ជប៉ុន៖ ក្នុងឱកាសអញ្ជើញចូលរួមបុណ្យសពថ្នាក់ជាតិ ឯកឧត្តម អតីតនាយករដ្ឋមន្ត្រីជប៉ុន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅល្ងាចថ្ងៃទី ២៧ ខែកញ្ញា ឆ្នាំ ២០២២ បានឆ្លៀតជួបសម្តែងការគួរសមជាមួយ ឯកឧត្តម ហ្វូមីអូ គីស៊ីដា នាយករដ្ឋមន្ត្រីជប៉ុន និងភរិយា របស់ ឯកឧត្តម ឯកឧត្ដម Shinzo Abe ផងដែរ។

រតនគិរី ៖ លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរី បានឱ្យដឹងនៅល្ងាចថ្ងៃទី ២៦ ខែកញ្ញា ឆ្នាំ២០២២ នេះថា ក្នុងរយៈពេល៣ថ្ងៃនៃឱកាសបុណ្យភ្ជុំបិណ្ឌ ចាប់ពីថ្ងៃទី២៤-២៦ ខែកញ្ញា ឆ្នាំ២០២២ មានភ្ញៀវទេសចរជាតិ-អន្តរជាតិ ដែលបានចូលមកកម្សាន្តនៅតាមរមណីយដ្ឋាននានាក្នុងខេត្តរតនគិរី មានចំនួន ១៨,១៦១នាក់ ក្នុងនោះភ្ញៀវជាតិចំនួន ១៨,០១៥នាក់ភ្ញៀវអន្តរជាតិ មានចំនួន ១៤៦នាក់ បើប្រៀបធៀបទៅនឹងពិធីបុណ្យភ្ជុំបិណ្ឌឆ្នាំ២០២១មានការកើនឡើង១០០% ។

ភ្នំពេញ៖ ក្នុងចំណោមខេត្តចំនួន១០ ខេត្តបាត់ដំបងទទួលបានភ្ញៀវទេសចរច្រើនជាងគេ ដោយមានភ្ញៀវទេសចរជិត២២ម៉ឺននាក់ ក្នុងរយៈពេលបីថ្ងៃនៃពិធីបុណ្យភ្ជុំបិណ្ឌ។ក្រៅពីខេត្តនេះហើយ នៅមានខេត្តសៀមរាប និងខេត្តជាប់តំបន់មាត់សមុទ្រ ដែលទទួលបានភ្ញៀវទេសចរច្រើនផងដែរ។ នេះបើតាមក្រសួងទេសចរណ៍ ជូនដំណឹងនៅថ្ងៃទី២៧ ខែកញ្ញា ឆ្នាំ២០២២នេះ។

កំពង់ឆ្នាំង៖ តាមការបញ្ជាក់ពីរឯកឧត្ត សាន់ យូ អភិបាលរងខេត្តកំពង់ឆ្នាំងនៅព្រឹកថ្ងៃទី ២៧ ខែកញ្ញាឆ្នាំ ២០២២នេះថា ជារៀងរាល់ឆ្នាំ ផ្ទះដែលនៅជាប់នឹងដី ក្នុងភូមិសាស្រ្តទឹកលិចនៃតំបន់ទន្លេ តែងតែលិចនៅរដូវទឹកឡើង ។

ភ្នំពេញ៖ ក្នុងរដូវកាលបុណ្យទានម្ដងៗប្រជាជនខ្មែរដែលជាពុទ្ធសាសនិកបានចំណាយប្រាក់ជាច្រើនសម្រាប់ ការធ្វើបុណ្យទាន ការធ្វើដំណើរទៅលេងស្រុកកំណើត ជួបជុំសាច់ញាតិនិងដំណើរកម្សាន្តផ្សេងៗ។

ភ្នំពេញ៖ អ្នកជំនាញឃ្លាំមើលបញ្ហាសង្គម បានសាទរលើការប្តេជ្ញាចិត្តកន្លងមករបស់រដ្ឋាភិបាល និងយល់ស្របឲ្យរដ្ឋាភិបាលកម្ពុជាអនុវត្តច្បាប់លើករណីជួញដូរមនុស្ស ជាពិសេសការរឹតបន្តឹងលំហូរចូលនូវជនបរទេស ពិនិត្យការអនុវត្តច្បាប់អន្តោប្រវេសន៍ និងជាពិសេសវែកមុខអ្នកពាក់ព័ន្ធឃុបឃិត ដើម្បីបង្ហាញទៅសហគមន៍អន្តរជាតិឲ្យមានទំនុកចិត្តលើកម្ពុជាឡើងវិញ។

ភ្នំពេញ៖នៅរសៀលថ្ងៃទី២៧ ខែកញ្ញាឆ្នាំ២០២២នេះ ឯកឧត្តម ឃួង ស្រេង អភិបាលរាជធានីភ្នំពេញនិងជាប្រធានគណៈបញ្ជាការ ឯកភាពរដ្ឋបាលរាជធានីភ្នំពេញបានអញ្ជើញជាអធិបតីភាពក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានីភ្នំពេញដើម្បីត្រួតពិនិត្យនិងដាក់វិធានការបន្តឈានដល់ការលុបបំបាត់ល្បែងស៊ីសងខុសច្បាប់គ្រប់ប្រភេទនិងការប្រយុទ្ធប្រឆាំងអំពើជួញដូរមនុស្សគ្រប់ទម្រង់នៅ រាជធានីភ្នំពេញ។ ក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានីបានដាក់វិធានការបន្តលុបបំបាត់ល្បែងស៊ីសងគ្រប់ប្រភេទនិងការប្រយុទ្ធប្រឆាំងអំពើជួញដូរមនុស្សគ្រប់ទម្រង់នៅក្នុងរាជធានីភ្នំពេញសំដៅធ្វើយ៉ាងណាលុបបំបាត់ឱ្យអស់ទៅ តាមអនុសាសន៍របស់សម្ដេចអគ្គមហា សេនា បតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រ កម្ពុជា។ គួរបញ្ជាក់ថា កិច្ចប្រជុំនេះមានការចូលរួមពី ស្នងការនរគបាលរាជ ធានីភ្នំពេញ មេបញ្ជាការរងកងរាជអាវុធ ហត្ថរាជធានី ប្រធាន គណៈបញ្ជាការឯកភាពរដ្ឋបាលខណ្ឌទាំង១៤និងមន្ទីរពាក់ព័ន្ធមួយចំនួនទៀត៕ដោយ៖ ថេត វិចិត្រ ,ហេង សម្បត្តិ

ខេត្តកោះកុង៖ ចុងភៅព្រៃ គឺជាការបម្រើផ្នែកម្ហូបអាហារសម្រាប់ភ្ញៀវទេសចរ ទទួលទាននៅពេលធ្វើដំណើរកម្សាន្តផ្សងព្រេងតាមតំបន់ទេសចរណ៍ដែលមាន មាននៅក្នុងសហគមន៍អេកូទេសចរណ៍ជីផាត។អ្នកចុងភៅព្រៃនឹងដើរតាមភ្ញៀវទេសចរដើម្បី បម្រើលើសេវា ម្ហូបអាហារ និងរួមទាំងក៏ជាអ្នកមគ្គទេសក៍នាំផ្លូវផងដែរ។ អ្នកទេសចរដែលចូលចិត្តធ្វើដំណើរកម្សាន្តតាមតំបន់ទេសចរណ៍ក្នុងព្រៃនៅសហគមន៍អេកូទេសចរណ៍ជីផាត អាចធ្វើការជ្រើសរើសយកចុងភៅព្រៃ សម្រាប់ចម្អិនម្ហូបអាហារឱ្យបរិភោគក្នុងដំណើរកម្សាន្តមួយថ្ងៃ ឬ ច្រើនថ្ងៃនៅតាមតំបន់ទេសចរណ៍នានាតាមព្រៃភ្នំដែលជាដំណើរកម្សាន្តបែបផ្សងព្រេង។ ការបម្រើសេវាកម្មបែបចុងភៅព្រៃនេះមានរយៈពេលជាង១០ឆ្នាំមកហើយ នៅក្នុងសហគមន៍អេកូទេសចរណ៍ជីផាត ដែលស្ថិតនៅក្នុងឃុំជីផាត ស្រុកថ្មបាំង ខេត្តកោះកុង។សេវាកម្មផ្នែកម្ហូបអាហារចល័តបែបក្នុងព្រៃនេះត្រូវបានបង្កើតឡើងមកដើម្បីបម្រើតម្រូវការរបស់ភ្ញៀវទេសចរ កុំឱ្យជួបការលំបាកពាក់ព័ន្ធនឹងម្ហូបអាហារក្នុងការធ្វើដំណើរកម្សាន្តបែបថ្មើរជើងច្រើនថ្ងៃឆ្លងកាត់តាមព្រៃភ្នំ។ លោក សុខ ជ្រ គឺជាចុងភៅព្រៃ និងក៏ជាមគ្គុទេសក៍មួយរូបប្រចាំនៅសហគមន៍អេកូទេសចរណ៍ជីផាត បានបញ្ជាក់ប្រាប់ AMS ឱ្យដឹងថា លោកបានប្រកបរបរជាចុងភៅព្រៃនេះជិត១០ឆ្នាំមកហើយ ។ ការបម្រើសេវាកម្មចុងភៅព្រៃនេះគឺដើម្បីផ្តល់ភាពងាយស្រួលដល់ភ្ញៀវទេសចរចង់ធ្វើដំណើរកម្សាន្តព្រៃភ្នំ ។ ក្នុងការបម្រើសេវាកម្មម្ហូបអាហារនេះលោកតែងតែត្រូវរែកពន្ធសម្ភារៈច្រើនតាមខ្លួនក្នុងនេះដូចជា អង្ករ ចានឆ្នាំង ទឹកត្រី អំបិល ប៊ីចេង សាច់ បន្លែងបង្កា បង្អែម ផ្លែឈើដើម្បីទុកចម្អិនជូនភ្ញៀវទេសចរដែលធ្វើដំណើរ ។ ក្នុងបង្វេចដាក់លើខ្នងរៀងរាល់លើកក្នុងការធ្វើដំណើរចូលព្រៃជាមួយអ្នកទេសចរ លោក សុខ ជ្រ ត្រូវរែកពន់ទម្ងន់យ៉ាងតិច ២០គីឡូក្រាមលើខ្នងរៀងរាល់ពេល ។ បន្ថែមលើនេះក៏មានតង់ មុង ភួយសម្រាប់ទុកឱ្យភ្ញៀវទេសចរថែមទៀត។ ក្នុងការចេញដំណើរម្តងៗ លោក សុខជ្រ…

តាកែវ ៖ ឯកឧត្តម នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរងខភម និងជាមេបញ្ជាការ បញ្ជាការដ្ឋានអង្គរក្ស បានបញ្ជាក់ថា គិតត្រឹម ថ្ងៃទី២៧ ខែកញ្ញា ឆ្នាំ២០២២ កម្លាំងបញ្ជាការដ្ឋានអង្គរក្ស បានបន្តចុះដាំកូនឈើ បន្ថែមនៅចន្លោះ កូនឈើប្រណិតដែលបានដាំរួច និងបន្តចុះពិនិត្យមើលស្រះទឹកនិង អាងស្តុកទឹក សម្រាប់ស្រោចស្រប់កូនឈើ លើផ្ទៃដី ៥៣០ហិចតា របស់កងវិស្វកម្មបញ្ជាការដ្ឋានអង្គរក្ស ផ្ទាល់ដែលអនុវត្តន៍ការងារជិតរួចរាល់ ១០០%ជាស្ថាពរហើយ ។ ឯកឧត្តម នាយឧត្តមសេនីយ៍ ហ៊ីង ប៊ុនហៀងសូមថ្លែងអំណរគុណយ៉ាងជ្រាលជ្រៅចំពោះ ឯកឧត្តម អ្នកឧកញ៉ា លោកឧកញ៉ា លោក លោកស្រី ជាថ្នាក់ដឹកនាំ តាមក្រសួង ស្ថាប័ន សប្បុរសជននានាបានចូលរួមដាំកូនឈើផ្ទាល់នៅតំបន់ភ្នំតាម៉ៅ ថែមទាំងបាននាំយកនូវអំណោយ គ្រឿងឧបភោគបរិភោគ រួមទាំងថវិកាខ្លះផង សម្រាប់បំប៉នកម្លាំងបញ្ជាការដ្ឋានអង្គរក្ស ដែលមានកងវិស្វកម្ម របស់បញ្ជាកាដ្ឋានអង្គរក្សផ្ទាល់ ដែលបានអនុត្តន៍ការងារ ឈួស ឆាយ កាយកប់សម្អាតដី សម្រាប់ដាំកូនឈើប្រណិត ជីកស្រះ ជីកអាងស្តុកទឹក សម្រាប់ស្រោចស្រប់កូនឈើនៅរដូវប្រាំង…