អាមេរិក៖ ក្នុងពេលឡើងថ្លែងការណ៍នៅក្នុងមហាសន្និបាតអង្គការសហប្រជាជាតិ លើកទី៧៧ នាទីក្រុងញ៉ូវយ៉ក សហរដ្ឋអាមេរិក នៅយប់ថ្ងៃទី២៣ ខែកញ្ញា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានលើកឡើងថា ពិភពលោកនាពេលនេះ កំពុងជួបនូវភាពមិនប្រាកដប្រជា កាន់តែធ្ងន់ធ្ងរឡើងៗ។

សៀមរាប៖ នៅព្រឹកថ្ងៃទី២៣ ខែកញ្ញា ឆ្នាំ២០២២នេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមរាជរដ្ឋាភិបាលចុះជួយមូលដ្ឋានខេត្តសៀមរាប បានដឹកនាំមន្ត្រីក្រុមការងាររាជរដ្ឋាភិបាលចុះជួយមូលដ្ឋានខេត្តសៀមរាប និងមន្ទីរអង្គភាពស្ថាប័ននានាក្នុងខេត្ត បាននាំយកនូវទេយវត្ថុគ្រឿងឧបភោគបរិភោគ ព្រមទាំងថវិកាមួយចំនួនប្រគេនដល់ព្រះភិក្ចុសង្ឃគង់នៅវត្តដំណាក់ ស្ថិតក្នុងសង្កាត់សាលាកំរើក ក្រុងសៀមរាប ខេត្តសៀមរាប។

ញូវយ៉ក៖ កម្ពុជា ចង់ឱ្យប្រទេសបង់ក្លាដែសមកវិនិយោគដោយផ្ទាល់ក្នុងការនាំចេញអង្ករដោយការធ្វើឃ្លាំង និងកែច្នៃអង្ករ នាំចេញពីកម្ពុជាទៅបង់ក្លាដែស ។ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានសង្កត់ធ្ងន់ថា គោលបំណងរបស់កម្ពុជា គឺដើម្បីមានស្ថិរភាពនៃការ នាំចេញអង្ករពីកម្ពុជាទៅបង់ក្លាដែស ក្នុងក្របខណ្ឌពង្រីកទំនាក់ទំនងវិស័យពាណិជ្ជកម្ម និងការនាំចេញផលិតផលកសិកម្ម ។

ក្នុងឱកាដបុណ្យកាន់បិណ្ឌនិងភ្ជុំបិណ្ឌនេះ នាព្រឹកថ្ងៃទី២៣ ខែ កញ្ញា ឆ្នំា២០២២ ឧត្តមសេនីយ៍ឯក សៅ សារឿន អគ្គនាយករង អគ្គនាយកដ្ឋានយោធសេវា ប្រធានអនុគណៈកម្មាធិការរៀបចំបុណ្យសពថ្នាក់ឧត្តមសេនីយ៍ ឧត្តមនាវី ក្រសួងការពារជាតិ អមអំណើរដោយឧត្តមសេនីយ៍ទោ សៅ ដារ៉ាវុធ នាយក នាយកដ្ឋានកិច្ចការយោធា ស៊ីវិល រួមជាមួយនាយទាហានជា ក្រុមការងារជាច្រើនរូបទៀត បាននាំយកថវិកាគោលនយោបាយរបស់ក្រសួងការពារជាតិជាង ៦០លានរៀល ដើម្បីផ្តលជូនក្រុមគ្រួសារសព ឧត្តមសេនីយ៍ឯក ងី សំណាង និងឧត្តមសេនីយ៍ឯក ង៉ែត ស្រៀង ជាអតីតនាយទាហានការពារផ្ទាល់ នៃបញ្ជាការដ្ឋានអង្គរក្ស នៅក្រុងតាខ្មៅខេត្តកណ្តាល ដែលបានទទួលមរណភាពកន្លងទៅនេះសម្រាប់ដោះស្រាយចំណាយក្នុងពិធីបុណ្យទៅតាមប្រពៃណីព្រះពុទ្ធសាសនា និងបែបពិធីការកងទ័ព ឲ្យបានសមរម្យ តាមរយៈ ឯកឧត្តម ឧត្តមសេនីយ៍ឯក រឿង វុទ្ធី មេបញ្ជាការរងបញ្ជាការដ្ឋានអង្គរក្ស តំណាងឯកឧត្តម នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការបញ្ជាការដ្ឋានអង្គរក្ស ។

ស្វាយរៀង៖ នៅថ្ងៃសុក្រទី២៣ ខែ កញ្ញា ឆ្នាំ២០២២ លោកជំទាវកិត្តិសង្គហបណ្ឌិត ម៉ែន សំអន គណៈកិត្តិយសសាខា ព្រមទាំងឯកឧត្តម លោកជំទាវ គណៈកិត្តិយសគណៈកម្មាធិការសាខាបានបន្តចុះសំណេះសំណាល សួរសុខទុក្ខ និងនាំយក អំណោយមនុស្សធម៌របស់សាខា ចែកជូនដល់ជនងាយរងគ្រោះមានចាស់ជរា ជនពិការ កុមារកំព្រារ គ្រួសារមានជំងឺប្រចាំកាយ ស្ត្រីមេម៉ាយមានកូនច្រើន អ្នករស់នៅជាមួយមេរោគអេដស៍ និងទីទ័លក្រចំនួន ១០០ គ្រួសារ បន្ថែមទៀត មកពី ៥ សង្កាត់ក្នុងក្រុងបាវិត ដើម្បីឆ្លើយតបទៅនឹងសំណូមពររបស់ប្រជាពលរដ្ឋដែលងាយរងគ្រោះនៅតាមសហគមន៍ អនុសាខាកាកបាទក្រហមកម្ពុជាក្រុង ស្រុកបានស្នើសុំជំនួយពីសាខាកាកបាទក្រហមកម្ពុជាខេត្តស្វាយរៀង ឯកឧត្តម ម៉ែន វិបុល ប្រធានគណៈកម្មាធិការសាខា បានឯកភាពក្នុងការដោះស្រាយជូនពួកគាត់នៅតាមក្រុងស្រុកទាំង ៨ ឲ្យទាន់ពេលវេលានារដួវបុណ្យភ្ជំកាន់បិណ្ឌនេះ ។

អាមេរិក៖ នៅថ្ងៃទី២២ ខែកញ្ញា ឆ្នាំ២០២២ ឯកឧត្តម ឧបនាយក រដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការ អន្តរជាតិ បានអញ្ជើញដឹកនាំកិច្ចប្រជុំក្រៅផ្លូវការរបស់ រដ្ឋមន្ត្រីការ បរទេសអាស៊ាន (IAMM) ប្រចាំឆ្នាំ ក្នុងឱកាសនៃសម័យប្រជុំ លើកទី៧៧ នៃមហាសន្និបាតអង្គការសហប្រជាជាតិ (UNGA) នៅទីក្រុងញូវយ៉ក សហរដ្ឋអាមេរិក។

ភ្នំពេញ៖ ទិដ្ឋភាពទូទៅនៃការធ្វើដំណើររបស់ប្រជាជននាឱកាសបុណ្យភ្ជុំបិណ្ឌឆ្នាំនេះ បានត្រឡប់ទៅរកភាពកកស្ទះដូចដែលធ្លាប់មានកាលពីមុនផ្ទុះជំងឺរាតត្បាតឡើងវិញ។ បណ្ដាផ្លូវនានាដែលជាប្រភពតភ្ជាប់ពីក្រុងភ្នំពេញទៅខេត្ត មានភាពមមាញឹកតាំងពីមុនពិធីបុណ្យភ្ជុំបិណ្ឌទៅទៀត។