-
លោក ប្រាយុទ្ធ ចាន់អូចា ជំរុញអោយគ្រប់ភាគីប្រឆាំងតវ៉ារក្សាការស្ងប់ស្ងាត់
ថៃ៖ នាយករដ្ឋមន្ត្រីថៃលោក ប្រាយុទ្ធ ចាន់អូចា នៅថ្ងៃអង្គារនេះ បានធ្វើការជំរុញអោយគ្រប់ភាគីក្នុងការប្រឆាំងតវ៉ា រួមមានក្រុមគាំទ្រលទ្ធិប្រជាធិបតេយ្យ និងក្រុមរាជានិយម រក្សាភាពស្ងប់ស្ងាត់ នេះបើតាមសារព័ត៌មាន AFP នៅថ្ងៃទី១០ ខែវិច្ឆិកា ឆ្នាំ២០២០ ។ នាយករដ្ឋមន្ត្រីថៃរូបនេះថ្លែងថា ភាគីទាំងពីរមានសិទ្ធិបញ្ចេញមតិរបស់គេ ដរាបណាវាស្ថិតក្នុងរង្វង់ច្បាប់អនុញ្ញាត លោកថា ការប្រឈមមុគ្នាណាមួយមិនមែនជាវិធីនាំទៅរកដំណោះស្រាយទេ ។ លោក ប្រាយុទ្ធ បញ្ជាក់ថា ខ្ញុំទទូចដល់គ្រប់ភាគីអត់ធ្មត់កុំប៉ះទង្គិចគ្នា និង បំពានច្បាប់ហួសហេតុ រហូតដល់បង្ខំអោយអាជ្ញាធរប្រើវិធានការផ្សេងៗ ដើម្បីអនុវត្តច្បាប់ លោកថា រដ្ឋាភិបាលមិនកាន់ជើងខាងណានោះទេ ។ ការអំពាវនាវខាងលើនេះរបស់លោក ប្រាយុទ្ធ ត្រូវបានធ្វើឡើង០២ថ្ងៃក្រោយប៉ូលិសថៃបានប្រើឡានបាញ់ទឹកលើក្រុមបាតុករ ដែលព្យាយាមដង្ហែញត្តិថ្វាយជូនព្រះមហាក្សត្រ មហា វិចរ៉ាឡុងកន នៅព្រះបរមរាជវាំង ៕
-
សហភាពអឺរ៉ុបគ្រោងយកពន្ធលើទំនិញនាំចូលពីសហរដ្ឋអាមេរិកចំនួន០៤ពាន់លានដុល្លារ
អឺរ៉ុប៖ មន្ត្រីការទូតសហភាពអឺរ៉ុបបញ្ជាក់ថា សហភាពអឺរ៉ុបគ្រោងយកពន្ធចំនួន៤ពាន់លានដុល្លារលើទំនិញនាំចូលរបស់សហរដ្ឋអាមេរិក ដើម្បីជាការសងសឹកដែលទីក្រុងវ៉ាស៊ីនតោន បានផ្ដល់ប្រាក់ជំនួយដល់ក្រុមហ៊ុនផលិតយន្តហោះ Boeing នេះបើតាមសារព័ត៌មានរ៉យទ័រ ។ រដ្ឋាភិបាលភាគច្រើននៅក្នុងសហភាពអឺរ៉ុបគាំទ្រឲ្យមានការយកពន្ធនេះ នៅពេលដែលមន្ត្រីក្រសួងពាណិជ្ជកម្មរបស់បណ្ដាប្រទេសនៅក្នុងសហភាពអឺរ៉ុប នឹងជួបប្រជុំគ្នានាសប្ដាហ៍ក្រោយនេះ ។ នេះគឺជាដំណើរវិវត្តន៍ចុងក្រោយបង្អស់នៃការធ្វើពាណិជ្ជកម្មឆ្លងមហាសមុទ្រអាត្លង់ទិករវាងសហរដ្ឋអាមេរិក និងសហគមន៍អឺរ៉ុប ក្នុងរយ:ពេល១៦ឆ្នាំមកនេះ ជាមួយនឹងប្រធានាធិបតីអាមេរិកមួយចំនួនមកហើយ ។ យ៉ាងណាមិញ លោក ដូណាល់ ត្រាំ នៅតែបន្តកាន់តំណែងជាប្រធានាធិបតីអាមេរិករហូតដល់ថ្ងៃទី២០ ខែមករា ឆ្នាំក្រោយនេះ និងមានពេលវេលាគ្រប់គ្រាន់ក្នុងការដំឡើងពន្ធនាំចូលលើទំនិញរបស់សហភាពអឺរ៉ុប ដើម្បីជាការសងសឹកនឹងអ្វីដែលអឺរ៉ុបបានធ្វើស្រដៀងគ្នា ចំពោះការផ្ដល់ប្រាក់ជំនួយឲ្យក្រុមហ៊ុនផលិតយន្ដហោះ Airbus ៕
-
Apple បញ្ចេញក្រុមកុំព្យូទ័រ Mac ជំនាន់ថ្មីក្នុងព្រឹត្តិការណ៍ពិសេសមួយនៅថ្ងៃអង្គារសប្តាហ៍នេះ
អាមេរិក៖ ដូចតាមការគ្រោងទុក ក្រុមហ៊ុន Apple បានបើកបង្ហាញវត្តមានក្រុមកុំព្យូទ័រ Mac ជំនាន់ថ្មីរបស់ខ្លួន នៅក្នុងព្រឹត្តិការណ៍ពិសេសមួយ នាថ្ងៃអង្គារនេះ (ម៉ោងក្នុងតំបន់) ដោយពួកវាប្រើបន្ទះឈីប CPU ដែល Apple អភិវឌ្ឍឡើងផ្ទាល់ឈ្មោះថា Apple Silicon M1 នេះបើតាមសារព័ត៌មានរ៉យទ័រនៅថ្ងៃទី១១ ខែវិច្ឆិកា ឆ្នាំ២០២០ ។ ក្រុមកុំព្យូទ័រ Mac ជំនាន់ថ្មី ដែលក្រុមហ៊ុនបច្ចេកវិទ្យាដ៏ធំរបស់សហរដ្ឋអាមេរិកមួយនេះ បានបញ្ចេញក្នុងនោះរួមមាន MacBook Air, MacBook Pro ១៣អ៊ីញ និងមីនីកុំព្យូទ័រ Mac ហើយឆ្លៀតក្នុងឱកាសនោះដែរ Apple ក៏បានប្រកាសអំពីប្រព័ន្ធប្រតិបត្តិការថ្មីរបស់ខ្លួនផងដែរ នោះគឺ MacOS Big Sur ដែលនឹងទាញយកប្រយោជន៍ពីសមត្ថភាពបន្ទះឈីប M1 នេះ ។ សូមជម្រាបបន្ថែមថា អតិថិជនទាំងអស់អាចចាប់ផ្តើមបញ្ជាទិញក្រុមកុំព្យូទ័រ Mac ជំនាន់ថ្មី នខាងលើនេះបានភ្លាមៗតែម្តង ហើយកុំព្យូទ័រទាំងនេះនឹងមានវត្តមាននៅតាមហាងរបស់ Apple នាសប្តាហ៍ក្រោយ ប៉ុន្តែពុំមានការបញ្ជាក់ថ្ងៃឲ្យច្បាស់នោះឡើយ ខណៈប្រព័ន្ធប្រតិបត្តិការថ្មី…
-
លោក ចូ បៃដិន និយាយថា គ្មានអ្វីនឹងអាចបញ្ឈប់ការផ្ទេរអំណាចបានទេ បើទោះបីលោក ដូណាល់ ត្រាំ ប្តេជ្ញាថា នឹងចាត់វិធានការតាមផ្លូវច្បាប់ថ្មី
អាមេរិក៖ ប្រធានាធិបតីជាប់ឆ្នោតលោក ចូ បៃដិន នៅថ្ងៃអង្គារនេះបញ្ជាក់ថា គ្មានអ្វីនឹងអាចបញ្ឈប់ការផ្ទេរអំណាចនៃរដ្ឋាភិបាលអាមេរិកបានឡើយ ស្របពេលដែលលោក ដូណាល់ ត្រាំ បានប្រកាសថា លោកនឹងមិនទទួលយកលោក បៃដិន ជំនួសគាត់នៅក្នុងសេតវិមានទេ ហើយថា មានក្រុមបណ្តាញជួយលោក បៃដិន «ក្លែងបន្លំសន្លឹកឆ្នោត» ខណៈលោកកំពុងប្រឆាំងនឹងលទ្ធផលតាមផ្លូវតុលាការ នេះបើតាមសារព័ត៌មានរ៉យទ័រនៅថ្ងៃទី១១ ខែវិច្ឆិកា ឆ្នាំ២០២០ ។ ទន្ទឹមគ្នា លោក ចូ បៃដិន បានហៅការបដិសេធរបស់លោក ដូណាល់ ត្រាំ ក្នុងការទទួលស្គាល់ការចាញ់ឆ្នោតរបស់លោកថា ជា “ ភាពអាម៉ាស់” ប៉ុន្តែបានចាត់ទុកការប្រឈមនេះថា មិនសំខាន់ ។ ការផ្ទេរតំណែងប្រធានាធិបតីអាមេរិកកំពុងជួបបញ្ហារង្គោះរង្គើ ក្រោយលោក ដូណាល់ ត្រាំ អនុញ្ញាតឲ្យរដ្ឋមន្ត្រីយុត្តិធម៌ស៊ើបអង្កេតលើការលួចបន្លំសន្លឹកឆ្នោត ជាពិសេសរារាំងមិនឲ្យមន្ត្រីរដ្ឋាភិបាលសហការជាមួយក្រុមការងាររបស់ប្រធានាធិបតីជាប់ឆ្នោតលោក ចូ បៃដិន ។ ដោយលោក ត្រាំ មិនព្រមទទួលស្គាល់លទ្ធផលបោះឆ្នោតនោះ ក្រុមការងាររបស់លោក បៃដិន វិញបានលើកឡើងពីលទ្ធភាពក្នុងការប្តឹងសេវារដ្ឋបាលទូទៅ GAS ឲ្យទទួលស្គាល់លោក បៃដិន ជាប្រធានាធិបតីជាប់ឆ្នោត…
-
តុលាការកំពូលអាមេរិកនឹងបើកសវនាការលើបណ្តឹងលុបចោលច្បាប់សុខភាព Obamacare
អាមេរិក៖ តុលាការកំពូលអាមេរិកនឹងស្តាប់អំណះអំណាងផ្ទាល់មាត់នៅថ្ងៃអង្គារនេះ (ម៉ោងក្នុងតំបន់) ជុំវិញការប្រឹងប្រែងរបស់គណបក្សសាធារណរដ្ឋ ក្នុងការលុបចោលច្បាប់សុខភាព Affordable Care Act ហៅថា Obamacare ដែលត្រូវបានដាក់ឱ្យប្រើប្រាស់ក្នុងយុគសម័យអតីតប្រធានាធិបតីអាមេរិកលោក បារ៉ាក់ អូបាម៉ា នេះបើតាមសារព័ត៌មានរ៉យទ័រនៅថ្ងៃទី១១ ខែវិច្ឆិកា ឆ្នាំ២០២០ ។សវនាការនេះកើតឡើងប៉ុន្មានសប្តាហ៍ បន្ទាប់ពីអ្នកស្រី Amy Coney Barrett បានក្លាយជាចៅក្រមតុលាការកំពូលមួយរូប ហើយដែលនេះធ្វើឱ្យសំឡេងចៅក្រមខាងក្រុមអភិរក្សនិយមមានសំឡេងភាគច្រើន៦ទល់នឹង៣សំឡេង ។ ចំណុចសំខាន់នៃបណ្តឹងប្រឆាំងច្បាប់សុខភាពឆ្នាំ២០១០នេះ គឺការតម្រូវឱ្យពលរដ្ឋភាគច្រើនបំផុត មានការធានារ៉ាប់រងសុខភាពក្នុងកម្រិតអប្បបរមាមួយ បើមិនដូចនេះទេ នឹងត្រូវទទួលរងនូវការផាកពិន័យ ។សូមបញ្ជាក់ថា តុលាការកំពូលអាមេរិកត្រូវបានគេរំពឹងថា នឹងចេញសេចក្តីសម្រេចក្នុងរឿងក្តីនេះនៅចុងខែមិថុនា ឬដើមខែកក្កដា ឆ្នាំ២០២១ខាងមុខ ។ ប្រសិនបើតុលាការសម្រេចលុបចោលច្បាប់នេះមែន នោះមនុស្សរហូតដល់២០លាននាក់អាចនឹងបាត់បង់ការធានារ៉ាប់រងសុខភាពរបស់ពួកគេ ហើយក្រុមហ៊ុនធានារ៉ាប់រ៉ងមានសិទ្ធិបដិសេធមិនទទួលអ្នកជំងឺដែលមានរោគប្រចាំកាយ ៕
-
អ្នកឆ្លង COVID-19 នៅទូទាំងពិភពលោកកើនឡើងជិត៥២លាននាក់ ក្នុងនោះស្លាប់ជាង១លាន២៧ម៉ឺននាក់ និងជាសះស្បើយជាង៣៦លាន៣៦ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៥១លាន៧៩ម៉ឺន១ពាន់២៩៦ករណី ក្នុងនោះមានអ្នកជម្ងឺសរុបចំនួន១លាន២៧ម៉ឺន៨ពាន់៤៦០នាក់ស្លាប់ និង ជាសះស្បើយឡើងវិញសរុបចំនួន៣៦លាន៣៦ម៉ឺន៤ពាន់៩៣១នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១១ ខែវិច្ឆិកា ឆ្នាំ២០២០ ។សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន១០លាន៥៥ម៉ឺន៧ពាន់៧៦៧នាក់ ស្លាប់ចំនួន២៤ម៉ឺន៥ពាន់៧៨៥នាក់ និងជាសះស្បើយចំនួន៦លាន៥៩ម៉ឺន៦ពាន់៧៧០នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៨លាន៦៣ម៉ឺន៥ពាន់៧៥៤នាក់ ស្លាប់ចំនួន១២ម៉ឺន៧ពាន់៦១៥នាក់ និងជាសះស្បើយ៨លាន១ម៉ឺន១ពាន់៨៤៤នាក់ ។ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៥លាន៧០ម៉ឺន១ពាន់២៨៣នាក់ ស្លាប់១៦ម៉ឺន២ពាន់៨៤២នាក់ និងជាសះស្បើយ៥លាន៦ម៉ឺន៤ពាន់៣៤៤នាក់ ៕
-
ជួបវិបត្តិសេដ្ឋកិច្ចព្រោះកូវីដ១៩ ធ្វើអត្តឃាតនៅជប៉ុនកើនឡើង ត្រឹម១ខែ ស្លាប់ជាង២ពាន់នាក់
ជួបវិបត្តិសេដ្ឋកិច្ចព្រោះកូវីដ១៩ ធ្វើអត្តឃាតនៅជប៉ុនកើនឡើង
-
មន្ត្រីទូតហុងគ្រីនៅថៃឆ្លងកូវីដ១៩ ក្រោយជួបលោករដ្ឋមន្ត្រីការបរទេស Szijjarto
មន្ត្រីទូតហុងគ្រីនៅថៃឆ្លងកូវីដ១៩ ក្រោយជួបលោករដ្ឋមន្ត្រីការបរទេស Szijjarto
-
ព្រោះកូវីដ១៩ សេដ្ឋកិច្ចអ៊ីនធឺណេតនៅអាស៊ីអាគ្នេយ៍កើនដល់ជាង១០០ពាន់លានដុល្លារ
សេដ្ឋកិច្ចអ៊ីនធឺណេតនៅតំបន់អាស៊ីអាគ្នេយ៍នឹងឈានដល់១០៥ពាន់លានដុល្លារអាមេរិក នៅឆ្នាំ២០២០នេះ ខណៈដែលវិបត្តិជំងឺកូវីដ១៩ជំរុញឲ្យមានការប្រើអ៊ីនធឺណេតកាន់តែសកម្ម ដូចជាការបញ្ជាទិញទំនិញតាមអនឡាញ និងការមានពេលសម្រាកកម្សាន្តផ្សេងៗ នេះបើតាមរបាយការណ៍មួយបង្ហាញឲ្យដឹង នៅថ្ងៃអង្គារ៍ ទី១០ វិច្ឆិកា ២០២០។ របាយការណ៍របស់ Google ជាក្រុមហ៊ុនរដ្ឋសិង្ហបុរី Temasek Holdings and business consultants Bain & Co មួយនេះ ដែលធ្វើរបាយការណ៍គ្របដណ្តប់លើប្រទេសឥណ្ឌូនេស៊ី ម៉ាឡេស៊ី វៀតណាម សិង្ហបុរី និងហ្វីលីពីនបានអះអាងថា នៅឆ្នាំ២០២០នេះ មានអ្នកប្រើអ៊ីនធឺណេតកើនឡើងថ្មី៤០លាននាក់ទៀត ក្នុងតំបន់ សរុបដល់៤០០លាននាក់ ស្មើនឹងប្រមាណ៧០ភាគរយនៃចំនួនប្រជាជនសរុបក្នុងតំបន់អាស៊ីអាគ្នេយ៍នេះ។ ប្រភពបានឲ្យដឹងដែរថា សេដ្ឋកិច្ចអ៊ីនធឺណេតនៅតំបន់អាស៊ីអាគ្នេយ៍ត្រូវបានពង្រីក៥ភាគរយថែមទៀត ពីឆ្នាំ២០១៩៕ ប្រភពពី CNA
-
រុស្ស៊ីបញ្ជាក់ថា វ៉ាក់សាំង Sputnik V មានប្រសិទ្ធភាពជាង៩០ភាគរយក្នុងការព្យាបាល COVID-19
រុស្ស៊ី៖ វ៉ាក់សាំង Sputnik V របស់ប្រទេសរុស្ស៊ីមានប្រសិទ្ធភាពជាង៩០ភាគរយឯណោះ ក្នុងការប្រឆាំងនឹងជំងឺ COVID-19 នេះបើតាមក្រសួងសុខាភិបាលរុស្ស៊ី ដកស្រង់ចេញផ្សាយដោយសារព័ត៌មានរ៉យទ័រនៅថ្ងៃទី១០ ខែវិច្ឆិកា ឆ្នាំ២០២០ ។ជាមួយគ្នានេះ ប្រធានវិទ្យាស្ថានស្រាវជ្រាវមួយ ដែលស្ថិតក្រោមក្រសួងសុខាភិបាលរុស្ស៊ី លោក អូកសាណា ដ្រាបឃីណា បាននិយាយថា យើងទទួលខុសត្រូវក្នុងការតាមដានប្រសិទ្ធភាពវ៉ាក់សាំង Sputnik V ក្នុងចំណោមពលរដ្ឋដែលទទួលវាដំបូងៗ ដែលជាផ្នែកមួយនៃកម្មវិធីចាក់វ៉ាក់សាំងដ៏ធំរបស់រុស្ស៊ី ដោយលទ្ធផលបានបង្ហាញថា មិនមានអ្វីជាការព្រួយបារម្ភ ចំពោះសុវត្ថិភាពរបស់វាឡើយ ។ការអះអាងពីប្រសិទ្ធភាពនៃវ៉ាក់សាំងប្រឆាំង Covid-19 របស់រុស្ស៊ីខាងលើនេះ បានកើតមានឡើងក្រោយក្រុមហ៊ុនផលិតឱសថដ៏របស់អាមេរិក ភីហ្វីហ្សឺ និង បាយអូអិនធិច របស់អាល្លឺម៉ង់ បានប្រកាសនៅថ្ងៃចន្ទនេះថា វ៉ាក់សាំងដំបូងរបស់ពួកគេអាចការពារមនុស្សពីការឆ្លង COVID-19 បានរហូតដល់ជាង៩០ភាគរយ ៕