ភ្នំពេញ៖ មន្រ្តីគណៈកម្មាធិការជាតិរៀបចំការបោះឆ្នោត(គ.ជ.ប) បានឱ្យដឹងថា បើទោះបីជាកម្ពុជាមានការកសាងហេដ្ឋារចនាសម្ព័ន្ធល្អប្រសើរជាងមុនក្តី ប៉ុន្តែនៅខេត្តនិងតំបន់មួយចំនួន នៅតែទាមទារឱ្យប្រើប្រាស់មធ្យោ​បា​យ​ដឹកជញ្ចូនតាមផ្លូវទឹក អាកាស និងតាមគោយន្ត ដើម្បីដឹកជញ្ជូនសម្ភារបម្រើឱ្យការបោះឆ្នោតទៅដល់គោលដៅ។ តាមរយៈវីដេអូកិច្ចសម្ភាសន៍តាមប្រព័ន្ធអនឡាញរបស់ គ.ជ.ប លើប្រធានបទ «ការដឹកជញ្ជូន និងការបែ​ងចែកសម្ភារសម្រាប់ការងារបោះឆ្នោត» លោក ឌី ភីរុណ ជំនួយការ គ.ជ.ប និងជាប្រធាននាយកដ្ឋានប្រ​តិបត្តិការបានឱ្យដឹងថាពាក់ព័ន្ធផែនការដឹកជញ្ជូនសម្ភារបោះឆ្នោតនៅក្នុងការបោះឆ្នោតជ្រើសតាំងតំណាង​រាស្រ្តនីតិកាលទី ៧ ឆ្នាំ ២០២៣ គឺមាន ៤ដំណាក់កាលធំៗ។ ក្នុងនោះបីដំណាក់កាល គឺជាការដឹកជញ្ជូន និងប្រគល់ជូនទៅគណៈកម្មការរៀបចំការបោះឆោតថ្នាក់ក្រោម និងដំណាក់កាលចុងក្រោយ គឺជាការចុះដឹកជញ្ជូនប្រមូលសម្ភារនោះត្រឡប់មកវិញ ដើម្បីរក្សាទុកនៅ គ.ជ.ប. ។ លោកឱ្យដឹងដែរថា បើសង្កេតជាទូទៅលើភូមិសាស្រ្ត និងហេដ្ឋារចនាសម្ព័ន្ធនៅកម្ពុជា​​ ឃើញថាកាន់តែមាន​ភាពល្អប្រសើរឡើង ដូច្នេះការដឹកជញ្ជូនពីថ្នាក់ជាតិ ទៅថ្នាក់រាជធានីខេត្ត មិនមានចោទណាមួយនោះទេ សម្រាប់មធ្យោបាយដឹកជញ្ជូន ទាំងផ្លូវគមនាគមន៍​។ ប៉ុន្តែលោកថាចំពោះតំប​ន់ភូមិសាស្រ្តស្មុគស្មាញខ្លះដែលត្រូវធ្វើការដឹកជញ្ជូនពីខេត្តទៅឃុំ សង្កាត់ មានជួបបញ្ហាប្រឈមខ្លះដែរពីខេត្តទៅឃុំ និងពីឃុំទៅការិយាល័យ ជួបបញ្ហាតិចតួច ដែលទាមទារ​ត្រូ​វប្រើប្រាស់មធ្យោបាយផ្សេងៗ ដើម្បីធ្វើឱ្យការដឹកជញ្ជូនសម្ភារនេះបានទៅដល់គោលដៅដោយសុវត្ថិភាព។ លោកនិយាយថា មធ្យោបាយទាំងនោះមានដូចជា ការប្រើប្រើប្រាស់មធ្យោបាយតាមផ្លូវទឹក ដែលក្នុងនោះ មា​ន​ឃុំមួយ ឬពីរនៅខេត្តបាត់ដំបង…

ភ្នំពេញ៖គណបក្សប្រជាជនកម្ពុជាបានស្ថិតនៅលំដាប់ លេខរៀង ទី១៨លើសន្លឹកឆ្នោតសម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ ដែលមានគណបក្សចំនួន១៨ចូលរួម។។នេះបើយោងតាមលទ្ធផលនៃការចាប់លេខរៀដោយសម្ដេច ព្រះសង្ឃរាជទាំងពីរគណៈ។ នាព្រឹកថ្ងៃទី២៩ខែឧសភាឆ្នាំ២០២៣នេះនៅទីស្ដីការគណៈកម្មាធិការជាតិរៀបចំការបោះឆ្នោត(គ.ជ.ប)បានរៀបចំពិធីចាប់ឆ្នោតដើម្បីកំណត់លំដាប់លេខរៀងឈ្មោះគណបក្សនយោបាយឈរឈ្មោះបោះឆ្នោតនៅនៅលើសន្លឹកឆ្នោតសម្រាប់ការបោះឆ្នោតជ្រើស តាំង តំណាងរាស្រ្តនីតិកាលទី៧ នៅថ្ងៃ ២៣ខែកក្កដាឆ្នាំ២០២៣ ខាងមុខ។ការចាប់ឆ្នោតបានរៀបចំដោយគ.ជ.ប និងចាប់ឆ្នោតដោយ សម្ដេចព្រះសង្ឃរាជ ទាំងពីរគណៈ។ជាលទ្ធផលគណបក្សប្រជា ជន កម្ពុជាបានស្ថិតនៅលេខរៀងទី១៨លើសន្លឹកឆ្នោតដែលមានគណបក្សចំនួន១៨ចូលរួម។ សូមជម្រាបថា គណបក្សនយោបាយដែលបានទទួលស្គាល់ ដោយ គ.ជ.បឈរឈ្មោះចូលរួមក្នុងការបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣មានចំនួន១៨គណបក្ស ។ ក្នុងនោះ៖ គណបក្សប្រជាជនកម្ពុជា,គណបក្សយុវជនកម្ពុជា,គណបក្សខ្មែររួបរួមជាតិ,គណបក្សធម្មាធិបតេយ្យ,គណបក្សកម្លាំងប្រជាធិបតេយ្យ,គណបក្សសញ្ជាតិកម្ពុជា ,គណបក្សខ្មែរតែមួយ,គណបក្សខ្មែរអភិរក្ស ,គណបក្សហ៊្វុនស៊ិនប៉ិច,គណបក្សសំបុកឃ្មុំសង្គមប្រជាធិបតេយ្យ,គណបក្សបំណងពលរដ្ឋ ,គណបក្សឯកភាពជាតិខ្មែរ ,គណបក្សស្ត្រី ដើម្បីស្ត្រី,គណបក្សខ្មែរឈប់ក្រ, គណបក្សខ្មែរអភិវឌ្ឍន៍សេដ្ឋកិច្ច ,គណបក្សជនជាតិដើមប្រជាធិបតេយ្យកម្ពុជា,គណបក្សប្រជា ធិ បតេយ្យមូលដ្ឋាននិងគណបក្សកសិករ៕ ដោយ៖រ៉ាវុធ