-
តាលីបង់ប្រហារជីវិតអ្នកចម្រៀងប្រពៃណី ប៉ុន្មានថ្ងៃបន្ទាប់ពីប្រកាសថា «តន្ត្រីត្រូវបានហាមឃាត់ក្នុងសាសនាអ៊ីស្លាម»
អ្នកជម្រៀងប្រពៃណីអាហ្វហ្គានីស្ថានមួយត្រូវបានប្រហារជីវិតដោយក្រុមតាលីបង់ ប៉ុន្មានថ្ងៃបន្ទាប់ពីក្រុមជ្រុលនិយមនេះបានធ្វើការប្រកាសថា «តន្ត្រីត្រូវបានហាមឃាត់ក្នុងសាសនាអ៊ីស្លាម»។ ក្រុមគ្រួសាររបស់លោកហ្វាវ៉ាដ អាន់ដារ៉ាប៊ីបានប្រាប់ទីភ្នាក់ងារសារព័ត៌មាន Associated Press ថាលោកត្រូវបានគេបាញ់សម្លាប់កាលពីថ្ងៃសុក្រនៅពេលដែលកងកម្លាំងសមត្ថកិច្ចតាលីបង់បានវិលត្រឡប់មកផ្ទះរបស់លោកវិញ បន្ទាប់ពីពួកគេបានធ្វើការឆែកឆេរមុននោះបន្តិច ហើយថែមទាំងបានផឹកតែជាមួយលោកផងដែរ។ «ពួកគេបានបាញ់គាត់ចំក្បាលនៅចម្ការ» កូនប្រុសរបស់លោកអាន់ដារ៉ាប៊ីបានប្រាប់សារព័ត៌មាន AP បែបនេះ ហើយបន្តទៀតថា៖ «គាត់គ្មានទោសទេ គាត់អ្នកចម្រៀងដែលគ្រាន់តែកំដរអារម្មណ៍របស់មនុស្ស»។ អ្នកនាំពាក្យតាលីបង់លោកហ្សាប៊ីហ៊ីលឡា មូចាហ៊ីដបាននិយាយថាពួកគេនឹងធ្វើការស៊ើបអង្កេតឧបទ្ទវហេតុនេះ ប៉ុន្តែមិនបានផ្ដល់ព័ត៌មានបន្ថែមអំពីការសម្លាប់នេះទេ។ ប៉ុន្មានថ្ងៃមុននេះលោកមូចាហ៊ីដ បានប្រាប់កាសែតញូវយ៉កថាមស៍ថាតាលីបង់នឹងហាមឃាត់ប្រគំ និងការស្ដាប់តន្ត្រី ដូចកាលពីពេលពួកគេចូលកាន់អំណាចដំបូងនៅឆ្នាំ ១៩៩៦។ «តន្ត្រីត្រូវបានហាមឃាត់នៅក្នុងសាសនាអ៊ីស្លាម» លោកមូចាហ៊ីដបានលើកឡើងបែបនេះ ហើយបន្តទៀតថា៖ «យើងសង្ឃឹមថាយើងអាចបញ្ចុះបញ្ចូលមនុស្សកុំឱ្យធ្វើរឿងបែបនេះ ជាជាងដាក់សម្ពាធលើពួកគេ»។ លោកស្រីខារីម៉ា បេននឿនអ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិវប្បធម៌បាននិយាយថាលោកស្រីមាន «ព្រួយបារម្ភយ៉ាងខ្លាំង» ចំពោះការសម្លាប់លោកអាន់ដារ៉ាប៊ី។ លោកស្រីបានសរសេរតាមបណ្ដាញសង្គម Twitter ថា៖ « យើងអំពាវនាវឱ្យបណ្ដារដ្ឋាភិបាលទាមទារឱ្យតាលីបង់គោរពសិទ្ធិមនុស្សរបស់សិល្បករ»៕
-
ជាប់គុក ឬនិរទេសខ្លួនជាជម្រើសរបស់អ្នកនយោបាយប្រឆាំងរបស់រុស្ស៊ី
ចរន្តអន្តោប្រវេសន៍ដែលបណ្ដាលមកពីអស្ថិរភាពនយោបាយ ក្រោមការគ្រប់គ្រងជាងពីរទសវត្សរ៍របស់លោកប្រធានាធិបតី វ្ល៉ាឌីមៀរ ពូទីន (Vladimir V. Putin) បានប្រែក្លាយទៅជាព្យុះបក់បោក។ ឥស្សរជនប្រឆាំង សកម្មជនសិទ្ធិមនុស្ស និងសូម្បីតែអ្នកសារព័ត៌មានឯករាជ្យមានតែជម្រើសពីរប៉ុណ្ណោះ ទីមួយគឺការរត់គេចខ្លួន និងទីពីរប្រឈមមុខជាប់ពន្ធនាគារ។ ក្នុងយុគសម័យដែលគេហៅថាការគាបសង្កត់របស់សូវៀតនេះ ធ្វើឱ្យអ្នកនយោបាយ និងអ្នកកាសែតរុស្ស៊ីកាន់តែច្រើនឡើងៗត្រូវនិរទេសខ្លួន។ អ្នកជំនាញនិយាយថា បើរាប់អ្នកនិរទេសខ្លួនចូលគ្នា វាគឺជារលកដ៏ធំបំផុតនៃការធ្វើចំណាកស្រុកនយោបាយនៅក្នុងប្រវត្តិសាស្ត្ររបស់រុស្ស៊ីក្រោយសហភាពសូវៀតដួលរលំ។ គេមើលឃើញថា ការបង្ខំឱ្យអ្នករិះគន់លេចធ្លោជាច្រើនចេញពីប្រទេស ប្រហែលជាមិនសូវឈឺក្បាលទេសម្រាប់វិមានក្រឹមឡាំង ដោយប្រសើរជាជាងចាប់អ្នកទាំងនេះដាក់គុក រដ្ឋាភិបាលរុស្ស៊ីអាចចោទប្រកាន់ពួកគេថាជាជនក្បត់ជាតិរួមដៃជាមួយលោកខាងលិច។ លោក Dmitri G. Gudkov អ្នកនយោបាយប្រឆាំងដ៏ល្បីឈ្មោះម្នាក់ដែលរត់ចេញពីប្រទេសកាលពីខែមិថុនា និយាយប្រាប់កាសែតញូវយ៉កថែមស៍ថា៖ «យុទ្ធសាស្រ្តទីមួយ[របស់រដ្ឋាភិបាលរុស្ស៊ី] គឺច្របាច់ពួកគេ[អ្នកប្រឆាំង]ឱ្យចេញ ហើយបើធ្វើមិនបានទេ ក៏ចាប់ដាក់គុក»។ កាលពីថ្ងៃទី ៧ សីហា លោកស្រី Lyubov Sobol ដែលជាសម្ព័ន្ធមិត្តលេចធ្លោជាងគេរបស់មេដឹកនាំបក្សប្រឆាំងខ្លឹមលោក Aleksei A. Navalny ដែលនៅក្នុងប្រទេសនៅឡើយ បានភៀសខ្លួនចេញទៅតួកគីក្រោយពេលលោកស្រីត្រូវបានតុលាការរុស្ស៊ីដាក់បំរាមលើការធ្វើដំណើរ រួមទាំងមិនឱ្យលោកស្រីចេញពីក្រុងម៉ូស្គូ។ លោកស្រីនិយាយថា៖ «ជាការប្រសើរបំផុតក្នុងការចូលរួមធ្វើនយោបាយរុស្ស៊ីពីខាងក្នុងប្រទេស។ ប៉ុន្តែឥឡូវ ហានិភ័យនៃរឿងនេះគឺធំធេងពេក»។ លោក Andrei Soldatov ដែលជាអ្នកនិពន្ធសៀវភៅ…
-
ជប៉ុនផ្អាកការប្រើប្រាស់វ៉ាក់សាំងអាមេរិក Moderna ១លានដូសបន្ថែមទៀត ក្រោយរកឃើញសារធាតុមិនប្រក្រតី
ជប៉ុនបានធ្វើការផ្អាកការប្រើប្រាស់វ៉ាក់សាំងកូវីដ-១៩ Moderna ចំនួន ១លានដូសបន្ថែមទៀតកាលពីថ្ងៃអាទិត្យ បន្ទាប់ពីផ្អាកប្រើប្រាស់វ៉ាក់សាំងប្រភេទនេះប្រមាណ ១,៦លានដូសកាលពីសប្ដាហ៍មុន ក្រោយពេលរកឃើញមានសារធាតុមិនប្រក្រតី។ ដំណឹងចុងក្រោយពាក់ព័ន្ធនឹងការរកឃើញថាមានសារធាតុមិនប្រក្រតី កើតចេញពីខេត្ត Gunma ដែលនៅក្បែររាជធានីតូក្យូ និងភាគខាងត្បូងនៃខេត្ត Okinawa។ ការផ្អាកនេះធ្វើឡើងបន្ទាប់ពីក្រសួងសុខាភិបាលជប៉ុនប្រកាសកាលពីថ្ងៃសៅរ៍កន្លងទៅ អំពីការស្លាប់របស់មនុស្ស ២នាក់ ដែលមានអាយុខ្ទង់ ៣០ឆ្នាំបានបាត់បង់ជីវិត ដោយសារតែចាក់វ៉ាក់សាំង Moderna នៅក្នុងដុំវ៉ាក់សាំង ដែលទើបនឹងផ្អាកនេះ។ មន្ត្រីសុខាភិបាលនៅខេត្ត Gunma អះអាងថា សារធាតុតូចពណ៌ខ្មៅត្រូវបានរកឃើញនៅដបវ៉ាក់សាំង Moderna ខណៈនៅ Okinawa មន្ត្រីនិយាយថា សារធាតុខ្មៅរកឃើញនៅដប និងម្ជុលចាក់វ៉ាក់សាំង ហើយម្ជុលផ្សេងទៀតមានពណ៌ផ្កាឈូក។ រដ្ឋាភិបាលជប៉ុនថា មិនមានបញ្ហាណាមួយពាក់ព័ន្ធនឹងរឿងសុវត្ថិភាព ឬ ប្រសិទ្ធភាពវ៉ាក់សាំងនោះទេ តែមូលហេតុនៃការស្លាប់នឹងធ្វើការស៊ើបអង្កេតបន្ត។ ក្រុមហ៊ុន Moderna បានប្រើប្រាស់ដបវ៉ាក់សាំងផលិតដោយក្រុមហ៊ុនឱសថអេស្ប៉ាញ Rovi សម្រាប់ចែកចាយទៅកាន់ទីផ្សារក្រៅពីសហរដ្ឋអាមេរិក។ ក្រុមហ៊ុនទាំងពីរបានចេញមុខបកស្រាយកាលពីកន្លងទៅថា បញ្ហាសារធាតុនេះទំនងកើតឡើងនៅខ្សែផលិតកម្មមួយរបស់ក្រុមហ៊ុន Rovi៕
-
ចិន៖ក្រុមហ៊ុនវិស័យកម្សាន្តធំៗចាប់ផ្តើមលុបចេញមុខងារចំណាត់ថ្នាក់តារាក្នុងវិស័យនេះ
អាជ្ញាធរចិនបានចាប់វិធានការម្តងទៀត ទៅលើឧស្សាហកម្មកម្សាន្តដែលកំពុងមានភាពច្របូកច្របល់របស់ប្រទេសចិន ដើម្បីលុបបំបាត់ឥទ្ធិពលអវិជ្ជមាននៃវប្បធម៌តារាល្បីលើយុវវ័យសម័យថ្មី។ការប្តេជ្ញាចិត្តនេះគឺជាផ្នែកមួយ នៃយុទ្ធនាការថ្នាក់ជាតិដើម្បីការពារ « សន្តិសុខនយោបាយ និងមនោគមន៍វិជ្ជា» នៃប្រព័ន្ធអ៊ីនធឺណែតក្រោយមានតារាល្បីៗតាមប្រព័ន្ធផ្សព្វផ្សាយជាច្រើនត្រូវបានចោទប្រកាន់ពីបទរំលោភសេពសន្ថវៈ ការគេចពន្ធនិងការប្រព្រឹត្តបទល្មើសផ្សេងៗក្នុងប៉ុន្មានខែចុងក្រោយនេះ។ ក្រុមហ៊ុនបច្ចេកវិទ្យាយក្សចិន NetEase បានចូលរួមជាមួយ ក្រុមហ៊ុនបណ្ដាញសង្គមWeibo និង ក្រុមហ៊ុន Tencent Holdings ក្នុងការលុបបញ្ជីចំណាត់ថ្នាក់តារាល្បីៗចំពេលដែល ទីក្រុងប៉េកាំងកំពុងបន្តបង្ក្រាប វប្បធម៌ក្លឹបអ្នកគាំទ្រ(Fan club) នៅក្នុងប្រទេសចិន។ NetEase Music មានអ្នកប្រើប្រាស់ចំនួនជាង៣០០លាននាក់ ហើយជាសេវាកម្មស្តាប់តន្រ្តីឈានមុខគេរបស់ប្រទេសចិន កាលពីថ្ងៃអាទិត្យបានលុបបញ្ជីចំណាត់ថ្នាក់តារាល្បីចេញពីវេទិការបស់ខ្លួន និងបានកំណត់ឲ្យមានការទិញអាល់ប៊ុមឌីជីថលដែលមានលក់ក្នុងរយះពេលកំណត់ (Limited edition album) បានតែ១ចំពោះអ្នកប្រើប្រាស់ម្នាក់ ដែលធ្វើឱ្យវាក្លាយជាក្រុមហ៊ុន អ៊ីនធឺណេតចុងក្រោយដើម្បីឆ្លើយតបទៅនឹងការអំពាវនាវរបស់ទីក្រុងប៉េកាំង ក្នុងរយៈពេលប៉ុន្មានសប្តាហ៍ថ្មីៗនេះដើម្បីទប់ស្កាត់លំហូរអ្នកគាំទ្រដែលមានភាពងប់ងល់ចំពោះតារាល្បីៗមួយចំនួន។ សេចក្តីថ្លែងការណ៍របស់ក្រុមហ៊ុនមួយកាលពីថ្ងៃអាទិត្យ បាននិយាយថា៖« NetEase Music នឹងបង្កើនវិធានការរបស់ខ្លួន ដើម្បីទប់ស្កាត់វប្បធម៌អ្នកគាំទ្រ ដែលមិនសមរម្យនៅលើវេទិការបស់ខ្លួន។ យើងក៏បានសម្អាតព័ត៌មាន ដែលអាចបង្កគ្រោះថ្នាក់និងបានពង្រឹងលក្ខណៈ ការពាររបស់យើង។» ការផ្លាស់ប្តូរនេះកើតឡើងបន្ទាប់ពី រដ្ឋបាលស៊ីបអង្កេតប្រព័ន្ធអ៊ីនធឺណេតចិន ហៅកាត់ (CAC) ដែលជាអ្នកឃ្លាំមើល អ៊ីនធឺណិតរបស់ប្រទេសនេះ បានប្រាប់អាជ្ញាធរមូលដ្ឋាន ឱ្យលុបចោលចំណាត់ថ្នាក់តារាល្បីៗ គ្រប់ប្រភេទនិងរឹតបន្តឹងការត្រួតពិនិត្យ របស់ទីភ្នាក់ងារ…
-
ចិនហាមឃាត់ការប្រឡងសំណេរសម្រាប់កុមារអាយុ ៦ឆ្នាំ និងធ្វើកំណែទម្រង់ប្រព័ន្ធអប់រំទីក្រុងប៉េកាំង
ទីក្រុងប៉េកាំង កាលពីថ្ងៃច័ន្ទ បានហាមឃាត់ការប្រលងសរសេរសម្រាប់កុមារអាយុ ៦ និង ៧ ឆ្នាំ ដែលជាផ្នែកមួយនៃកំណែទម្រង់វិស័យអប់រំ ដែលមានគោលបំណងបន្ធូរបន្ថយសម្ពាធលើសិស្ស និងអាណាព្យាបាលនៅក្នុងប្រព័ន្ធអប់រំ ដែលប្រកួតប្រជែងខ្ពស់របស់ចិន។ ប្រព័ន្ធតម្រង់ទិសនៃការប្រឡងរបស់ប្រទេសចិនកាលពីមុន តម្រូវឱ្យសិស្សប្រឡងចាប់ពីថ្នាក់ទី ១ ឡើងទៅ ដើម្បីត្រៀមដល់ការប្រលងចូលសាកលវិទ្យាល័យ ជាអ្វីដែលគេហៅថា «gaokao» ដែលពិន្ទុតែមួយ អាចកំណត់ពីអនាគតរបស់សិស្ស។ យោងតាមគោលការណ៍ណែនាំថ្មី ដែលបានចេញផ្សាយកាលពីថ្ងៃ ច័ន្ទ ថា «ការប្រលងញឹកញាប់ពេក បណ្តាលឱ្យសិស្សមានបន្ទុកច្រើន និងស្ថិតក្រោមសម្ពាធនៃការប្រឡង» ឥឡូវនេះក្រសួងអប់រំបញ្ឃប់គោលការណ៍ប្រឡងនេះហើយ។ ក្រសួង បាននិយាយថា ការដាក់សម្ពាធលើសិស្សតាំងពីក្មេង «អាចធ្វើឱ្យប៉ះពាល់ដល់សុខភាពផ្លូវចិត្ត និងរាងកាយរបស់ពួកគេ។ បទប្បញ្ញត្តិនេះ ក៏កំណត់ការប្រឡងនៅឆ្នាំផ្សេងទៀតនៅប្រព័ន្ធអប់រំរបស់ចិន ដែលកំណត់ឱ្យមានការប្រឡងជាម្ដងក្នុងមួយឆមាស និងពាក់កណ្ដាលឆមាស រួមទាំងការប្រឡងសាកល្បងនានា សម្រាប់សិស្សអនុវិទ្យាល័យផងដែរ។ វិធានការណ៍នេះ គឺជាផ្នែកមួយនៃកំណែទម្រង់របស់រដ្ឋាភិបាលកាន់តែទូលំទូលាយលើវិស័យអប់រំរបស់ចិន ដែលរួមបញ្ចូលទាំងការបង្រ្កាបវិប្បធម៌រៀនគួរ ដែលអណាព្យាបាលនានាយល់ឃើញថា ជាមធ្យោបាយមួយ ដើម្បីបំប៉ោងសមត្ថភាពនៃការសិក្សារបស់កូនៗផងដែរ។ កាលពីចុងខែកក្កដា ប្រទេសចិនបានបញ្ជាឱ្យក្រុមហ៊ុនបង្រៀនឯកជនទាំងអស់ងាកទៅរកការអប់រំ ដោយមិនរកប្រាក់ចំណេញ ហើយបានរារាំងទីភ្នាក់ងារបង្រៀនពីការផ្តល់មេរៀនក្នុងមុខវិជ្ជាសំខាន់ៗនៅចុងសប្តាហ៍ និងថ្ងៃឈប់សម្រាកផងដែរ។
-
ចិនកាត់បន្ថយរយៈពេលលេងហ្គេមអនឡាញលើកុមារមកនៅត្រឹមមួយម៉ោង
និយតករវីដេអូហ្គេមរបស់ចិន បាននិយាយថា អ្នកលេងហ្គេមអនឡាញ ដែលមានអាយុក្រោម ១៨ ឆ្នាំ នឹងត្រូវបានអនុញ្ញាតឱ្យលេងតែមួយម៉ោងប៉ុណ្ណោះនៅថ្ងៃសុក្រ ថ្ងៃចុងសប្តាហ៍ និងថ្ងៃឈប់សម្រាក។ រដ្ឋបាលសារព័ត៌មាន និងការបោះពុម្ពផ្សាយជាតិ បានប្រាប់ទីភ្នាក់ងារសារព័ត៌មាន Xinhua ថា ការលេងហ្គេម នឹងត្រូវបានអនុញ្ញាតនៅចន្លោះម៉ោង ៨ យប់ដល់ម៉ោង ៩ យប់ប៉ុណ្ណោះ។ គោលការណ៍នេះ ក៏បានណែនាំដល់ក្រុមហ៊ុនហ្គេមកុំអោយក្មេងៗលេងនៅខាងក្រៅពេល ដែលបានណែនាំនេះ។ កាលពីដើមខែនេះ ប្រព័ន្ធផ្សព្វផ្សាយរដ្ឋបានដាក់ឈ្មោះហ្គេមអនឡាញថា «អាភៀនខាងវិញ្ញាណ»។ក្រុមហ៊ុនហ្គេមតាមអ៊ិនធរណេត ក៏នឹងចាប់ផ្ដើមតាមដាន និងត្រួតពិនិត្យលើពេលវេលានៃការលេងហ្គេមរបស់កុមារទៅតាមគោលការណ៍ ដែលកំណត់ផងដែរ។ ចំណាត់ការនេះ ធ្វើឡើងក្នុងគោលបំណងកាត់បន្ថយផលប៉ះពាល់នៃការលេងហេ្គមហួសប្រមាណលើយុវជន និងកុមារ។ គួរបញ្ជាក់ផងដែរថា មួយខែមុនពេលមានការរឹតត្បិតនេះ អត្ថបទមួយ ដែលចុះផ្សាយដោយព័ត៌មានសេដ្ឋកិច្ចប្រចាំថ្ងៃគ្រប់គ្រងដោយរដ្ឋ បានអះអាងថាក្មេងជំទង់ជាច្រើន បានញៀននឹងហ្គេមអនឡាញ ហើយវាជះឥទ្ធិពលអវិជ្ជមានដល់ពួកគេ។អត្ថបទនេះ បានបង្កឱ្យមានការធ្លាក់ចុះយ៉ាងខ្លាំងនៃតម្លៃភាគហ៊ុននៅក្នុងក្រុមហ៊ុនហ្គេមអនឡាញធំៗ មួយចំនួនរបស់ប្រទេសចិន។
-
ក្រុមរដ្ឋអ៊ិស្លាមបាញ់រ៉ុក្កែតនៅអាកាសយានដ្ឋានក្រុងកាប៊ុល ខណៈការដកទ័ពឈានដល់ថ្ងៃកំណត់
ក្រុមរដ្ឋអ៊ិស្លាមអះអាងថា ខ្លួនជាអ្នកបាញ់រ៉ុក្កែតប្រហែល ៦ គ្រាប់នៅអាកាសយានដ្ឋានអន្តរជាតិក្រុងកាប៊ុលកាលពីថ្ងៃច័ន្ទ មួយថ្ងៃមុនកាលកំណត់នៃការដកទ័ពបរទេសចេញពីអាហ្វហ្គានីស្ថាន ខណៈដែលអាមេរិកប្រញាប់ប្រញាល់ជម្លៀសពលរដ្ឋខ្លួន។ អ្នកនាំពាក្យសេតវិមានលោកស្រី Jen Psaki បញ្ជាក់ថាអាកាសយានដ្ឋានពិតជារងការវាយប្រហារ ប៉ុន្តែមិនធ្វើឱ្យប៉ះពាល់ដល់ប្រតិបត្តិការជម្លៀសប្រជាជននោះទេ។ ប្រធានាធិបតី ចូ បៃដិន បានបញ្ជាក់ជាថ្មីនូវបញ្ជារបស់លោកដោយការបង្កើនកិច្ចខិតខំប្រឹងប្រែងទ្វេដង ដើម្បីផ្តល់អាទិភាពដល់អ្វីដែលចាំបាច់ដើម្បីការពារកងកម្លាំងរបស់អាមេរិក។ គិតមកត្រឹមព្រឹកថ្ងៃអង្គារ មិនមានសេចក្ដីរាយការណ៍ណាមួយបញ្ជាក់ពីចំនួនជនរងគ្រោះ និងអ្នកស្លាប់បាត់បង់ជីវិតនោះទេ។ ការវាយប្រហារថ្មីៗរបស់ក្រុមរដ្ឋអ៊ិស្លាមនេះ ធ្វើឡើងបន្ទាប់ពីក្រុមសកម្មប្រយុទ្ធ ISIS-K ដែលជាគូប្រជែងរបស់តាលីបង់ កាលពីថ្ងៃព្រហស្បត្តិ៍សប្ដាហ៍មុន បានបំផ្ទុះគ្រាប់បែកធ្វើអត្តឃាតនៅច្រកចូលអាកាសយានដ្ឋានក្រុងកាប៊ុល ដែលសម្លាប់ប្រជាជនអាហ្វហ្គានីស្ថាន និងទាហានអាមេរិកយ៉ាងហោចណាស់ ១៨០ នាក់។ ទីភ្នាក់ងារសារព័ត៌មាន AP ចុះផ្សាយថា យន្តហោះជម្លៀសពលរដ្ឋរបស់អាមេរិកនៅតែបន្តដំណើរការក្រោយពីការវាយប្រហារ ហើយយោងតាមសេតវិមានកាលពីថ្ងៃចន្ទនេះ មនុស្សប្រមាណ ១ ២០០ នាក់ត្រូវបានជម្លៀសចេញពីរដ្ឋធានីក្នុងរយៈពេល ២៤ ម៉ោងចុងក្រោយ ដោយស្ទើរតែទាំងស្រុងតាមជើងហោះហើររបស់យោធាអាមេរិក។ ក្រុមតាលីបង់ដែលកំពុងបន្ថែមការរឹតបណ្ដឹងផ្នែកសន្តិសុខនៅអាកាសយានដ្ឋាននិយាយថា ខ្លួននឹងបើកដំណើរការហោះហើរធម្មតាបន្ទាប់ពីការដកទ័ពរបស់អាមេរិកត្រូវបានបញ្ចប់នៅថ្ងៃអង្គារនេះ។ ទោះយ៉ាងណា គេនៅតែមិនច្បាស់ថាតើក្រុមសកម្មប្រយុទ្ធនេះនឹងដំណើរការព្រលានយន្តហោះយ៉ាងដូចម្តេច ហើយក្រុមហ៊ុនអាកាសចរណ៍ពាណិជ្ជកម្មណានឹងចាប់ផ្តើមប្រតិបត្តិការខណៈដែលការព្រួយបារម្ភសន្តិសុខនៅតែបន្ត។
-
កូវីដ-១៩ នៅអាមេរិក៖ អត្រាប្រចាំថ្ងៃនៃអ្នកជំងឺត្រូវចូលព្យាបាលនៅមន្ទីរពេទ្យកើនលើស ១០០.០០០
អត្រាប្រចាំថ្ងៃនៃអ្នកជំងឺកូវីដ-១៩ត្រូវចូលព្យាបាលនៅមន្ទីរពេទ្យរបស់អាមេរិក ជាមធ្យមបានកើនលើស ១០០.០០០ នាក់ ក្នុងរយៈពេលមួយសប្ដាហ៍មុន ដែលជាអត្រាខ្ពស់បំផុតចាប់តាំងពីចំណុចកំពូលនៃរលកឆ្លងកាលពីចុងឆ្នាំមុន និងដើមឆ្នាំនេះ។ ការហូរចូលនៃអ្នកជំងឺកំពុងធ្វើឱ្យប៉ះពាល់ដល់មន្ទីរពេទ្យ និងបុគ្គលិកសុខាភិបាល ខណៈពេលដែលអត្រានៃការស្លាប់ប្រចាំថ្ងៃបានកើនឡើងដល់ ១០០០ នាក់ ដែលជាចំណុចខ្ពស់បំផុតចាប់តាំងពីខែមីនា។ ការចូលព្យាបាលនៅមន្ទីរពេទ្យនៅទូទាំងសហរដ្ឋអាមេរិកបានកើនឡើងជិត ៥០០ ភាគរយក្នុងរយៈពេលពីរខែចុងក្រោយនេះ ជាពិសេសនៅបណ្ដារដ្ឋភាគខាងត្បូងប្រទេស ដែលជាតំបន់មានអត្រាចាក់វ៉ាក់សាំងទាបបំផុតនៅអាមេរិក ហើយពោរពេញទៅដោយការប្រឆាំងផ្នែកនយោបាយចំពោះវិធានការសុខាភិបាលដូចជាការតម្រូវឱ្យពាក់ម៉ាស់ និងរក្សាគម្លាតសង្គម។ អត្រាឆ្លងក្នុងចំណោមអនីតិជន ជាពិសេសក្រោមអាយុ ១២ ឆ្នាំ ក៏កំពុងកើនឡើងផងដែរ ខណៈពេលដែលបណ្ដារដ្ឋមួយចំនួនចាប់ផ្ដើមបើកការចូលរៀននៅសាលាវិញ។ បើយោងតាមទិន្នន័យពីក្រសួងសុខាភិបាល និងសេវាកម្មមនុស្សរបស់អាមេរិក រដ្ឋផ្លរីដាមានករណីបញ្ជូនទៅមន្ទីរពេទ្យចំនួន ១៦.៤៥៧ នាក់ ដែលជាអត្រាខ្ពស់ជាងគេនៅអាមេរិក ហើយតាមពីក្រោយដោយរដ្ឋតិចសាស់។ ដូចរលកឆ្លងមុនៗដែឬ មន្ទីរពេទ្យជាច្រើនកំពុងឈានដល់ការពេញចំណុះ ហើយត្រូវបានបង្ខំឱ្យធ្វើការពង្រីកដោយការរៀបចំគ្រែព្យាបាលនៅកន្លែងដែលជាធម្មតាមិនមែនសម្រាប់ធ្វើការព្យាបាល។ អ្នកជំនាញមួយចំនួនគិតរលកថ្មីនេះនឹងបង្កឱ្យពេលវេលារង់ចាំការព្យាបាលកាន់តែយូរ ហើយគុណភាពនៃការថែទាំអាចនឹងធ្លាក់ចុះ៕
-
លោក ប្លីងគែន៖ សហរដ្ឋអាមេរិកនឹងបន្តកិច្ចខិតខំប្រឹងប្រែងជម្លៀសមនុស្សចេញពីអាហ្វហ្គានីស្ថាន (មានវីដេអូ)
-
តាលីបង់សាទរព្រឹត្តិការណ៍ជាប្រវត្តិសាស្រ្ត បន្ទាប់ពីសហរដ្ឋអាមេរិកបញ្ចប់ការដកកងទ័ពចេញពីអាហ្វហ្គានីស្ថាន (មានវីដេអូ)
