វ៉ាស៊ីនតោន ៖ សហរដ្ឋអាមេរិក កាលពីថ្ងៃអង្គារ បានប្រកាសពីការដកហូតអាជ្ញាប័ណ្ណ «អនុញ្ញាតឱ្យលក់ប្រេងអ៊ីរ៉ង់» វិញ បន្ទាប់ពីការវាយប្រហារ នៅច្រកសមុទ្រ ហ័រមូស។ ក្រសួងរតនាគារ បាននិយាយថា សហរដ្ឋអាមេរិកបានដកហូតអាជ្ញាប័ណ្ណ ដែលធ្លាប់អនុញ្ញាតឱ្យលក់ប្រេងអ៊ីរ៉ង់ ក្រោមកិច្ចព្រមព្រៀង ជាមួយទីក្រុងតេហេរ៉ង់ ពោលគឺបន្ទាប់ពីការវាយប្រហាររបស់អ៊ីរ៉ង់ ថ្មីៗនេះ នៅជិតច្រកសមុទ្រហ័រមូស។ នៅក្នុងសេចក្តីថ្លែងការណ៍មួយ ក្រសួងបញ្ជាក់ថា «ការិយាល័យគ្រប់គ្រងទ្រព្យសម្បត្តិបរទេស OFAC របស់ក្រសួងរតនាគារ កំពុងដកហូតអាជ្ញាប័ណ្ណទូទៅ ដែលធ្លាប់អនុញ្ញាតឱ្យផលិត, ដឹកជញ្ជូន និង លក់ប្រេងអ៊ីរ៉ង់»។ បើតាម Anadolu, ការដកហូតនេះ បានកើតមានឡើង បន្ទាប់ពីនាវាពាណិជ្ជកម្ម ចំនួនបីគ្រឿង ត្រូវបានវាយប្រហារ ក្នុងរយៈពេលប៉ុន្មានថ្ងៃ ថ្មីៗនេះ ដោយមីស៊ីលអ៊ីរ៉ង់ ខណៈពេលកំពុងធ្វើដំណើរឆ្លងកាត់ជិតច្រកសមុទ្រ Hormuz ដែលបណ្តាលឱ្យមានការខូចខាតយ៉ាងធ្ងន់ធ្ងរ ប៉ុន្តែ មិនមានអ្នកស្លាប់ និង របួសនោះទេ។ យ៉ាងណាមិញ កងកម្លាំងអាមេរិក បានប្រកាសពីការវាយប្រហារអ៊ីរ៉ង់ សងសឹកវិញហើយដែរ៕ ប្រភព ៖ Anadolu ប្រែសម្រួល ៖…

តេហេរ៉ង់ ៖ ប្រទេស អ៊ីរ៉ង់ នៅថ្ងៃពុធនេះ បានចោទប្រកាន់សហរដ្ឋអាមេរិក ពីបទរំលោភលើអនុស្សរណៈនៃការយោគយល់គ្នា ទីក្រុងអ៊ីស្លាម៉ាបាដ។ អនុរដ្ឋមន្ត្រីការបរទេសអ៊ីរ៉ង់ លោក Kazem Gharibabadi បាននិយាយថា ការវាយប្រហាររបស់អាមេរិក លើអ៊ីរ៉ង់ បានរំលោភលើប្រការទីមួយ និងទីពីរ នៃ MOU ទីក្រុងអ៊ីស្លាម៉ាបាដ នេះបើយោងតាមរបាយការណ៍ របស់ទីភ្នាក់ងារសារព័ត៌មាន Fars។ ទីភ្នាក់ងារសារព័ត៌មាននេះ បានដកស្រង់សម្តី របស់លោក Gharibabadi ដែលបាននិយាយបន្ថែមថា «ក្នុងរយៈពេលបីសប្តាហ៍ កន្លងមកនេះ សហរដ្ឋអាមេរិកបានរំលោភលើលក្ខខណ្ឌនៃអនុស្សរណៈ ម្តងហើយម្តងទៀត»។ បើតាម Tass, ការប្រកាសនេះ ធ្វើឡើងភ្លាមៗ បន្ទាប់ពី បញ្ជាការកណ្តាលសហរដ្ឋអាមេរិក ហៅកាត់ CENTCOM បានរាយការណ៍ថា ពួកគេបានចាប់ផ្តើមការវាយប្រហារដ៏ខ្លាំងក្លា ជាបន្តបន្ទាប់ ប្រឆាំងនឹងអ៊ីរ៉ង់ ដើម្បីឆ្លើយតបទៅនឹងអ្វីដែលពួកគេអះអាងថា ជាការវាយប្រហារ ដោយសាធារណរដ្ឋអ៊ីស្លាម លើនាវាចំនួនបីគ្រឿង នៅក្នុងច្រកសមុទ្រ Hormuz៕ ប្រភព ៖ Tass ប្រែសម្រួល ៖…

ញូវដែលី ៖ ប្រទេសឥណ្ឌូនេស៊ី បានដកលុយចេញពីហោប៉ៅប្រមាណ ៦៣០ លានដុល្លារ ទិញមីស៊ីលនាំផ្លូវលឿនជាងសំឡេង BrahMos និងមីស៊ីលវាយប្រហារពីអាកាសទៅអាកាសចម្ងាយឆ្ងាយ Astra ពីប្រទេសឥណ្ឌា ។ កិច្ចព្រមព្រៀងខ្នាតធំនេះ ត្រូវបានរំពឹងថា នឹងត្រូវចុះហត្ថលេខាជាផ្លូវការ អំឡុងនាយករដ្ឋមន្ត្រីឥណ្ឌា លោក Nahrendra Modi ចាប់ផ្តើមដំណើរទស្សនកិច្ចរយៈពេល ៣ថ្ងៃ ចាប់ពីថ្ងៃទី៦ ដល់៨ ខែកក្កដា មកកាន់ប្រទេសឥណ្ឌូនេស៊ី ។ ឥណ្ឌូនេស៊ីនឹងក្លាយជាប្រទេសទីបី បន្ទាប់ពីវៀតណាម និងហ្វីលីពីន ដែលបានចុះហត្ថលេខាលើកិច្ចព្រមព្រៀងទិញមីស៊ីលផលិតដោយក្រុមហ៊ុន BrahMos Aerospace Private Limited របស់ឥណ្ឌា ។ កិច្ចសន្យានេះ បានបង្ហាញពីការពង្រីកការនាំចេញសម្ភារៈការពារជាតិដ៏សំខាន់របស់ឥណ្ឌា ជាពិសេសពង្រឹងទំនាក់ទំនងយុទ្ធសាស្ត្រជាមួយប្រទេសសេដ្ឋកិច្ចធំបំផុតរបស់អាស៊ីអាគ្នេយ៍ ចំពេលមានការប្រកួតប្រជែងកាន់តែខ្លាំងជាមួយមហាយក្សចិន សម្រាប់ឥទ្ធិពលនៅក្នុងតំបន់ឥណ្ឌូ-ប៉ាស៊ីហ្វិក ។ មីស៊ីល BrahMos ត្រូវបានអភិវឌ្ឍរួមគ្នាដោយឥណ្ឌា និងរុស្ស៊ី គឺជាមីស៊ីលបញ្ជាល្បឿនលឿនបំផុតរបស់ពិភពលោក ហើយអាចបាញ់ចេញពីដីគោក សមុទ្រ និងអាកាស ។ រីឯមីស៊ីលវាយប្រហារពីអាកាសទៅអាកាសចម្ងាយឆ្ងាយ Astra អាចត្រូវបានប្រើនៅលើយន្តហោះចម្បាំង Sukhoi…

កៀវ ៖ ប្រមុខការទូតកំពូលនៃប្រទេសអ៊ុយក្រែនប្រកាសថា ទីក្រុងកៀវត្រៀមខ្លួនរួចរាល់ហើយ សម្រាប់បទឈប់បាញ់ដោយគ្មានលក្ខខណ្ឌជាមួយរុស្ស៊ី ប៉ុន្តែបានសង្កត់ធ្ងន់ថា ការបញ្ចប់សង្គ្រាមនឹងមិនអាចទៅរួចឡើយ ប្រសិនបើគ្មានការចូលរួមរបស់សហរដ្ឋអាមេរិកនៅក្នុងដំណើរការសន្តិភាព ។ ថ្លែងក្នុងកិច្ចពិភាក្សាមួយនៅក្រៅជំនួបកំពូលអង្គការណាតូ កាលពីថ្ងៃ អង្គារ រដ្ឋមន្ត្រីការបរទេសអ៊ុយក្រែន លោក Andrii Sybiha បាននិយាយថា យើងបានត្រៀមខ្លួនរួចរាល់ហើយ សម្រាប់បទឈប់បាញ់ដោយគ្មានលក្ខខណ្ឌ ។ យើងនឹងមិនរារាំងផ្លូវសន្តិភាពឡើយ… យើងចង់បានសន្តិភាព ហើយយើងមានសំណើជាក់ស្តែង ដើម្បីសម្រេចវា ។ ប៉ុន្តែលោក Sybiha បានអះអាងច្បាស់ៗថា រាល់កិច្ចព្រមព្រៀងសន្តិភាពណាមួយនាពេលអនាគត គូរតែរួមបញ្ចូលនូវការធានាសន្តិសុខទ្វេភាគី ដែលមានលក្ខណៈស្របច្បាប់ពីសំណាក់សហរដ្ឋអាមេរិក ។ ប្រមុខការទូតអ៊ុយក្រែនរូបនេះ បានសង្កត់ធ្ងន់ថា ប្រសិនបើសន្តិភាពត្រូវបានរំលោភបំពានម្តងទៀត អ៊ុយក្រែននឹងត្រូវការការគាំទ្រផ្នែកយោធានៅលើសមរភូមិផ្ទាល់ វឌ្ឍនភាពឆ្ពោះទៅរកការចូលជាសមាជិកសហភាពអឺរ៉ុប និងកងទ័ពដ៏រឹងមាំជាងមុន ដែលអាចរារាំងការឈ្លានពានណាមួយនាពេលអនាគត ។ គួរបញ្ជាក់ថា ភ្លើងសង្គ្រាមរវាងទីក្រុងមូស្គូ និងទីក្រុងកៀវ បានចាប់ផ្តើមឆាបឆេះឡើង តាមរយៈការឈ្លានពានទ្រង់ទ្រាយធំរបស់រុស្ស៊ីប្រឆាំងនឹងអ៊ុយក្រែន កាលពីឆ្នាំ២០២២ ។ អំពើហិង្សាប្រដាប់អាវុធនេះ ត្រូវបានគេចាត់ទុកថា ជាជម្លោះយោធាដ៏ធំបំផុតនៅក្នុងទ្វីបអឺរ៉ុប ចាប់តាំងពីការបញ្ចប់សង្គ្រាមលោកលើកទីពីរមក ៕ ប្រភព ៖ Anadolu…

អង់ការ៉ា ៖ លោក វ៉ូឡូឌីមៀ ហ្សេឡេនស្គី ប្រធានាធិបតីនៃប្រទេសអ៊ុយក្រែន បានអំពាវនាវឱ្យប្លុកអឺរ៉ុប ពន្លឿនការអភិវឌ្ឍ និងការផលិតប្រព័ន្ធការពារដែនអាកាសជាទ្រង់ទ្រាយធំ ដើម្បីឆ្លើយតបកំណើនតម្រូវការសំណាញ់មេឃ ប្រឆាំងនឹងការវាយប្រហារដោយមីស៊ីល ។ នៅក្នុងវេទិកាឧស្សាហកម្មការពារជាតិ នៃកិច្ចប្រជុំកំពូលណាតូ កាលពីថ្ងៃ អង្គារ មេដឹកនាំអ៊ុយក្រែនរូបនេះ បានជំរុញឱ្យប្រទេសសម្ព័ន្ធមិត្តពង្រីកកិច្ចសហប្រតិបត្តិការឧស្សាហកម្មការពារជាតិ ពិសេសពន្លឿនការចែកចាយប្រព័ន្ធការពារដែនអាកាស ។ ឆ្លៀតឱកាសនោះ លោក ហ្សេឡេនស្គី បានសង្កត់ធ្ងន់អំពីតម្រូវការរបស់អឺរ៉ុប ក្នុងការបង្រឹងប្រព័ន្ធខែលការពារមីស៊ីលរបស់ខ្លួន ដោយលោកបាននិយាយថា អឺរ៉ុបត្រូវការសំណាញ់មេឃ និងមីស៊ីលប្រឆាំងកាំជ្រួចបាលីស្ទិកផ្ទាល់ខ្លួន ។ ប្រធានាធិបតីអ៊ុយក្រែនមានវ័យ៤៨ឆ្នាំរូបនេះ បានអះអាងទៀតថា អឺរ៉ុបត្រូវការប្រព័ន្ធប្រឆាំងមីស៊ីលលឿនជាងសំឡេង ដែលមានតម្លៃសមរម្យ និងផលិតបានច្រើនក្នុងពេលតែមួយ ឱ្យបានឆាប់តាមដែលអាចធ្វើទៅបាន ពោលគឺត្រូវមានចាប់ពីថ្ងៃនេះតែម្តង ។ ទន្ទឹមគ្នា លោក ហ្សេលេនស្គី បានប្រាប់សម្ព័ន្ធមិត្តណាតូច្បាស់ៗថា ឥឡូវនេះ អ៊ុយក្រេនបានក្លាយជាប្រភព នៃការពង្រឹងសមត្ថភាពការពារដ៏អស្ចារ្យ សម្រាប់សម្ព័ន្ធមិត្ត ។ បើតាម Anadolu, កិច្ចប្រជុំកំពូលណាតូឆ្នាំនេះ ធ្វើឡើងក្នុងទីក្រុងអង់ការ៉ា ប្រទេសតួកគី ក្នុងរយៈពេល២ថ្ងៃ គឺនៅថ្ងៃទី៧ និង៨ ខែកក្កដា…

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក ដូណាល់ ត្រាំ នៅថ្ងៃ អង្គារ បានសន្យានឹងលុបចោលទណ្ឌកម្មក្រោមច្បាប់ប្រឆាំងសត្រូវរបស់អាមេរិក ហៅកាត់ CAATSA ហើយពិចារណាលក់យន្តហោះចម្បាំងចម្បាំងបំកាយ F-35 ទៅឱ្យប្រទេសតួកគីឡើងវិញ ។ ការសន្យានេះ ត្រូវបានធ្វើឡើងក្នុងអំឡុងជំនួបកម្រិតខ្ពស់រវាងលោក ដូណាល់ ត្រាំ ជាមួយប្រធានាធិបតីតួកគី លោក តាយយីប អឺដូហ្កាន់ នៅក្រៅកិច្ចប្រជុំកំពូលអង្គការណាតូ ក្នុងទីក្រុងអង់ការ៉ា ។ បើតាម Anadolu, លោក ត្រាំ បានប្រាប់ក្រុមអ្នកយកព័ត៌មានថា យើងនឹងដកទណ្ឌកម្មទាំងនោះចេញ… យើងមិនចង់ដាក់ទណ្ឌកម្មលើមិត្តភក្តិនោះទេ ។ ទោះបីជាលោក ត្រាំ ចង់ដកទណ្ឌកម្មនេះក៏ដោយ ក៏នៅក្រោមច្បាប់របស់សហរដ្ឋអាមេរិក ប្រធានាធិបតីមិនអាចបញ្ចប់ទណ្ឌកម្ម CAATSA ជាអចិន្ត្រៃយ៍ទាំងស្រុងបានឡើយ បើគ្មាននីតិវិធីជាក់លាក់ពីសភាជាតិ ។ ពាក់ព័ន្ធនឹងកម្មវិធីយន្តហោះចម្បាំង F-35 លោក ត្រាំ បានបញ្ជាក់ថា រូបលោកនឹងពិចារណាឱ្យបានច្បាស់លាស់ ក្នុងការលក់ទៅឱ្យប្រទេសតួកគីឡើងវិញ ដោយសារលោកបានចាត់ទុកទីក្រុងអង់ការ៉ាថា មានភាពស្មោះត្រង់ជាងប្រទេសដទៃទៀតឆ្ងាយណាស់ ។ សូមរម្លឹកថា សហរដ្ឋអាមេរិកបានដាក់ទណ្ឌកម្ម…

អាមេរិក ៖ យោធាអាមេរិកបានអះអាងថា កាលពីថ្ងៃអង្គារ កងកម្លាំងរបស់ខ្លួន បានបើកការវាយប្រហារដ៏ខ្លាំងក្លា ប្រឆាំងនឹងអ៊ីរ៉ង់ ជាការឆ្លើយតបទៅនឹងការវាយប្រហារលើនាវាចំនួន បី គ្រឿង នៅក្នុងច្រកសមុទ្រ ហ័រមូស ដោយទីក្រុងវ៉ាស៊ីនតោនចោទអ៊ីរ៉ង់ថា រំលោភបទឈប់បាញ់។ បញ្ជាការកណ្តាលសហរដ្ឋអាមេរិកបាននិយាយ នៅក្នុងសារមួយ លើបណ្តាញសង្គម X ថា «ការវាយប្រហាររបស់សហរដ្ឋអាមេរិក គឺជាការឆ្លើយតបទៅនឹងការវាយប្រហាររបស់អ៊ីរ៉ង់ លើនាវាពាណិជ្ជកម្មចំនួនបីគ្រឿង ដែលឆ្លងកាត់ច្រកសមុទ្រ Hormuz ហើយនឹងដាក់បន្ទុកចំណាយយ៉ាងច្រើនសម្រាប់ការកំណត់គោលដៅ និងវាយប្រហារការដឹកជញ្ជូនពាណិជ្ជកម្ម»។ ប្រភពបានបន្ថែមថា «ការឈ្លានពានដែលបានបង្ហាញរបស់អ៊ីរ៉ង់ គឺមិនសមហេតុផល, ជាគ្រោះថ្នាក់ និងជាការរំលោភយ៉ាងច្បាស់លាស់ លើបទឈប់បាញ់»។ បើតាម AFP, បទឈប់បាញ់បានចូលជាធរមាន នៅថ្ងៃទី៨ ខែមេសា ប៉ុន្តែអំពើហិង្សាម្តងម្កាលបានបន្តនៅក្នុងតំបន់ឈូងសមុទ្រ រួមទាំង ការវាយប្រហារលើនាវា ដោយកងកម្លាំងរបស់ទីក្រុងតេហេរ៉ង់ និង ការវាយប្រហាររបស់សហរដ្ឋអាមេរិក លើអ៊ីរ៉ង់។ ការវាយប្រហារ នៅថ្ងៃអង្គារ គឺជាការវាយប្រហារលើកដំបូង ដោយកងកម្លាំងសហរដ្ឋអាមេរិកលើអ៊ីរ៉ង់ ចាប់តាំងពីការវាយប្រហារតាមអាកាស ជាបន្តបន្ទាប់ នៅចុងខែមុន ដែលទីក្រុងវ៉ាស៊ីនតោនបាននិយាយថា ជាការឆ្លើយតបទៅនឹងការវាយប្រហារលើនាវាពាណិជ្ជកម្ម ដោយកងកម្លាំងរបស់ទីក្រុងតេហេរ៉ង់៕ ប្រភព…