ភ្នំពេញ៖គណៈកម្មាធិការអន្តរក្រសួងមួយ ត្រូវបានបង្កើតឡើងនៅថ្ងៃទី៧ ខែកញ្ញាឆ្នាំ២០២២ ដើម្បីសិក្សានិងវាយតម្លៃ មុនផ្ដល់ការវិនិយោគថ្មីឲ្យ ក្រុមហ៊ុនសាងសង់ចិន (AIAI) អភិវឌ្ឍនិងគ្រប់គ្រងអាកាសយានដ្ឋាន យន្តហោះអន្តរជាតិភ្នំពេញ និងខេត្តព្រះសីហនុ ខណៈបច្ចុប្បន្ន អាកាសយានដ្ឋានទាំងពីរជាទីតាំងវិនិយោគនិងគ្រប់គ្រងដោយក្រុមហ៊ុនសម្បទានអាកាសយានដ្ឋានបារាំង(SCA)។ យោងតាមសេចក្ដីសម្រេចរបស់រដ្ឋាភិបាលចុះថ្ងៃទី០៧ ខែកញ្ញាឆ្នាំ២០២២ ចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា គណៈកម្មាធិការអន្តរក្រសួងនេះ ដឹកនាំដោយឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្រ្តី ក្រសួងរៀបចំដែនដី នគរូបនីយកម្ម និង សំណង់ជាប្រធាន ហើយឯកឧត្តម ម៉ៅ ហាវណ្ណាល់ រដ្ឋមន្ត្រី ទទួលបន្ទុក រដ្ឋលេខាធិការដ្ឋានអាកាសចរណ៍ស៊ីវិល ជាអនុប្រធានប្រចាំការ និងមានអនុប្រធាន សមាជិក ចំនួន ១៩រូបផ្សេងទៀត។ គណៈកម្មាធិការថ្មីនេះ មានតួនាទីពិនិត្យនិងសិក្សាកិច្ចព្រមព្រៀងសម្បទាន ដែលមានស្រាប់ទាំងអស់ ពាក់ព័ន្ធនឹងការវិនិយោគអាកាសយាន ដ្ឋាន អន្តរជាតិ នៅភ្នំពេញ និងខេត្តព្រះសីហនុ រវាងរដ្ឋាភិបាលជាមួយក្រុមហ៊ុន សម្បទានអាកាសយានដ្ឋាន (SCA) និងជាមួយក្រុមហ៊ុនវិនិយោគអាកាស យានដ្ឋានកម្ពុជា (CAIC) ដើម្បីរៀបចំកិច្ចព្រមព្រៀងថ្មី ឲ្យក្រុមហ៊ុនសាងសង់…

ភ្នំពេញ៖អ្នកជំនួញ និងអ្នកសេដ្ឋកិច្ច មានសុទិដ្ឋិនិយមថា ការជំរុញឲ្យ បង្កើតអគ្គលេខាធិការដ្ឋានស្តីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នៅកម្ពុជា ទំនងនឹងអាចលើកឡើង ក្នុង កិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី ៥៤ និងកិច្ចប្រជុំពាក់ព័ន្ធ ដែល នឹងចាប់ផ្ដើមនៅថ្ងៃទី១១ ដល់ថ្ងៃទី១៨ ខែកញ្ញា ឆ្នាំ២០២២ នៅក្រុងសៀមរាប។ ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានឲ្យជា យោបល់ទៀតថា កម្ពុជាគួរប្រើឱកាសនេះបន្ថែមទៀត ក្នុងការ ជំរុញ ឲ្យលេចចេញវត្តមានការិយាល័យ RCEP ខណៈកម្ពុជា ទទួលរៀបចំ កិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤ និងកិច្ចប្រជុំពាក់ព័ន្ធ ពេញមួយសប្ដាហ៍ ដោយមានការចូលរួមពីប្រទេសសេដ្ឋកិច្ចនាំមុខ និងប្រទេសដៃគូ (RCEP) នេះតែម្ដង។ លោកថ្លែងថា «នេះជាឱកាសល្អក្នុងនាមកម្ពុជា ជាប្រធានអាស៊ាន ដឹកនាំកិច្ចប្រជុំនេះ នឹងអាចសម្របសម្រួលដោះស្រាយបញ្ហាជាច្រើន ដែលប្រឈមនឹងវិបត្តិសេដ្ឋកិច្ចកំពុងតែកើតមាននៅក្នុងតំបន់ និង សកល។មួយវិញទៀតខ្ញុំជឿថា នឹងមានការជំរុញពិភាក្សាគិតគូរ លើការបង្កើតការិយាល័យអគ្គលេខាធិការដ្ឋាន (RCEP) នៅកម្ពជា បន្ទាប់ពីមានការស្នើសុំពីសម្ដេចនាយករដ្ឋមន្ត្រី ហ៊ុន សែន»។ កាលពីថ្ងៃទី៣ ខែសីហាកន្លងទៅ…

ភ្នំពេញ៖កម្ពុជាស្នើឲ្យធនាគារអភិវឌ្ឍន៍អាស៊ី ឬ អេ ឌី ប៊ី (ADB) ចូលរួម ជួយដោះស្រាយបញ្ហាប្រឈម នៅក្នុងវិស័យការងារ ដូចជា កង្វះពលករជំនាញ និងកង្វះការបណ្តុះបណ្តាលបច្ចេកទេសវិជ្ជាជីវៈ ដែលធ្វើឲ្យសមត្ថភាព និងផលិតភាពនៃកម្លាំងពលករខ្មែរ នៅមាន កម្រិតនិងមិនទាន់អាចជួយផ្គត់ផ្គង់ទីផ្សារការងារបានគ្រប់គ្រាន់។ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងនាយិកាប្រចាំ ប្រទេសកម្ពុជានៃធនាគារអភិវឌ្ឍន៍អាស៊ីកាលពីថ្ងៃទី៧ខែកញ្ញាឆ្នាំ២០២២ បានជួបពិភាក្សាការងារ ពាក់ព័ន្ធនឹងកិច្ចសហប្រតិបត្តិការ លើ វិស័យអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) រវាង ស្ថាប័ន ទាំងពីរ នៅទីស្តីការក្រសួងការងារ។ នាឱកាសជំនួបពិភាក្សានោះ ឯកឧត្តម អ៊ិត សំហេង រដ្ឋមន្ត្រី ក្រសួង ការងារ និងបណ្តុះបណ្តាលវិជ្ជាជីវៈ បានលើកឡើងពីបញ្ហាប្រឈម នានាដែលកម្ពុជាកំពុងជួបប្រទះ ក្នុងការបំពេញតម្រូវទីផ្សារការងារ ហើយបានស្នើដល់ភាគីអេ ឌី ប៊ី ចូលរួមជួយដោះស្រាយកម្ពុជា តួយ៉ាងដូចជាបញ្ហាកង្វះពលកម្មជំនាញរបស់កម្ពុជាដើម្បីផ្គត់ផ្គង់ទៅដល់ទីផ្សារការងារយុវជននិងសហគមន៍មិនទាន់ផ្តល់តម្លៃទៅលើជំនាញបច្ចេកទេសនិងវិជ្ជាជីវៈ។ ឯកឧត្តមរដ្ឋមន្ដ្រី អ៊ិត សំហេង បញ្ជាក់ថា ភាគច្រើន អ្នកដែលបានចូលរៀនជំនាញបច្ចេកទេស ច្រើនជាក្រុម ជនរងគ្រោះ អ្នកបោះបង់ការសិក្សា…

ភ្នំពេញ:អ្នកជំនាញក្នុងវិស័យម្រេច បានលើកឡើងថា ការនាំចេញម្រេចនៅក្នុងរយៈពេល៧ខែនៃឆ្នាំ២០២២នេះ ធ្លាក់ចុះប្រមាណចំនួន៧០ ភាគរយ ដោយសារម្រេចធ្លាក់ថ្លៃខ្លាំងពី១៥ ០០០ រៀលមកនៅត្រឹម១២ ០០០ រៀល។ អ្នកជំនាញអះអាងថា ការដែលម្រេចធ្លាក់ថ្លៃនេះ ធ្វើឱ្យកសិករមួយចំនួនមិនបញ្ចេញម្រេចលក់នោះទេ គឺស្តុកទុកលក់ ដោយពួកគេជឿជាក់ថា ម្រេចនឹងឡើងថ្លៃវិញនាពេលខាងមុខដ៏ខ្លី។ លោក ម៉ាក់ នី ប្រធានសហព័ន្ធម្រេច និងគ្រឿងទេសកម្ពុជា ថ្លែងប្រាប់នៅថ្ងៃព្រហស្បតិ៍ ទី០៧ កញ្ញាថា កត្តាចម្បងដែលនាំឱ្យការនាំចេញម្រេចក្នុងរយៈពេល៧ ខែនៃឆ្នាំ២០២២ នេះធ្លាក់ចុះរហូតដល់៧០ភាគរយ គឺដោយសារម្រេចមានតម្លៃថោក ហើយកសិករហាលទុកស្តុកលក់ នៅពេលដែលម្រេចមានតម្លៃខ្ពស់វិញ។ លោកថ្លែងដូច្នេះថា៖ «តម្លៃធ្លាក់ចុះ ដូច្នេះធ្វើឱ្យកសិករអត់លក់ចេញទេ។ នៅពេលដែលកសិករអត់លក់ចេញ ឈ្មួញអត់មានឥវ៉ាន់នាំចេញនោះទេ។ នេះជាកត្តាសំខាន់ជាងគេ ដោយសារបើប្រៀបធៀបតម្លៃឆ្នាំកាលពីឆ្នាំទៅ ក្នុងខែនេះតម្លៃម្រេច មួយគីឡូថ្លៃ១៥ ០០០រៀល តែឥឡូវថ្លៃតែ១២ ០០០រៀលជាង ហើយកសិករគិតថា តម្លៃនឹងប្រសើរឡើងនៅពេលខាងមុខ ដូច្នេះគាត់អត់បានលក់ចេញទេ គាត់ហាលទុក»។ យ៉ាងណាក៏ដោយ នៅក្នុងឆ្នាំ២០២២នេះ លោក ម៉ាក់ នី កត់សម្គាល់ឃើញដែរថា មានកសិករមួយចំនួន ដែលសម្រេចលក់ម្រេចចេញក្នុងរង្វង់៣០ភាគរយ ដើម្បីយកថវិកាទៅទូទាត់ការចំណាយផ្សេងៗ។…

ភ្នំពេញ:កិច្ច ប្រជុំ ចរចា ប្រាក់ ឈ្នួល អប្បបរមា របស់ កម្មករ វិស័យ វាយនភណ្ឌ កាត់ដេរ និង ផលិត ស្បែក ជើង បាន ប្រព្រឹត្ត ធ្វើ ឡើង ចំនួន ៣លើ ក រួច មក ហើយ គិត ដើម ខែ កញ្ញា នេះ ។ នៅ ក្នុង កិច្ចប្រជុំ ក្រុម ប្រឹក្សា ជាតិ ប្រាក់ ឈ្នួល អប្បបរមា លើក ទី ៣ កាល ពី ថ្ងៃ ទី ០១ ខែ កញ្ញា ភា គី តំ ណាង កម្មក…