​ក្រុម​បាតុករ​ថៃ​បាន​បាន​ទុក​ពេល​៣​ថ្ងៃ​ឲ្យ​លោក​ ​ប្រា​យុទ្ធ​ ​ចាន់​អូ​ចា ​ចុះចេញ​ពី​តំណែង​ ​ហើយ​ថ្ងៃ​ទី​២​៤​ ​តុលា​ ​២​០​២​០​នេះ​ ​គឺជា​កាលបរិច្ឆេត​ចុងក្រោយ​ហើយ​

ប្រធានាធិបតីអាមេរិកលោក ដូណាល់ ត្រាំ បានប្រាប់ក្រុមអ្នកគាំទ្របេក្ខភាពប្រធានាធិបតីអាណត្តិថ្មីរបស់ខ្លួ កាលពីថ្ងៃម្សិលមិញថា ជំងឺកូវីដ១៩នឹងត្រូវបញ្ចប់ឆាប់ៗនេះ។ ក្នុងវេទិការជជែកដេញដោល នៅរដ្ឋ Florida ឱកាសនោះដែរ លោកត្រាំ ថែមទាំងចោទប្រកាន់គូប្រជែងបោះឆ្នោត មកពីបក្សប្រជាធិបតេយ្យ លោក ចូ បាយឌិនថា បានលើកយកបញ្ហាសុខភាពនេះមកបន្លាចពលរដ្ឋអាមេរិក មិនឲ្យបោះឆ្នោតជូនលោកត្រាំទៀតផង។ជំងឺរាតត្បាតកូវីដ១៩ ដែលបានសម្លាប់មនុស្ស២២៤០០០នាក់ នៅសហអាមេរិករួចមកហើយ និងបានធ្វើឲ្យបាត់បង់ការងារធ្វើរាប់លាននាក់ បានក្លាយជាប្រធានបទដ៏សំខាន់យកមកនិយាយ ក្នុងពេលធ្វើយុទ្ធនាការបោះឆ្នោតជ្រើសរើសប្រធានាធិបតីអាមេរិក នាថ្ងៃទី៣ វិច្ឆិកា ខាងមុខនេះ។ លោក ចូ បាយឌិន បាននិយាយរិះគន់ថា លោកត្រាំបានបោះបង់ចោលវិធានការទប់ស្កាត់ជំងឺ ហើយបានសន្យាថា ប្រសិនបើលោកឈ្នះឆ្នោត លោកនឹងស្នើសុំសភាអនុម័តច្បាប់កូវីដ១៩ ដែលលោកនឹងចុះហត្ថលេខាក្នុងពេល១០ថ្ងៃដំបូង នៃការឡើងកាន់តំណែងក្នុងការិយាល័យ។ លោក ចូ បាយឌិនថា លោកត្រាំនៅស្ងៀមសម្រាប់ពលរដ្ឋអាមេរិក។ តែលោកវិញ លោកនឹងមិនបិទសេដ្ឋកិច្ចទេ តែលោកនឹងបិទបញ្ចប់វីរុសកូវីដ១៩៕ ប្រភព Reuters

មានប្រជាពលរដ្ឋអាមេរិកច្រើនជាង៥០លាននាក់ហើយដែលបានបោះឆ្នោតមុន នេះបើតាមអ្នកជំនាញបោះឆ្នោតមុនបញ្ជាក់ឲ្យដឹង កាលពីថ្ងៃទី២៣ តុលា ម្សិលមិញ។ការបោះឆ្នោតមុនក្នុងចំនួននេះគឺជាចំនួនដ៏ច្រើនជាប្រវត្ថិសាស្ត្រ សម្រាប់ការបោះឆ្នោតផ្លូវការ នាថ្ងៃទី៣ វិច្ឆិកា ដែលបេក្ខជនឈរឈ្មោះ គឺលោកដូណាល់ ត្រាំ ប្រធានាធិបតីបច្ចុប្បន្នមកពីគណបក្សសាធារណរដ្ឋ និងគូប្រជែង ចូ បាយឌិន មកពីគណបក្សប្រជាធិបតេយ្យ។យោងតាមគម្រោងបោះឆ្នោត Michael McDonald នៃសកលវិទ្យាល័យ Florida បានឲ្យដឹងដែរថា ពលរដ្ឋអាមេរិកយ៉ាងតិច៥២លាននាក់បានបោះឆ្នោតដោយផ្ទាល់ ឬតាមសារអេឡិចត្រូកនិក ១១ថ្ងៃមុនការបោះឆ្នោតផ្លូវការ។ចំនួននេះស្មើនឹងប្រមាណ២២ភាគរយនៃអ្នកមានសិទ្ធិបោះឆ្នោតនៅអាមេរិក ហើយ និងបណ្តាអ្នកជំនាញផ្សេងៗទៀតព្យាករណ៍ថា ការបោះឆ្នោតលើកនេះអាចបង្កើតកំណត់ត្រាបោះឆ្នោតទំនើប ដោយកើនលើសអត្រាចូលរួម ៦០ ភាគរយនៃការបោះឆ្នោតប្រធានាធិបតី កន្លងមក៕ ប្រភពពី Channelnewsasia

​ពលរដ្ឋ​អាមេរិក​ជាង​៥​០​លាន​នាក់​បាន​បោះឆ្នោត​មុន​ ​ជា​កំណត់​ត្រា​ដ៏​ច្រើន