ហ្សឺណែវ ៖ អ៊ីស្រាអែល និងក្រុមហេសបូឡា ដែលមានអ៊ីរ៉ង់ជាខ្នងបង្អែក បានឯកភាពឱ្យមានបទឈប់បាញ់ថ្មីមួយ ដែលនឹងចាប់ផ្តើមអនុវត្តពីម៉ោង ៤ រសៀល (ម៉ោងក្នុងតំបន់) នៅថ្ងៃទី១៩ ខែមិថុនានេះតទៅ បន្ទាប់ពីភាគីទាំងពីរបានបើកការវាយប្រហារគ្នាយ៉ាងខ្លាំងក្លាស្ទើរពេញមួយយប់នៅលីបង់ ។ បើតាមមន្ត្រីអាមេរិកមួយរូបសុំមិនបញ្ចេញឈ្មោះ បទឈប់បាញ់ថ្មីនេះ កើតចេញពីការសម្របសម្រួល ពីសំណាក់អ្នកចរចារបស់សហរដ្ឋអាមេរិក និងកាតា ព្រមទាំងមានជំនួយពីអ៊ីរ៉ង់ ។ យ៉ាងណា បទឈប់បាញ់ថ្មីនេះ នៅតែមានភាពផុយស្រួយខ្លាំង ដោយសារមានការទាមទារសងសឹកពីមន្ត្រីស្តាំនិយមជ្រុលរបស់អ៊ីស្រាអែល ហើយក្រុមហេសបូឡាក៏បានព្រមានទុកពេលឱ្យអ៊ីស្រាអែល ២ ខែ ដើម្បីដកទ័ពចេញពីលីបង់ទាំងស្រុងផងដែរ ។ យោងតាម Straits Times, ការកើនឡើងជម្លោះប្រដាប់អាវុធនៅលីបង់ បានបង្កភាពតានតឹងដល់កិច្ចព្រមព្រៀងសន្តិភាពបណ្តោះអាសន្ន រវាងសហរដ្ឋអាមេរិក និងអ៊ីរ៉ង់ ដែលបានចុះហត្ថលេខាកាលពីថ្ងៃទី១៧ ខែមិថុនា ដើម្បីបញ្ចប់សង្គ្រាមនានានៅតំបន់មជ្ឈិមបូព៌ា ៕ ប្រភព ៖ The Straits Times ប្រែសម្រួល ៖ ឈឹម ទីណា

កៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានដាក់ឱសានវាទរយៈពេលមួយសប្តាហ៍ទៅកាន់ប្រធានាធិបតីបេឡារុស លោក អាឡិចសាន់ឌឺ លូកាសិនកូ ដើម្បីដក ឬបិទឧបករណ៍បញ្ជូនសញ្ញានៅតាមតំបន់ព្រំដែន ដែលកងទ័ពរុស្ស៊ីកំពុងប្រើប្រាស់ សម្រាប់តម្រង់ទិសដៅវាយប្រហារលើប្រជាជនស៊ីវិលអ៊ុយក្រែន ។ លោក ហ្សេលេនស្គី បាននិយាយក្នុងសន្និសិទសារព័ត៌មាននៅទីក្រុងកៀវ កាលពីថ្ងៃ សុក្រ ថា នៅតាមបណ្តោយខេត្តចំនួនពីររបស់បេឡារុស ដែលជាប់ព្រំដែនអ៊ុយក្រែន មានដំឡើងប្រព័ន្ធស្ថានីយបញ្ជូនសញ្ញានៅលើអង់តែនខ្ពស់ៗ ដែលរុស្ស៊ីប្រើសម្រាប់បញ្ជា និងតម្រង់ទិសដៅយន្តហោះដ្រូន ឬមីស៊ីលមកលើជនស៊ីវិល និងកុមារអ៊ុយក្រែនជារៀងរាល់ថ្ងៃ ។ មេដឹកនាំអ៊ុយក្រែនរូបនេះ បានសង្កត់ធ្ងន់ថា ប្រសិនបើលោក លូកាសិនកូ មិនចង់ចូលរួមដោយផ្ទាល់ក្នុងសង្គ្រាមនេះទេ គឺត្រូវតែប្រញាប់ដក ឬបិទឧបករណ៍ទាំងនោះចោលក្នុងរយៈពេលមួយសប្តាហ៍ ។ ប៉ុន្តែប្រសិនបើគាត់មិនធ្វើទេ នោះយើងនឹងធ្វើវាដោយខ្លួនឯង ។ លោក ហ្សេលេនស្គី ចង់សំដៅលើការវាយប្រហារកម្ទេចឧបករណ៍ទាំងនោះពីសំណាក់កងទ័ពអ៊ុយក្រែន ។ បើតាម Kyiv independent, ក្រៅពីឧបករណ៍យោធា លោក ហ្សេលេនស្គី ថែមទាំងបានរិះគន់វិស័យប្រេងរបស់បេឡារុសផងដែរ ដោយលោកបានចោទប្រកាន់ចំៗថា ប្រទេសនេះគឺជាអ្នកផ្គត់ផ្គង់ប្រេងឥន្ធនៈដ៏សំខាន់មួយ ដើម្បីបម្រើដល់កងទ័ពរុស្ស៊ីអាចបន្តធ្វើសង្គ្រាមនៅអ៊ុយក្រែន ៕…

ប៉េកាំង ៖ ប្រទេសចិនកាលពីថ្ងៃព្រហស្បតិ៍បានជំរុញឱ្យអង្គការណាតូ ឆ្លុះបញ្ចាំងឲ្យបានច្បាស់ អំពីតួនាទីរបស់ខ្លួន ក្នុងការរក្សាសន្តិភាព និងស្ថិរភាពរបស់ពិភពលោក ។ ការជំរុញរបស់ចិន កើតឡើង បន្ទាប់ពីអគ្គលេខាធិការអង្គការណាតូ លោក Mark Rutte និយាយថា អង្គការណាតូមួយនេះ កំពុងតាមដានយ៉ាងយកចិត្តទុកដាក់លើការគាំទ្ររបស់ទីក្រុងប៉េកាំង ចំពោះរុស្ស៉ី ក្នុងសង្រ្គាមអ៊ុយក្រែន ។ បើតាម China Daily, ក្រសួងការបរទេសចិន បានជំរុញឱ្យបក្សសម្ព័ន្ធយោធាលោកខាងលិចមួយនេះ កែតម្រូវការយល់ខុសរបស់ខ្លួន ចំពោះប្រទេសចិន ។ ក្រសួងថែមទាំងអំពាវនាវដល់ណាតូបញ្ឈប់ការញុះញង់ឱ្យមានការប្រឈមមុខដាក់គ្នា និងការបៀតបៀនប្រទេសចិនផងដែរ ជាពិសេសគួរតែឆ្លុះបញ្ចាំងឲ្យបានច្បាស់ថាតើខ្លួនដើរតួនាទីអ្វីខ្លះ ក្នុងការរក្សាសុខសន្តិភាព និងស្ថិរភាពរបស់ពិភពលោកទាំងមូល ។ យោងតាម Anadolu, អ្នកនាំពាក្យក្រសួងការបរទេសចិន លោក Lin Jian បានបន្ថែមទៀតថា ប្រទេសចិនបានប្រកាន់ខ្ជាប់នូវគោលជំហរអព្យាក្រឹត និងយុត្តិធម៌ ។ លោកថា ចិនតែងតែខិតខំប្រឹងប្រែងឥតឈប់ឈរ ដើម្បីបញ្ចប់អរិភាព និងលើកកម្ពស់ការចរចាសន្តិភាព ទាក់ទងនឹងសង្គ្រាមរុស្ស៊ី-អ៊ុយក្រែន ។ លោក Lin អះអាងជាថ្មីថា ប្រទេសចិនមិនបានផ្តល់អាវុធប្រល័យជីវិតមនុស្សដល់ភាគីណាមួយនៃជម្លោះនោះទេ ហើយថែមទាំងបានអនុវត្តការគ្រប់គ្រងយ៉ាងតឹងរ៉ឹងលើគ្រឿងសម្ភារៈដែលអាចប្រើប្រាស់បានពីរយ៉ាង…

កៀវ ៖ ប្រធានាធិបតីអ៊ុយក្រែន លោក Volodymyr Zelensky នៅថ្ងៃ ព្រហស្បតិ៍ បានស្រែកព្រមានខ្លាំងៗថា រដ្ឋធានីមូស្គូ ដែលជាក្បាលម៉ាស៊ីនជំរុញកំណើនសេដ្ឋកិច្ចជាតិរបស់រុស្ស៊ី នឹងត្រូវលេបត្របាក់ដោយភ្លើងឆេះយ៉ាងសន្ធោរសន្ធៅ ប្រសិនបើរុស្ស៊ីនៅតែបន្តគឃ្លើនវាយប្រហារលើអ៊ុយក្រែន ។ ការគំរាមរបស់លោក Zelensky កើតឡើងបន្ទាប់ពីអ៊ុយក្រែនបានបាញ់យន្តហោះគ្មានមនុស្សបើកឈុតធំ សងសឹកចំពោះការវាយប្រហារដោយមីស៊ីល និងដ្រូនរបស់រុស្ស៊ី ដែលបានសម្លាប់មនុស្សចំនួន ១០នាក់ និងបំផ្លាញទីអារាម Kyiv Pechersk Lavra អាយុកាល ១.០០០ឆ្នាំ កាលពីថ្ងៃទី១៥ ខែមិថុនា ។ បើតាម Straits Times, នៅក្នុងសារសំលេងដែលបានផ្ញើទៅកាន់អ្នកសារព័ត៌មានតាមក្រុម WhatsApp, លោកប្រធានាធិបតី Zelensky បាននិយាយយ៉ាងដូច្នេះថា យើងមិនចង់បានសង្គ្រាមនេះទេ… យើងមិនដែលចង់បានឡើយ ។ លោក Zelensky ថា មនុស្សគ្រប់គ្នាដឹងរឿងនេះ ហើយដៃគូរបស់យើងក៏ដឹងរឿងនេះដែរ ប៉ុន្តែប្រសិនបើអ៊ុយក្រែនឆេះ… នោះទីក្រុងមូស្គូរបស់អ្នក ក៏នឹងឆេះយ៉ាងសន្ធោសន្ធៅដូចគ្នាដែរ ។ ក្រៅពីគំរាមដុតកម្លោចរដ្ឋធានីរបស់រុស្ស៊ី មេដឹកនាំអ៊ុយក្រែនមានវ័យ៤៨ឆ្នាំរូបនេះ ថែមទាំងបានអំពាវនាវដល់សម្ព័ន្ធមិត្តអឺរ៉ុប និងសហរដ្ឋអាមេរិក ឲ្យបង្កើនសម្ពាធប្រឆាំងនឹងរុស្ស៊ី…

សេអ៊ូល៖ លោក Lee Jae Myung មេដឹកនាំកូរ៉េខាងត្បូង អះអាង នៅថ្ងៃសុក្រនេះថា លោកបាននិយាយប្រាប់ទៅកាន់ ប្រធានាធិបតីអាមេរិក លោក Donald Trump ដោយផ្ទាល់ថា ការដាក់ទណ្ឌកម្មលើកូរ៉េខាងជើង ជុំវិញកម្មវិធីនុយក្លេអ៊ែរ លែងមានប្រសិទ្ធភាព ព្រោះតែទំនាក់ទំនងកាន់តែជិតស្និទ្ធ រវាងទីក្រុងមូស្គូ និងទីក្រុងព្យុងយ៉ាង តាមរយៈជំនួយរបស់រុស្ស៊ី។ លោក Lee បានប្រាប់អ្នកយកព័ត៌មាន នៅទីក្រុងសេអ៊ូលថា លោកបានលើកពីចំណុចនេះ អំឡុងពេលជួប លោក Trump នៅក្រៅកិច្ចប្រជុំកំពូលរបស់ប្រទេសអ្នកមានទាំង៧ ឬ G7 នៅបារាំង កាលពីថ្ងៃព្រហស្បតិ៍។ លោក Lee រៀបរាប់ថា «ខ្ញុំបានប្រាប់គាត់ អំពីការដាក់ទណ្ឌកម្ម និងសម្ពាធ ប្រឆាំងនឹងកូរ៉េខាងជើង គឺគ្មានប្រសិទ្ធភាពទេ ហើយ ឥទ្ធិពលនៃការដាក់ទណ្ឌកម្ម បានធ្លាក់ចុះ ដោយសារកិច្ចសហប្រតិបត្តិការយោធា រវាងកូរ៉េខាងជើង និងរុស្ស៊ី ដែលកើតចេញពីសង្គ្រាម នៅអ៊ុយក្រែន។ លោក Lee Jae Myung បានគូសបញ្ជាក់ប្រាប់…

ហ្សឺណែវ ៖ កម្មវិធីចុះហត្ថលេខាលើកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់នៅថ្ងៃសុក្រនេះត្រូវបានលុបចោល បន្ទាប់ពីអ៊ីស្រាអែលនិង ក្រុមប្រដាប់អាវុធ ហេសបូឡានៅក្នុងប្រទេសលីបង់ នៅតែគឃ្លើនបន្តប្រយុទ្ធគ្នារំលោភលើបទឈប់បាញ់ ឬ អនុស្សរណៈនៃការយោគយល់គ្នា Mou រវាងអាមេរិក និងអ៊ីរ៉ង់ ។ បើតាមក្រសួងការបរទេសស្វីស, «កិច្ចពិភាក្សា ដែលត្រូវបានគ្រោងទុក រវាងសហរដ្ឋអាមេរិក និងអ៊ីរ៉ង់ នៅឯរមណីយដ្ឋានកំពូលភ្នំ Burgenstock នាថ្ងៃទី១៩ ខែមិថុនានេះ នឹងមិនកើតមានឡើងនោះទេ» ។ ការប្រកាសនេះត្រូវបានធ្វើឡើងភ្លាមៗ បន្ទាប់ពី អនុប្រធានាធិបតីអាមេរិក លោក JD Vance បានសម្រេចលុបចោល ដំណើរទៅជួបអ្នកចរចាអ៊ីរ៉ង់ដោយផ្ទាល់ នៅប្រទេសស្វីស នាថ្ងៃទី១៩ ខែមិថុនានេះដើម្បីចាប់ផ្តើមកិច្ចពិភាក្សា ស្តីពីការអនុវត្តកិច្ចព្រមព្រៀង រវាងទីក្រុងតេហេរ៉ង់ និង ទីក្រុង វ៉ាស៊ីនតោន ឈានឆ្ពោះទៅបញ្ចប់សង្គ្រាម របស់គូជម្លោះ ទាំងពីរ ។ សេតវិមានបញ្ជាក់ថា ហេតុផលនៃការលុបចោលដំណើរនេះ គឺដោយសារតែកិច្ចពិភាក្សាបច្ចេកទេស មិនទាន់ត្រូវបានបញ្ចប់រួចរាល់ នៅឡើយទេ។ យ៉ាងណា កិច្ចព្រមព្រៀងបញ្ចប់ជម្លោះ រួមទាំងនៅលីបង់នេះ ខកខានមិនបានចុះហត្ថលេខា ក្រោយពេលដែល…