ្ជាក់ថា រាប់ចាប់តាំងពីការចាប់ផ្តើមអាជីវកម្ម វីតាល់បានកំណត់អទិភាពការងាររបស់ខ្លួន មិនត្រឹមតែផ្តល់ជូននូវទឹកពិសាដែលមានគុណភាពខ្ពស់, សុវត្ថិភាព, និងប្រកបដោយអនាម័យប៉ុណ្ណោះទេ ការចូលរួមសកម្មភាពសង្គម និងការឆ្លើយតបទៅនឹងតម្រូវការរបស់សង្គម ជាកិច្ចការមួយទៀតដែលវីតាល់បានកំណត់ជាអតិភាពផងដែរ។ លោកប្រធានប្រតិបត្តិបន្តថា ក្នុងរយៈពេល១៣ឆ្នាំចុងក្រោយនេះ វីតាល់បានដាក់ចេញនូវគម្រោងមួយចំនួន ដែលទទួលបានការសាទរពីសាធារណៈជន រួមមានគម្រោង Vital Go Green ដែលបានរៀបចំឡើងកាលពីឆ្នាំ២០១៥ តាមរយៈការដកប្លាស្ទិកលើគម្រប ដែលវីតាល់បានធ្វើមុនគេ សម្រាប់វិស័យទឹកដបនៅកម្ពុជា។ លោក ហេង វ៉ាន់សាក់ បន្ថែមថា គំរូនេះបានក្លាយជាចលករ នៃការផ្លាស់ប្តូរបរិបទ នៃការផលិតទឹកដប ដោយពុំមានប្លាស្ទិកលើគម្របដបសម្រាប់ទីផ្សារកម្ពុជា។ ឈរលើមូលដ្នាននេះ,…

ទោះស្ថានភាពសេដ្ឋកិច្ចពិភពលោកនាពេលបច្ចុប្បន្ននេះ ក្រោយការរាតត្បាតនៃជំងឺកូវីដ១៩ ត្រូវបានមើលឃើញថា នៅមិនទាន់មានភាពប្រាកដប្រជា១០០ភាគរយនៅឡើយក្ដី តែគម្រោងអភិវឌ្ឍន៍មួយចំនួននៅតែបន្តដំណើរការ ស្របពេលដែលគម្រោងមួយចំនួនទៀតបានផ្អាកដំណើរការ។ យ៉ាងណាមិញ ម្ចាស់គម្រោង Dragon Land 598 នៅតែមានសុទិដ្ឋិនិយមចំពោះគម្រោងខ្លួន ហើយប្តេជ្ញាបន្តដំណើរការសាងសង់ប្រកបដោយភាពជឿជាក់។ លោក សេម ផេ ប្រធានផ្នែកប្រតិបត្តិការនៃក្រុមហ៊ុន Dragon Land 598 បានឱ្យដឹងថា គម្រោងអភិវឌ្ឍន៍វីឡាទំនើបដំបូងគេនៅកម្ពុជា នៅតែបន្តអភិវឌ្ឍន៍ដោយភាពជឿជាក់ ដោយសារតែម្ចាស់ភាគហ៊ុននៃគម្រោងដ៏ធំមួយនេះ សុទ្ធតែអ្នកដែលមានហិរញ្ញវត្ថុរឹងមាំ ដោយមិនមានការខ្វះខាតឡើយ ដូច្នេះគម្រោងនេះនឹងនៅតែបន្តដំណើរការសាងសង់ ដើម្បីផ្ដល់នូវទំនុកចិត្តដល់អតិថិជនរបស់ខ្លួន។ លោកបន្តថា គម្រោងលំនៅឋានទំនើបដំបូងគេនេះ បានសម្រេចជ្រើសរើសយកទីតាំងនៅតាមបណ្ដោយផ្លូវ៥៩៨ ឬផ្លូវឯកឧត្តមជា សុផារ៉ា ដែលជាតំបន់ដែលមានសក្ដានុពលខ្ពស់ ជាតំបន់ដែលមានការអភិវឌ្ឍខ្លាំង មានស្ថាប័នកំពូលៗរបស់ជាតិ មានផ្សារទំនើបតូចធំជាច្រើនផងដែរ។ លោកប្រធានផ្នែកប្រតិបត្តិការបន្ថែមថា ក្នុងកាលៈទេសៈនេះផងដែរ សម្រាប់វិនិយោគិនដែលមិនមានទុនគ្រប់គ្រាន់ គឺមិនល្អសម្រាប់ការវិនិយិោគឡើយ ហើយសម្រាប់វិនិយោគដែលមានទុនគ្រប់គ្រាន់រួចហើយ គឺជាឱកាសក្នុងការវិនិយោគដើម្បីរកប្រាក់ចំណេញ ហើយសម្រាប់ក្រុមហ៊ុន Dragon Land គឺមានភាពជឿជាក់លើការដឹកនាំរបស់រាជរដ្ឋាភិបាលបច្ចុប្បន្ន ដែលអាចទប់ស្កាត់បញ្ហា និងធ្វើឱ្យសេដ្ឋកិច្ចកម្ពុជាមានភាពរឹងមាំ និងមានកំណើនបន្ថែមទៀត៕ អត្ថបទ៖ ឈឹម ទីណា