ភ្នំពេញ៖​ ឯកឧត្តម ថោង ខុន រដ្ឋមន្ត្រីក្រសួងទេសចរណ៍បានបង្ហាញសុទិដ្ឋិនិយមថា ការធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេមលើកទី៣២ និង អា​ស៊ានប៉ារ៉ាហ្គេមលើកទី១២របស់កម្ពុជា ពិតជាអាចផ្សព្វផ្សាយ និងជំរុញកំណើនភ្ញៀវទេសចរបរទេសឱ្យមកកម្សាន្តនៅកម្ពុជា​។ឯកឧត្តមរំពឹងថា នឹងទទួលបានភ្ញៀវទេសចរបរទេសចំនួន ៥០ម៉ឺននាក់ និងទាក់ទាញភ្ញៀវទេសចរបរទេសសរុបបានជាងបួនលាននាក់នៅឆ្នាំនេះបន្ទាប់ពីទទួលបានប្រមាណ១,២លាននាក់នៅត្រីមាសទី១ឆ្នាំ២០២៣នេះ។ ឯកឧត្តមរដ្ឋមន្រ្តីបានថ្លែងបែបនេះនៅក្នុងសន្និសីទសារព័ត៌មានស្ដីពីព្រឹត្តិការណ៍កីឡាស៊ីហ្គេម កាលថ្ងៃទី២៨ ខែមេសា ឆ្នាំ២០​២៣ កន្លងទៅនេះ។ ក្នុងនាមជាអនុប្រធានអចិន្ត្រៃយ៍នៃគណៈកម្មាធិការជាតិរៀបចំការប្រកួតកីឡាស៊ីហ្គេម(CAMSOC) ឯកឧត្តម ថោង ខុន បានបន្តថា អ្វីដែលជាការរំពឹង និងជាក្ដីសង្ឃឹមរបស់កម្ពុជានឹងទទួលបានភ្ញៀវទេសចរច្រើនដូចកាលមុនពេលកូវីដ១៩ ដោយ ឥទ្ធិពលនៃការរៀបចំព្រឹត្តិការណ៍អង្គរសង្ក្រាន្តឆ្នាំ២០២៣ និងព្រឹត្តិការណ៍កីឡាស៊ីហ្គេម និងកីឡាប៉ារ៉ាហ្គេម នឹងរួមចំណែកទាក់ទាញភ្ញៀវទេសចរជាតិ និងអន្តរជាតិ រហូតដល់ឆ្នាំ២០២៤ ២០២៥ និងឆ្នាំ២០២៦ ជាបន្តបន្ទាប់ទៀត។ ឯកឧត្តមរដ្ឋមន្រ្តីមានប្រសាសន៍ថា ៖ «យើងបានចាត់ទុកព្រឹត្តិការណ៍ស៊ីហ្គេមដែលកម្ពុជាធ្វើជាម្ចាស់ផ្ទះ គឺជាសមិទ្ធផលទេ​ស​ចរណ៍ដ៏សំខាន់ក្នុងការផ្សព្វផ្សាយ និងស្រូបទាញភ្ញៀវទេសចរបរទេសឲ្យចាប់អារម្មណ៍ និងមកកម្សាន្តនៅកម្ពុជា។ តាមរយៈព្រឹត្តិការណ៍នេះកម្ពុជានឹងអាចស្រូបទាញភ្ញៀវទេសចរបរទេសបានចំនួន៥០ម៉ឺននាក់ និងរំពឹងជួយជំរុញភ្ញៀវទេសចរបរទេសឲ្យកមកម្សាន្តនៅកម្ពុជាលើសបួនលាននាក់នៅដំណាច់ឆ្នាំ២០២៣ នេះ»។​ តាមរយៈកំណើនភ្ញៀវទេសចរបរទេសនៅត្រីមាសទី១ បានជំរុញឱ្យឯកឧត្តមរដ្ឋមន្រ្តីវាយតម្លៃថា វិស័យទេសចរណ៍កម្ពុជានឹងអា​ចវិលមករកប្រក្រតីភាពឡើងវិញដូចពេលមិនទាន់មានការឆ្លងរាតត្បាតនៃជំងឺកូវីដ១៩នៅត្រឹមឆ្នាំ២០២៥ ខាងមុខនេះ។ឯកឧត្តមបញ្ជាក់ថា ការហ៊ានវាយតម្លៃបែបនេះ ធ្វើឡើងក្រោយការឆ្លងរាតត្បាតនៃជំងឺកូវីដ១៩ នៅកម្ពុជា និងលើសកលលោកមានភាពធូ​រស្បើយ គួបផ្សំនឹងការបើកសកម្មភាពសង្គម និងសេដ្ឋកិច្ចលើគ្រប់វិស័យរបស់បណ្តាប្រទេសមានសេដ្ឋកិច្ចធំៗ ជាពិសេសប្រទេសចិន…

ភ្នំពេញ៖​ ក្រសួងទេសចរណ៍កម្ពុជា សហការជាមួយស្ថានឯកអគ្គរាជទូតកម្ពុជាប្រចាំប្រទេសជប៉ុន និងស្ថា​ន​តំណាងក្រសួងទេសចរណ៍ប្រចាំនៅប្រទេសជប៉ុន ជំរុញការផ្សព្វផ្សាយសក្តានុពលទេសចរណ៍ក​ម្ពុជានៅលើទីផ្សារជប៉ុន ក្នុងពិព័រណ៍កម្ពុជា Cambodia Festival 2023 នៅទីក្រុងតូក្យូ ប្រ​ទេសជប៉ុន។   ក្រសួងទេសចរណ៍នៅថ្ងៃទី៣ ខែឧសភា ឆ្នាំ២០២៣ បាន​ឱ្យដឹងថា​ ​ក្រសួងបានដឹកនាំក្រុមសិល្បៈនៃក្រសួងវប្បធម៌ និងវិចិត្រសិល្បៈ និងផ្នែកឯកជនចូលរួមកម្មវិធីពិព័រណ៍កម្ពុជា Cambodia Festival 2023 ដែលប្រព្រឹត្តទៅចាប់ពីថ្ងៃទី៣ ដល់ទី៤ ខែឧសភា នៅទីក្រុងតូក្យូ ប្រទេសជប៉ុន ដើម្បីអនុវត្តយុទ្ធសាស្ត្រនៃចក្ខុវិស័យស្តីពីផែនការស្តារ និងលើកស្ទួយវិស័យទេ​សចរណ៍កម្ពុជាឡើងវិញក្នុង និងក្រោយវិបត្តិជំងឺកូវីដ-១៩ ដំណាក់កាលទី២ (២០២០-២០២៥)។ ​ ក្រសួងទេសចរណ៍​​បន្តថា មួយវិញទៀត ​ពិព័រណ៍នេះ​ក៏​ដើម្បីផ្សព្វផ្សាយយុទ្ធនាការ «ឆ្នាំទស្សនាកម្ពុជា ២០២៣» និងផ្សព្វផ្សាយគោលដៅទេសចរណ៍ កម្ពុជាជាគោលដៅទេសចរណ៍ផ្តល់ភាពកក់ក្តៅ សុវ​ត្ថិភាព ស្អាត និងបៃតង ក្រោមពាក្យស្លោក «គ្រប់ថ្ងៃគឺជាអច្ឆរិយភាព»ផងដែរ​។​​ ​បើតាមក្រសួងទេសចរណ៍កម្មវិធីពិព័រណ៍កម្ពុជាឆ្នាំ២០២៣ មានការតាំងបង្ហាញផលិតផល ម្ហូបអា​ហារ ភេសជ្ជៈ និងវត្ថុអនុស្សាវរីយ៍របស់ខ្មែរ និងការបង្ហាញផ្សព្វផ្សាយពីសិល្បៈ វប្បធម៌ ប្រពៃ​ណី តាមរយៈការសម្តែងសិល្បៈជូនភ្ញៀវទស្សនាកម្សាន្ត ដោយមានស្តង់សរុបប្រមាណ១០០ស្តង់។…

ភ្នំពេញ៖​ មន្រ្តីជាន់ខ្ពស់នៃ​អគ្គស្នងការដ្ឋាន​នគរបាលជាតិបាន​ស្នើដល់​​មន្ត្រីជាន់ខ្ពស់នៃ​នគរបាលសហព័ន្ធអូសាស្ត្រលី ពិនិត្យទៅលើមន្ត្រីនគរបាលនារី ដែលពួកគាត់មានសក្តានុពល អាច​ចូលរួមវគ្គបណ្តុះប​ណ្តាលនៅក្រៅប្រទេសបន្ថែមទៀត ដើម្បីពង្រឹងសមត្ថភាពបន្ថែម។ ​​ ការ​ស្នើនេះ ត្រូវ​បានលើកឡើងដោយ​​លោកស្រី រស់ ច័ន្ទសោភា អគ្គស្នងការរងនគរបាលជាតិ ទៅដល់​ លោក Anthony  Maguire ​តំណាងនគរបាលសហព័ន្ធអូស្ត្រាលី និងលោក Richard  Moore ប្រធាន​ក្រុមការងារវាយតម្លៃវឌ្ឍនភាពការងាររបស់គំរោងមេគង្គអូស្ត្រាលី​​ ក្នុង​ជំនួប​ពិភាក្សាការងារ​កាលពីថ្ងៃទី២ ខែឧសភា ឆ្នាំ​២០២៣។​ ប្រភពអគ្គស្នងការដ្ឋាននគរបាលជាតិ បាន​ឱ្យដឹងថា​ ក្នុងជំនួបពិភាក្សានោះដែរ​ លោកស្រី រស់ ច័ន្ទ​សោ​ភា បាន​លើកឡើងថា ​មន្ត្រីនគរបាលនា​រីដែល​មានសក្តានុពល មិនត្រឹមតែការផ្តល់ការពង្រឹងលើកក​ម្ពស់សមត្ថភាព​ក្នុ​ងការចូលរួមក្នុងសិក្ខាសាលា កិច្ចសន្ទនាប៉ុណ្ណោះទេ តែអាចផ្តល់ឱកា​ស​ចំពោះឱ្យ​មានឱកាសទៅទស្សនកិច្ចសិក្សា ឬទៅចូលរួមវគ្គបណ្តុះបណ្តាលនៅក្រៅប្រទេសបន្ថែមទៀត ដើ​ម្បី​ពង្រឹងសមត្ថភាពពួកគាត់។ ​ តាមរយៈអគ្គស្នងការដ្ឋាននគរបាលជាតិ លោក Anthony Maguire ​បាន​នថ្លែងអំណរគុណ​លោ​ក​ស្រីរស់ ច័ន្ទសោភា ដែលបានលើកឡើងផ្តោតសំខាន់ទៅលើការចូលរួមរបស់ស្ត្រី ក្នុងវិស័យនគរបា​ល។ លោកក៏បាន​ឱ្យដឹងដែរ​ថា រដ្ឋមន្ត្រីក្រសួងការបរទេសអូស្ត្រាលីចំនួនបីនាក់ហើយដែលជាស្ត្រី ហើ​យមេដឹកនាំជាស្ត្រីនេះ មានការចូលរួមចំណែកយ៉ាងខ្លាំង​នៅ​គ្រប់ផ្នែកទាំងអស់ ​ក្នុងក្រសួង ពិ​សេ​ស​នគរបាលអូស្ត្រាលី និងនគរបាលជាតិកម្ពុជាដែល​មានការផ្តោតសំខាន់លើបញ្ហាសមត្ថភាពរប​ស់ស្ត្រី។ ​​​​ ​​បើតាម​លោកស្រី…

ភ្នំពេញ ៖ ក្នុងជំនួបពិភាក្សាការងារជាមួយ ឯកឧត្តម Maury Hechavarria Bermúdez អនុរដ្ឋមន្ត្រីក្រសួងកសិកម្ម នៃសាធារណរដ្ឋគុយបា នៅទីស្តីការក្រសួងកសិកម្ម នៅព្រឹកថ្ងៃទី០៣ ខែឧសភា ឆ្នាំ២០២៣ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងអំណរគុណចំពោះកិច្ចសហប្រតិបត្តិការល្អ និងទំនាក់ទំនងយូរអង្វែងរវាងប្រទេសទាំងពីរ កម្ពុជា-គុយបា ដែលកន្លងមកគុយបាបានចូលរួមជួយកម្ពុជា លើការបណ្តុះបណ្តាលធនធានមនុស្ស និងការអភិវឌ្ឍលើគ្រប់វិស័យ ។ ឯកឧត្តម ឌិត ទីណា បន្តថា កម្ពុជាក៏ធ្លាប់ជួយគុយបានៅពេលមានបញ្ហាខ្វះខាតអង្ករ ដើម្បីឱ្យមានចីរភាព និងទាន់ពេលវេលា ស្របតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ កម្ពុជា ដែលកម្ពុជា បានប្រែក្លាយពីប្រទេសខ្វះខាតអង្ករទៅជាប្រទេសអ្នកនាំអង្ករចេញ ហើយ ឯកឧត្តមរដ្ឋមន្ត្រី ក៏រំពឹងថា គុយបា នឹងប្រែក្លាយខ្លួនទៅជាប្រទេសនាំចេញអង្ករដូចគ្នា តាមរយៈការប្រើប្រាស់បច្ចេកទេសទំនើប ពូជសុទ្ធល្អ ផ្តល់ទិន្នផលខ្ពស់ ប្រើរយៈពេលខ្លី និងមានរសជាតិឆ្ងាញ់។ ឯកឧត្តមរដ្ឋមន្ត្រី បន្តទៀតថា កម្ពុជាត្រៀមខ្លួនរួចជាស្រេច ដើម្បីជួយគាំទ្រប្រទេសគុយបា ទាំងផ្នែកបច្ចេកទេស…

ភ្នំពេញ៖ “ងាវ” ភក់ គឺជាងាវមួយប្រភេទដែលមានទំហំធំជាងងាវទូទៅនិងមានលក្ខណៈខុសគ្នាពីងាវធម្មតា ឬ​ គ្រែងឈាម ទៅលើក្រឡារបស់វា ដែលគ្មានឈាមនៅពេលចម្អិន។​ងាវភក់ជាទូទៅត្រូវបា​នគេចិ​ញ្ចឹម​តា​​មលក្ខណៈធម្មជាតិ នៅតាមតំបន់ព្រៃកោងកាង នាខេត្ត​តំបន់សមុទ្រ។ នៅក្នុងភូមិព្រែកសង្កែ ឃុំសាមគ្គី ស្រុកព្រៃនប់ ខេត្តព្រះសីហនុ មាន​កសិករ​ម្នាក់អា​ចទា​ញចំ​ណូលបានជាប្រចាំថ្ងៃមកពីការចិញ្ចឹមងាវភក់នេះ​។ របរនេះជួយបង្កើនប្រភពចំ​ណូលដល់គ្រួ​សារ​រប​​ស់គាត់បានគួរសម។ ដោយមាន​សំនៀង​រដឺន​ តាមបែបបងប្អូនខ្មែរឥស្លាម អ្នកស្រី ឡេ ហាត់សះ អាយុ ៤២ឆ្នាំជាក​សិករមួ​យ​រូប​ដែលចិញ្ចឹម និងផ្គត់ផ្គង់ងាវភក់ក្នុង​សហគមន៍របស់​អ្នកស្រី​បាន​ឱ្យ​ដឹង​ថា អ្នកស្រី​បានចា​ប់ប្រក​បរប​រនេះជាង ១០ឆ្នាំមកហើយ គឺ​​ចាប់ផ្តើមចិញ្ចឹមតាំងពីឆ្នាំ២០០៧ មក ដោយ​មិនមា​នដើ​មទុន​គ្រប់​គ្រាន់​ រហូតដល់មានមន្ត្រី ជលផល ជួយជាការផ្តល់​កូនងាវភក់រហូតដល់ ​២០០ គីឡូក្រាម មកចិញ្ចឹ​មនៅក្នុ​ងស្រះ ហើយក៏បានបន្តចិញ្ចឹម​មកដល់សព្វថ្ងៃ។​  អ្នកស្រី ហាត់សះ​ បន្តថា បច្ចុប្បន្នងាវភក់នេះ​គឺមាន​តម្រូវការខ្ពស់ណាស់ ពោលគឺទាំងក្នុង​សហគម​ន៍រ​បស់អ្នកស្រី​ផ្ទាល់និងមានទាំងអាជីវករ​ដែលចង់ទិញយកទៅលក់បន្តជាច្រើនថែមទៀត។ ​ អ្នកស្រី ហាត់សះ បានប្រាប់ថា ៖ «ជាមធ្យមនៅក្នុងមួយថ្ងៃខ្ញុំអាចលក់បានចន្លោះពី​ ២០ ទៅ ៣០​គីឡូ​ក្រាម ក្នុងតម្លៃ ២៥០០រៀលក្នុង​១គីឡូក្រាម។ប៉ុន្តែតម្រូវការ​នេះ អាចប្រែប្រួលថែមទៀត​ទៅ​​តាម​តម្រូវការជាក់ស្តែងរបស់អតិថិជន»។​ អ្នកស្រី​បានឱ្យដឹងទៀតថា ៖…

ភ្នំពេញ ៖ យោងតាម សេចក្តីជូនដំណឹងរបស់ក្រសួង ពាណិជ្ជកម្ម នៅ ព្រឹក ថ្ងៃ ចន្ទ ទី ០១ ខែឧសភា ឆ្នាំ ២០២៣នេះ បានចេញសេចក្តីជូនដំណឹង ប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានានៅកម្ពុជា គិតចាប់ពីថ្ងៃទី០១ ដល់ថ្ងៃទី១០ ខែឧសភា ឆ្នាំ២០២៣នេះ សាំង ចុះថ្លៃ ២០០រៀល ខណៈ ប្រេងម៉ាស៊ូតចុះថ្លៃ ១០០រៀល ។ ដូច្នេះ ត្រូវលក់សាំងធម្មតាតម្លៃ ៤,២០០រៀល និងម៉ាស៊ូតត្រូវលក់ ៣,៩៥០រៀលក្នុង១លីត្រ។ ជាក់ស្ដែង នៅក្នុង សេចក្តីជូនដំណឹងរបស់ក្រសួង បានបញ្ជាក់បន្ថែមថា ផ្អែក តាម តម្លៃ មធ្យម ប្រេងឥន្ធនៈ លើ ទីផ្សារ អន្តរជាតិ ថ្លៃ លក់រាយ ប្រេងឥន្ធនៈ ចាប់ពី ថ្ងៃទី ០១ ដល់ ថ្ងៃទី១០ ខែឧសភា ឆ្នាំ…