-
លោក ដូណាល់ ត្រាំ គំរាមបណ្តេញវេជ្ជបណ្ឌិត ហ្វូស៊ី ពីការងារ នៅក្រោយថ្ងៃបោះឆ្នោតសហរដ្ឋអាមេរិក
អាមេរិក៖ ប្រធានាធិបតីអាមេរិកលោក ដូណាល់ ត្រាំ បញ្ជាក់ថា លោកនឹងបណ្តេញវេជ្ជបណ្ឌិត អាន់តូនី ហ្វូស៊ី ពីការងារនៅក្រោយថ្ងៃបោះឆ្នោតអាមេរិក ចំពេលដែលលោកកាន់តែមានជម្លោះខ្លាំងឡើងជាមួយអ្នកឯកទេសជំងឺឆ្លងកំពូលរបស់អាមេរិករូបនេះ នេះបើតាមសារព័ត៌មាន AP នៅថ្ងៃទី០២ ខែវិច្ឆិកា ឆ្នាំ២០២០ ។ ថ្លែងទៅកាន់ក្រុមអ្នកគាំទ្រលោកក្នុងទីក្រុង Opa-locka ក្នុងរដ្ឋ Florida នៅថ្ងៃចន្ទនេះ លោក ដូណាល់ ត្រាំ បានបង្ហាញពីអារម្មណ៍មិនសប្បាយចិត្តរបស់លោកដែលថា ករណីផ្ទុះឡើងនៃជំងឺកូវីដ១៩ ដែលនៅពេលនេះបានសម្លាប់ពលរដ្ឋអាមេរិកអស់ជាង២៣ម៉ឺន១ពាន់ហើយនោះ នៅតែជាព័ត៌មានដ៏សំខាន់នៅក្នុងប្រព័ន្ធផ្សព្វផ្សាយ ។ ក្រុមអ្នកគាំទ្រលោកនៅក្នុងពិធីនោះ ស្រែកបន្ទរនូវពាក្យថា «ដេញលោក ហ្វូស៊ី ចេញទៅ ។ លោក ត្រាំ បានឆ្លើយតបទៅអ្នកគាំទ្រលោកវិញថា កុំប្រាប់អ្នកដទៃ ទុកពេលឲ្យខ្ញុំបន្តិចរហូតដល់ក្រោយថ្ងៃបោះឆ្នោតសិន ហើយថា លោកអរគុណដល់អ្នកគាំទ្រលោកដែលបានផ្តល់យោបល់ឲ្យលោកធ្វើដូចនោះ ។ សូមបញ្ជាក់ថា លោកវេជ្ជបណ្ឌិត ហ្វូស៊ី ថ្មីៗនេះកាន់តែបានរិះគន់មិនសំចៃមាត់ដែលថា លោក ត្រាំ មិនបានស្តាប់យោបល់លោកទាក់ទងនឹងវិធីទប់ស្កាត់ជំងឺកូវីដ១៩ ដោយអ្នកជំនាញរូបនេះបញ្ជាក់ថា លោកមិនបាននិយាយជាមួយលោក ត្រាំ អស់រយៈពេលជាងមួយខែមកហើយ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៤៧លាននាក់ ក្នុងនោះស្លាប់ជាង១លាន២១ម៉ឺននាក់ និងជាសះស្បើយជាង៣៤លាន២ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៤៧លាន៣១ម៉ឺន៣ពាន់៤៨៨ករណី ក្នុងនោះមានអ្នកជម្ងឺសរុបចំនួន១លាន២១ម៉ឺន១ពាន់១៧នាក់ស្លាប់ និង ជាសះស្បើយឡើងវិញសរុបចំនួន៣៤លាន២ម៉ឺន៦ពាន់៧៩០នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៣ ខែវិច្ឆិកា ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៩លាន៥៦ម៉ឺន៧ពាន់៥៤៣នាក់ ស្លាប់ចំនួន២៣ម៉ឺន៦ពាន់៩៩៧នាក់ និងជាសះស្បើយចំនួន៦លាន១៧ម៉ឺន១ពាន់៤០២នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៨លាន២៦ម៉ឺន៦ពាន់៩១៤នាក់ ស្លាប់ចំនួន១២ម៉ឺន៣ពាន់១៣៩នាក់ និងជាសះស្បើយ៧លាន៦០ម៉ឺន១ពាន់៤២៩នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៥លាន៥៥ម៉ឺន៤ពាន់២០៦នាក់ ស្លាប់១៦ម៉ឺន២៧២នាក់ និងជាសះស្បើយ៤លាន៩៨ម៉ឺន៩៤២នាក់ ៕
-
អាមេរិក៖ ស្ទង់មតិបន្តបង្ហាញថា លោកបៃដិនឈ្នះលោកត្រាំ
-
ស្វែងយល់ពី ត្រីវិស័យ-នវានុវត្តន៍ពិសេសមួយក្នុងចំណោមនវានុវត្តន៍ពិសេសទាំង៤របស់ប្រជាជាតិចិន
ត្រីវិស័យ គឺជាឧបករណ៍ដែលធ្វើឡើងពីមេដែក សម្រាប់ចង្អុលបង្ហាញពីទិសខាងត្បូង និងខាងជើង។ ឧបករណ៍ចង្អុលទិសដំបូងគេនោះ ឈ្មោះថា សឺណាន នៅសម័យសង្គ្រាមមានគេចាប់ផ្តើមប្រើរួចហើយ។ វាត្រូវបានផលិតឡើងដោយចប្រើថ្មធម្មជាតិម្យ៉ាងដែលរូបរាងរបស់វាស្រដៀងនឹងស្លាបព្រា វាមានទម្ងន់ធ្ងន់នៅចំកណ្តាល ហើយមានទំនាញ តួខ្លួនរបស់វាមានភាពរលោងភ្លឺ ហើយទ្រនិចវាចង្អុលទៅគ្រប់ទិស ពេលគេប្រើ គឺគេយកថ្មស្លាបព្រាវែងនោះដាក់លើផ្ទៃរាបស្មើ ហើយគេប្រើដៃបង្វិលឱ្យវាវិល នៅពេលវាឈប់ ទ្រនិចវែងនោះ នឹងចង្អុលទៅរកទិសខាងត្បូង។ នៅពេលមានវត្តមានឧបករណ៍ត្រីវិស័យឈ្មោះ សឺណាន នេះ មនុស្សម្នាក៏បានស្គាល់ពីសារប្រយោជន៍នៃថ្មមេដែកនោះ ក៏ប៉ុន្តែ សឺណាន ក៏មានគុណវិបត្តិមិនតិចដែរ។ មុនដំបូងគឺមេដែកនោះ មានការលំបាកខ្លាំងណាស់ក្នុងការស្វែងរកទិស ពេលគេកែច្នៃហើយ ក៏វាមិនសូវឆក់ ហេតុដូចនេះហើយបានជា ឧបករណ៍សឺណាន មានភាពអន់ខ្សោយបន្តិច។ លើកនេះគឺ ចាំបាច់ត្រូវយកវាដាក់នៅលើដីរៀបស្មើនិងរលោងខ្លាំងជាងមុន បើមិនដូចច្នេះទេ វាពិបាកនឹងបង្វិលឱ្យវិលណាស់ ហើយវាច្បាស់ជាបង្វិលមិនចំទិសខាងត្បូងដូចអ្វីដែលគេចង់បាន។ ចុងក្រោយ សឺណាន ត្រូវមានកម្រិតទម្ងន់មួយជាក់លាក់ ហើយវាពិបាកក្នុងការកាន់ ដែលនេះក៏ជាហេតុផលមួយធ្វើឱ្យ សឺណាន មិនត្រូវបានគេប្រើឱ្យបានទូលំទូលាយផងដែរ។ និវានុវត្តន៍ត្រីវិស័យ គឺកើតចេញពីលទ្ធផលនៃការពិសោធប្រើប្រាស់មេដែកឆក់អស់ពេលយ៉ាងយូរ ដោយសារតែវាត្រូវការកម្លាំងផលិត មនុស្សយើងបានចាប់ប្រើមេដែកឆក់ និងចាប់ផ្តើមស្គាល់ពីគុណតម្លៃនៃមេដែកនោះ។ មនុស្សចាប់ផ្តេីមរកឃើញដំបូង គឺឃើញមេដែកឆក់នោះមានទំនាញឆក់ជាមួយសារធាតុដែក ក្រោយមកក៏ឃើញថ្មឆក់នោះចេះចង្អុលទិស។ មកដល់ជំនាន់រាជវង្សសុង ទើបគេអាចផលិតចេញជាត្រីវិស័យ…
-
អតីតប្រធានាធិបតីកូរ៉េខាងត្បូងជាប់គុក១៧ឆ្នាំ ពីបទពុករលួយពេលនៅកាន់អំណាច
-
អាមេរិកនឹងព្យួរកម្មវិធីអនុគ្រោះពន្ធ GSP ពីថៃ ចុងឆ្នាំ២០២០នេះ
-
វៀតណាមខាតបង់សេដ្ឋកិច្ចដ៏ធំ ជាង៤៣០លានដុល្លារ ព្រោះព្យុះសង្ឃរា Molave
ព្យុះសង្ឃរា Molave ដែលបានប្រហារតំបន់កណ្តាលនៃប្រទេសវៀតណាម កាលពីសប្តាហ៍មុននោះ បានបណ្តាលឲ្យប្រទេសនេះខាតបង់សេដ្ឋកិច្ចតម្លៃប្រមាណ១០ទ្រីលានដុងឬ ៤៣០.១៦លានដុល្លារអាមេរិក នេះបើតាមស្ថិតិមកពីបណ្តាខេត្តដែលរង់ផលប៉ះពាល់ ចេញផ្សាយដោយសារព័ត៌មាន VN Express នាថ្ងៃទី២ វិច្ឆិកា ២០២០នេះ។ ប្រភពថា ទំហំខូតខាតគឺលើសជាងការខាតបង់ដោយសារតែគ្រោះមហន្តរាយពេញមួយឆ្នាំ២០១៩ ដល់ទៅជិត១.៥ដង ដែលមានត្រឹម៣០២.៦លានដុល្លារអាមេរិកប៉ុណ្ណោះ ក្នុងនោះ ភាគច្រើនខាតបង់ខ្លាំងព្រោះទឹកជំនន់ ព្យុះ និងបំណាក់ដី។ គិតត្រឹមថ្ងៃអាទិត្យ ព្យុះនេះបានសម្លាប់មនុស្សនៅវៀតណាម៣៣នាក់ហើយ ខណៈដែលមនុស្ស៤៩នាក់ទៀត បាត់ខ្លួន ផ្ទះជាង៧២០កន្លែងត្រូវបានបំផ្លាញ និង១៧៦៧៩០ខ្នងទៀត បំផ្លាញយ៉ាងតំណំ៕
-
លោក ចូ បៃដិន ធ្វើយុទ្ធនាការរកសំឡេងឆ្នោតនៅរដ្ឋ Pennsylvania ចំនួន០២ថ្ងៃជាប់គ្នា ខណៈលោក ដូណាល់ ត្រាំ សម្រុកឃោសនាមួយថ្ងៃ០៥រដ្ឋ
អាមេរិក៖ ប្រធានាធិបតីអាមេរិកលោក ដូណាល់ ត្រាំ បានបញ្ចេញកាលវិភាគដ៏តក់ក្រហល់មួយនៅថ្ងៃអាទិត្យម្សិលមិញ ដោយធ្វើឃោសនាបោះឆ្នោត៥រដ្ឋតែម្ដងក្នុងពេលត្រឹមតែ២៤ម៉ោង ។ ដោយចាប់ផ្ដើមពីរដ្ឋ Michigan លោក ត្រាំ ក៏បន្តធ្វើដំណើរទៅកាន់រដ្ឋ Iowa , North Carolina, Georgia និង Florida ដែលជាសុទ្ធសឹងតែជារដ្ឋសំខាន់ៗក្នុងសមរភូមិបោះឆ្នោតអាមេរិកឆ្នាំ២០២០ ពោលគឺអាចកំណត់ជោគវាសនារបស់បេក្ខជនប្រធានាធិបតីទាំងពីរគណបក្សធំៗនេះ សម្រាប់ឈោងទៅចាប់តំណែងប្រធានាធិបតីអាមេរិក ។ ជាមួយគ្នានេះ លោក ចូ បៃដិន ក៏បានធ្វើយុទ្ធនាការឃោសនាបោះឆ្នោតក្នុងរដ្ឋ Pennsylvania ចំនួន០២ថ្ងៃជាប់ៗគ្នាផងដែរ ពោលគឺចាប់ពីថ្ងៃទី១ ដល់ទី២ ខែវិច្ឆិកានេះ ដែលជារដ្ឋកំណើតរបស់លោក ។ ហើយលោកក៏នឹងរៀបចំព្រឹត្តិការណ៍ផ្សេងក្នុងទីក្រុង Philadelphia និងទីក្រុង Pittsburgh ផងដែរ ។ មិនតែប៉ុណ្ណោះ លោក បៃឌិន ក៏នឹងធ្វើយុទ្ធនាការក្នុងរដ្ឋ Ohio នាថ្ងៃទី០២ ខែវិច្ឆិកាផងដែរ ដើម្បីបង្ហាញជំហរថា លោកអាចឈ្នះរដ្ឋនេះបាន ៕
-
គិតត្រឹមថ្ងៃទី០១ ខែវិច្ឆិកានេះ ពលរដ្ឋអាមេរិកជាង៩៣លាននាក់ហើយ បានបោះឆ្នោតមុនកំណត់ដើម្បីជ្រើសរើសប្រធានាធិបតីអាណត្តិថ្មី
អាមេរិក៖ គិតត្រឹមថ្ងៃទី០១ ខែវិច្ឆិកានេះ ពលរដ្ឋអាមេរិកជាង៩៣លាននាក់ហើយ បានបោះឆ្នោតមុនកំណត់សម្រាប់ជ្រើសរើសប្រធានាធិបតីអាណត្តិថ្មី ខណៈថ្ងៃបោះឆ្នោតធំនឹងត្រូវរៀបចំឡើងនាថ្ងៃទី០៣ ខែវិច្ឆិកា ឆ្នាំ២០២០ ។ បើតាមការប៉ាន់ស្មាននោះ តួលេខនេះ ស្មើនឹង៦៨ភាគរយនៃសន្លឹកឆ្នោតសរុបកាលពីការបោះឆ្នោតកាលពីឆ្នាំ២០១៦កន្លងទៅ ។ ស្របពេលជាមួយគ្នានោះដែរ កាសែតអង់គ្លេស The Guardian បានឱ្យដឹងថា លោក ចូ បៃដិន បាននាំមុខលោក ដូណាល់ ត្រាំ ក្នុងការស្ទង់មតិថ្នាក់ជាតិក្នុងរដ្ឋសំខាន់ៗដូចជា Florida, Pennsylvania, Michigan, North Carolina, Arizona, Wisconsin និងរដ្ឋ Iowa ខណៈដែលលោក ត្រាំ នាំមុខលោក បៃដិន តែរដ្ឋ Ohio មួយប៉ុណ្ណោះ ៕
-
លោក ដូណាល់ ត្រាំ ច្រានចោលការចុះផ្សាយរបស់សារព័ត៌មាន Axios ដែលថា លោកកំពុងត្រៀមខ្លួនទុកជាមុនឲ្យហើយ ដើម្បីអបអរជ័យជំនះលើលោក បៃដិន
អាមេរិក៖ ប្រធានាធិបតីអាមេរិកលោក ដូណាល់ ត្រាំ នៅថ្ងៃអាទិត្យម្សិលមិញ បានច្រាលចោលការចុះផ្សាយដែលថា រូបកំពុងត្រៀមខ្លួនទុកជាមុនដើម្បីប្រកាសពីជ័យជម្នះនៅក្នុងការបោះឆ្នោត ដែលនឹងប្រព្រឹត្តទៅនៅថ្ងៃទី០៣ ខែវិច្ឆិកានេះ ប្រសិនបើលោកឈ្នះលោក ចូ បៃដិន នេះបើតាមសារព័ត៌មានស៊ីនហួរនៅថ្ងៃទី០២ ខែវិច្ឆិកា ឆ្នាំ២០២០ ។ ការអះអាងបែបនេះរបស់លោក ត្រាំ ធ្វើឡើងបន្ទាប់ពីសារព័ត៌មាន Axios ដោយផ្អែកលើកិច្ចសន្ទនាឯកជនពីប្រភពចំនួន០៣ ស្និទ្ធនឹងលោក ដូណាល់ ត្រាំ បានឱ្យដឹងថា ប្រធានាធិបតីអាមេរិករូបនេះបានប្រាប់ក្រុមមនុស្សជំនិតរបស់លោកថា លោកមានបំណងប្រកាសពីជ័យជម្នះទុកជាមុន បើទោះជាលទ្ធផលនៃអ្នកបោះឆ្នោតតំណាងមួយចំនួនធំ មិនទាន់បានរាប់នៅតាមរដ្ឋសំខាន់ៗក៏ដោយ ។ យ៉ាងណាមិញ ការបោះឆ្នោតប្រធានាធិបតីអាមេរិកនៅថ្ងៃទី០៣ ខែវិច្ឆិកានេះ ត្រូវបានគេរំពឹងថា អាចនឹងមានភាពចម្រូងចម្រាសច្រើន ដោយអ្នកឈ្នះទំនងជាមិនអាចដឹងភ្លាមៗនៅយប់ថ្ងៃដដែលនេះទេ ដោយសារតែសន្លឹកឆ្នោតតាមប្រៃសណី យ៍ ដែលនឹងត្រូវរាប់តាមក្រោយ បន្ទាប់ពីការបិទទ្វារការិយាល័យបោះឆ្នោតនៅតាមរដ្ឋនីមួយៗ ដែលមានរបៀប ឬប្រព័ន្ធរាប់សន្លឹកឆ្នោតផ្សេងៗពីគ្នា ៕