ជប៉ុន៖ មនុស្ស១៥នាក់បានទទួលរងរបួស និងមនុស្សមួយចំនួនទៀតត្រូវបានគេជឿជាក់ថា ទំនងជាកំពុងជាប់ខ្លួនក្រោមកម្ទេចកម្ទីថ្មអគារ បន្ទាប់ពីគ្រោះអគ្គិភ័យដ៏អាក្រក់មួយបានឆាបឆេះឡើងនារសៀលថ្ងៃព្រហស្បតិ៍្តសប្តាហ៍នេះ (ម៉ោងក្នុងតំបន់) នៅឯការដ្ឋានសំណង់មួយកន្លែងនៅក្នុងទីក្រុងតាម៉ា។

ក្រិក៖ ភ្លើងឆេះព្រៃដ៏អាក្រក់បំផុតនៅឯតំបន់អាទីកា ស្ថិតនៅក្បែរទីក្រុងអាតែន បានបន្តឆក់យកអាយុជីវិតមនុស្សកើនដល់៨៤នាក់ហើយ ១៩០នាក់រងរបួស និង ជាង១០០នាក់ផ្សេងទៀតកំពុងបាត់ខ្លួន ហើយរដ្ឋាភិបាលក្រិកបានប្រកាសកាន់ទុក្ខរយៈពេល៣ថ្ងៃ ដោយរាប់ចាប់ពីថ្ងៃអង្គារ៍ម្សិលមិញនេះ។

សហរដ្ឋអាម៉េរិក៖ សេតវិមានបានលើកឡើងថា លោក ដូណាល់ ត្រាំ បានសម្រេចចិត្តលើកពេលរៀបចំកិច្ចជំនួបពិភាក្សាលើកទី២ជាមួយលោក វ៉្លាឌីមៀ ពូទីន ទៅឆ្នាំ២០១៩ខាងមុខនេះវិញ ស្ថិតក្រោមហេតុផលនៃការស៊ើបអង្កេតទៅលើករណីដែលរុស្ស៊ីបានចូលលូកដៃក្នុងកិច្ចការបោះឆ្នោតជ្រើសរើសប្រធានាធិបតីអាម៉េរិកកាលពីឆ្នាំ២០១៦។

វៀតណាម៖ ប្រព័ន្ធផ្សព្វផ្សាយវៀតណាមបានរាយការណ៍នៅក្នុងថ្ងៃព្រហស្បត្ត៍នេះថា យ៉ាងហោចណាស់មានមនុស្ស២៩នាក់ហើយបានបាត់បង់ជីវិត និង៥នាក់ផ្សេង ទៀតកំពុងបាត់ខ្លួននៅឡើយ បន្ទាប់ពីអំណាចខ្យល់ព្យុះទីហ្វុង សុនទីញ ដែលបង្កជាគ្រោះទឹកជំនន់ដ៏ខ្លំាងក្លានៅឯតំបន់ភាគកណ្ដាល និងភាគខាងជើងប្រទេស ។

សហរដ្ឋអាម៉េរិក៖ ប្រធានាធិបតីអាម៉េរិកលោក ដូណាល់ ត្រាំ និងប្រធានគណៈកម្មាការអឺរ៉ុប លោក ចំាង ក្លោដ ចំាំងឃឺ នៅក្នុងថ្ងៃពុធសប្តាហ៍នេះ បានព្រមព្រៀង គ្នាក្នុងការបន្ធួរបន្ថយភាពតានតឹងផ្នែកពាណិជ្ជកម្មហើយ តាមរយៈការលុបចោលការតម្លើងពន្ធដាក់គ្នាទៅវិញទៅមក ។ យ៉ាងណាមិញ រហូតមកដល់ពេលនេះ ភាគី ទាំងពីរបានបរាជ័យ ក្នុងការបង្កើនទំនាក់ទំនងដែលមានភាពតានតឹង ជុំវិញការយក ពន្ធរបស់សហរដ្ឋអាម៉េរិកលើរថយន្ត ដែកថែប និងអាលុយមីញ៉ូម ។

ឡាវ៖ នាយករដ្ឋមន្ត្រីឡាវ លោក Thongloun Sisoulith បានឲ្យដឹងនៅថ្ងៃពុធនេះថា មនុស្ស១៣១នាក់បាននឹងកំពុងបាត់ខ្លួនអស់រយៈពេល២ថ្ងៃហើយ បន្ទាប់ពីទំនប់វារីអគ្គីសនីមួយបានបាក់ធ្វើឲ្យជន់លិចភូមិជាច្រើន នាភាគខាងត្បូងប្រទេស ដោយបានសម្លាប់មនុស្សយ៉ាងហោចណាស់២៦នាក់ ។

កូរ៉េខាងត្បូង៖ ប្រធានាធិបតីកូរ៉េខាងត្បូង លោក មូន ជែអ៊ីន បានបង្គាប់ឲ្យមានការបញ្ជូនក្រុម សង្រ្គោះភ្លាមៗទៅកាន់ប្រទេសឡាវ ដែលកំពុងរងគ្រោះធ្ងន់ និងមានមនុស្សជិត២០នាក់ស្លាប់ និងបាត់ខ្លួនខ្ទង់រយនាក់ ព្រមទាំងរាប់ពាន់នាក់បាត់បង់ទីជម្រក ដោយសារតែការបាក់ទំនប់វារីអគ្គិសនីមួយកន្លែង ដែលស្ថិតក្រោមការដឹកនាំកសាងរបស់ក្រុមហ៊ុនកូរ៉េខាងត្បូង នៅខេត្តភាគអាគ្នេយ៍ប្រទេស ។

កូរ៉េខាងត្បូង៖ រដ្ឋាភិបាលក្រុងសេអ៊ូលបាននឹងកំពុងធ្វើការពិចារណា ចំពោះការដក កងទ័ពមួយចំនួនចេញពីតំបន់ព្រំដែនជាមួយនឹងកូរ៉េខាងជើង ដែលប្រការនេះ ជា វិធានការថ្មីមួយ ដើម្បីកសាងទំនុកចិត្តរវាងប្រទេសទំាងពីរ ក្រោយជំនួបកំពូលរវាង មេដឹកនំាខ្លួន។ ក្រសួងការពារជាតិកូរ៉េខាងត្បូងបានគួសបញ្ជាក់នៅក្នុងថ្ងៃអង្គារ៍នេះថា ខ្លួននឹងធ្វើ ការពិចារណាក្នុងការដកកងទ័ព និងគ្រឿងបរិក្ខាមួយចំនួនចេញពីប៉ុស្តិ៍ត្រួតពិនិត្យ នៅខាងក្នុងតំបន់គ្មានយោធា (DMZ) នៅលើមូលដ្ឋានសាកល្បងមួយ ក៏ដូចជានឹង ពិចារណាពីការពង្រីកបន្តិចម្តងៗនៃការដកចេញនៅពេលក្រោយៗទៀត ហើយថា ខ្លួនក៏កំពុងពិនិត្យមើលឡើងវិញនូវផែនការនានា ដើម្បីកាត់បន្ថយកងយាមល្បាត និងអាវុធនៅក្នុងតំបន់សន្តិសុខរួម JSA ដោយផ្អែកលើស្មារតីនៃកិច្ចព្រមព្រៀងឈប់បាញ់។ សូមរំលឹកថា នៅក្នុងកិច្ចប្រជុំកំពូលកាលពីខែមេសាកន្លងទៅនេះ នៅឯភូមិជាប់ ព្រំដែនផាន់មុនជុម មេដឹកនាំកូរ៉េខាងជើងលោក គីម ជុងអ៊ុន និងប្រធានាធិបតី កូរ៉េខាងត្បូងលោក មូន ជែអ៊ីន បានព្រមព្រៀងគ្នាបញ្ឈប់រាល់សកម្មភាពអមិត្ត និងបង្វែរព្រំដែនរបស់ខ្លួនចូលទៅក្នុងតំបន់សន្តិភាព ៕

អង្គការសហប្រជាជាតិ៖ ឯកអគ្គរដ្ឋទូតអាម៉េរិកប្រចាំអង្គការសហប្រជាជាតិ លោក ស្រី នីកគី ហាលី បាននិយាយរិះគន់លើបណ្ដាប្រទេសអារ៉ាប់ និងប្រជាជាតិអ៊ីស្លាម មួយចំនួនថា ពាក់ព័ន្ធនឹងការមិនផ្តល់ជំនួយដើម្បីជួយដល់ប្រទេសប៉ាឡេស្ទីន ហើយថា អេហ្ស៊ីប គុយវ៉ែត និងអេមីរ៉ាតអារ៉ាប់រួម តែងតែនិយាយច្រើនអំពីការគំាទ្រ ដល់ប្រជាជនប៉ាឡេស្ទីន ប៉ុន្តែពួកគេមិនបានផ្តល់ប្រាក់ជំនួយបន្ថែមទៀតឡើយ ។