ភ្នំពេញ ៖ ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ បានថ្លែងឱ្យដឹងថា ក្នុងឆ្នាំ២០២២កន្លងទៅ អង្គភាពច្រកចេញចូលតែមួយនៃរាជធានី-ខេត្ត បានផ្តល់សេវារដ្ឋបាលបានចំនួន ៦៩៥.២០៥សេវា និងទទួលបានចំណូលសរុបចំនួន ២៨.២១២.៤៩២ដុល្លារ ការលើកឡើងនេះក្នុងឱកាស ឯកឧត្តម អញ្ជើញធ្វើសេចក្តីរាយការណ៍សង្ខេបស្តីពីរបាយការណ៍ប្រចាំឆ្នាំ២០២២របស់ក្រសួងមហាផ្ទៃក្នុងពិធីបើកសន្និបាតត្រួតពិនិត្យលទ្ធផលការងារ ឆ្នាំ២០២២ និងលើកទិសដៅការងារ ឆ្នាំ២០២៣ របស់ក្រសួងមហាផ្ទៃ នៅសណ្ឋាគារសុខាភ្នំពេញ នាព្រថ្ងៃទី២២ ខែកុម្ភៈ ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ ឯកឧត្តម នាយឧត្តមសេនីយ៍ ប៉ោ ភក្តិ បានថ្លែងថា ដើម្បីឆ្លើយតបទៅនឹងតម្រូវការ នៃការផ្តល់សេវារដ្ឋបាលជូនប្រជាពលរដ្ឋឱ្យកាន់តែប្រសើរឡើង ក្រសួងមហាផ្ទៃ បានសម្របសម្រួល និងដាក់ឱ្យអនុវត្តនូវសេចក្ដីណែនាំ ស្តីពីបែបបទ និងនីតិវិធីនៃការផ្តល់សេវារដ្ឋបាលតាមយន្តការច្រកចេញចូលតែមួយ នៅរដ្ឋបាលឃុំ សង្កាត់ បន្ថែមទៀត។ ដោយឡែក ឯកឧត្តម នាយឧត្តមសេនីយ៍ បន្ដថា ការិយាល័យច្រកចេញចូលតែមួយក្រុង ស្រុក ខណ្ឌ…

ភ្នំពេញ ៖ ក្នុងពិធីបិទកិច្ចប្រជុំបូកសរុបលទ្ធផលការងារ កសិកម្ម រុក្ខាប្រមាញ់ និងនេសាទ ប្រចំាឆ្នាំ២០២២ និងទិសដៅអនុវត្តបន្តឆ្នំា២០២៣ ឯកឧត្តម ហ៊ួត ប៊ុនណារី រដ្ឋលេខាធិការ តំណាងឯកឧត្ដម ឌិតទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ ថ្លែងថា ៖ វិស័យកសិកម្ម រុក្ខាប្រមាញ់ និងនេសាទ នៅតែជាវិស័យនាំមុខមួយក្នុងចំណោមវិស័យដទៃទៀត ដែលបានរួមវិភាគទានយ៉ាងសំខាន់ក្នុងការអភិវឌ្ឍសេដ្ឋកិច្ចជាតិរបស់ព្រះរាជាណាចក្រកម្ពុជា ជាពិសេសវិស័យនេះ បានជួយផ្ដល់ការងារ និងប្រាក់ចំណូលដល់ប្រជាពលរដ្ឋ ដែលមានជីវភាពរស់នៅពឹងអាស្រ័យលើការងារកសិកម្ម។ ចក្ខុវិស័យរបស់រាជរដ្ឋាភិបាល គឺការធ្វើទំនើបកម្មវិស័យកសិកម្មកម្ពុជាឱ្យមានលក្ខណៈប្រកួតប្រជែង បរិយាប័ន្ន ធន់នឹងការប្រែប្រួលអាកាសធាតុ និងនិរន្តរភាព បង្កើនប្រាក់ចំណូលរបស់កសិករ វិបុលភាព និង សុខុមាលភាពរបស់ប្រជាពលរដ្ឋកម្ពុជា ដោយប្រែក្លាយវិស័យនេះពីដំណាក់កាលនៃការអភិវឌ្ឍតាមបែបវិបុលកម្ម ពោលគឺពឹងផ្អែកជាសំខាន់លើធនធានដែលមានស្រាប់ ឈានទៅរកដំណាក់កាលថ្មីដែលផ្តោតលើប្រពលវប្បកម្ម ពោលគឺពឹងផ្អែកជាសំខាន់លើការប្រើប្រាស់បច្ចេកទេស បច្ចេកវិទ្យាថ្មី កសិកម្មវៃឆ្លាត ការស្រាវជ្រាវ និងការអភិវឌ្ឍយរូបនីយកម្ម ព្រមទាំងបង្កើនសមត្ថភាពស្រោចស្រពដើម្បីលើកកម្ពស់ផលិតភាព ពិពិធកម្មដំណាំ ដែលមានសក្តានុពល និងទីផ្សារ រួមទាំងការចិញ្ចឹមសត្វ និងវារីវប្បកម្ម ជាលក្ខណៈពាណិជ្ជកម្ម។ ឯកឧត្តមរដ្ឋលេខាធិការបញ្ជាក់បន្ថែមថា ដោយអនុលោមតាមគោលនយោបាយ និងយុទ្ធសាស្ត្ររបស់រាជរដ្ឋាភិបាលអាណត្តិទី៦ នៃរដ្ឋសភា ក្រសួងកសិកម្ម…

ភ្នំពេញ:​ សហគមន៍កសិកម្ម បានស្នើធនាគារអភិវឌ្ឍន៍ជនបទ និងកសិកម្ម (ARDB) ដែលជាគ្រឹះស្ថានហិរញ្ញវត្ថុរបស់រាជរដ្ឋាភិបាល ជួយសម្រួលកាត់បន្ថយលើ លក្ខខណ្ឌមួយចំនួន ដែលធនាគារតម្រូវចង់បាននិងអត្រាការប្រាក់ ដើម្បីឱ្យសហគមន៍កសិកម្ម អាចទទួលបានកម្ចីដែលមានអត្រាការប្រាក់សមរម្យសម្រាប់តម្រូវការរបស់ប្រជាកសិករក្នុងសហគមន៍កសិកម្ម។លោក ប៉ាត សាវឿន ប្រធានសហគមន៍ឃុំអូរសារាយ នៅខេត្តតាកែវ បានប្រាប់ឱ្យដឹងថា កន្លងទៅសហគមន៍ តែងតែទៅស្នើសុំកម្ចីពីធនាគារពាណិជ្ជដែលមានអត្រាការប្រាល់ខ្ពស់។លោកថាសហគមន៍របស់លោកមិនទាន់អាចទទួលបានកម្ចីពីធនាគារអភិវឌ្ឍន៍ជនបទនិងកសិកម្ម(ARDB)បានព្រោះតែស្ថាប័នរដ្ឋនេះតម្រូវការឯកសារធានាច្រើននិងតម្រូវការទ្រព្យធានាដែលសហគមន៍មិនអាចបំពេញលក្ខខណ្ឌទាំងនេះបាននៅឡើយ។ លោកបានលើកឡើងជាសំណូមពរដូច្នេះថា៖« ខាងសហគមន៍ខ្ញុំសូមស្នើកម្ចី ដោយមិនបាច់ប្រើទ្រព្យបញ្ចាំ ប៉ុន្តែសហគមន៍ នឹងបំពេញលក្ខខណ្ឌមួយចំនួនជំនួសវិញ គឺផែនការផលិតច្បាស់លាស់ជាមួយសមាជិកសមាគមយើង, មានកុងត្រាច្បាស់ លាស់ ជាមួយរោងម៉ាស៊ីន ជាដើម។ ដូចនេះសុំឱ្យខាងធនាគារ ARDB យកចំណុចទាំងអស់នេះធ្វើជាគោល ដើម្បីឱ្យសហគមន៍អាចទទួលបានកម្ចីយកប្រើប្រាស់»។ លោកបានបន្ថែមថា បញ្ហាកង្វះទុនគឺជាបញ្ហាដ៏សំខាន់មួយសម្រាប់សហគមន៍ ជាពិសេសនៅពេលរដូវប្រមូលផលម្តងៗ ដោយសមាជិករបស់សមាគមត្រូវលុយបង្វិលភ្លាមៗទូទាត់ការចំណាយថ្លៃដើមរបស់គាត់។ ស្រដៀងគ្នានេះដែរ លោក ឌិន សាខន ប្រធានសហគមន៍កសិកម្មឃុំត្រពាំងឬស្សី បានឱ្យដឹងថា នៅរាល់ពេល ដល់រដូវប្រមូលផលស្រូវម្តងៗ សហគមន៍តែងជួបបញ្ហាកង្វះដើមទុនច្រើន ក្នុងការប្រមូលទិញស្រូវពីកសិករសមាជិក ដូចនេះ សហគមន៍ត្រូវការដើមទុនបន្ថែមក្នុងការប្រមូល ដោយសមាជិកមួយចំនួនរបស់សហគមន៍ជាអ្នកស្នើសុំកម្ចី ខណៈដែលសហគមន៍មិនអាចស្នើកម្ចីបានទេ។លោកបានបញ្ជាក់បន្ថែមថា ការណ៍ដែលខ្ចីមិនបាននេះដោយសារតែគេបានលើកឡើង កន្លងទៅមានសហគមន៍កសិកម្មមួយចំនួនច្រើនមានបញ្ហា ទើបសហគមន៍កសិកម្មឃុំត្រពាំងឬស្សីពិបាកក្នុងការស្វែងរកទុនមកបង្វិល។ក្នុងមួយឆ្នាំៗ សហគមន៍ត្រូវការទុនប្រមាណ៥ម៉ឺនដុល្លារ ដើម្បីប្រមូលទិញស្រូវពីកសិករ។លោកបានបញ្ជាក់ទៀតថា៖«ខាងសហគមន៍ខ្ញុំនេះ…

ភ្នំពេញ៖​ គម្រោងតបណ្តាញខ្សែកាបអុបទិក ក្រោមបាតសមុទ្រពី ក្រុង ហុងកុង-ក្រុងព្រះសីហនុ គ្រោងនឹងបញ្ចប់នៅក្នុងឆ្នាំ២០២៤ខាងមុខ។គម្រោងនេះត្រូវបានលើកឡើងក្នុងកិច្ចប្រជុំចាប់ផ្តើមគម្រោង (Kick-off Meeting) ខ្សែកាបអុបទិកក្រោមបាតសមុទ្រ ក្រុងហុងកុង-ក្រុងព្រះសីហនុ និងខ្សែកាបបន្តពីក្រុងព្រះសីហនុ មករាជធានីភ្នំពេញ នៅទីស្តីការក្រសួង ប្រៃសណីយ៍និងទូរគមនាគមន៍។ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានថ្លែង ក្នុងកិច្ចប្រជុំកាលពីចុងសប្តាហ៍កន្លងទៅនេះថា គម្រោងតបណ្តាញ ខ្សែកាបអុបទិក ក្រោមបាតសមុទ្រពី ក្រុងហុងកុង-ក្រុងព្រះសីហនុ មាន ប្រវែង២ ៧១៥គីឡូម៉ែត្រ គ្រោងនឹងបញ្ចប់នៅក្នុងឆ្នាំ ២០២៤ ខណៈ បច្ចុប្បន្ន ក្រុមការងារបច្ចេកទេស កំពុងខិតខំពន្លឿនការងារដើម្បីឈាន ទៅបញ្ចប់តាមផែនការកំណត់។ តាមរយៈគម្រោងនេះ រដ្ឋមន្ត្រីក្រសួងប្រៃសណីយ៍រូបនេះអះអាងដូច្នេះថា ៖ «បណ្តាញនេះ នឹងបង្កើនសមត្ថភាពខ្ពស់ក្នុងការផ្គត់ផ្គង់អ៊ីនធឺណិត ល្បឿន លឿន និងកាន់តែទូលំទូលាយនៅទូទាំងប្រទេស ហើយយើងសង្ឃឹម ថា ឆ្នាំ២០២៤នឹងចប់ មកដល់ស្រុកខ្មែរ! នៅពេលនោះ សមត្ថភាពអ៊ីនធឺណិត របស់យើងគឺធំ ដែលយើងលែងព្រួយពីសមត្ថភាពអ៊ីនធឺណិតចូល ហើយ យើងក៏នឹងទទួលបានសេវាអ៊ីនធឺណិតថោកជាងបច្ចុប្បន្នផងដែរ»។ ពាក់ព័ន្ធនឹងគម្រោងនេះដែរ សម្ដេចតេជោ…