សៀមរាប៖ នៅថ្ងៃទី ២៥ ខែកញ្ញា ឆ្នាំ២០២២ ឯកឧត្តម ទៀ សីហា ប្រធានគណៈកម្មាធិការសាខាកាកបាទក្រហមកម្ពុជាខេត្តនិងជាអភិបាលនៃគណៈអភិបាលខេត្តសៀមរាប និងសមាជិកសមាជិកា សាខាកាបាទក្រហមខេត្តជាច្រើនរូបទៀតបានអញ្ជើញជួបសំណេះសំណាលសួរសុខទុក្ខនិងនាំយកអំណោយមនុស្សធម៌ជូនដល់ ប្រជាពលរដ្ឋរងគ្រោះដោយទឹកជំនន់ទឹកភ្លៀងជន់លិចលំនៅឋាន ចំនួន ៤៨៥គ្រួសារ ក្នុងនោះនៅស្រុកអង្គរជុំ ចំនួន ១៣២គ្រួសារ និងស្រុកស្រីស្នំ ចំនួន ៣៥៣គ្រួសារ ។

ភ្នំពេញ៖ ដើម្បីធានាបានការបញ្ជាដឹកនាំកិច្ចប្រតិបត្តិការរក្សាសុវត្ថិភាព សន្តិសុខ សណ្តាប់ធ្នាប់សាធារណៈ ស្របពេលដែលប្រជាពលរដ្ឋខ្មែរ ត្រូវបានធ្វើដំណើរ ទៅស្រុកកំណើត ប្រកបដោយសុវត្ថិភាព និងរបៀបរៀបរយបានល្អប្រសើរ ក្នុងឱកាសរាជរដ្ឋាភិបាល អនុញ្ញាតឱ្យមន្ត្រីរាជការនិយោជិត កម្មករឈប់សម្រាករយៈពេល៣ថ្ងៃ ក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែរ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានដឹកនាំវេនប្រចាំការក្រុមទី៣ ថ្ងៃទី២ប្រចាំការ២៤ម៉ោងលើ២៤ម៉ោង ត្រូវនឹងថ្ងៃបុណ្យភ្ជុំបិណ្ឌប្រពៃណីជាតិ សម្រាប់ថ្ងៃទី២៦ ខែកញ្ញា ឆ្នាំ២០២២ នៅអគ្គស្នងការដ្ឋាននគរបាលជាតិ។

ភ្នំពេញ៖ ជនសង្ស័យម្នាក់ ឃើញមានឱកាសល្អ បងប្អូនប្រជាពលរដ្ឋ ទៅស្រុកបាត់អស់ស្ងាត់ភូមិ ក្នុងឱការបុណ្យភ្ជុំបិណ្ឌ បានធ្វើសកម្មភាពដើរឆ្កឹះសោរតាមបន្ទប់ជួល ចូលប្រមូលលួចយកទ្រព្យសម្បត្តិ ត្រូវបានម្ចាស់ផ្ទះជួលឃើញទាន់ ស្របពេលកម្លាំងសមត្ថកិច្ចចេញល្បាតឃាត់ខ្លួនបាន ជនសង្ស័យម្នាក់ កាលពីវេលាម៉ោង៤ និង៥០នាទីព្រឹក ថ្ងៃទី២៦ ខែកញ្ញា ឆ្នាំ២០២២ ត្រង់ចំណុចផ្ទះជួល នៅភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។

ភ្នំពេញ៖ តាមរយៈសារសំឡេងនៅព្រឹកថ្ងៃទី២៦ ខែកញ្ញា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានផ្ញើសារពិសេសជូនជនរួមជាតិថា ពេលនេះសម្តេចអញ្ជើញដល់រដ្ឋអាឡាស្កា សហរដ្ឋអាមេរិក ដើម្បីចុះចតចាក់សាំង ក្នុងការបន្តដំណើរទៅកាន់ទីក្រុងតូក្យូ ប្រទេសជប៉ុន។

រតនគិរី ៖ នៅក្នុងឱកាសនៃពិធីបុណ្យភ្ជុំបិណ្ឌឆ្នាំនេះ យើងសង្កេត ឃើញបងប្អូនប្រជាពលរដ្ឋទាំងក្មេងចាស់ ប្រុសស្រី ដែលគោរពជឿជាក់លើព្រះពុទ្ធសាសនាបានធ្វើដំណើរតាមរយៈរថយន្ត ម៉ូតូ និងខ្លះដោយថ្មើជើងសំរាប់ផ្ទះជិតវត្ត ដៃយួរចង្ហាន់មានបាយម្ហូប ផ្លែឈើទឹកក្រូច ទឹកសុទ្ធ បច្ច័យបួន ទៅវេរប្រគេនដល់ព្រះសង្ឃដែលគង់នៅក្នុងទីអារាមនានាក្នុងខេត្តរតនគិរី ដើម្បីឧទ្ទិសកុលទៅដល់បុព្វការីជន មានជីដូនជីតា បងប្អូន និងញ្ញាត្តិការទាំង ៧សណ្តាន ដែលបានចែកឋានទៅលោកខាងមុខហើយនោះរៀងៗខ្លួន។

ចាប់ពីថ្ងៃទី២៧ -៣០ កញ្ញា មានខេត្តចំនួន៨ នៃភាគឥសាន្ត ភាគឧត្តរ និងភាគពាយ័ព្យ នៃប្រទេសកម្ពុជា អាចនឹងទទួលរងផលប៉ះពាល់ដោយសារទឹកជំនន់ដោយសារទឹកភ្លៀងនឹងបន្តធ្លាក់ខ្លាំងហួសកំរិត ។ នេះបើតាមការព្យាករណ៍របស់ក្រសួងធនធានទឹក និងឧតុនិយម ដែលបានចេញផ្សាយនាថ្ងៃទី២៤ កញ្ញា ឆ្នាំ២០២២ ។សូមអានសេចក្តីប្រកាសខាងក្រោម :