ភ្នំពេញ៖ លោក ឌិន សុមេធារិទ្ធិ ប្រធានសមាគមសណ្ឋាគារកម្ពុជា បាន លើកឡើងពីគម្រោងស្តារវិស័យទេសចរណ៍ តាមរយៈការ ងាក មកប្រើប្រាស់ថាមពលប្រព័ន្ធអាទិត្យជំនួសថាមពលអគ្គិសនីផ្ទាល់ ដោយពន្យល់ថា ជារឿងមួយល្អ ដែលអាចជួយសន្សំការចំណាយ របស់ម្ចាស់ សណ្ឋាគារ មួយចំនួន។

មជ្ឈដ្ឋានអគតិ នៅតែបន្តអនុវត្តនយោបាយជះទឹកកខ្វក់ ដាក់មកលើភាពស្អាតស្អំនៃការដឹក នាំរបស់រាជរដ្ឋាភិបាលរបស់សម្តេចតេជោហ៊ុនសែន។ នេះជានយោបាយតាមរបៀបជា ការនិន្ទា ឈ្នានីសនិងចងគំនុំ បើទោះបីជារាជរដ្ឋាភិបាលបានឆ្លើយតបដោយការបង្ហាញភាពពិត ដែលកំពុងកើតមាននាបច្ចុប្បន្ននេះក្តី។ អប្សរាណិតមានបទអត្ថាធិប្បាយមួយក្រោម ចំណង ជើងថា«សូមលោក អ្នកបញ្ឈប់ការប្រព្រឹត្តអំពើទុច្ចរិតមកលើកម្ពុជា»

ភ្នំពេញ៖ កម្ពុជាបាននាំចេញអង្ករសរុបប្រមាណជិត ៣៩ម៉ឺនតោន ក្នុង ទំហំទឹកប្រាក់ជិត ២៤៣លានដុល្លារ។ ចិន គឺជាប្រទេសដែល ទទួលការនាំចូលពីកម្ពុជាច្រើនជាងគេ ឈរនៅលំដាប់ទី១ បន្ទាប់ពី បារាំង ក្នុងអាត្រា ៤៦ភាគរយ នៃការនាំចេញអង្ករសរុបក្នុង ចំណោម ប្រទេស៥៤។

ភ្នំពេញ៖ ប្រទេសកម្ពុជា នឹងយកខេត្តព្រះវិហារជាខេត្តដំបូង គេក្នុងការ ដំឡើងអគារ និងម៉ាស៊ីនផលិតអុកស៊ីហ្ស៊ែន ដែលជាជំនួយរបស់ រដ្ឋាភិបាលអាមេរិក ដើម្បីផ្តល់អត្ថប្រយោជន៍ដល់ប្រជាជនចំនួនជិត ៣០០ ០០០នាក់។ នេះបើតាមការចេញផ្សាយរបស់ ស្ថានទូត សហរដ្ឋអាមេរិកប្រចាំកម្ពុជា ចុះថ្ងៃទី១៤ ខែកញ្ញា ឆ្នាំ២០២២។

ភ្នំពេញ៖ ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានអរគុណចំពោះការគាំទ្ររបស់ EIB ក្នុងការចូលរួមជំរុញកំណើនសេដ្ឋកិច្ចរបស់កម្ពុជា តាមរយៈកិច្ចសហប្រតិបត្ដិការ ហើយសុំឲ្យ EIB បន្តគាំទ្ររាជរដ្ឋាភិបាលក្នុងការវិនិយោគលើវិស័យអាទិភាព តាមរយៈការចូលរួមជាឥណទានសម្បទាន, ហិរញ្ញប្បទានឥតសំណង និងការគាំទ្រជំនួយបច្ចេកទេសជាដើម ។

ខេត្តសៀមរាប៖ ឯកឧត្តម ឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារតម្រង់ទិស នៅថ្ងៃទី១៤ ខែកញ្ញា ឆ្នាំ២០២២ បានអញ្ជើញចុះពិនិត្យសំណង់ និងការកាន់កាប់ដីរបស់ប្រជាពលរដ្ឋនៅបារាយណ៍ខាងកើត ស្ថិតនៅភូមិរហាល សង្កាត់នគរធំ ក្រុងសៀមរាប និងបារាយណ៍លលៃ ស្ថិតនៅភូមិលលៃ ឃុំបាគង ស្រុកប្រាសាទបាគង ខេត្តសៀមរាប។

ភ្នំពេញ៖ ក្រសួងធនធានទឹក និងឧតុនិយម បានចេញសេចក្តីជូនដំណឹង ស្តីពីស្ថានភាពធាតុអាកាសនៅកម្ពុជា គឺចាប់ពីថ្ងៃទី១៤-២០ ខែកញ្ញា ឆ្នាំ២០២២ ព្រះរាជាណាចក្រកម្ពុជា ទទួលរងឥទ្ធិពលពីជ្រលងនៃប្រព័ន្ធសម្ពាធទាប (ITCZ) ដែលមួយសប្តាហ៍នេះ នឹងរំកិលចុះឡើង នៅចន្លោះពីភាគខាងជើងប្រទេសថៃ ឡាវ វៀតណាម និងភាគកណ្តាលអាងទន្លេមេគង្គ ជាមួយខ្យល់មូសុងនិរតីបក់ ក្នុងល្បឿនពីខ្សោយទៅបង្គួរ ។

ភ្នំពេញ៖ លោក សុន ឆ័យ អនុប្រធានគណបក្សភ្លើងទៀន បានលើក ឡើងថា ពេលនេះគណបក្សភ្លើងទៀនមិន ទាន់មានភាពចាំបាច់អ្វី ត្រូវបង្ហាញបេក្ខភាពនាយករដ្ឋមន្ត្រីនាពេលអនាគតនោះទេ។

ខេត្តកំពង់ស្ពឺ៖ នៅរសៀលថ្ងៃទី១៤ ខែកញ្ញា ឆ្នាំ២០២២ ឯកឧត្តម វ៉ី សំណាង គណៈអភិបាលខេត្តកំពង់ស្ពឺ បានដឹកនាំក្រុមការងារ មន្ទីរអង្គភាពពាក់ព័ន្ធ និងអាជ្ញាធរដែនដីគ្រប់លំដាប់ថ្នាក់ ចុះពិនិត្យមើលស្ថានភាពជំនន់ទឹកភ្លៀង ស្ថិតនៅភូមិក្រប៉ៅ ឃុំព្រះនិព្វាន ស្រុកគងពិសី ខេត្តកំពង់ស្ពឺ ដែលបង្កមកពីទឹកភ្លៀង បណ្តាលឲ្យមានការជន់លិចផ្ទះបងប្អូនប្រជាពលរដ្ឋចំនួន ៣៧ខ្នង។

ភ្នំពេញ៖ គម្លាតប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិត ស្បែកជើង និងផលិតផលិតផលធ្វើដំណើរនិង កាបូបសម្រាប់ ឆ្នាំ២០២៣ នៅឆ្ងាយគ្នាពេក បង្ខំឲ្យក្រុមប្រឹក្សាជាតិប្រាក់ឈ្នួល អប្បបរមា សម្រេចជួបគ្នាជាលើកចុងក្រោយ នៅថ្ងៃទី២១ខែកញ្ញា បន្ទាប់ពីជំនួបលើកទី៤ នៅថ្ងៃទី១៣ខែកញ្ញា មិនទាន់រកឃើញ តួលេខរួមគ្នា។