បេរូត ៖ នាយករដ្ឋមន្ត្រីលីបង់ លោក Nawaf Salam បានព្រមាន កាលពីថ្ងៃសៅរ៍ថា ប្រទេសរបស់លោក ប្រឈមមុខនឹងគ្រោះថ្នាក់ដ៏ខ្លាំង ដែលមិនធ្លាប់មានពីមុនមក ព្រោះតែការវាយប្រហារ របស់អ៊ីស្រាអែល។ បើតាម Anadolu, អ៊ីស្រាអែលអះអាងថា ជាការវាយប្រហារ ទៅក្រុមហេសបូឡានៅលីបង់ ពោលគឺចាប់តាំងពីក្រុមសកម្មប្រយុទ្ធមួយនេះ បានអូសទាញ ប្រទេសមួយនេះ ចូលទៅក្នុងសង្រ្គាមមជ្ឈិមបូព៌ា ដោយការបាញ់រ៉ុក្កែត ទៅលើអ៊ីស្រាអែល ទុកជាការសងសឹក ចំពោះការសម្លាប់មេដឹកនាំកំពូលរបស់អ៊ីរ៉ង់ អំឡុងការវាយប្រហារស្រាក់ដៃគ្នា រវាងសហរដ្ឋអាមេរិក និងអ៊ីស្រាអែល កាលពីខែកុម្ភៈ។ អំឡុងសន្និសីទសារព័ត៌មាន នៅទីក្រុង Beirut, មេដឹកនាំរូបនេះ បានរៀរាប់ថា «ទោះបីជាមានកិច្ចព្រមព្រៀងឈប់បាញ់ ក៏ដោយ, អ៊ីស្រាអែលកំពុងបន្តគោលនយោបាយ នៃការបំផ្លិចបំផ្លាញដ៏ទូលំទូលាយ ដែលហួសពីការកំណត់ទីតាំងជាក់លាក់ នៅក្នុងប្រទេសលីបង់»។ លោកបានបន្ថែមថា «យើងកំពុងប្រឈមមុខនឹងការវាយប្រហារដ៏គ្រោះថ្នាក់ មិនធ្លាប់មាន ពីសំណាក់អ៊ីស្រាអែល»។ លោក នាយករដ្ឋមន្ត្រី បាននិយាយថា ប្រទេសលីបង់នៅតែប្តេជ្ញាចិត្ត ក្នុងការបញ្ចប់សង្រ្គាម និងរារាំងប្រទេសនេះ ពីការក្លាយជាសង្វៀន សម្រាប់ជម្លោះរបស់អ្នកដទៃ។ លោកក៏បានអះអាងដែរថា អ៊ីស្រាអែលមិនអាចសម្រេចបានសន្តិសុខ…

វ៉ាស៊ីនតោន ៖ ប្រព័ន្ធផ្សព្វផ្សាយសហរដ្ឋអាមេរិក កាលពីថ្ងៃសៅរ៍ បានឲ្យដឹងថា លោកប្រធានាធិបតី Donald Trump បានស្នើបង្កើតឲ្យមានការកែប្រែលក្ខខណ្ឌដ៏តឹងរ៉ឹង នៅក្នុងកិច្ចព្រមព្រៀងសង្រ្គាមអ៊ីរ៉ង់ ។ បើតាមកាសែត New York Times, លោក Trump ព្យាយាមផ្លាស់ប្តូរលក្ខខណ្ឌមួយចំនួននៃសំណើ ដើម្បីបញ្ចប់ជម្លោះនៅមជ្ឈិមបូព៌ា ខណៈដែលកិច្ចព្រមព្រៀងចុងក្រោយ នៅតែពិបាកយល់ព្រម ក្នុងចំណោមភាគីគូជម្លោះ។ ការផ្លាស់ប្តូរ របស់លោក Trump ត្រូវបានបញ្ជូនត្រឡប់ ទៅពិចារណាដោយប្រទេសអ៊ីរ៉ង់វិញហើយផងដែរ នេះបើយោងតាមមន្ត្រី ដែលដឹងអំពីដំណើរការនីតិវិធីនេះ។ របាយការណ៍បាននិយាយថា មិនទាន់ច្បាស់ភ្លាមៗថាតើ ការផ្លាស់ប្តូរនេះ ពាក់ព័ន្ធនឹងអ្វីនោះទេ។ ប៉ុន្តែ គេហទំព័រព័ត៌មានអាមេរិក Axios បានរាយការណ៍ថា លោក Trump ចង់ពង្រឹងចំណុចជាច្រើននៃកិច្ចព្រមព្រៀង ដែលលោកផ្ទាល់គិតថា មានសារៈសំខាន់ ដូចជាអ្វីដែលត្រូវធ្វើ ចំពោះបញ្ហានុយក្លេអ៊ែររបស់អ៊ីរ៉ង់។ បើតាម CNA, ការកែប្រែថ្មីនេះ អាចអូសបន្លាយការចរចារ រវាងភាគីទាំងពីរ ជាច្រើនថ្ងៃទៀត នៅមុនពេលដែលការសម្រេចចិត្តមួយ ត្រូវបានបង្កើតឡើង ប៉ុនប៉ងបញ្ចប់សង្គ្រាម ដែលបានចាប់ផ្តើមផ្ទុះ បន្ទាប់ពីសហរដ្ឋអាមេរិក…

តេហេរ៉ង់ ៖ សមាជិកសភាជាន់ខ្ពស់មួយរូបរបស់អ៊ីរ៉ង់ បាននិយាយ កាលពីថ្ងៃសៅរ៍ថា ប្រទេសមួយនេះគ្រោងនឹងបើកសម័យប្រជុំបោះឆ្នោតលើសេចក្តីព្រាងច្បាប់ ដើម្បីឈានទៅគ្រប់គ្រង លើច្រកសមុទ្រ ហ័រមូស ជាផ្លូវការ។ លោក Alaeddin Salimi សមាជិក ក្រុមប្រឹក្សាភិបាលនៃសភាអ៊ីរ៉ង់ បាននិយាយថា សមាជិកសភាបានធ្វើ “ការសម្រេចចិត្តច្បាស់លាស់” ដើម្បីធ្វើការគ្រប់គ្រងផ្លូវទឹក ជាយុទ្ធសាស្ត្រនេះ។ លោក Salimi បានប្រាប់សារព័ត៌មាន Tasnim ថា «ការសម្រេចចិត្តរបស់សភា ក្នុងការបង្កើតច្បាប់គ្រប់គ្រងច្រកសមុទ្រ Hormuz គឺជារឿងចុងក្រោយ ហើយផែនការនេះ នឹងក្លាយទៅជាច្បាប់»។ លោក Salimi បានបន្តថា គ្រប់ទិដ្ឋភាពទាំងអស់នៃច្បាប់ដែលបានស្នើឡើង នឹងត្រូវពិនិត្យ និងអនុម័ត ដោយសភា មុនពេលចូលជាធរមាន។ បើតាមសមាជិកសភារូបនេះ, ច្បាប់នេះនឹងត្រូវបង្ហាញ ក្នុងពេលឆាប់ៗនេះ អំឡុងសម័យប្រជុំសភាជាសាធារណៈ សម្រាប់ការជជែកដេញដោល និង បោះឆ្នោត។ បើតាម Anadolu, ច្រកសមុទ្រ Hormuz ដែលស្ថិត នៅចន្លោះ ប្រទេស អ៊ីរ៉ង់ និង…

ហាណូយ ៖ ប្រទេសវៀតណាមបាននិយាយ កាលពីថ្ងៃសៅរ៍ថា ខ្លួននឹងដោះលែងអ្នកទោស ជិត១ម៉ឺននាក់ រួមទាំងជនបរទេស ដើម្បីប្រារព្ធចំពោះការបោះឆ្នោតសភា និង ជោគជ័យនៃសមាជបក្ស នាពេលថ្មីៗនេះ។ បើតាម AFP, ប្រជាជាតិមួយនេះ តែងប្រកាសលើកលែងទោស មុនព្រឹត្តិការណ៍ពិសេស ឬអបអរការប្រារព្ធពិធីនានា។ កាលពីឆ្នាំមុន វៀតណាមបានដោះលែងអ្នកទោស ជាង២ម៉ឺន២,០០០នាក់ ខណៈដែលខ្លួនបានប្រារព្ធខួបទី៨០ឆ្នាំ នៃការប្រកាសឯករាជ្យរបស់ខ្លួន រួមនឹងពិធីបុណ្យ មួយទៀត។ សម្រាប់ករណីចុងក្រោយនេះ នៅដើមខែមិថុនា ខាងមុខនេះ អ្នកជាប់ឃុំ ចំនួន ៩,៩៥០នាក់ នឹងត្រូវបានដោះលែង ជាផ្នែកមួយនៃការលើកលែងទោស នៅឆ្នាំនេះ។ នេះបើយោងតាមឯកសារដែលបានចុះហត្ថលេខាដោយអគ្គលេខាបក្ស និងជាប្រធានរដ្ឋវៀតណាម លោក To Lam ។ លោក Le Van Tuyen អនុរដ្ឋមន្ត្រីក្រសួងសន្តិសុខសាធារណៈបាននិយាយ នៅក្នុងសន្និសីទសារព័ត៌មាន កាលពីថ្ងៃសៅរ៍ថា ការលើកលែងទោសនេះនឹងសម្គាល់ជោគជ័យនៃសមាជបក្សកុម្មុយនិស្ត ៥ឆ្នាំ និងការបោះឆ្នោត ជូនរដ្ឋសភា។ កាលពីខែមីនា ប្រទេសនេះបានរៀបចំការបោះឆ្នោតសម្រាប់រដ្ឋសភា ដែលជាស្ថាប័ននីតិប្បញ្ញត្តិកំពូលរបស់ខ្លួន ហើយបម្រើជាសំខាន់ក្នុងការផ្តល់សច្ចាប័ន លើសេចក្តីសម្រេចរបស់បក្សកុម្មុយនិស្ត…

តេហេរ៉ង់ ៖ ប្រព័ន្ធផ្សព្វផ្សាយរដ្ឋរបស់អ៊ីរ៉ង់ បានរាយការណ៍ កាលពីថ្ងៃសៅរ៍ថា អនុស្សរណៈនៃការយោគយល់គ្នា ដែលបានស្នើឡើង ជាមួយសហរដ្ឋអាមេរិក រួមមានទាំងកិច្ចព្រមព្រៀង ឈប់បង្កទ្រព្យសម្បត្តិ ចំនួន១២ពាន់លានដុល្លារ របស់ទីក្រុងតេហេរ៉ង់។ របាយការណ៍នេះ បានលើកឡើងពីសេចក្តីព្រាងកិច្ចព្រមព្រៀងមិនផ្លូវការ ដែលប្រកាសដោយទូរទស្សន៍រដ្ឋ កាលពីដើមសប្តាហ៍នេះ ហើយជាអ្វីដែលត្រូវបានសេតវិមានច្រានចោល ដោយចាត់ទុកថា ជាការប្រឌិតរឿង។ វាក៏កើតឡើង នៅមួយថ្ងៃបន្ទាប់ពីប្រធានាធិបតីអាមេរិក លោក Donald Trump បានចេញនូវលក្ខណៈលម្អិតផ្ទាល់ខ្លួនរបស់លោក អំពីកិច្ចព្រមព្រៀងដ៏មានសក្តានុពលមួយ ក្នុងគោលបំណងបញ្ឈប់សង្គ្រាមរវាងសត្រូវទាំងពីរ ប៉ុន្តែ ត្រូវបានជំទាស់ដោយអ៊ីរ៉ង់ដូចគ្នា។ របាយការណ៍ទូរទស្សន៍រដ្ឋ កាលពីថ្ងៃសៅរ៍ ទី៣០ ខែឧសភា បានប្រកាសថា «សហរដ្ឋអាមេរិកបានសន្យាថា នឹងផ្តល់ឱ្យអ៊ីរ៉ង់ នូវការចូលប្រើប្រាស់ពេញលេញ នៃទ្រព្យសម្បត្តិចំនួន ១២ពាន់លានដុល្លារ ក្នុងរយៈពេល ៦០ថ្ងៃ ដើម្បីឱ្យធនធានទាំងនេះអាចផ្ទេរ និងចំណាយ នៅក្នុងធនាគារនៃគោលដៅ ដែលជាការចង់បានរបស់អ៊ីរ៉ង់ ដោយគ្មានការរឹតបន្តឹង»។ ជាការកត់សម្គាល់ កាលពីដើមសប្តាហ៍នេះ ប្រភពមួយបានប្រាប់ AFP ថា ប្រធានធនាគារកណ្តាលរបស់អ៊ីរ៉ង់បានដឹកនាំគណៈប្រតិភូ ទៅទស្សនកិច្ច នៅប្រទេសកាតា ដើម្បីពិភាក្សាអំពីបញ្ហានៃមូលនិធិបង្កក…

តេហេរ៉ង់ ៖ ចាប់តាំងពីសង្រ្គាម ជាមួយសហរដ្ឋអាមេរិក និងអ៊ីស្រាអែលបានផ្ទុះឡើង, កុមារអ៊ីរ៉ង់ ត្រូវបង្ខំចិត្ត ឲ្យសិក្សាថ្នាក់រៀន តាមអនឡាញ ដើម្បីសុវត្ថិភាព។ ម្តាយជាជនជាតិអ៊ីរ៉ង់ លោកស្រី Vahideh Gitifard បានពឹងផ្អែកលើថ្នាក់រៀនតាមអ៊ីនធឺណិត សម្រាប់កូនប្រុសរបស់ខ្លួន ដោយបារម្ភថា អាចនឹងត្រូវបានកំណត់គោលដៅវាយប្រហារម្តងទៀត ប្រសិនបើការប្រយុទ្ធគ្នា នៅតែបន្តមាន។ យ៉ាងណា អ្នករស់នៅទីក្រុង តេហេរ៉ង់ រូបនេះ និយាយប្រាប់ AFP ថា «ការស្នាក់នៅផ្ទះ រយៈពេលយូរ និងយូរអង្វែង មានគុណវិបត្តិ… ពួកគេមិនមានសកម្មភាពរាងកាយ ដូចដែលពួកគេធ្លាប់ធ្វើ នៅសាលារៀន» ។ ជាការកត់សម្គាល់ ពេលដែលសង្គ្រាមបានចាប់ផ្តើមផ្ទុះភ្លាម, ការវាយប្រហារ បានកើតឡើង ទៅលើសាលារៀនមួយកន្លែង នៅក្នុងទីក្រុង Minab ភាគខាងត្បូង ។ ការទម្លាក់គ្រាប់ ពេលនោះ បណ្តាលឲ្យក្មេងប្រុស យ៉ាងតិច ៧៣ នាក់ និង ក្មេងស្រី ៤៧ នាក់ ត្រូវបានសម្លាប់…

ហ្សឺណែវ ៖ អង្គការសហប្រជាជាតិ អះអាង កាលពីថ្ងៃសុក្រថា ការធ្វើឱ្យពិភពលោកឌីជីថល មានសុវត្ថិភាពសម្រាប់កុមារ គឺជាអាទិភាពបន្ទាន់មួយ ដោយបន្ថែមថា អ្នកដែលបង្កគ្រោះថ្នាក់ តាមអ៊ីនធឺណិត ត្រូវតែទទួលខុសត្រូវ។ លោក Volker Turk ប្រធានសិទ្ធិមនុស្ស របស់ UN បាននិយាយ នៅទីក្រុង ហ្សឺណែវ ថា «រដ្ឋនានាត្រូវតែបង្ខំឱ្យក្រុមហ៊ុនបច្ចេកវិទ្យាធំៗ ផ្តោតលើសុវត្ថិភាពកុមារ ហើយបាននិយាយថា គ្រោះថ្នាក់ដល់កុមារគឺជាលទ្ធផលផ្ទាល់ នៃការអនុវត្តអាជីវកម្ម និង ជម្រើសនៃការរចនា»។ លោក Turk បាននិយាយ នៅក្នុងសេចក្តីថ្លែងការណ៍មួយថា «ពិភពឌីជីថលដែលភ្ជាប់កុមារទៅនឹងការសិក្សា សហគមន៍ និងការច្នៃប្រឌិត ក៏បង្ហាញឱ្យឃើញពួកគេ នូវហានិភ័យពិតប្រាកដ ចំពោះសុវត្ថិភាព ឯកជនភាព និង សុខុមាលភាពរបស់ពួកគេ» ។ លោកបន្ថែមថា «គ្រោះថ្នាក់លើអ៊ីនធឺណិត ចំពោះសុវត្ថិភាព ឯកជនភាព និងសុខុមាលភាពរបស់កុមារគឺមិនមែនជារឿង ដែលជៀសមិនរួចទេ អាស្រ័យលើ ជម្រើសនៃការរចនា និងការអនុវត្តអាជីវកម្ម»។ លោកបានបន្ថែមថា «ការលើកកម្ពស់ ការការពារកុមារ…

សិង្ហបុរី ៖ រដ្ឋមន្ត្រីក្រសួងសង្គ្រាមអាមេរិក បានអះអាង នៅថ្ងៃសៅរ៍នេះថា ទីក្រុងវ៉ាស៊ីនតោន នៅមានសព្វាវុធគ្រប់គ្រាន់ ដើម្បីអាចបន្តសង្គ្រាម ជាមួយអ៊ីរ៉ង់។ ថ្លែងក្នុងពេលចូលរួម កិច្ចសន្ទនា Shangri-La ក្នុងប្រទេសសិង្ហបុរី, លោក Pete Hegseth បាននិយាយថា សហរដ្ឋអាមេរិកមានឃ្លាំងស្តុកសព្វាវុធច្រើនជាងគ្រប់គ្រាន់ ហើយ “លើសពីសមត្ថភាព” ក្នុងការបន្តសង្រ្គាម ជាមួយអ៊ីរ៉ង់។ លោក Hegseth បានប្រាប់កិច្ចប្រជុំកំពូលការពារជាតិរបស់អាស៊ី នាពេលនោះ ថា «ឃ្លាំងស្តុករបស់យើងគឺសមស្រប ទាំងនៅទីនោះ និង ជុំវិញពិភពលោក ដោយសារតែ អាមេរិក មានតុល្យភាព លើគ្រាប់បែកដ៏ប្រណិត និងភាពសម្បូរបែប» ។ ការលើកឡើងនេះ ធ្វើឡើង បន្ទាប់ពីអាមេរិកបានផ្តើមវាយប្រហារជាថ្មី លើប្រទេសអ៊ីរ៉ង់ ក្នុងសប្តាហ៍នេះ បើទោះបីជា គូជម្លោះទាំងពីរ អះអាងពីការព្រមព្រៀងគ្នា លើចំណុចជាច្រើន អំឡុងការចរចាស្វែងរកការបញ្ចប់អរិភាពក៏ដោយ ។ បើតាម Tass, សហរដ្ឋអាមេរិក និងអ៊ីស្រាអែលបានបើកប្រតិបត្តិការយោធាប្រឆាំងនឹងប្រទេសអ៊ីរ៉ង់ កាលពីថ្ងៃទី ២៨ ខែកុម្ភៈ…

វ៉ាស៊ីនតោន ៖ សហរដ្ឋអាមេរិកបានប្រកាសពីការរឹបអូសលុយ គ្រីបតូ របស់អ៊ីរ៉ង់ ចំនួន១ពាន់លានដុល្លារ នេះបើតាមការបញ្ជាក់ របស់រដ្ឋមន្ត្រីក្រសួងរតនាគារ លោក Scott Bessent កាលពីថ្ងៃសុក្រ។ ចំណាត់ការរបស់ទីក្រុងវ៉ាស៊ីនតោនបែបនេះ កើតមានឡើង បន្ទាប់ពីអាមេរិកបានផ្តើមវាយប្រហារជាថ្មី លើប្រទេសអ៊ីរ៉ង់ ក្នុងសប្តាហ៍នេះ បើទោះបីជា គូជម្លោះទាំងពីរ អះអាងពីការព្រមព្រៀងគ្នា លើចំណុចជាច្រើន អំឡុងការចរចាស្វែងរកការបញ្ចប់អរិភាពក៏ដោយ ។ បើតាម Anadolu, រដ្ឋមន្ត្រីក្រសួងរតនាគារអាមេរិក លោក Scott Bessent បានអះអាងថា វិធានការនេះ ធ្វើឡើងចំពេលដែលទីក្រុងវ៉ាស៊ីនតោន កំពុងធ្វើការជាមួយសម្ព័ន្ធមិត្តអឺរ៉ុប ដើម្បីរឹបអូសទ្រព្យសម្បត្តិ ដែលមានទំនាក់ទំនង ជាមួយទីក្រុងតេហេរ៉ង់។ លោក Bessent បាននិយាយថា «ខ្ញុំជឿថា យើងបានរឹបអូសយកលុយគ្រីបតូរបស់ពួកគេ ប្រហែល មួយពាន់លានដុល្លារ» ដោយបន្ថែមថា សហរដ្ឋអាមេរិក រឹបអូសលុយឌីជីថលនេះ ភ្លាមៗ ដោយអះអាងថា ម្ចាស់គណនីមួយចំនួន នៅតែមិនដឹងពីការរឹបអូសនោះទេ។ លោក Bessent បាននិយាយថា សហរដ្ឋអាមេរិកក៏កំពុងសម្របសម្រួលជាមួយសម្ព័ន្ធមិត្ត នៅបរទេសលើការរឹបអូសទ្រព្យសម្បត្តិ…

គីនស្ហាសា ៖ ឧបករណ៍ធ្វើតេស្ត និង វេជ្ជសាស្ត្រ របស់អង្គការសុខភាពពិភពលោក ចំនួន ៤.៦តោន ត្រូវបានបញ្ជូនទៅដល់ កុងហ្គោ ចំពេលដែលប្រទេស នៅអាហ្វ្រិកមួយនេះ កំពុងប្រឈមមុខនឹងការផ្ទុះជំងឺ អេបូឡា ជាថ្មី ដែលបានបណ្តាលឲ្យស្លាប់មនុស្ស ជិត២៥០នាក់។ ការបញ្ជូននេះ ធ្វើឡើង ស្របពេលដែល ប្រធានអង្គការសុខភាពពិភពលោក ហៅកាត់ WHO គឺ លោក Tedros Adhanom Ghebreyesus ស្ថិតនៅក្នុងប្រទេសមួយនេះ ហើយត្រូវនឹងធ្វើដំណើរ ទៅកាន់ទីក្រុង Ituri ដែលចំណុចកណ្តាល នៃការផ្ទុះឡើងមេរោគ អេបូឡា នាចុងសប្តាហ៍នេះ។ សម្ភារដែលរួមទាំងឧបករណ៍ធ្វើតេស្តចំនួន ២,០០០ឈុត បានបញ្ជូនទៅដល់ នៅក្នុងខេត្ត Ituri ភាគឦសាន ប្រទេសកុងហ្គោ កាលពីថ្ងៃព្រហស្បតិ៍។ មជ្ឈមណ្ឌលគ្រប់គ្រង និងបង្ការជំងឺអាហ្រ្វិក ហៅកាត់ Africa CDC បាននិយាយ កាលពីថ្ងៃព្រហស្បតិ៍ថា មានករណីសង្ស័យថា មានមេរោគអេបូឡា យ៉ាងហោចណាស់ ចំនួន…