ភ្នំពេញ៖កម្ពុជាបង្ហាញក្ដីរំពឹងថា ការនាំចេញរបស់កម្ពុជានឹងកើនឡើងក្នុងរង្វង់ប្រមាណពី ៩,៩ភាគរយ ទៅ ១៨ភាគរយ បន្ទាប់ពីកិច្ចព្រមព្រៀងអាសិបនេះលេចចេញជារូបរាង និងអនុវត្តន៍បានពេញលេញ។នេះបើយោងតាមការបញ្ជាក់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុង​វេទិកាជាន់ខ្ពស់ស្តីពី គម្រប់ខួបអនុស្សាវរីយ៍១០ឆ្នាំ នៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (អាសិប-RCEP) និង ការប្រកាសជាផ្លូវការនៃសៀវភៅទី២ របស់វិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា(ERIA) កាលព្រឹកថ្ងៃទី២ ខែ វិច្ឆិកា ឆ្នាំ ២០២២។ ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន នាយករដ្ឋមន្ត្រីបានចាត់ទុកកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (អាសិប-RCEP ) នឹងក្លាយជាកម្លាំងចលករជំរុញលំហូរពាណិជ្ជកម្ម និងវិនិយោគ។ ទន្ទឹមគ្នានេះ សម្តេចតេជោ ហ៊ុន សែន បានមានប្រសាសន៍ថា​ ៖«ការសិក្សារបស់វិទ្យាស្ថាន ERIA សម្រាប់កម្ពុជានៅដើមឆ្នាំ២០២២នេះ បានបង្ហាញឱ្យឃើញថា ផលិតផលក្នុងស្រុកសរុប (GDP) កម្ពុជាអាចនឹងកើនឡើងបន្ថែមប្រមាណពី២ភាគរយ ទៅ៣,៨ភាគរយ។ ការនាំចេញអាចនឹងមានកំណើនបន្ថែមក្នុងរង្វង់ប្រមាណពី៩,៤ភាគរយ ទៅ១៨ភាគរយ»។ សម្តេចតេជោបន្តទៀតថា៖ឱកាសការងារប្រចាំឆ្នាំអាចកើនឡើងប្រមាណ៣,២ភាគរយទៅ៦,២ភាគរយ និងដែលចំណូលពន្ធប្រចាំឆ្នាំកើនប្រមាណ២ភាគរយ ទៅ៣,៩ភាគរយក្នុងមួយឆ្នាំ ខណៈដែលការវិនិយោគជារួម អាចកើនឡើងប្រមាណ២៣,៤ភាគរយផងដែរ»។ ជាមួយគ្នាប្រមុខរដ្ឋាភិបាលកម្ពុជាបានគូសបញ្ជាក់ថា៖ «ទោះបីជាប្រទេសអភិវឌ្ឍតិចតួចក្ដី កម្ពុជាជាប្រទេសបើកចំហសេដ្ឋកិច្ចខ្ពស់ ដោយបានផ្ដល់តម្លៃខ្លាំងទៅលើប្រព័ន្ធពហុភាគីនិយម…

ភ្នំពេញ៖ បន្ទាប់ពីស្ងប់ស្ងាត់ក្នុងពេលប៉ុន្មានឆ្នាំមកនេះ ទីបំផុតក្រុមហ៊ុនហូវៃបានអង្រួនទីផ្សារស្មាតហ្វូននៅក្នុងប្រទេសកម្ពុជាសាជាថ្មី ដោយបានអញ្ជើញអ្នកសារព័ត៌មានល្បីៗមកពីស្ថាប័នផ្សេងៗជាច្រើន មកផ្តិតយករូបភាព និងទទួលយកនូវបទពិសោធន៍ដ៏ថ្មីសន្លាង នៃកំពូលស្មាតហ្វូនមានកញ្ចក់អេក្រង់ថាច់ស្គីនរឹងមាំបំផុត គឺ Hauwei Mate 50 pro ដែលកំពុងត្រៀមខ្លួនវាយលុកដណ្តើមចំណែកទីផ្សារស្មាតហ្វូននៅក្នុងខែវិច្ឆិកានេះ។ ការដាក់បង្ហាញកំពូលស្មាតហ្វូននេះ ធ្វើឡើងនៅអគារហូវៃ ជាន់ទី១៨ ក្នុងផ្សារទំនើប Exchange Sqaure រាជធានីភ្នំពេញ នាល្ងាចថ្ងៃទី០១ ខែវិច្ឆិកា ឆ្នាំ២០២២។ ថ្លែងក្នុងពិធីនេះ តំណាងជាន់ខ្ពស់ក្រុមហ៊ុនហូវៃបានមានប្រសាសន៍ប្រាប់អ្នកសារព័ត៌មានថា ឆ្នាំនេះ ក្រុមហ៊ុន HUAWEI Mobile ប្រចាំប្រទេសកម្ពុជា បាននាំយកមកនូវកំពូលស្មាតហ្វូនកំពូល Flagship ប្រចាំឆ្នាំ គឺ HUAWEI Mate 50 Series មកកាន់ទីផ្សារកម្ពុជា ជាមួយនឹងតម្លែពិសេសបំផុតជាងក្រៅប្រទេស ដែលបំពាក់នៅបច្ចេកវិទ្យាកាមេរ៉ាជំនាន់ថ្មីរបស់ហួវៃផ្ទាល់ មានឈ្មោះថា XMAGE ពិសេសសម្រាប់យុគសម័យថ្មី នៃការថតរូប និងបំពាក់កញ្ចក់ការពារធ្លាក់បែក Kunlun Glass ដែលមានភាពធន់រឹងមាំបំផុត ការពារជម្រាបទឹក IP68 ក្នុងជម្រៅ ៦ម៉ែត្រ ថ្មសល់ ១%…

ភ្នំពេញ៖វេទិកា «ភូមិមួយផលិតផលមួយ» ដែលជាវេទិកាផ្គូរផ្គងរវាងអ្នកលក់ និងអ្នកទិញ បាននិងកំពុងធ្វើឡើងជាបន្តបន្ទាប់នៅតាមបណ្ដាខេត្តនានា ដើម្បីផ្សព្វផ្សាយ និងស្វែងរកទីផ្សារជូនផលិតផលដែលផលិតបានក្នុងស្រុក។ ដោយឡែកកាលពីថ្ងៃទី ២៧ខែតុលាកន្លងទៅ វេទិកានេះបានប្រារព្ធឡើងនៅរាជធានីភ្នំពេញផ្ទាល់ដោយមានការចូលរួមយ៉ាងច្រើនកុះករ។ ម្ចាស់សិប្បកម្មមួយរូបដែលបានចូលរួមតាំងផលិតផលរបស់ខ្លួនក្នុងវេទិកានេះផងដែរ បានបង្ហាញសេចក្ដីរីករាយ ព្រោះលោកយល់ថាអាជីវកម្មរបស់ខ្លួនទទួលបានការយកចិត្តទុកដាក់ពីភាគីពាក់ព័ន្ធនៅក្នុងស្រុក ដែលធ្វើឱ្យលោកមានការកក់ក្ដៅក្នុងចិត្ត។ លោក ម៉ៅ ចន្ទ័តារា ដែលជាម្ចាស់សិប្បកម្មតារាហ្វូតបានរៀបរាប់ថាខ្លួនតែងតែឆ្លៀតចូលរួមយកផលិតផលទៅដាក់តាំងនៅពេលមានវេទិកា«ភូមិមួយផលិតផលមួយ» ម្ដងៗ។ ប៉ុន្តែលើកនេះ ដោយធ្វើនៅក្រុងភ្នំពេញស្រាប់ ការចំណាយលើការធ្វើដំណើរត្រូវបានកាត់បន្ថយ ហើយផលិតផលរបស់លោកទៀតសោតក៏ទទួលបានការចាប់អារម្មណ៍ច្រើនគួរសម។ សិប្បកម្មដែលផ្ដោតលើការផលិតប្រេងដូង ប្រេងល្ងខ្មៅ ប្រេងសណ្ដែកដី ប្រេងសណ្ដែកផ្កាយ មិនសូវមានអ្នកស្គាល់ច្រើនប៉ុន្មានទេ ដោយហេតុថាជាផលិតផលថ្មី ប៉ុន្តែតាមរយៈការចូលរួមពិព៍ណ៍ប៉ុន្មានលើកមកនេះ លោកសង្កេតឃើញមានការស្គាល់កាន់តែច្រើនពីសំណាក់ប្រជាជនទូទៅ និងអ្នកលក់ដូចគ្នា។ លោក ម៉ៅ ច័ន្ទតារា រៀបរាប់ថា៖ «ដាក់តាំងម្សិលមិញនេះ មានអ្នកសួររកច្រើន ដោយសារមានអ្នកស្គាល់គួរសម ក្រៅពីនោះមានអ្នកភ្លក់ផលិតផល តែខ្ងី ផ្សេងៗទៀតដែរ សរុបទៅអាចលក់ដាច់ល្មម»។ លោកបញ្ជាក់ផងដែរ អំពីស្ថានភាពអាជីវកម្មរបស់លោកដោយបច្ចុប្បន្ននេះមានការជួយជ្រោមជ្រែងច្រើនពីសំណាក់គណៈកម្មការភូមិមួយផលិតផលមួយ និងសាលាបច្ចេកទេសមួយចំនួនទៀតដែលធ្វើការពាក់ព័ន្ធនឹងការច្នៃផលិតផលកសិកម្ម ខណៈពេលដែលពីមុនលោកធ្វើទៅតាមអ្វីដែលដឹងពីការស្រាវជ្រាវបន្តិចបន្តួចប៉ុណ្ណោះ។ តាមរយៈការជួយជ្រោមជ្រែងពីអ្នកពាក់ព័ន្ធក្នុងស្រុកនេះ ធ្វើឱ្យលោកបានយល់ដឹងកាន់តែច្រើនពីអាជីវកម្មរបស់ខ្លួន ពិសេសលើដំណើរការនៃការផលិតដែលមានស្តង់ដារ។ ហើយខ្លួនលោកផ្ទាល់ក៏គ្រោងនឹងពង្រីកអាជីវកម្មនេះបន្ថែមទៀត ក្រោយបានសិក្សាច្បាស់ពីវត្ថុធាតុដើមក្នុងការផលិត ដើម្បីធានាការផ្គត់ផ្គង់ទៅថ្ងៃក្រោយ។ ទន្ទឹមគ្នានេះ លោកបណ្ឌិតសួង…

ភ្នំពេញ៖តំណាងអង្គការយូណេស្កូ(UNESCO) ប្រចាំនៅកម្ពុជា ស្វែងរកការគាំទ្រពីរដ្ឋមន្ត្រីក្រសួងមហាផ្ទៃក្នុងគម្រោងប្រើប្រាស់ឌីជីថលក្នុងវិស័យអប់រំ។ ការស្នើនេះធ្វើឡើងក្នុងជំនួបរវាង លោក Sardar Umar Alam តំណាងអង្គការយូណេស្កូ (UNESCO) ប្រចាំនៅកម្ពុជានិងសម្តេចក្រឡាហោមឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ កាលពីថ្ងៃទី២៥ខែតុលាឆ្នាំ២០២២។ ក្នុងឱកាសនៃជំនួបលោក Sardar Umar Alam បានកោតសរសើររាជរដ្ឋាភិបាលកម្ពុជាលើការងារបង្ការទប់ស្កាត់ជំងឺកូវីដ-១៩ រួមទាំងការចាក់វ៉ាក់សាំងជូនប្រជាជន ខណៈដែលលោកសង្កេតឃើញយុទ្ធនាការសុខាភិបាលមួយនេះប្រព្រឹត្តទៅដោយស្មើភាព និងគ្មានការរើសអើង។ មន្ត្រីអង្គការសហប្រជាជាតិរូបនេះ បានជម្រាបសម្តេចក្រឡាហោមថា រូបលោកផ្ទាល់ក៏ទទួលបានការចាក់វ៉ាក់សាំងដូសទី៥រួចហើយ។ លោកបន្តថា ក្នុងរយៈពេលពីរឆ្នាំចុងក្រោយនេះ យូណេស្កូ បានផ្ដោតលើការអប់រំអក្ខរកម្មតាមរោងចក្រ និងអនុវត្តកម្មវិធីអប់រំកម្រិតមូលដ្ឋានតាមអ៊ីនធឺណិត និងបានពង្រីកវិសាលភាពការងារពាក់ព័ន្ធការបញ្ចេញមតិ និងការប្រយុទ្ធប្រឆាំងព័ត៌មានក្លែងក្លាយ។ លោកបន្តថា បណ្ដាញសង្គមបច្ចុប្បន្ន បានផ្លាស់ប្ដូររបៀបទទួលព័ត៌មានរបស់សាធារណជន ហើយក៏បង្កើតជាបញ្ហាស្មុគស្មាញដល់អ្នកប្រើប្រាស់ និងរាជរដ្ឋាភិបាលដែរ។ លោក Sardar Umar Alam បញ្ជាក់ថា៖« ក្នុងនោះបណ្ដាញសង្គម ក៏បង្កើតជាផលប៉ះពាល់ផ្សេងទៀត ដូចជាបទល្មើសបច្ចេកវិទ្យាជាដើម។ យូណេស្កូ បានផ្ដល់ការបណ្ដុះបណ្ដាលកងកម្លាំងនគរបាលកម្ពុជាពាក់ព័ន្ធនឹងអក្ខរកម្មឌីជីថល និងបណ្ដាញសង្គមដើម្បីប្រឆាំងព័ត៌មានមិនពិត និងព័ត៌មានប្រកបដោយការរើសអើង»។ តំណាងអង្គការ យូណេស្កូ ប្រចាំកម្ពុជាក៏បានជម្រាបសម្តេចក្រឡាហោម ស ខេង…