ខេត្តស្ទឹងត្រែង៖​ ថ្លែងក្នុងពិធីបិទវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី១៧ លើកទី១ នាព្រឹកថ្ងៃទី៩ ខែមិថុនា ឆ្នាំ២០២៣ នៅសាលានគរបាលជាតិភូមិភាគ១ ឯកឧត្តមសន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃបានលើកឡើងថាៈក្រសួងមហាផ្ទៃបានយកចិត្តទុកដាក់ និងផ្តល់អាទិភាពខ្ពស់ដល់ការងារអប់រំបណ្តុះបណ្តាល ព្រមទាំងដាក់ចេញនូវផែនការកំណែទម្រង់លើកងកម្លាំងនគរបាលជាប់ជាប្រចាំ ស្របតាមគោលនយោបាយរបស់រាជរដ្ឋាភិបាលដោយបានផ្តោតសំខាន់ទៅលើការធ្វើទំនើបកម្ម និងការពង្រឹងសមត្ថភាពវិជ្ជាជីវៈនៃកងកម្លាំងនគរបាលជាតិ ឲ្យស្របទៅនឹងការវិវត្តនៃស្ថានការណ៍សន្តិសុខជាតិនិងអន្តរជាតិ ព្រមទាំងឆ្លើយតបទៅនឹងតម្រូវការនៃអង្គភាពនគរបាល ។ ឯកឧត្តមសន្តិបណ្ឌិត មានប្រសាន៍ទៀតថាៈជាការពិតណាស់ ភាពជោគជ័យដែលទទួលបាននេះ ដោយសារតែរាជរដ្ឋាភិបាលបានដាក់ចេញនូវយុទ្ធសាស្ត្រធំៗ ដែលការអភិវឌ្ឍន៍ជាតិ កម្មវិធីនយោបាយដែលបានកំណែទម្រង់លើគ្រប់វិស័យ ពីមួយអាណត្តិទៅមួយអាណត្តិ ដើម្បីជម្រុញឲ្យមានអភិបាលកិច្ចល្អ មានដំណើរការសេដ្ឋកិច្ចជាតិ ការកាត់បន្ថយភាពក្រីក្ររបស់ប្រជាពលរដ្ឋ ជាពិសេស ការអភិវឌ្ឍន៍ធនធានមនុស្សរបស់ជាតិទាំងផ្នែកស៊ីវិល និងកងកម្លាំងប្រដាប់អាវុធ តាមរយៈការបណ្តុះបណ្តាលត្រឹមត្រូវ និងប្រកបដោយគុណភាពក្នុងគោលដៅកសាងកម្លាំងថ្មី ប្រកបដោយសក្តានុពលនិងសមត្ថភាពវិជ្ជាជីវៈពិតប្រាកដសម្រាប់បន្តវេន ទាំងក្នុងក្របខណ្ឌការងារដឹកនាំគ្រប់គ្រង និងក្របខណ្ឌការងារបច្ចេកទេសគ្រប់កម្រិត និងគ្រប់វិស័យ ជាសត្យានុម័តប្រទេសជាតិ ស្ថាប័ន អង្គភាព ដែលអាចរីកចម្រើននិងរឹងមាំបានលុះត្រាតែមានធនធានមនុស្ស បទពិសោធន៍ ក្រមសីលធម៌ សមត្ថភាពជំនាញច្បាស់លាស់ បម្រើការងារពីមួយជំនាន់ទៅមួយជំនាន់ប្រកបដោយនិរន្តភាព និងចីរភាព ។ ក្នុងន័យនេះ ក្រសួងមហាផ្ទៃបានយកចិត្តទុកដាក់ខ្ពស់ និងផ្ដល់អាទិភាពដល់ការងារអប់រំបណ្ដុះបណ្ដាលកងកម្លាំងនគរបាលជាតិទាំងមន្ត្រីនគរបាលដែលទើបនឹងជ្រើសរើសថ្មី និងមន្ត្រីនគរបាលកំពុងបំពេញការងារក្នុងមុខតំណែងនានា ដើម្បីលើកកម្ពស់សមត្ថភាពដឹកនាំវិជ្ជាជីវៈនគរបាលឲ្យបានល្អប្រសើរ ក្នុងការបំពេញភារកិច្ចស្នូលរបស់ខ្លួន ។…

ភ្នំពេញ៖ រដ្ឋមន្រ្តីក្រសួងអប់រំ យុវជន និងកីឡាបណ្ឌិតសភាចារ្យ ហង់ជួន ណារ៉ុន មានប្រសាសន៍ថា ក្នុងបរិបទនេះ ការគាំពារ និងអភិវឌ្ឍន៍កុមារតូច បានដើរតួនាទីយ៉ាងសំខាន់ក្នុងការផ្តល់នូវមូលដ្ឋានគ្រឹះដ៏រឹងមាំ ក្នុងការអភិឌ្ឍធនធានមនុស្ស ដោយផ្តើមចេញពីការគាំទ្រការអនុវត្តតាមបែបពហុវិស័យបញ្ចូលគ្នា។ ការថ្លែងបែបនេះនៅក្នុងឱកាសលោកអញ្ជើញជាអធិបតីក្នុងពិធីបើកសិក្ខាសាលាផ្សព្វផ្សាយដាក់ឱ្យអនុវត្តកញ្ចប់អប់រំមាតាបិតាស្តីពីការចិញ្ចឹមបីបាច់កុមារតូចកាលពីថ្ងៃទី​០៨ ខែមិថុនា ឆ្នាំ ២០២៣។ ឯកឧត្តម ហង់ជួន ណារ៉ុន បានគូសបញ្ជាក់ដែរថា៖«ដើម្បីសម្រេចនូវចក្ខុវិស័យរបស់រាជរដ្ឋាភិបាលកម្ពុជាសម្រាប់ការគាំពារ និងអភិវឌ្ឍន៍កុមារតូច ដែលបានកំណត់ចក្ខុវិស័យ កុមារតូចទាំងអស់ចាប់តាំងពី កំណើតរហូតដល់អាយុក្រោម៦ឆ្នាំ ត្រូវទទួលបានសេវាគាំពារ និងអភិវឌ្ឍន៍ ជាពិសេសកុមារតូចរងគ្រោះ កុមារតូចងាយរងគ្រោះ និងក្រខ្សត់ ស្របតាមរដ្ឋធម្មនុញ្ញនៃព្រះរាជាណាចក្រកម្ពុជា» ។ ក្រសួងអប់រំ បានឱ្យដឹងថា ក្នុងរយៈ១០ឆ្នាំចុងក្រោយនេះ ថ្នាក់មត្តេយ្យសិក្សាគ្រប់រូបភាពមានការកើនឡើងពី ៨៩១១ ថ្នាក់ នៅឆ្នាំសិក្សា ២០១៣-២០១៤ ដល់ ១៤ ៩៥៦ថ្នាក់ នៅឆ្នាំសិក្សា ២០២២-២០២៣។ ក្នុងនោះឆ្នាំសិក្សា ២០២២-២០២៣ ថ្នាក់មត្តេយ្យសិក្សារដ្ឋមាន ៨ ៤៥២ ថ្នាក់មត្តេយ្យសិក្សាសហគមន៍មាន ៣ ៤៥៩ (ក្នុងនោះមត្តេយ្យសិក្សាសហគមន៍ មានលក្ខណៈស្តង់ដារមាន…

ភ្នំពេញ ៖ ឯកឧត្តម ទេព នីថា អគ្គលេខា ធិការ គ.ជ.ប បានអញ្ជើញចូលរួមពិធីបើកវគ្គបណ្តុះ បណ្តាលមន្រ្តី គ.ជ.ប និងភាគីពាក់ព័ន្ធ ស្តីពី “ការបោះឆ្នោតការរាប់សន្លឹកឆ្នោត និងការប្រកាសលទ្ធផលនៃការបោះឆ្នោត” សម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣បានកំពុងប្រព្រឹត្តទៅនាថ្ងៃទី ៧ ខែមិថុនា ឆ្នាំ២០២៣នេះ។ ឯកឧត្តម អគ្គលេខាធិការ គ.ជ.ប មានប្រសាសន៍ថា៖ ពីការបោះឆ្នោតមួយទៅការបោះឆ្នោតមួយទៀត គ.ជ.ប តែង តែបានរៀបចំ សន្និបាតបូកសរុបការងារបោះឆ្នោត ដើម្បីពិភាក្សាជាមួយតួអង្គសំខាន់ៗពាក់ព័ន្ធនឹងការបោះឆ្នោត ដែលរួមមានមន្រ្តីបោះឆ្នោតគ្រប់លំដាប់ថ្នាក់ ក្រសួងស្ថាប័នជាតិពាក់ព័ន្ធ អាជ្ញាធរ ដែនដី តំណាងគណបក្សនយោបាយឈរឈ្មោះបោះឆ្នោត តំណាងសមាគម និងអង្គការមិនមែនរដ្ឋាភិបាល ជំនាញការបរទេស ដើម្បីកំណត់បញ្ហាប្រឈម និងរកដំណោះស្រាយសមស្របដើម្បីធ្វើការកែលម្អ និងកែទម្រង់ការងារបច្ចេកទេសបោះឆ្នោត ឱ្យកាន់តែល្អប្រសើរ ប្រកបដោយប្រសិទ្ធភាព សុក្រឹតភាព និងតម្លាភាព ។ នៅក្រោយការបោះឆ្នោត ឆ្នាំ២០១៣ គណបក្សនយោបាយដែលមានអាសនៈក្នុងរដ្ឋសភាបានព្រមព្រៀងធ្វើការ កែ ទម្រង់ស៊ីជម្រៅទាំងលើទិដ្ឋភាពច្បាប់ ទិដ្ឋភាពបច្ចេកទេស និងស្ថាប័នរៀបចំការបោះឆ្នោត ដោយបានធ្វើវិសោធនកម្មរដ្ឋធម្មនុញ្ញនៃព្រះរាជាណាចក្រកម្ពុជា…

ភ្នំពេញ៖ បញ្ញវន្តឌីជីថលជាកម្មវិធីអប់រំកំសាន្ត ផលិតដោយក្រសួងប្រៃសណីយ៍ និងទូរគមនាគមន៍ គាំទ្រដោយ ក្រសួងអប់រំ យុវជន និងកីឡា ដែលផ្តល់ឱកាសដល់សិស្សានុសិស្ស កំពុងសិក្សាថ្នាក់វិទ្យាល័យទូទាំងប្រទេសកម្ពុជា ចាប់ពីថ្នាក់ទី១០ ១១ និងទី១២ អាចចូលរួមប្រកួតប្រជែងចំណេះដឹង បង្ហាញពីភាពច្នៃប្រឌិត និងសមត្ថភាពដោះស្រាយបញ្ហា ទៅលើប្រធានបទអំពី បច្ចេកវិទ្យាឌីជីថល។ ប្អូនៗជ័យលាភីលេខ១ ទទួលបានទឹកប្រាក់ ១៥លានរៀល , ជ័យលាភីលេខ២ ទទួលបានទឹកប្រាក់ ១០លានរៀល, និងជ័យលាភីលេខ៣ ទទួលបានទឹកប្រាក់ ៥លានរៀល ព្រមទាំងទទួលបានអាហារូបករណ៍សិក្សាថ្នាក់បរិញ្ញាបត្រ និងឱកាសទៅទស្សនកិច្ចសិក្សាជាមួយក្រុមហ៊ុនបច្ចេកវិទ្យានៅក្រៅប្រទេស។ ជាមួយគ្នានេះសិស្ស ជ័យលាភីលេខ៤ ដល់លេខ២០ នឹងទទួលបានកុំព្យូទ័រយួរដៃ ១គ្រឿង និងប្រាក់ឧបត្ថម្ភផងដែរ។ កម្មវិធីនឹងរៀបចំដោយផ្ទាល់នៅរាជធានីភ្នំពេញ ខេត្តកណ្ដាល ខេត្តតាកែវ ខេត្តសៀមរាប ខេត្តបាត់ដំបង និងខេត្តកំពង់ចាម។ដាក់ពាក្យឥឡូវនេះតាមរយៈតំណភ្ជាប់ https://forms.gle/37Hd5nrSAQU4bFCp6 ៕ ដោយ ៖ ង៉ាន់ ទិត្យ

ភ្នំពេញ៖ បារាំងនឹងផ្តល់វគ្គសិក្សានិងហ្វឹកហ្វឺន​ដល់កងរាជអាវុធហត្ថនៃមជ្ឈមណ្ឌលជាតិរក្សាសន្តិភាព ដើម្បី​ពង្រឹងស​មត្ថភាពកងទ័ពមួកខៀវកម្ពុជាក្នុងបេសកកម្មរក្សាសន្តិភាព ក្នុងការឆ្លើយតបនឹងកម្លាំងប្តូរវេនកម្ពុជា ក្រោ​មជំនួយរបស់ក្រុមការងារនៃបេសកកម្មសហប្រតិបត្តិការ និងការពារបារាំង(MCD)។​ ការផ្តល់ជូនវគ្គសិក្សារបស់ភាគីបារាំងនេះធ្វើឡើងក្នុងជំនួបសម្តែងការគួរសមរបស់លោក គ្រីស្តូហ្វេ រ៉ូសសែល( Christophe ROUSSEL) មន្រ្តីបណ្តុះបណ្តាលផ្នែកនគរបាលយុត្តិធម៌របស់បារាំង ជាមួយឯកឧត្តមនាយឧត្តមសេនីយ៍  សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព កាលពីថ្ងៃទី៥ ខែមិថុនា ឆ្នាំ២០២៣។ ​មជ្ឈមណ្ឌលរក្សាសន្តិភាព បាន​ឱ្យដឹងថា​ ការផ្តល់​វគ្គសិក្សានេះគឺដើម្បីឆ្លើយតបលើកការគាំទ្រចំពោះក​ម្លាំ​ងប្តូរវេនរបស់កម្ពុជាក្រោមឆ័ត្រអង្គការសហប្រជាជាតិ ដែលនឹងផ្តល់ចំណេះដឹងបន្ថែមដល់កងទ័ពមួកខៀវកម្ពុជា។​ វគ្គបណ្តុះបណ្តាលនេះ​ ប្រព្រឹត្តទៅជិតមួយខែ ដោយចាប់ផ្តើមពីថ្ងៃទី៦ខែមិថុនានេះ​ ដល់ថ្ងៃទី៣០ ខែមិថុនា​នៅវិទ្យាស្ថានហ្វឹកហ្វឺនកងកម្លាំងរក្សាសន្តិភាពឧដុង្គក្រោមការបណ្តុះបណ្តាលពីក្រុមការងារនៃបេសកកម្មសហប្រ​តិបត្តិការ និងការពារបារាំង (MCD)។​ ​​ក្នុងឱកាសនេះឯកឧត្តមនាយឧត្តមសេនីយ៍ សែម សុវណ្ណនី បានសម្តែងអំណរអរគុណយ៉ាងជ្រាលជ្រៅដល់ភាគីបារាំងក្នុងការជួយជ្រោមជ្រែង និ​ងផ្តល់កិច្ចសហប្រតិបត្តិការដល់កម្ពុជា ​ពិសេសសម្រាប់ជំនួយវគ្គបណ្តុះបណ្តាលនេះ ហើយលោកក៏បានស្នើ​សុំបារាំង​ផ្តល់វគ្គសិក្សាខ្លីតែខ្លឹមដល់កម្ពុជាបន្តទៀត​ ដើម្បីពង្រឹងការបំពេញបេសកកម្មរក្សាសន្តិភាពប្រ​ក​បដោយប្រសិទ្ធភាព។​ ជុំវិញបញ្ហានេះដែរបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជាយល់ថា ជំនួយវគ្គបណ្តុះបណ្តា​លនេះជារឿងល្អប្រសើរក្នុងការពង្រឹងសមត្ថភាពកងទ័ពមួកខៀវកម្ពុជា សម្រាប់បម្រើដល់បេសកកម្មថែរក្សាសន្តិភាព ព្រោះជាបេសកកម្មដែលប្រឈមនឹងគ្រោះថ្នាក់ ក្នុងតំបន់ដែលកំ​ពុងមានបញ្ហា ដែលទា​មទា​របច្ចេកទេស និងសមត្ថភាពខ្ពស់តាមរយៈការបណ្តុះបណ្តាលច្បាស់លាស់។​​ លោកបាន​ប្រាប់​ថា ៖ «ការចូលរួមថែរក្សាសន្តិភាពរបស់កម្ពុជាទៅកាន់បណ្តាប្រទេសដែលជួបវិបត្តិរ៉ាំរ៉ៃ ជាសកម្មភាពអន្តរជាតិដែលកម្ពុជាចូលរួមថែរក្សាសន្តិភាពសាកល ខណៈកម្ពុជាធ្លាប់មានបទពិសោធន៍ខ្លួនឯ​ង ដែលស្តែងឡើងក្នុងសម័យអ៊ុនតាក់(​UNTAC) ទទួលបានជំនួយទ័ពពីប្រទេសនានាក្នុងគ្រាកន្លងទៅ»។​…

ត្បូងឃ្មុំ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា ព្រឹកថ្ងៃទី៥ ខែមិថុនា ឆ្នាំ២០២៣នេះ បានអញ្ជើញ ប្រគល់សញ្ញាបត្រជូននិស្សិតជ័យលាភីនៃសាកលវិទ្យាល័យ ហេង សំរិន ត្បូងឃ្មុំ ដែលបានបញ្ចប់ការសិក្សាដោយជោគជ័យ ក្នុងកម្រិតថ្នាក់បរិញ្ញាបត្រជាន់ខ្ពស់ បរិញ្ញាបត្រ និងបរិញ្ញាបត្ររង សរុបចំនួន ១២៤៩នាក់ ស្រី ៧៣៧នាក់។ សម្តេច បានមានប្រសាសន៍ថា ធនធានមនុស្ស គឺជាកត្តាសំខាន់ និងមិនអាចខ្វះបានសម្រាប់កសាង និងអភិវឌ្ឍសង្គមជាតិ។ ប្រទេសនីមួយៗអាចរីកចម្រីនជឿនលឿនទៅបានគឺអាស្រ័យដោយមានធនធានមនុស្សប្រកបដោយចំណេះវិជ្ជា គតិបណ្ឌិត និង សីលធម៌ល្អ ដែលចេះគិតគូរដោះស្រាយរាល់បញ្ហាប្រកបដោយភាពឆ្លាតវៃ និងអាចដឹកនាំប្រកប ដោយភាពប៉ិនប្រសប់។ សម្តេចប្រធានរដ្ឋសភា បានបន្តថា កម្ពុជាពេលនេះកំពុងមានសុខសន្តិភាព មានភាពសុខដុមរមនា គ្មានជម្លោះជាអំពើហិង្សា និងសង្គ្រាម។ ក្រោមម្លប់សន្តិភាព ក្នុងរយៈពេលជាងពីរទសវត្សមកនេះ យុវជន យើងពិតជាមានឱកាសច្រើនណាស់បើប្រៀបធៀបរវាងយុវជនសម័យសង្គ្រាម និងយុវជនសម័យសន្តិភាព គឺខុសគ្នាស្រលះ សឹងតែមិនអាចប្រៀបធៀបបានឡើយ។ យុវជនសម័យសង្គ្រាម មិនត្រឹមតែបាត់បង់ឱកាសល្អៗគ្រប់យ៉ាងប៉ុណ្ណោះទេ ប៉ុន្តែត្រូវបាត់បង់ទាំងជីវិត ឬត្រូវរបួសពិការទៀតផង។ ដោយឡែក យុវជនសម័យសន្តិភាព គឺពិតជាទទួលបានពីសមិទ្ធផលនៃការអភិវឌ្ឍសេដ្ឋកិច្ច-សង្គម តាមរយៈការអប់រំ…