បរទេស ៖ ក្រុមឧទ្ទាម ហ៊ូទី នៅប្រទេសយេម៉ែន បានបដិសេធថា ខ្លួនមិនមានគម្រោងយកកម្រៃសេវាពីនាវា ដែលធ្វើដំណើរឆ្លងកាត់សមុទ្រក្រហម ជាដាច់ខាត ដោយបញ្ជាក់ថា ការធ្វើដំណើរឆ្លងកាត់ផ្លូវទឹកមួយនេះ នៅតែមិនគិតថ្លៃ ដដែល។ ការបដិសេធនេះ ត្រូវបានធ្វើឡើង កាលពីថ្ងៃអាទិត្យ តាមរយៈសេចក្តីថ្លែងការណ៍ របស់មជ្ឈមណ្ឌលសម្របសម្រួលប្រតិបត្តិការមនុស្សធម៌ ហៅកាត់ HOCC ដែលគ្រប់គ្រងដោយក្រុម Houthi និងទទួលបន្ទុកត្រួតពិនិត្យចរាចរណ៍នាវាឆ្លងកាត់ច្រកសមុទ្រ Bab al-Mandeb។ សេចក្តីថ្លែងការណ៍បញ្ជាក់ថា «សេវាកម្មធានាសុវត្ថិភាពក្នុងការធ្វើដំណើរឆ្លងកាត់របស់ខ្លួនគឺធ្វើឡើងដោយស្ម័គ្រចិត្ត និង មិនគិតថ្លៃឡើយ» ។ ប្រភពបានបន្ថែមថា អ្នកដែលទាមទារប្រាក់ សម្រាប់ការធ្វើដំណើរឆ្លងកាត់នោះ មិនមែនជាតំណាងឱ្យប្រទេសយេម៉ែន ឬ HOCC នោះទេ។ ខ្លួនក៏បានអំពាវនាវដល់ក្រុមហ៊ុនដឹកជញ្ជូនកុំឱ្យបង់ប្រាក់ ឬ ចែករំលែកព័ត៌មានជាមួយភាគី ដែលគ្មានការអនុញ្ញាត។ សេចក្តីថ្លែងការណ៍នេះធ្វើឡើង បន្ទាប់ពីមានសេចក្តីរាយការណ៍របស់ទីភ្នាក់ងារព័ត៌មាន Reuters កាលពីសប្តាហ៍មុន ដោយផ្អែកលើប្រភពព័ត៌មានក្នុងតំបន់ បង្ហាញឲ្យដឹងថា ក្រុម Houthi ដែលមានទំនាក់ទំនងជិតស្និទ្ធជាមួយអ៊ីរ៉ង់ កំពុងពិចារណាដាក់កម្រិតយកថ្លៃសេវាពីនាវាដែលឆ្លងកាត់ច្រកសមុទ្រនេះ ពោលគឺមួយសប្តាហ៍ បន្ទាប់ពីក្រុមនេះបានប្រកាសបិទផ្លូវសមុទ្រ មិនឱ្យមានការដឹកជញ្ជូនទៅកាន់ប្រទេស អារ៉ាប៊ី…

វ៉ាស៊ីនតោន ៖ កងទ័ពជើងទឹកអាមេរិក បានចុះកិច្ចសន្យាតម្លៃ ១០៧,២ លានដុល្លារ ជាមួយក្រុមហ៊ុន Sikorsky Aircraft Corp ដែលជាបុត្រសម្ព័ន្ធរបស់ក្រុមហ៊ុន Lockheed Martin ដើម្បីរចនា និងផលិតស្លាបចក្រមេថ្មី សម្រាប់ឧទ្ធម្ភាគចក្រដឹកប្រធានាធិបតីប្រភេទ VH-92A ដែលស្គាល់ជាទូទៅថា “Marine One” ។ កិច្ចសន្យានេះ មានគោលបំណងរចនា ផលិត និងសាកល្បងស្លាបចក្រវិលមេជំនាន់ថ្មី ឬ Rotor Blades ស្ថិតក្រោមគម្រោងបង្កើនថាមពលហោះហើរ និងពង្រីកសមត្ថភាពបំពេញការងាររបស់ឧទ្ធម្ភាគចក្រ Marine One នៅគ្រប់លក្ខខណ្ឌអាកាសធាតុ ។ បើតាម Navy mil, ឧទ្ធម្ភាគចក្រ VH-92A មានសមត្ថភាពហោះហើរក្នុងចម្ងាយចន្លោះពី ៩០០ ទៅ ១,០០០ គីឡូម៉ែត្រ ជាមួយនឹងកម្លាំងល្បឿនលឿនបំផុតប្រហែល ៣០៦ គីឡូម៉ែត្រក្នុងមួយម៉ោង ។ ឧទ្ធម្ភាគចក្រ VH-92A មានដងខ្លួនប្រវែង ២១ ម៉ែត្រ កម្ពស់ ៥.៥ ម៉ែត្រ និងទម្ងន់ប្រហែល ១២,០០០…

តេហេរ៉ង់ ៖ ប្រធានាធិបតីអ៊ីរ៉ង់ លោក ម៉ាសូដ ប៉េហ្សេសគៀន កាលពីថ្ងៃ អាទិត្យ បានអះអាងថា ប្រទេសអ៊ីរ៉ង់ត្រូវតែបង្ខំសហរដ្ឋអាមេរិកឱ្យបន្តរក្សាការប្តេជ្ញាចិត្តគោរពតាមអនុស្សរណៈយោគយល់គ្នា (MoU) សន្តិភាព ដែលបានចុះហត្ថលេខារវាងប្រទេសទាំងពីរ ។ មេដឹកនាំអ៊ីរ៉ង់រូបនេះ បានបញ្ជាក់លើបណ្តាញសង្គម X ថា យើងត្រូវតែព្យាយាមបង្ខំសត្រូវឱ្យគោរពតាមអ្វីដែលខ្លួនបានចុះហត្ថលេខា ។ សន្តិសុខរបស់ប្រទេស និងតំបន់ រួមទាំងសម្ព័ន្ធមិត្តរបស់យើង នឹងមានភាពប្រសើរឡើងជាមួយនឹង MoU នេះ ។ លោក ប៉េហ្សេសគៀន ដែលមានវ័យ៧១ឆ្នាំរូបនេះ បានសង្កត់ធ្ងន់ថា រូបលោកជឿជាក់យ៉ាងមុតមាំថា អនុស្សរណៈយោគយល់ MoU នេះ នឹងក្លាយជាចំណុចកណ្តាលនៃទំនាក់ទំនងការបរទេសរបស់អ៊ីរ៉ង់នៅពេលអនាគត ។ បើតាមស៊ីនហួរ, កាលពីថ្ងៃទី១៨ ខែមិថុនា អ៊ីរ៉ង់ និងសហរដ្ឋអាមេរិកបានចុះហត្ថលេខាលើ MoU មួយ ដែលនៅក្រោមអនុស្សរណៈយោគយល់នេះ ប្រទេសទាំងពីរត្រូវបានកំណត់ថា នឹងរៀបចំការចរចាក្នុងរយៈពេល ៦០ ថ្ងៃ ដើម្បីឈានដល់កិច្ចព្រមព្រៀងសន្តិភាពចុងក្រោយ ។ យ៉ាងណាមិញ ជោគវាសនានៃ MoU នេះ…

អង់ការ៉ា ៖ ប្រទេសតួកគី កាលពីថ្ងៃ អាទិត្យ បានរិះគន់មិនសំចៃមាត់ថា ការវាយប្រហារចុងក្រោយរបស់អ៊ីស្រាអែលលើតំបន់ហ្គាហ្សា បង្ហាញយ៉ាងច្បាស់ថា រដ្ឋាភិបាលរបស់លោកនាយករដ្ឋមន្រ្តី បេនចាមីន ណេតាន់យ៉ាហ៊ូ គ្មានចេតនាចង់បានសន្តិភាពពិតប្រាកដជាមួយប៉ាឡេស្ទីនឡើយ ។ ក្រសួងការបរទេសតួកគីបានបញ្ជាក់ក្នុងសេចក្តីថ្លែងការណ៍លើគេហទំព័រផ្លូវការថា គោលបំណងតែមួយគត់របស់លោកនាយករដ្ឋមន្រ្តី ណេតាន់យ៉ាហ៊ូ គឺការបណ្តេញប្រជាជនប៉ាឡេស្ទីនចេញពីទឹកដីកំណើតរបស់ពួកគេ ហើយរារាំងការបង្កើតសន្តិភាព និងស្ថិរភាពនៅក្នុងតំបន់ ។ ក្រសួងនេះ បានសង្កត់ធ្ងន់ថា លោក ណេតាន់យ៉ាហ៊ូ កំពុងបន្តចាត់វិធានការដែលធ្វើឱ្យខូចតុល្យភាពដ៏ផុយស្រួយក្នុងតំបន់ និងបំផ្លាញដំណើរការចរចាស្វែងរកបទឈប់បាញ់ ដែលដឹកនាំដោយប្រទេសនានា ជាពិសេសសហរដ្ឋអាមេរិក ។ ក្រសួងនេះ បានព្រមានធ្ងន់ៗថា គោលនយោបាយបច្ចុប្បន្នរបស់រដ្ឋាភិបាលអ៊ីស្រាអែល កំពុងតែព្យាយាមប្រែក្លាយតំបន់មជ្ឈិមបូព៌ាទាំងមូល ទៅជាសមរភូមិជម្លោះដ៏ធំមួយ ។ ទន្ទឹមគ្នា ក្រសួងការបរទេសតួកគីបានអំពាវនាវដល់ប្រទេសនានា ដែលគាំទ្រសន្តិភាព និងវិបុលភាពសម្រាប់ប្រជាជនប៉ាឡេស្ទីន និងតំបន់ទាំងមូល គួរតែធ្វើសកម្មភាពឱ្យបានម៉ឺងម៉ាត់ ប្រកបដោយស្មារតីទទួលខុសត្រូវរួមគ្នា គោរពតាមច្បាប់អន្តរជាតិ និងតម្លៃមនុស្សធម៌ ដើម្បីប្រឆាំងនឹងវិធីសាស្រ្តពង្រីកទឹកដី និងយោធានិយមរបស់អ៊ីស្រាអែល ៕ ប្រភព ៖ Anadolu ប្រែសម្រួល ៖ ឈឹម ទីណា

ហ្គាហ្សា ៖ អាជ្ញាធរបានឱ្យដឹង កាលពីថ្ងៃអាទិត្យថា ការវាយប្រហាររបស់អ៊ីស្រាអែលទៅលើតំបន់ហ្គាហ្សា បានសម្លាប់មនុស្ស យ៉ាងតិច១៣នាក់ បើទោះបីជាក្រុមហាម៉ាស យល់ព្រមលើដំណាក់កាលចុងក្រោយនៃកិច្ចព្រមព្រៀងដើម្បីបញ្ចប់សង្គ្រាមក៏ដោយ។ សេវាកម្មសង្គ្រោះ និងការពារជនស៊ីវិល នៅតំបន់ហ្គាហ្សា ដែលប្រតិបត្តិការក្រោមការគ្រប់គ្រងរបស់ក្រុមហាម៉ាស បានឱ្យដឹងថា មនុស្ស ៨នាក់បានស្លាប់ អំឡុងការវាយប្រហារ នៅពាក់កណ្តាលអធ្រាត្រ ដែលបានប៉ះចំអគារលំនៅដ្ឋានជាច្រើនកន្លែង ហើយមនុស្ស ៥ នាក់ផ្សេងទៀតបានស្លាប់ នៅពេលក្រោយមកទៀត ក្នុងថ្ងៃដដែលនោះ។ ការវាយប្រហារនេះកើតឡើង ក្រោយ១ថ្ងៃ ដែលក្រុមហាម៉ាសបាននិយាយថា ខ្លួនបានយល់ព្រមលើផែនការ ដែលត្រូវបានគាំទ្រដោយប្រធានាធិបតីអាមេរិក លោក ដូណាល់ ត្រាំ ដោយរួមបញ្ចូលទាំងលក្ខខណ្ឌសម្រាប់ការប្រគល់អាវុធ និង ការដកកងកម្លាំងអ៊ីស្រាអែល ជាបណ្តើរៗ ចេញពីតំបន់ហ្គាហ្សា។ អ៊ីស្រាអែលមិនទាន់បានធ្វើអត្ថាធិប្បាយជាផ្លូវការ លើកិច្ចព្រមព្រៀងនេះនៅឡើយទេ ប៉ុន្តែប្រភពពីមន្ត្រីនយោបាយមួយរូបបានប្រាប់ទីភ្នាក់ងារព័ត៌មាន AFP ថា «នឹងមិនមានការដកកងកម្លាំងចេញឡើយ ប្រសិនបើគ្មានការដកហូតអាវុធពិតប្រាកដ ពីសំណាក់ក្រុមហាម៉ាស»។ លោក Nickolay Mladenov តំណាងជាន់ខ្ពស់នៃក្រុមប្រឹក្សាសន្តិភាព ឬ Board of Peace ជាស្ថាប័នអន្តរជាតិត្រួតពិនិត្យផែនការសម្រាប់ Gaza…

តេហេរ៉ង់ ៖ ប្រទេសអ៊ីរ៉ង់ បានប្រកាសកាលពីថ្ងៃ អាទិត្យ ម្សិលមិញថា ខ្លួនជិតឈានដល់កិច្ចព្រមព្រៀងជាមួយប្រទេសអូម៉ង់ហើយ ពាក់ព័ន្ធនឹងការរៀបចំផ្លូវនាវាចរណ៍ថ្មីមួយ ឆ្លងកាត់តាមច្រកសមុទ្រ ហ័រមូស ។ ការប្រកាសរបស់អ៊ីរ៉ង់ កើតឡើងបន្ទាប់ពីប្រធានាធិបតីសហរដ្ឋអាមេរិក លោក ដូណាល់ ត្រាំ បានសម្រេចចិត្តផ្អាកយុទ្ធនាការទម្លាក់គ្រាប់បែកទ្រង់ទ្រាយធំទៅលើបំផ្លាញហេដ្ឋារចនាសម្ព័ន្ធថាមពលរបស់ប្រទេសអ៊ីរ៉ង់ ដើម្បីទុកឱកាសឱ្យមានកិច្ចចរចាការទូតបន្ថែមទៀត ។ បើតាម Straits Times, អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baqaei ថ្លែងថា ភាគីអ៊ីរ៉ង់ និងអូម៉ង់ជិតឈានដល់កិច្ចព្រមព្រៀងលើការរៀបចំ “ផ្លូវនាវាចរណ៍ថ្មីមួយដែលមិនមែនជាផ្លូវប៉ែកខាងជើង ឬខាងត្បូង” ឡើយ ប៉ុន្តែជាផ្លូវដែលគោរពអធិបតេយ្យភាព និងផលប្រយោជន៍សន្តិសុខនៃប្រទេសទាំងពីរ ។ យ៉ាងណា ទោះបីជាមានផ្លូវនាវាចរណ៍ថ្មីក៏ដោយ ក៏អ៊ីរ៉ង់បានសង្កត់ធ្ងន់ថា កិច្ចព្រមព្រៀងជាមួយអូម៉ង់នេះ មិនមែនមានន័យថា ជាការបើកច្រកសមុទ្រ ហ័រមូស ឡើងវិញនោះទេ លុះត្រាតែសហរដ្ឋអាមេរិកបញ្ឈប់ការបិទខ្ទប់ផ្លូវទឹក និងការដាក់ទណ្ឌកម្មប្រឆាំងទីក្រុងតេហេរ៉ង់ ។ គួរបញ្ជាក់ថា ភាពតានតឹងនៅក្នុងតំបន់មជ្ឈិមបូព៌ានៅតែបន្តកើនឡើង បន្ទាប់ពីអ៊ីរ៉ង់បានប្រកាសបិទច្រកសមុទ្រ Hormuz កាលពីថ្ងៃទី១២ ខែកក្កដា ។ ការបិទច្រកនេះ កំពុងធ្វើឲ្យនាវាឆ្លងកាត់ផ្លូវសមុទ្រយុទ្ធសាស្ត្រ…

បរទេស ៖ តម្លៃប្រេងបានធ្លាក់ចុះជិត ៥% បន្ទាប់ពីសហរដ្ឋអាមេរិកលុបចោលការវាយប្រហារ លើអ៊ីរ៉ង់ និង ប្រកាសពីការចរចាជាថ្មីជាមួយសាធារណរដ្ឋឥស្លាមមួយនេះ។ តម្លៃប្រេងបានធ្លាក់ចុះយ៉ាងគំហុក នៅថ្ងៃចន្ទនេះ ក្នុងអំឡុងពេលជួញដូរដំបូងនៅអាស៊ី បន្ទាប់ពីប្រធានាធិបតីអាមេរិក លោក ដូណាល់ ត្រាំ បានប្រកាសពីការចរចាថ្មីជាមួយអ៊ីរ៉ង់ ដើម្បីបញ្ចប់សង្គ្រាមនៅមជ្ឈិមបូព៌ា និង បើកច្រកសមុទ្រហ័រមូស ឡើងវិញ។ តម្លៃប្រេងឆៅប្រភេទ Brent North Sea (ដែលជាស្តង់ដារកិច្ចសន្យាប្រេងអន្តរជាតិ) សម្រាប់ការដឹកជញ្ជូននៅខែកញ្ញា បានធ្លាក់ចុះ ៤,៦៩% មកនៅត្រឹម ៨៣,៨១ ដុល្លារអាមេរិក ក្នុងមួយបារ៉ែល។ ចំណែកឯប្រេងឆៅប្រភេទ West Texas Intermediate ហៅកាត់ WTI របស់អាមេរិកវិញ បានធ្លាក់ចុះ ៤,៦៧% មកនៅត្រឹម ៨០,៧២ ដុល្លារអាមេរិក។ សង្គ្រាមនេះ ដែលបានចាប់ផ្តើម កាលពីចុងខែកុម្ភៈ នៅពេលដែលសហរដ្ឋអាមេរិក និងអ៊ីស្រាអែលបានវាយប្រហារលើអ៊ីរ៉ង់ បានធ្វើឱ្យតម្លៃប្រេងប្រែប្រួលយ៉ាងខ្លាំង ដោយសារតែសង្គ្រាមបាននាំឲ្យមានការបិទផ្លូវទឹកដ៏សំខាន់សម្រាប់ការផ្គត់ផ្គង់ប្រេង និងឧស្ម័ន ទូទាំងពិភពលោក។ យ៉ាងណា ប្រធានាធិបតីអាមេរិក…