ទីភ្នាក់ងារ​សារ​ព័ត៌មាន​វៀតណាម​ ​V​N​express​ ​បាន​ចេញផ្សាយ​ថា​ ​មន្ត្រី​សុខាភិបាល​ជា​ស្ត្រី​ វ័យ​៣​៥​ឆ្នាំ​ម្នាក់​បាន​ស្លាប់​នៅ​ក្នុង​មន្ទីរពេទ្យ​ ​ស្ថិត​ក្នុង​ខេត្ត​ ​An​ ​G​i​an​g​ ​ក្រោយពេល​ចាក់​វ៉ាក់សាំង​រួច។​ ​ប្រភព​មិនបាន​បញ្ជាក់​ថា​ ​ជនរងគ្រោះ​បាន​ចាក់​វ៉ាក់សាំង​កូ​វី​ដ​១​៩​ ​ប្រភេទ​អ្វី​នោះ​ទេ​ ​ប៉ុន្តែ​វៀតណាម​បាន​ចាប់ផ្តើម​ដំណើរការ​ចាក់​វ៉ាក់សាំង​ ​As​t​raZe​n​e​ca​ ​តាំងពី​ថ្ងៃ​ទី​៨​ ​មីនា​ ​២​០​២​១​ ​ក្នុង​នោះ​ ​គិត​ត្រឹម​ថ្ងៃសុក្រ​ ​ស​ប្តាហ៍​មុន​ ​មាន​មនុស្ស​ជិត​៧​៥​ម៉ឺន​នាក់​ ​ក្នុង​ក្រុង​-ខេត្ត​ចំនួន​៥​៧​នៃ​ប្រទេស​វៀតណាម​បាន​ចាក់​វ៉ាក់សាំង​រួចហើយ​។​ ​ក្រុម​អាទិភាព​ទទួលការ​ចាក់​គឺជា​បុគ្គលិក​សុខា​ភិបាល​ ​ក្រុម​ការងារ​យក​សំណាក​ ​ក្រុម​ការងារ​ស្រាវជ្រាវ​ ​នគរបាល​ ​និង​ ​កងទ័ព​។​ ​បច្ចុប្បន្ន​ ​វៀតណាម​ទទួល​បាន​វ៉ាក់សាំង​អង់គ្លេស​ប្រភេទ​នេះ​ចំនួន​២​លើក​មក​ហើយ​ ​ក្នុង​នោះ​ ​លើក​ទី​១​ ចំនួន​១​១​៧​៦​០​០​ដូ​ស​ ​កាលពី​ខែកុម្ភៈ​ ​និង​លើក​ទី​២​ ​ចំនួន៨​០​ម៉ឺន​ដូ​ស​ ​កាលពី​ចុងខែ​មីនា​ ​ស្ថិត​ក្រោម​កម្មវិធី​កូ​វ៉ា​ក់ ​របស់​អង្គការសុខភាព​ពិភពលោក​។​ ​តាម​គម្រោង​ ​យន្ត​ការ​កូ​វ៉ា​ក់​នេះ​នឹង​ផ្តល់​វ៉ាក់សាំង​១​លាន​៦​សែន​ដូ​ស​ទៀត​ជូន​វៀតណាម​ ​នា​ថ្ងៃចន្ទ​ ​ទី​១​០​ ​ឧសភា​ ​២​០​២​១​នេះ​។​ ​ចំពោះ​មូលហេតុ​នៃ​ការ​ស្លាប់​ដំបូង ក្រោយ​ការ​ចាក់​វ៉ាក់សាំង​ ​ត្រូវ​បាន​មន្ទីរ​សុខាភិបាល​ខេត្ត​ ​An​ ​G​i​an​g​ ​បញ្ជាក់​ថា​ ​បណ្តាលមកពី​ប្រតិកម្ម​អាណា​ហ្វី​ឡាក់​ទិច​ ​ដោយសារតែ​ប្រតិកម្ម​អា​ឡែ​ហ្ស៊ី​ថ្នាំ​ប្រឆាំង​នឹង​ការ​រលាក​ដែល​មិនមែន​ជា​ស្តេរ៉ូ​អ៊ី​ត​។​ ​អ្នកគ្រូពេទ្យ​រូប​នេះ​ត្រូវ​បាន​ចាក់​វាក់​សាំង ​កាល​ពីព្រឹក​ថ្ងៃ​ទី​៦​…

ក្រសួងសុខាភិបាលឡាវ នៅថ្ងៃអាទិត្យ ទី០៩ ខែឧសភា ឆ្នាំ២០២១នេះបានរាយការណ៍ពីករណីអ្នកស្លាប់ដំបូងគេបំផុតដោយសារ COVID-19 នៅក្នុងប្រទេស ពោលជាការស្លាប់ក្រោយផ្ទុះសហគមខ្លាំង ថ្មីៗនេះ។ ក្រសួងសុខាភិបាលឡាវថា អ្នកស្លាប់ជនគឺជាស្ត្រី មានអាយុ ៥៣ឆ្នាំ ដែលបានចូលសម្រាកព្យាបាល COVID-19 នៅឯមន្ទីរពេទ្យមួយ ក្នុងទីក្រុងវៀងច័ន្ទ ចាប់តាំងពីថ្ងៃទី៣០ ខែមេសាមក។ ក្រសួងសុខាភិបាលឡាវ នៅថ្ងៃអាទិត្យនេះដែរក៏បានប្រកាសពីគាររកឃើញអ្នកឆ្លង ៦៩នាក់បន្ថែមទៀត ផងដែរនាំឱ្យអ្នកឆ្លង COVID-19 នៅទូទាំងប្រទេសកើនដល់ ១៣០២នាក់ និងជាសះស្បើយឡើងវិញ ២៣២នាក់។

ចំនួនមនុស្សឆ្លងជំងឺកូវីដ១៩ នៅប្រទេសវៀតណាមបានកើនឡើងខ្លាំងវិញ ក្រោយថ្ងៃឈប់សម្រាកប៉ុន្មានថ្ងៃដែលពលរដ្ឋបានសម្រុកទៅដើរកម្សាន្តនៅតំបន់ទេសចរណ៍នានា ទោះបីអាជ្ញាធរបានព្រមានពីបញ្ហាជំងឺឆ្លងនេះក៏ដោយ។ ព្រឹកថ្ងៃអាទិត្យ ទី៩ ឧសភានេះ ក្រសួងសុខាភិបាលវៀតណាមបានប្រកាសពីការឆ្លងសហគមន៍ ១៥នាក់ ក្នុងនោះ មាន៦ករណីក្នុងមន្ទីរពេទ្យនាក្រុងហាណូយ។ សរុបតាំងពីថ្ងៃទី៤ ឧសភាមក ឆ្លងថ្មីៗមានចំនួន២២១នាក់។ ជាការកត់សម្គាល់ កាលពីថ្ងៃទី២៧ មេសា វៀតណាមបានប្រកាសពីការឆ្លងសហគម១ករណីដំបូង ក្រោយស្ងប់ស្ងាត់គ្មានសូម្បី១ករណី រយៈពេល១ខែមក។ ពីថ្ងៃទី២៧ មេសា ដល់ ៣ ឧសភា មានឆ្លងក្នុងសហគម ត្រឹម៣៥ករណី។ ប៉ុន្តែស្រាប់តែម្សិលមិញ មានដល់៨០ករណី។ វៀតណាមបានឈប់សម្រាកបុណ្យជាតិ៤ថ្ងៃ ពីចុងខែមេសា ដល់ដើមខែនេះ ជាបុណ្យបង្រួបបង្រួមជាតិនិងទិវាពលកម្នអន្តរជាតិ។ មនុស្សរាប់ម៉ឺននាក់ទៅដើរលេងនៅតាមតំបន់រមនីយដ្ឋាននានាវិញ ក្នុងពេលនោះ ក៏ចាប់ផ្តើមមានឆ្លងសហគមវិញ រហូតដល់ពេលនេះ៕

រាជរដ្ឋាភិបាលថៃគ្រោងនឹងប្រមូលវ៉ាក់សាំងបង្ការជំងឺកូវីដ១៩ ឲ្យកើនដល់ចំនួន១៥០លានដូស ចាក់ជូនប្រជាពលរដ្ឋក្នុងប្រទេស នេះបើតាមលោកនាយករដ្ឋមន្ត្រី ប្រាយុទ្ធ ប្រកាសតាមហ្វេសបុក កាលពីថ្ងៃទី៨ ឧសភា ម្សិលមិញ។ លោកថា ដំបូងឡើយ ថៃមានផែនការប្រមូលវ៉ាក់សាំងត្រឹម១០០លានដូស ក្នុងនោះ ក៏នឹងមានផលិតនៅក្នុងប្រទេសដែរ នាឆ្នាំក្រោយនោះ ផ្តើមចែកចាយ។ លោកបន្តថា ដោយសារតែស្ថានភាពជាក់ស្តែង រាជរដ្ឋាភិបាលត្រូវដាក់ចេញផែនការថ្មី គឺប្រមូលវ៉ាក់សាំងឲ្យបាន១៥០លានដូសសម្រាប់មនុស្សពេញវ័យ ប្រមាណ៦០លាននាក់ ខណៈដូសនៅសល់ ទុកបម្រុងទុក៕

គិតត្រឹមថ្ងៃពុធសប្តាហ៍មុន វ៉ាក់សាំងចិនច្រើនជាង១.១ពាន់លានដូសត្រូវបានចែកចាយទៅចាក់ជូនពលរដ្ឋទូទាំងពិភពលោក ប៉ុន្តែជាង៨០ភាគរយ គឺនៅប្រទេសចំណូលខ្ពស់ និង ចំណូលមធ្យមកម្រិតខ្ពស់ ខណៈតែ០.៣ភាគរយ នៅក្នុងប្រទេសចំណូលទាប នេះបើតាមអគ្គនាយកអង្គការសុខភាពពិភពលោក លោក Tedros ។ ជាមួយនឹងការប្រកាសដោយអង្គការសុខភាពពិភពលោក ឲ្យប្រើវ៉ាក់សាំងចិន ស៊ីណូហ្វាម ជាបន្ទាន់ កាលពីម្សិលមិញនោះ មានការរំពឹងថា នឹងមានការពន្លឿនកម្មវិធីចាក់វ៉ាក់សាំង ដល់បណ្តាប្រទេសក្រីក្រ និងប្រទេសមានចំណូលមធ្យម តាមរយៈការទិញ ឬ ការទទួលបាន Free ជាដើម ។ ក៏ជួនពេលដែលភាគីចិនគ្រោងផលិតស៊ីណូហ្វាម កើនពី១ពាន់ ឲ្យដល់៣ពាន់លានដូស។ ម្យ៉ាងទៀត ចិននៅតែរក្សាការសម្រេចចិត្តក្នុងការផ្តល់វ៉ាក់សាំងមិនគិតថ្លៃ ១០លានដូស ជូនកម្មវិធីកូវ៉ាក់របស់អង្គការសុខភាពពិភពលោក ទៅឲ្យបណ្តាប្រទេសកំពុងអភិវឌ្ឍន៍៕

មជ្ឈមណ្ឌលគ្រប់គ្រងស្ថានភាពជំងឺកូវីដ១៩ ហៅកាត់ថា CCSA បានប្រកាស នាវេលាថ្ងៃត្រង់ ថ្ងៃទី ៨ ឧសភា ២០២១នេះថា ប្រទេសថៃឆ្លងថ្មី ២៤១៩នាក់ទៀត និងស្លាប់១៩នាក់៕.