ភ្នំពេញ៖ ក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និងនិស្សិត នៃវិទ្យាស្ថានជាតិបណ្តុះបណ្តាលបច្ចេកទេស (NTTI) ប្រមាណ ៥ពាន់នាក់ នៅព្រឹកថ្ងៃទី២៧ ខែកុម្ភៈ ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា បានលើកទឹកចិត្តដល់បណ្ដាប្រទេសនានា ធ្វើការវិនិយោគផ្លូវរថភ្លើងនៅកម្ពុជា ឱ្យក្លាយទៅជាផ្លូវរថភ្លើង ល្បឿនលឿនទាំងអស់ ។ សម្តេច ថា រថភ្លើងនៅកម្ពុជាសព្វថ្ងៃនេះ មានល្បឿនតែ ៣០គីឡូម៉ែត្រ ក្នុងមួយម៉ោងប៉ុណ្ណោះ ខណៈ រថភ្លើងល្បឿនលឿនរត់បាន ១៣០គីឡូម៉ែត្រ ក្នុងមួយម៉ោង ដែលធ្វើឱ្យចំណេញដល់ការដឹកជញ្ជូន។ សម្ដេចតេជោ បានបន្តថា យើងត្រូវតែធ្វើឱ្យផ្លូវរថភ្លើងរបស់យើង ក្លាយទៅជារទះភ្លើងល្បឿនលឿន ទាំងអស់ ។ សម្ដេច ក៏បានអំពាវនាវ និងលើកទឹកចិត្តឱ្យប្រទេសនានាចូលរួម ហើយចូលរួមធ្វើ BOT ដោយយើងមិនចង់ខ្ចីប្រាក់គេ ក្នុងទំហំមួយដ៏ធំ ធ្វើផ្លូវរថភ្លើងល្បឿនលឿនពីភ្នំពេញ ទៅប៉ោយប៉ែត និងពីភ្នំពេញ ទៅក្រុងព្រះសីហនុ ជំនួសឱ្យផ្លូវដែកចាស់ ៕ ដោយ វណ្ណលុក

ភ្នំពេញ៖ ក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និងនិស្សិត នៃវិទ្យាស្ថានជាតិបណ្តុះបណ្តាលបច្ចេកទេស (NTTI) ប្រមាណ ៥ពាន់នាក់ នៅព្រឹកថ្ងៃទី២៧ ខែកុម្ភៈ ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា បានលើកឡើងថា រាជរដ្ឋាភិបាល បានសម្រេចបញ្ចេញថវិការដ្ឋជាង ២៣០លានដុល្លារ សាងសង់ស្ពានឆ្លងកាត់ទន្លេមេគង្គ នៃខេត្តចំនួន៣ ភ្ជាប់ផ្លូវល្បឿនលឿន ភ្នំពេញ-បាវិត ។ សម្តេចតេជោ បានបន្តថា មិនជាយូរប៉ុន្មាន យើងនឹងបើកការដ្ឋានសាងសង់ផ្លូវល្បឿនលឿនភ្ជាប់រវាងទីក្រុងភ្នំពេញ ជាមួយនឹងបាវិត ហើយវៀតណាម នឹងធ្វើផ្លូវល្បឿនលឿនពីទីក្រុងហូជីមិញ មកភ្ជាប់និងទល់ដែនជាមួយកម្ពុជា ។ សម្តេច ជម្រាបជូនថា ពីមុន គឺខាងក្រុមហ៊ុន ចង់ធ្វើស្ពានឆ្លងកាត់ទន្លេមេគង្គ ដោយយកប្រាក់ពីប្រជាជន។ ខ្ញុំថា ខ្ញុំមិនព្រមទេ រឿងយកប្រាក់ពីប្រជាជនក្នុងការឆ្លងស្ពាន គឺខ្ញុំទទួលយកមិនបានទេ។ អញ្ចឹងសុំអ្នកឯងគិតគូឡើងវិញ ប៉ុន្តែក្រោយមក ទោះមានការគិតគូរយ៉ាងណា ក៏មិនអាចទៅរួចដែរ ។ ដើម្បីឲ្យការធ្វើដំណើរលើផ្លូវល្បឿនលឿនភ្នំពេញ-បាវិត មានតម្លៃថោក កុំឲ្យថ្លៃពេក។ដំបូងយើងចង់ឲ្យគិតពីការតម្លៃ នៃការធ្វើដំណើរក្នុងមួយគីឡូម៉ែត្រ ត្រូវយកប៉ុន្មាន ដើម្បីមិនឲ្យទៅយកតម្លៃឆ្លងស្ពាន ព្រោះប្រជាជនយើង…

ខេត្តកណ្ដាល៖ ឯកឧត្តម នូ សាខន សមាជិកក្រុមប្រឹក្សាខេត្ត តំណាងឯកឧត្តមបណ្ឌិតម៉ៅ ភិរុណ ប្រធានក្រុមប្រឹក្សាខេត្តកណ្ដាល និងឯកឧត្តម ណុប ដារ៉ា អភិបាលរងខេត្តកណ្ដាល តំណាងឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានដឹកនាំប្រតិភូខេត្តកណ្ដាល អញ្ជើញចូលរួមក្នុងពិធីប្រកាសដាក់ឱ្យដំណើរការជាផ្លូវការ ច្រកទ្វារព្រំដែនអន្តរជាតិផ្លូវគោក វិញសឿង និងបញ្ចូលតែមួយជាមួយច្រកទ្វារព្រំដែនអន្តរជាតិផ្លូវទឹក វិញសឿង ទៅជាច្រកទ្វារព្រំដែនអន្តរជាតិផ្លូវគោក និងផ្លូវទឹកវិញសឿង នៅច្រកទ្វារព្រំដែនអន្តរជាតិ ក្អមសំណ-វិញសឿង នៃប្រទេសទាំងពីរកាលពីថ្ងៃទី២៣ខែកុម្ភៈឆ្នាំ២០២៣។ ឯកឧត្តម ណុប ដារ៉ា អភិបាលរងខេត្តកណ្ដាល បានសម្ដែងនូវការអបអរសាទរ និងកោតសរសើរដល់រដ្ឋបាលខេត្តអានយ៉ាង ដែលបានខិតខំការស្នើសុំរដ្ឋាភិបាល នៃសាធារណរដ្ឋសង្គមនិយមវៀតណាម បង្កើតច្រកទ្វារព្រំដែនអន្តរជាតិផ្លូវគោកវិញសឿង ដើម្បីឱ្យស្របទៅនឹងច្រកទ្វារព្រំដែនអន្តរជាតិក្អមសំណ ក្នុងស្រុកលើកដែក ខេត្តកណ្តាល ដែលរាជរដ្ឋាភិបាល នៃព្រះរាជាណាចក្រកម្ពុជា បានបង្កើត និងដាក់ឱ្យដំណើរការជាផ្លូវការ នាឆ្នាំ២០០១ កន្លងមក។ឯកឧត្តមអភិបាលរង បន្តថា ច្រកទ្វារព្រំដែនអន្តរជាតិក្អមសំណ និងច្រកទ្វារព្រំដែនអន្តរជាតិវិញសឿង គឺជាចំណុចតភ្ជាប់ដ៏មានសារៈសំខាន់រវាងប្រទេសទាំងពីរ កម្ពុជា-វៀតណាម ក៏ដូចជារវាងខេត្តកណ្តាល និងខេត្តអានយ៉ាង ហើយច្រកទ្វារព្រំដែនអន្តរជាតិក្អមសំណ-វិញសឿង បានចូលរួមចំណែកយ៉ាងសំខាន់ក្នុងការពង្រឹងពង្រីកនូវ…

ភ្នំពេញ៖ ធនាគារជាតិនៃកម្ពុជា បានចុះហត្ថលេខាលើអនុស្សរណៈយោគយល់ (MoU) ចំនួនពីរ ដើម្បីពង្រឹងកិច្ចសហប្រតិបត្តិការផ្នែកនវានុវត្តន៍ហិរញ្ញវត្ថុ និងប្រព័ន្ធទូទាត់ជាមួយធនាគារកណ្តាលនៃកោះសូឡូម៉ូន និងធនាគារកណ្ដាលហ្វីជី នាថ្ងៃទី២៣ ខែកុម្ភៈ ឆ្នាំ២០២៣ ដើម្បីសម្រេចឱ្យបាននូវកិច្ចសហប្រតិបត្តិការក្នុងផ្នែកហិរញ្ញវត្ថុ កាន់តែល្អមួយកម្រិតទៀត តាមរយៈការប្រើប្រាស់បច្ចេកវិទ្យា ដើម្បីផ្តល់ផលប្រយោជន៍ដល់ប្រជាជនក្នុងប្រទេសនីមួយៗ។ ឯកឧត្ដម ជា ចាន់តូ ទេសាភិបាលធនាគារជាតិនៃកម្ពុជា បានមានប្រសាសន៍ថា គោលបំណងសំខាន់នៃអនុស្សរណៈយោគយល់នេះ គឺការពង្រឹងកិច្ចសហប្រតិបត្តិការក្នុងការអភិវឌ្ឍលើផ្នែកនវានុវត្តន៍ហិរញ្ញវត្ថុ និងប្រព័ន្ធទូទាត់ ព្រមទាំងដើម្បីចែករំលែកព័ត៌មានពាក់ព័ន្ធស្តីអំពីនវានុវត្តន៍ និងការទូទាត់តាមបែបឌីជីថលសម្រាប់សេវាកម្មហិរញ្ញវត្ថុ។ អនុស្សរណៈយោគយល់នេះនឹងផ្តល់ជាក្របខណ្ឌជំរុញកិច្ចសហប្រតិបត្តិការ តាមរយៈការផ្លាស់ប្តូរចំណេះដឹង និងបទពិសោធន៍ ដល់គ្នាទៅវិញទៅមក ។ ឯកឧត្ដម Luke Forau ទេសាភិបាលធនាគារកណ្តាលកោះសូឡូម៉ូន សម្ដែងក្ដីរីករាយលើកិច្ចសហប្រតិបត្តិការជាមួយធនាគារជាតិនៃកម្ពុជា ដើម្បីសិក្សាអំពីបទពិសោធន៍របស់កម្ពុជាក្នុងការប្រើប្រាស់បច្ចេកវិទ្យាដើម្បីទាញយកផលប្រយោជន៍សម្រាប់ប្រជាជនកោះសូឡូម៉ូន។ ប្រទេសកម្ពុជា បានផ្តល់ឱកាសឱ្យយើងស្វែងយល់ពីការដឹកនាំរបស់ធនាគារជាតិនៃកម្ពុជា លើការអភិវឌ្ឍបច្ចេកវិទ្យាហិរញ្ញវត្ថុ ព្រមទាំងបានផ្តល់គាំទ្របន្ថែម តាមរយៈការចុះអនុស្សរណៈនៃការយោគយល់ក្នុងកិច្ចសហប្រតិបត្តិការអភិវឌ្ឍប្រព័ន្ធទូទាត់ ដែលអាចឱ្យសាធារណជនធ្វើការទូទាត់ និងទទួលបានមូលនិធិងាយស្រួលនិងភ្លាមៗ។ ទន្ទឹមនេះ ឯកឧត្ដម Luke Forau បានគោរពអញ្ជើញឯកឧត្ដម ជា ចាន់តូ បំពេញទស្សនកិច្ចនៅកោះសូឡូម៉ូន ដើម្បីចូលរួមកិច្ចប្រជុំថ្នាក់ទេសាភិបាលធនាគារកណ្តាលប៉ាស៊ីហ្វិកខាងត្បូង លើកទី៣៨ ដើម្បីចែករំលែកបទពិសោធន៍របស់កម្ពុជា ដល់ប្រទេសជាសមាជិកដទៃទៀត…

សៀមរាប៖ ជាមួយនឹងការរីកចម្រើនឥតឈប់ឈរ ក៏ដូចជាការពង្រីកវិសាលភាពប្រតិបត្តិការឲ្យកាន់តែទូលំទូលាយ ធនាគារ អេស ប៊ី អាយ លី ហួរ បានប្រារព្ធពិធីសម្ពោធជាផ្លូវការសាខាថ្មីចំនួនបួនទីតាំង គឺសាខាក្រុងសៀមរាប សាខាឬស្សីកែវ សាខាស្រុកមុខកំពូល និងសាខាខេត្តកំពង់ចាម ដែលពិធីសម្ពោធនេះបានរៀបចំនៅធនាគារ អេស ប៊ី អាយ លី ហួរ សាខាក្រុងសៀមរាបរួមគ្នា នៅថ្ងៃទី២២ ខែកុម្ភៈ ឆ្នាំ២០២៣។ ថ្លែងក្នុងឱកាសបើកប្រតិបត្តិការសាខាថ្មីទាំងបួននេះ ឯកឧត្តម យុន លីនណេ អភិបាលរងខេត្តសៀមរាប បានមានប្រសាសន៍ថា ធនាគារ អេស ប៊ី អាយ លី ហួរ ទោះបីជាទើបទទួលបានអាជ្ញាបណ្ណពីធនាគារជាតិនៅឆ្នាំ២០២០ក៏ដោយ ឯកឧត្តមសង្កេតឃើញថា ធនាគារនេះមានការរីកចម្រើនឥតឈប់ឈរនៅកម្ពុជា ជាក់ស្តែងដូចជាថ្ងៃនេះ ធនាគារ អេស ប៊ី អាយ លី ហួរ បានដាក់ដំណើរការសាខាចំនួនបួននៅក្នុងពេលតែមួយ ដើម្បីផ្តល់សេវាហិរញ្ញវត្ថុដ៏សម្បូរបែបជូនក្រុមហ៊ុន និងអតិថិជនទាំងអស់។ ជាមួយគ្នានេះ ឯកឧត្តមអភិបាលរងបានជូនពរឲ្យធនាគារ អេស ប៊ី អាយ លី…