បន្ទាប់ពី​កើតមាន​ព្រឹត្តិការណ៍​រដ្ឋប្រហារយោធា​នៅ​ប្រទេស​មី​យ៉ា​ន់​ម៉ា​ ​ប៉ុន្មានខែមកនេះនៃឆ្នាំ២០២១កន្លងមកនេះ ស្រាប់តែ​មាន​ករណី​ប្រធានាធិបតី​ប្រទេស​មួយ​ ​រួម​នឹង​នាយករដ្ឋមន្ត្រី​ផង​បាន​ពួក​យោធា​ចាប់ខ្លួន​។​ ​ទីភ្នាក់ងារ​ព័ត៌មាន​ R​e​u​t​e​rs ​បាន​ចេញផ្សាយ​នៅទី​២​៥​ ​ខែ​ឧសភា​ ​ឆ្នាំ​២​០​២​១​ ​ថា​កងកម្លាំង​យោធា​នៃ​ប្រទេស​ម៉ា​លី​ ​បាន​ចាប់ខ្លួន​ប្រធានាធិបតី​ Bah Nadaw, ​នាយករដ្ឋមន្ត្រី Moctar Ouane​ ​និង​រដ្ឋមន្ត្រីការពារជាតិ​របស់​ប្រទេស​អាហ្វ្រិក​មួយ​នេះ គឺលោកSouleymane Doucoure​ ​កាលពី​ថ្ងៃចន្ទ​ ​បន្ទាប់ពី​ការ​រុះរើ​គណៈរដ្ឋមន្ត្រី​មួយ​ត្រូវ​បាន​ធ្វើឡើង​ ដោយពួកគេ​គឺ​ត្រូវ​បាន​ចាប់ខ្លួន​ទាំងអស់គ្នា​តែម្តង​ ​យកទៅ​ឃុំឃាំង​ជា​បណ្តោះអាសន្ន​ ​នៅ​ឯ​មូលដ្ឋាន​យោធា​ក្នុង​តំបន់​ K​at​​i ​ស្ថិតនៅ​ក្បែរ​រដ្ឋធានី​ B​am​a​ko។​ ប្រភពព័ត៌មានផ្ទៃក្នុងបាន​បញ្ជាក់​ថា​ ​ការ​ចាប់ខ្លួន​ប្រធានាធិបតី​, ​នាយករដ្ឋមន្ត្រី​ ​និង​រដ្ឋមន្ត្រីការពារជាតិ​ ​ត្រូវ​បាន​ធ្វើឡើង​ក្រោយ​ពី​មានការ​រុះរើ​ ​គណៈរដ្ឋមន្ត្រី​មួយ​ ​ហើយ​ក្នុង​នោះ​តំណែង​មន្ត្រី​យោធា​សំខាន់​ៗ​ពីរ​នាក់​ ​ដែល​បាន​ចូលរួម​ក្នុង​ការ​រឹបអូស​អំណាច​ពី​ប្រធានាធិបតី​មុន​ ​ត្រូវ​បាន​ជំនួស​ដោយ​អ្នកថ្មី​វិញ​៕​

យន្តហោះដឹកអ្នកដំណើររបស់ក្រុមហ៊ុនអាកាសចរណ៍ Ryanair អៀរឡង់បានចុះចតជាបន្ទាន់នៅព្រលានយន្តហោះអន្តរជាតិ Minsk រដ្ឋធានីប្រទេសបេឡារុសដោយសារមានគេរាយការណ៍ថាមានគ្រាប់បែកនៅលើយន្តហោះ ។ ប៉ុន្តែក្រោយពីត្រួតពិនិត្យរួច មិនបានរកឃើញមានឧបករណ៍បំផ្ទុះលើយន្តហោះនោះទេ បន្ទាប់មក យន្តហោះនេះបានហោះហើរជាថ្មីឡើងវិញ ព្រមនិងចុះចតនៅក្រុង Vilnius រដ្ឋធានីប្រទេសលីទុយអានី ដែលជាគោលដៅនៃការហោះហើរ ។ ហេតុការណ៍នេះបានកើតឡើង កាលពីថ្ងៃទី២៣ ឧសភា ដោយយន្តហោះប៊ូអ៊ីង737-800នេះបានហោះចេញពីក្រុងអាថែន ប្រទេសក្រិច ទៅកាន់ក្រុងវីលនីញូស ដែលមានផ្ទុកអ្នកដំណើរ ១២៣ នាក់៕

មីយ៉ាន់ម៉ា៖ លោកស្រី អោង សាន ស៊ូ ជី បានបង្ហាញវត្តមានផ្ទាល់ជាលើកដំបូងនៅក្នុងតុលាការ នៅថ្ងៃចន្ទនេះ គិតចាប់តាំងតែពី រដ្ឋាភិបាលស៉ីវិលរបស់លោកស្រី ត្រូវបានយោធាមីយ៉ាន់ម៉ាធ្វើរដ្ឋប្រហារទម្លាក់ កាលពីថ្ងៃទី០១ ខែកុម្ភៈកន្លងទៅ ។ មេធាវីលោកស្រី ស៊ូជី បានប្រាប់ទីភ្នាក់ងារព័ត៌មានរ៉យទ័រថា លោកស្រី ស៊ូ ជី មើលទៅមានសុខភាពល្អធម្មតា ហើយក៏បានជួបពិភាក្សាទល់មុខគ្នាជាមួយក្រុមមេធាវីលោកស្រី រយៈពេលប្រមាណជា៣០នាទីផងដែរ មុនចូលបង្ហាញខ្លួនចំពោះតុលាការ។ ក្នុងជំនួបជាមួយក្រុមមេធាវី លោកស្រី ស៊ូ ជី បានជូនពរឲ្យប្រជាជនមីយ៉ាន់ម៉ាទាំងអស់ មានសុខភាពល្អ ហើយលោកស្រី ក៏បានលើកឡើងពាក់ព័ន្ធគណបក្សលោកស្រី ដែលអាចនឹងត្រូវរំលាយចោល ក្នុងពេលឆាប់ៗថែមទៀតផង ដោយថាគណបក្ស នឹងស្ថិតក្នុងដួងចិត្តប្រជាជនជានិច្ច ព្រោះវាបង្កើតឡើងសម្រាប់ប្រជាជនមីយ៉ាន់ម៉ា។ សូមជម្រាបថា លោកស្រី ស៊ូ ជី ស្ថិតក្នុងចំណោមមនុស្សជាង ៤,០០០នាក់ ដែលត្រូវបានឃាត់ខ្លួន ចាប់តាំងពីរដ្ឋប្រហារបានផ្ទុះឡើង ហើយលោកស្រីប្រឈមការចោទប្រកាន់ពីបទល្មើសជាច្រើន រួមមានចាប់ពីការកាន់ឧបករណ៍ទាក់ទងខុសច្បាប់ រហូតដល់ការបំពានច្បាប់ការពារកិច្ចការសម្ងាត់រដ្ឋ។ យោធាមីយ៉ាន់ម៉ា បានទម្លាក់រដ្ឋាភិបាលលោកស្រី ហើយឡើងកាន់អំណាច ក្រោមការចោទប្រកាន់ថា មានការបន្លំក្នុងការបោះឆ្នោត ដែលគណបក្សលោកស្រីទទួលជ័យជម្នះ កាលពីខែវិច្ឆិកាឆ្នាំមុន…