ហ្វីលីពីន៖ នាឱកាសថ្លែងសុន្ទរកថាទៅកាន់សម័យប្រជុំសភា នៅក្នុងថ្ងៃ ច័ន្ទ ម្សិល មិញនេះ ប្រធានាធិបតីហ្វីលីពីនលោក រ៉ូទ្រីហ្គោ ឌូតឺតេ បានសន្យាថា រដ្ឋបាល របស់លោកនឹងបង្កើនការប្រយុទ្ធប្រឆំាងឮការជួញដូរគ្រឿងញៀនខុសច្បាប់ ហើយ ថា នឹងបន្តបោសសម្អាតក្រុមជួញដូរគ្រឿងញៀន និង អ្នកប្រើប្រាស់រហូតទាល់តែ អស់ពីប្រទេស ។

កូរ៉េខាងជើង៖ អ្នកជំនាញមួយក្រុមបានអះអាងថា របបដឹកនំាក្រុងព្យុងយ៉ាងបាន ចាប់ផ្តើមបិទផ្នែកមួយ នៃទីតាំងធ្វើតេស្ដបាញ់គ្រាប់រ៉ុក្កែតដ៏សំខាន់របស់ខ្លួននៅភាគ អាគ្នេយ៍ប្រទេស ដែលនេះជាការអនុវត្តតាមកិច្ចព្រមព្រៀងរវាងប្រធានាធិបតីអាម៉េ រិកលោក ដូណាល់ ត្រាំ និងមេដឹកនាំកូរ៉េខាងជើងលោក គីម ជុងអ៊ុន នៅប្រទេស សិង្ហបុរី កាលពីខែមិថុនាកន្លងទៅ ។

កាណាដា៖ ប្រព័ន្ធផ្សព្វផ្សាយកាណាដាបានរាយការណ៍ថា ចំនួនមនុស្សទទួលរងរបួសកើនឡើងដល់១៣នាក់ និងម្នាក់ទៀតបានបាត់បង់ជីវិត បន្ទាប់ពីខ្មាន់កាំភ្លើងម្នាក់បានធ្វើសកម្មភាពបាញ់ប្រហារនៅកន្លែងទីប្រជុំជនមួយ ស្ថិតនៅក្នុងទីក្រុង តូរ៉ុនតូ ខេត្តអនតារីយ៉ូ ភាគអាគ្នេយ៍ប្រទេស។

ជប៉ុន៖ សីតុណ្ហភាពក្នុងក្រុងមួយស្ថិតនៅភាគខាងជើងរដ្ឋធានីតូក្យូ បានកើនឡើងខ្លាំងជាប់ក្នុងកំណត់ត្រាថ្មីមួយរបស់ជប៉ុន ខណៈគ្រោះធម្មជាតិដ៏អាក្រក់ បាននិងកំពុងបង្កការគំរាមគំហែងទៅលើបណ្តាតំបន់ជាច្រើននៅប្រទេសអាស៊ីមួយនេះ។ គិតមកទល់រសៀលថ្ងៃច័ន្ទ នេះ (ម៉ោងក្នុងតំបន់) សីតុណ្ហភាពបានកើនឡើងដល់ ៤១.១អង្សាសេ ក្នុងទីក្រុងគូម៉ាហ្គាយ៉ា នៅលើកោះសៃតាម៉ា។

សហរដ្ឋអាម៉េរិក៖ ប្រធានាធិបតីអាហ្វហ្គានីស្ថានលោក ហាសាន់ រ៊ូហានី កាលពីថ្ងៃអាទិត្យ ម្សិលមិញនេះ (ម៉ោងក្នុងតំបន់) បានចេញមុខប្រមានសហរដ្ឋអាម៉េរិកថា កុំបង្ក ឬបង្កើនជម្លោះជាមួយប្រទេសរបស់លោកជាដាច់ខាត ព្រោះថា ជម្លោះជាមួយអ៊ីរ៉ង់នឹងក្លាយជាសង្រ្គាមដ៏ធំបំផុតមិនធ្លាប់មានពីមុនមក។

កាណាដា៖ ប្រព័ន្ធផ្សព្វផ្សាយកាណាដាបានរាយការណ៍ថា មនុស្ស៩នាក់បានរងរបួស និងម្នាក់ទៀត បានបាត់បង់ជីវិត បន្ទាប់ពីខ្មាន់កាំភ្លើងម្នាក់ បានធ្វើសកម្មភាពបាញ់ប្រហារនៅកន្លែងទីប្រជុំជនមួយ ស្ថិតនៅក្នុងទីក្រុងតូរ៉ុនតូ ខេត្តអនតារីយ៉ូ ភាគអាគ្នេយ៍ប្រទេស។

វៀតណាម៖ យោងតាមប្រភពរបស់អាជ្ញាធរវៀតណាមក្នុងតំបន់ បានរាយការណ៍ ថាតួលេខជនរងគ្រោះបាត់បង់ជីវិតកើនដល់២២នាក់ហើយ និង១២នាក់ផ្សេងទៀត កំពុងបាត់ខ្លួននៅឡើយនៅឯតំបន់ភាគកណ្ដាល និងភាគខាងជើងប្រទេសដោយសារតែគ្រោះមហន្តរាយទឹកជំនន់ និងបំណាក់ដីដ៏អាក្រក់មួយ ដែលបង្កឡើងពីខ្យល់ព្យុះទីហ្វុង សុនទិញ ។

ហ្កាហ្សា៖ កងកម្លាំងអ៊ីស្រាអែលបានបើកការវាយប្រហារតាមដែនអាកាសដ៏កក្រើកមួយនៅទូទាំងតំបន់ហ្កាហ្សាស្ទ្រីប កាលពីថ្ងៃសុក្រសប្តាហ៍នេះ បន្ទាប់ពីទាហានរបស់ខ្លួនម្នាក់ត្រូវបានបាញ់សម្លាប់ ជាហេតុនាំឲ្យមានការភ័យខ្លាចអំពីជម្លោះកាន់តែកើនឡើងជាមួយក្រុមហាម៉ាស ដែលគ្រប់គ្រងទឹកដីប៉ាឡេស្ទីន។

សហរដ្ឋអាម៉េរិក៖ នៅក្នុងកាយវិការចុងក្រោយបង្អស់ ដើម្បីប្រឆាំងឥទ្ធិពលរបស់រុស្ស៊ីនៅប្រទេសអ៊ុយក្រែននោះ មន្ទីរបញ្ចកោណសហរដ្ឋអាម៉េរិកបានប្រកាសនៅក្នុងថ្ងៃសុក្រសប្តាហ៍នេះ (ម៉ោងក្នុងតំបន់) ថា ខ្លួននឹងផ្តល់បញ្ចប់ជំនួយផ្នែកយោធាដល់រដ្ឋាភិបាលអ៊ុយក្រែន ក្នុងទំហំទឹកប្រាក់ប្រមាណ២០០លានដុល្លារ ដើម្បីជួយជ្រោមជ្រែងដល់សន្តិសុខរដ្ឋនេះ។