-
ក្រោយចេញពីអឺរ៉ុប អង់គ្លេសចុះកិច្ចព្រមព្រៀងពាណិជ្ជកម្មសេរីជាមួយជប៉ុន
-
ថៃ-រុស្ស៊ីឯកភាពបង្កើនពាណិជ្ជកម្មដល់១០ពាន់លានដុល្លារ នៅឆ្នាំ២០២៣
-
វៀតណាមផ្តល់ជំនួយជាង២១លានដុល្លារ ដល់បណ្តាខេត្តរងគ្រោះពីទឹកជំនន់
-
លោក វ៉្លាឌីមៀរ ពូទីន អះអាងថា សម្ព័ន្ធភាពយោធារវាងរុស្ស៊ី និង ចិនមិនអាចច្រានចោលបានឡើយ
រុស្ស៊ី៖ ប្រធានាធិបតីរុស្ស៊ីលោក វ្ល៉ាឌីមៀរ ពូទីន ថ្លែងថា ឥឡូវនេះមិនចាំបាច់មានសម្ព័ន្ធភាពយោធារុស្ស៊ី-ចិនទេ ប៉ុន្តែលោកបានកត់សម្គាល់ថា វាអាចនឹងត្រូវបង្កើតឡើងនាពេលអនាគត នេះបើតាមសារព័ត៌មាន AP នៅថ្ងៃទី២២ ខែតុលា ឆ្នាំ២០២០ ។ នៅពេលសួរក្នុងសន្និសីទតាមវីដេអូជាមួយអ្នកជំនាញនយោបាយអន្តរជាតិ នៅ ថ្ងៃព្រហស្បតិ៍សប្តាហ៍នេះ ថាតើសម្ព័ន្ធភាពយោធារវាងរុស្ស៊ី និង ចិនអាចទៅរួចទេ លោក ពូទីន បានឆ្លើយតបថា យើងមិនត្រូវការវាទេ ប៉ុន្តែតាមទ្រឹស្តី វាពិតជាអាចទៅរួចក្នុងការស្រមៃអំពីវា ។ សេចក្តីថ្លែងការណ៍របស់លោក ពូទីន បានបង្ហាញពីទំនាក់ទំនងកាន់តែស៊ីជម្រៅរវាងទីក្រុងមូស្គូ និងទីក្រុងប៉េកាំង ចំពេលមានភាពតានតឹងកាន់តែខ្លាំងឡើង នៅក្នុងទំនាក់ទំនងរបស់ប្រទេសទាំងពីរជាមួយសហរដ្ឋអាមេរិក ។ គួរបញ្ជាក់ថា រុស្ស៊ីបានស្វែងរកការអភិវឌ្ឍនូវចំណងទាក់ទងកាន់តែខ្លាំងជាមួយចិន នៅពេលដែលទំនាក់ទំនងរបស់ខ្លួនជាមួយលោកខាងលិច បានធ្លាក់ចុះដល់កម្រិតទាប់បំផុតដូចនៅក្រោយសង្គ្រាមត្រជាក់ ជុំវិញការកាត់យកតំបន់ឧបទ្វីបគ្រីមេរបស់អ៊ុយក្រែន ការចោទប្រកាន់អំពីការជ្រៀតជ្រែករបស់រុស្ស៊ី ក្នុងការបោះឆ្នោតប្រធានាធិបតីអាមេរិកឆ្នាំ២០១៦ និងរឿងប្រេះឆាផ្សេងៗជាច្រើនទៀត ៕
-
ចិនព្រមានសងសឹក ក្រោយសហរដ្ឋអាមេរិកយល់ព្រមលក់អាវុធទំនើបៗទៅអោយកោះតៃវ៉ាន់
ចិន៖ ចិនព្រមានសងសឹកប្រឆាំងនឹងការលក់អាវុធចុងក្រោយនេះរបស់សហរដ្ឋអាមេរិកទៅឱ្យកោះតៃវ៉ាន់ ខណៈកោះនេះបានស្វាគមន៍ចំពោះការសម្រេចចិត្តនេះ ប៉ុន្តែតៃវ៉ាន់បាននិយាយថា ខ្លួនមិនបានសម្លឹងមើលពីការប្រណាំងប្រជែងអាវុធជាមួយទីក្រុងប៉េកាំងនោះទេ នេះបើតាមសារព័ត៌មានរ៉យទ័រនៅថ្ងៃទី២២ ខែតុលា ឆ្នាំ២០២០ ។ អ្នកនាំពាក្យក្រសួងការបរទេសចិន លោក ចាវ លីជៀន បានបញ្ជាក់នៅក្នុងសន្និ សីទកាសែតមួយថា ការលក់នេះគឺជាការបញ្ជូនសញ្ញាខុសទៅនឹងកងកម្លាំងផ្តាច់ទឹកដី ដែលស្វែងរកការគាំទ្រដើម្បីឯករាជ្យតៃវ៉ាន់ និង ធ្វើឱ្យខូចខាតយ៉ាងធ្ងន់ធ្ងរដល់ទំនាក់ទំនងចិន-សហរដ្ឋអាមេរិក ។ លោកបានសង្កត់ធ្ងន់ថា ចិននឹងធ្វើការឆ្លើយតបស្របច្បាប់ និងចាំបាច់ ដោយអាស្រ័យលើស្ថានភាពដែលវិវត្តន៍ ។ សូមជំរាបថា កាលពីថ្ងៃពុធសប្តាហ៍នេះ ក្រសួងការបរទេសអាមេរិកបាននិយាយថា ខ្លួនបានយល់ព្រមលក់មីស៊ីលវាយប្រហារចេញពីដីទៅអាកាសចំនួន១៣៥ដើមទៅឱ្យកោះតៃវ៉ាន់ ក្នុងវិធានការមួយដែលក្រសួងការពារជាតិកោះតៃវ៉ាន់បាននិយាយថា នឹងកសាងសមត្ថភាពប្រយុទ្ធរបស់ខ្លួន ៕
-
អង្គការ WHO បញ្ជាក់ថា ករណីឆ្លង Covid-19 តាមរយៈការធ្វើដំណើរតាមជើងហោះហើរគឺអាចកើតឡើង ប៉ុន្តែហានិភ័យហាក់ដូចជាទាបណាស់
ស្វីស៖ អង្គការសុខភាពពិភពលោក WHO បញ្ជាក់ថា ហានិភ័យនៃការឆ្លងរីករាលដាលជំងឺ COVID-19 នៅលើជើងហោះហើរ ហាក់មានកម្រិតទាបណាស់ ប៉ុន្តែមិនអាចបដិសេធថា គ្មាននោះទេ នេះបើតាមសារព័ត៌មានរ៉យទ័រនៅយប់ថ្ងៃទី២២ ខែតុលា ឆ្នាំ២០២០ ។ សេចក្តីថ្លែងការណ៍របស់អង្គការសុខភាពពិភពលោក WHO បានបញ្ជាក់ថា ការឆ្លងរាលដាលតាមរយៈការធ្វើដំណើរតាមជើងហោះហើរ គឺអាចកើតឡើង ប៉ុន្តែហានិភ័យហាក់ដូចជាទាបណាស់ ដោយសារតែមរិមាណនៃអ្នកដំណើរ និងរបាយការណ៍អំពីករណីឆ្លងគឺមានតិចតួច ។ បើតាមស្ថាប័នអាកាសចរណ៍ពិភពលោក IATA កាលពីថ្ងៃទី០៨ ខែតុលាកន្លងទៅ មានករណីឆ្លងតែ៤៤ករណីប៉ុណ្ណោះដែលត្រូវបានគេកំណត់អត្តសញ្ញាណ ក្នុងចំណោមអ្នកដំណើរ១.២ពាន់លាននាក់នៅឆ្នាំនេះ ឬមានន័យថា មានម្នាក់ក្នុងចំណោមអ្នកដំណើរ២៧លាននាក់ ។ ប៉ុន្តែរបាយការណ៍នេះ ក្រោយមកត្រូវបានបដិសេធដោយអ្នកវិទ្យាសាស្ត្រម្នាក់ដែលបានស្រាវជ្រាវលើករណីនេះ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៤១លាន៩សែននាក់ ក្នុងនោះស្លាប់ជាង១លាន១៤ម៉ឺននាក់ និងជាសះស្បើយជាង៣១លាន១៨ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៤១លាន៩៧ម៉ឺន៤ពាន់១ករណី ក្នុងនោះមានអ្នកជម្ងឺសរុបចំនួន១លាន១៤ម៉ឺន២ពាន់៦៤២នាក់ស្លាប់ និង ជាសះស្បើយឡើងវិញសរុបចំនួន៣១លាន១៨ម៉ឺន១ពាន់៨០១នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២៣ ខែតុលា ឆ្នាំ២០២០ ។ សហរដ្ឋអាម៉េរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៨លាន៦៦ម៉ឺន១ពាន់៦៥១នាក់ ស្លាប់ចំនួន២២ម៉ឺន៨ពាន់៣៨១នាក់ និងជាសះស្បើយចំនួន៥លាន៦៥ម៉ឺន៥ពាន់៣០១នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៧លាន៧៥ម៉ឺន៩ពាន់៦៤០នាក់ ស្លាប់ចំនួន១១ម៉ឺន៧ពាន់៣៣៦នាក់ និងជាសះស្បើយ៦លាន៩៤ម៉ឺន៦ពាន់៣២៥នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៥លាន៣៣ម៉ឺន២ពាន់៦៣៤នាក់ ស្លាប់១៥ម៉ឺន៥ពាន់៩៦២នាក់ និងជាសះស្បើយ៤លាន៧៨ម៉ឺន៥ពាន់២៩៧នាក់ ៕
-
ស្ថានភាពកូវីដ១៩ក្នុងប្រទេសអាស៊ានទាំង១០
-
អត្រាកំណើនពាណិជ្ជកម្មពិភពលោកសម្រាប់ឆ្នាំ២០២០នេះ ត្រូវបានព្យាករណ៍ថា ធ្លាក់ចុះពី៧ទៅ៩ភាគរយ បើធៀបទៅនឹងឆ្នាំ២០១៩
បរទេស៖ អត្រាកំណើនពាណិជ្ជកម្មពិភពលោកសម្រាប់ឆ្នាំ២០២០នេះ បានធ្លាក់ចុះពី៧ទៅ៩ភាគរយ បើធៀបទៅនឹងឆ្នាំ២០១៩ នេះបើតាមការព្យាករណ៍របស់ស្ថាប័នផ្នែកអភិវឌ្ឍអង្គការសហប្រជាជាតិ ប៉ុន្តែពាណិជ្ជកម្មក្នុងវិស័យខ្លះ នឹងនៅតែមានការកើនឡើងដែរ ដោយសារទំហំពាណិជ្ជកម្មរបស់ចិនមានការកើនឡើង១០ភាគរយ ក្នុងត្រីមាសទី៣ ឆ្នាំ២០២០ នេះបើតាមសារព័ត៌មានរ៉យទ័រនាពេលថ្មីៗ ។ យោងតាមការប៉ាន់ស្មានរបស់នៅក្នុងសន្និសីទអង្គការសហប្រជាជាតិ ស្ដីពីពាណិជ្ជកម្ម និងការអភិវឌ្ឍន៍ (UNCTAD) បានឱ្យដឹងថា ចាប់តាំងការផ្ទុះជំងឺ COVID-19 មក ពាណិជ្ជកម្មនៅគ្រប់តំបន់ទាំងអស់ក្នុងពិភពលោកបានធ្លាក់ចុះជាមធ្យម១៩ភាគរយក្នុងត្រីមាសទី២ឆ្នាំនេះ បើធៀបទៅនឹងរយៈពេលដដែលក្នុងឆ្នាំ២០១៩ ខណៈទំហំពាណិជ្ជកម្មធ្លាក់ចុះនេះ ធ្វើឲ្យប៉ះពាល់ដល់ដំណើរការសេដ្ឋកិច្ច ។ យ៉ាងណាមិញ ទំហំពាណិជ្ជកម្មពិភពលោកនឹងមានការកើនឡើងបន្តិចក្នុងត្រីមាសទី៣ ឆ្នាំ២០២០ ដោយមានកំណើន៤.៥ភាគរយ ។ ប៉ុន្តែកំណើននេះ ក៏នៅមានកម្រិតតិចជាងកាលពីឆ្នាំ២០១៩ ផងដែរ ។ សូមជំរាបថា នៅដើមខែតុលានេះ អង្គការពាណិជ្ជកម្មពិភពលោក WTO បានអះអាងថា ទំហំពាណិជ្ជកម្មសាកលនឹងធ្លាក់ចុះ៩.២ភាគរយ ប៉ុន្តែនឹងកើនឡើងវិញយ៉ាងសន្សឹមៗចំនួន៧.២ភាគរយក្នុងឆ្នាំ២០២១ ។ អឺរ៉ុប និងអាមេរិក គឺជាតំបន់ដែលរងគ្រោះខ្លាំងដោយសារការធ្លាក់ចុះទំហំពាណិជ្ជកម្មនេះ ។ អង្គការ WTO ក៏បានអះអាងដែរថា បើសិនជាមានវ៉ាក់សាំងនៅដើមឆ្នាំ២០២១ នោះកំណើនពាណិជ្ជកម្មនឹងមានការកើនឡើង៣ភាគរយបន្ថែមទៀត ៕
-
អង់គ្លេសកំពុងព្យាយាមងើបចេញពីវិបត្តិសេដ្ឋកិច្ច ដោយសារការបិទប្រទេសដើម្បីទប់ស្កាត់ Covid-19
អង់គ្លេស៖ អង់គ្លេសកំពុងព្យាយាមធ្វើឲ្យសេដ្ឋកិច្ចមានភាពល្អប្រសើរឡើងវិញ បន្ទាប់ពីការធ្លាក់ចុះនៃកំណត់ត្រាសេដ្ឋកិច្ចរបស់ខ្លួន ក្នុងអំឡុងពេលបិទប្រទេស ដើម្បីទប់ស្កាត់ការឆ្លងរាល់ដាលនៃជម្ងឺ COVID-19 នេះបើតាមសារព័ត៌មានរ៉យទ័រនាពេលថ្មីៗ ។ វិស័យសេដ្ឋកិច្ចរបស់អង់គ្លេសបានកើនឡើងទាបជាងគេរំពឹងទុក២.១ភាគរយ នៅក្នុងខែសីហា បើធៀបនឹងខែកក្កដាកន្លងទៅ ។ សេដ្ឋកិច្ចរបស់អង់គ្លេស ដែលបានធ្លាក់ចុះជាងក្រុមប្រទេស G7 ផ្សេងទៀត ក្នុងអំឡុងខែមេសា ដល់ខែមិថុនា មានអត្រា៩.២ភាគរយ ទាបជាងកម្រិតរបស់ខ្លួន នៅមុនពេលជំងឺ COVID-19 រាតត្បាតរាលដាលនៅអង់គ្លេស ។ ទន្ទឹមគ្នា សេដ្ឋកិច្ចវិទូក៏បានព្រមានដែរថា សេដ្ឋកិច្ចរបស់អង់គ្លេសអាចនឹងជួបឧបសគ្គនៅក្នុងកំណើនក្នុងរយៈពេលប៉ុន្មានខែខាងមុខ ដោយសារចំនួនករណីឆ្លងជម្ងឺ COVID-19 បានចាប់ផ្តើមកើនឡើងនៅក្នុងខែកញ្ញាកន្លងទៅ ហើយរដ្ឋាភិបាលបានឆ្លើយតប តាមរយៈការរឹតបន្តឹងរបស់ខ្លួនលើប្រជាជនក្នុងការជួបជុំគ្នា ៕