ហ៊្សេរុយសាឡិម ៖ នាយករដ្ឋមន្ត្រីអ៊ីស្រាអែល លោក Benjamin Netanyahu បានចេញបញ្ជាជាផ្លូវការ ឱ្យវាតទីប្រតិបត្តិការយោធា និងវាយលុកកាន់តែជ្រៅចូលទៅក្នុងទឹកដីប្រទេសលីបង់ ដើម្បីកម្ទេច និងពង្រីកការគ្រប់គ្រងលើតំបន់នានារបស់ក្រុមហេសបូឡា ។ បទបញ្ជាដ៏ក្តៅគគុកនេះ ត្រូវបានប្រកាសឡើង ទោះបីជាមានកិច្ចព្រមព្រៀងបទឈប់បាញ់ជាង ៦ សប្តាហ៍ ចាប់តាំងពីពាក់កណ្តាលខែមេសាក៏ដោយ ។ យ៉ាងណា លោក Netanyahu បានអះអាងថា គោលបំណងធំនៃបទបញ្ជានេះ គឺដើម្បីគ្រប់គ្រង និងពង្រីកទឹកដីបន្ថែមទៀត នៅតំបន់ដែលធ្លាប់ជាទីតាំងរឹងមាំរបស់ក្រុមប្រដាប់អាវុធហេសបូឡា ។ មកទល់ពេលនេះ កងទ័ពអ៊ីស្រាអែល កំពុងតែព្យាយាមវាយរុលទៅមុខ បន្តពីទន្លេ Litani សំដៅទៅរកទន្លេ Zaharani ដែលមានចម្ងាយប្រហែល ១០គីឡូម៉ែត្របន្ថែមទៀតនៅភាគខាងជើង ។ អ៊ីស្រាអែលនិយាយថា ការបង្កើនកម្លាំងយោធានេះ ធ្វើឡើងបន្ទាប់ពីក្រុមហេសបូឡាបានប្រើប្រាស់យន្តហោះគ្មានមនុស្សបើកអត្តឃាត វាយប្រហារបណ្តាលឱ្យទាហានអ៊ីស្រាអែលជាច្រើននាក់ស្លាប់ និងរបួស ។ បើតាម Straits Times, ព័ត៌មាននៃការវាយលុកកាន់តែជ្រៅរបស់អ៊ីស្រាអែលចូលលីបង់នេះ ក៏បានរុញច្រានឱ្យតម្លៃប្រេងឆៅលើទីផ្សារពិភពលោក ហក់ឡើងជាង ២% ភ្លាមៗ ដោយសារក្តីបារម្ភពីស្ថិរភាពផ្គត់ផ្គង់ប្រេងនៅមជ្ឈិមបូព៌ា ។ យោងតាមរបាយការណ៍,…

អូស្លូ, គូឡា ឡាំពួ ៖ ប្រទេស ន័រវេស តាមរយៈសេចក្តីរាយការណ៍ បានសុំទោស ម៉ាឡេស៊ី ចំពោះការលុបចោលកិច្ចព្រមព្រៀងមីស៊ីល នេះបើតាមប្រព័ន្ធផ្សព្វផ្សាយក្នុងស្រុក បានរាយការណ៍ កាលពីថ្ងៃអាទិត្យ។ ប្រទេស ន័រវែស បានសុំទោសដល់ម៉ាឡេស៊ី ចំពោះការលុបចោលអាជ្ញាប័ណ្ណនាំចេញ សម្រាប់ប្រព័ន្ធមីស៊ីល Naval Strike Missile (NSM) ប៉ុន្តែ បានរក្សាការសម្រេចចិត្តរបស់ខ្លួន ក្នុងការលុបចោលកិច្ចព្រមព្រៀងនេះ។ រដ្ឋមន្ត្រីក្រសួងការពារជាតិម៉ាឡេស៊ី លោក Mohamed Khaled Nordin បាននិយាយថា បញ្ហានេះ ក៏ត្រូវបានលើកឡើង ក្នុងជំនួបទ្វេភាគី ជាមួយសមភាគីន័រវេស លោក Tore O. Sandvik នៅខាងក្រៅកិច្ចសន្ទនា Shangri-La នៅប្រទេសសិង្ហបុរី កាលពីចុងសប្តាហ៍ នេះបើយោងតាមការចុះផ្សាយ របស់សារព័ត៌មាន Malay Mail។ ដំណឹងនេះបានកើតឡើង នៅប៉ុន្មានថ្ងៃ បន្ទាប់ពីនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បានរិះគន់ការសម្រេចចិត្តរបស់ទីក្រុងអូស្លូ ដោយព្រមានថា…

អ.ស.ប ៖ ក្រុមប្រឹក្សាសន្តិសុខ អង្គការសហប្រជាជាតិ នឹងបើកកិច្ចប្រជុំ ស្តីពីប្រទេសលីបង់ នៅថ្ងៃចន្ទនេះ។ ប្រភពការទូតបានប្រាប់កាសែត Anadolu ថាកិច្ចប្រជុំនេះ ធ្វើឡើងតាមសំណើ របស់ប្រទេសបារាំង ដែលបានពណ៌នាប្រតិបត្តិការយោធា ដែលកំពុងបន្តរបស់អ៊ីស្រាអែល នៅក្នុងប្រទេសនេះ ថា មានការព្រួយបារម្ភយ៉ាងខ្លាំង។ យោងតាមប្រភពព័ត៌មាន, រុស្ស៊ី “គាំទ្រ” យ៉ាងខ្លាំងចំពោះសំណើរបស់បារាំង សម្រាប់កិច្ចប្រជុំ។ រដ្ឋមន្ត្រីការបរទេសបារាំង លោក Jean-Noel Barrot បានធ្វើសំណើ កាលពីថ្ងៃអាទិត្យ ដោយអំពាវនាវឱ្យអន្តរជាតិយកចិត្តទុកដាក់ជាបន្ទាន់ ចំពោះស្ថានភាពនេះ ខណៈដែលការវាយប្រហាររបស់អ៊ីស្រាអែលនៅតែបន្ត ទោះបីជាបទឈប់បាញ់ដែលបានចូលជាធរមាន កាលពីថ្ងៃទី ១៧ ខែមេសា ហើយត្រូវបានបន្ត រយៈពេល ៤៥ ថ្ងៃ បន្ទាប់ពីការចរចាដោយប្រយោល សម្របសម្រួលពីសហរដ្ឋអាមេរិក។ យោងតាមក្រសួងសុខាភិបាលលីបង់, ការវាយប្រហាររបស់អ៊ីស្រាអែល ចាប់តាំងពីថ្ងៃទី ២ ខែមីនា បានសម្លាប់មនុស្សជាង ៣,៣៧០នាក់ និង របួសជាង ១ម៉ឺន នាក់ផ្សេងទៀត។ អ៊ីស្រាអែល តែងតែអះអាងថា ខ្លួនវាយប្រហារពួកហេសបូឡា…

កៀវ ៖ ប្រធានាធិបតីអ៊ុយក្រែន លោក Volodymyr Zelensky កំពុងជំរុញយ៉ាងខ្លាំងក្លា ឱ្យមានវឌ្ឍនភាពលើកិច្ចចរចាសន្តិភាពជាមួយរុស្ស៊ី មុនរដូវរងាមកដល់ ដើម្បីទាញយកផលប្រយោជន៍ពីស្ថានភាពយុទ្ធសាស្ត្រ ដែលកំពុងមានប្រៀបរបស់អ៊ុយក្រែននៅលើសមរភូមិ ។ នៅក្នុងកិច្ចសម្ភាសន៍ផ្តាច់មុខជាមួយកម្មវិធី Face the Nation របស់ទូរទស្សន៍ CBS លោក Zelensky បានអះអាងនៅថ្ងៃ អាទិត្យ ថា កងទ័ពរុស្ស៊ីបានចាប់ផ្តើមបាត់បង់ម្ចាស់ការនៅលើសមរភូមិ កាលពីចុងឆ្នាំមុនមកម្ល៉េះ ។ លោកថា នេះបង្កើតជាឱកាសការទូតដ៏សំខាន់មួយ សម្រាប់អ៊ុយក្រែន ក្នុងការចរចាពីជំហររឹងមាំ ប៉ុន្តែលោកនៅតែបន្តអំពាវនាវដល់សហគមន៍អន្តរជាតិ កុំឱ្យដកទណ្ឌកម្មចាស់ចេញ ហើយត្រូវតែបង្កើនទណ្ឌកម្មថ្មីៗថែមទៀតលើរុស្ស៊ី ។ ពីព្រោះលោកជឿជាក់ថា សម្ពាធសេដ្ឋកិច្ចកាន់តែធ្ងន់ធ្ងរ និងការបាត់បង់ជីវិតកងទ័ពរុស្ស៊ីកាន់តែច្រើន នឹងបង្កើនការមិនពេញចិត្តនៅក្នុងសង្គមរុស្ស៊ី ដែលបង្ខំឱ្យវិមានក្រឹមឡាំងត្រូវរត់ចូលតុចរចា ។ ជាយុទ្ធសាស្រ្តយកប្រៀបឈ្នះលើរុស្ស៊ី អ៊ុយក្រែនបានបង្កើនការវាយប្រហាររយៈចម្ងាយឆ្ងាយចូលជ្រៅទៅក្នុងទឹកដីរបស់ប្រទេសរុស្ស៊ី ជាពិសេសសំដៅលើឧស្សាហកម្មប្រេងកាត ដើម្បីកាត់ផ្តាច់ប្រភពចំណូលគាំទ្រដល់សង្គ្រាមរបស់ទីក្រុងមូស្គូ ។ សង្គ្រាមរុស្ស៊ី-អ៊ុយក្រែន នៅតែបន្តអូសបន្លាយពេលជាង ៤ ឆ្នាំហើយ ចាប់តាំងពីផ្ទុះឡើងកាលពីខែកុម្ភៈ ឆ្នាំ ២០២២ ហើយមកទល់ពេលនេះ នៅពុំទាន់មានសញ្ញាបង្ហាញពីការជិតបញ្ចប់នៅឡើយទេ ៕ ប្រភព ៖ The Straits Times ប្រែសម្រួល…

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក Donald Trump និយាយថា រូបលោកទទួលបានការធានាពីអ៊ីរ៉ង់ថា សាធារណរដ្ឋឥស្លាមមួយនេះ នឹងមិនអភិវឌ្ឍអាវុធនុយក្លេអ៊ែរទេ ។ លោក Trump បានប្រាប់ក្នុងបទសម្ភាសន៍ជាមួយ Fox News កាលពីថ្ងៃ អាទិត្យ ថា អាទិភាពកំពូលរបស់លោក សម្រាប់កិច្ចព្រមព្រៀងណាមួយ ត្រូវតែរួមមានការបញ្ឈប់អ៊ីរ៉ង់ពីការអភិវឌ្ឍអាវុធនុយក្លេអ៊ែរ និងការបើកច្រកសមុទ្រ Hormuz ដែលត្រូវបានបិទទ្វារឡើងវិញ ។ ប្រធានាធិបតីអាមេរិកមានវ័យ៧៩ឆ្នាំរូបនេះ បានសង្កត់ធ្ងន់ថា ដំបូងឡើយ អ៊ីរ៉ង់ព្រមព្រៀងត្រឹមតែមិនអភិវឌ្ឍអាវុធនុយក្លេអ៊ែរប៉ុណ្ណោះ ប៉ុន្តែលោកបានទាមទារបន្ថែមរហូតមានការយល់ព្រមថា អ៊ីរ៉ង់នឹងមិនទិញអាវុធនុយក្លេអ៊ែរពីបរទេសថែមទៀតផង ។ លោក Trump បន្ថែមថា ការធានាថា អ៊ីរ៉ង់គ្មានអាវុធនុយក្លេអ៊ែរ គឺជាលក្ខខណ្ឌដាច់ខាត ដែលត្រូវតែមាននៅក្នុងកិច្ចព្រមព្រៀងសន្តិភាព ដូច្នេះលោកមិនប្រញាប់ក្នុងការចុះហត្ថលេខាទេ ពីព្រោះលោកចង់ទទួលបានលក្ខខណ្ឌដែលផ្តល់ផលប្រយោជន៍ល្អបំផុតដល់សហរដ្ឋអាមេរិក ។ ការអះអាងរបស់លោក Trump កើតឡើងបន្ទាប់ពីមេដឹកនាំអាមេរិករូបនេះ ទើបតែបានបង្កើនលក្ខខណ្ឌកាន់តែតឹងរ៉ឹង សម្រាប់កិច្ចព្រមព្រៀងប៉ុនប៉ងបញ្ចប់សង្គ្រាម ។ ជម្លោះនៅមជ្ឈិមបូព៌ានេះ បានចាប់ផ្តើមផ្ទុះឡើង បន្ទាប់ពីសហរដ្ឋអាមេរិក និងអ៊ីស្រាអែល បើកការវាយប្រហាររួមគ្នាលើអ៊ីរ៉ង់ កាលពីថ្ងៃទី២៨…

ហ័រមូស ៖ អាមេរិក បានអមដំណើរ កប៉ាល់ប្រហែល ៧០គ្រឿង ដែលបើកឆ្លងកាត់ច្រកសមុទ្រ ហ័រមូស (Hormuz) នៅក្នុងខែឧសភានេះ។ នេះបើយោងតាមកាសែត New York Times ចេញផ្សាយ កាលពីថ្ងៃអាទិត្យ។ New York Times បានរាយការណ៍ អំពីតួលេខនេះ ដោយដកស្រង់សម្តី មន្ត្រីរដ្ឋបាលអាមេរិក ដែលមិនបញ្ចេញឈ្មោះ។ យោងតាមកាសែតដដែលនេះ, កងកម្លាំងបញ្ជាការកណ្តាលអាមេរិក ហៅកាត់ CENTCOM ជាអ្នកដែលបានផ្តល់ជំនួយដល់នាវា ទាំង៧០គ្រឿងនេះ។ កប៉ាល់ភាគច្រើនបានបិទឧបករណ៍បញ្ជូនរបស់ពួកគេ ពេលកំពុងឆ្លងកាត់ច្រកសមុទ្រ។ មន្ត្រីអាមេរិកមិនបានផ្តល់ព័ត៌មានលម្អិតអំពីប្រភេទនាវាដែលត្រូវបានជួយនោះទេ។ ប៉ុន្តែ កាលពីមុន, CENTCOM ធ្លាប់បានបដិសេធការអះអាងដែលថា យោធាអាមេរិកកំពុងជួយនាវាឈ្មួញ ឆ្លងកាត់ច្រកសមុទ្រ Hormuz ។ បើតាម Tass, កាលពីថ្ងៃទី២៨ ខែកុម្ភៈ សហរដ្ឋអាមេរិក និងអ៊ីស្រាអែលបានចាប់ផ្តើមសង្រ្គាមប្រឆាំងនឹងអ៊ីរ៉ង់។ ទីក្រុងធំៗរបស់អ៊ីរ៉ង់ រួមទាំង រដ្ឋធានីតេហេរ៉ង់ បានរងការវាយប្រហារ។ កងឆ្មាំបដិវត្តន៍អ៊ីស្លាម បានប្រកាសប្រតិបត្តិការសងសឹកទ្រង់ទ្រាយធំ និងវាយប្រហារអ៊ីស្រាអែល។ ទីតាំងយោធាអាមេរិក…