ខេត្តព្រះសីហនុ ៖ នៅព្រឹកថ្ងៃទី១៣ ខែកញ្ញា ឆ្នាំ២០២២ អ្នកស្ម័គ្រចិត្តបរិច្ចាគឈាមជួយសង្គ្រោះអាយុជីវិតជនរងគ្រោះចំនួន៧១១នាក់ បានបរិច្ចាកឈាមរបស់ខ្លួន ដល់អ្នកដែរបានមកសំរាកព្យាបាលជំងឺនៅមន្ទីរពេទ្យខេត្តព្រះសីហនុ ដែលកំពុងត្រូវការឈាម ។

ភ្នំពេញ៖ នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃទី១៣ ខែកញ្ញា ឆ្នាំ២០២២ ឯកឧត្តមរដ្ឋមន្រ្តី វេង សាខុន បានទទួលជួបក្រុមមន្រ្តីជាន់ខ្ពស់ នៃធនាគារវិនិយោគសហភាពអឺរ៉ុប (European Investment Bank, EIB) ដែលដឹកនាំដោយលោកជំទាវ Carmen Moreno ឯកអគ្គរដ្ឋទូតសហភាពអឺរ៉ុបប្រចាំព្ររាជាណាចក្រកម្ពុជា។

ភ្នំពេញ៖ អ្នកជំនាញផ្នែកកសិកម្ម លោកបណ្ឌិត សួង ណយ បានណែនាំកសិករឱ្យ ងាកទៅប្រើប្រាស់ប្រព័ន្ធសូឡាក្នុងការ បូមទឹកដាក់ស្រែ ឬចម្ការជំនួសឱ្យការប្រើម៉ាស៊ីនក្នុងការបូមទឹក។ ការណែនាំ នេះធ្វើឡើងក្រោយពីអ្នកជំនាញរូបនេះ បានឆ្លងកាត់ការ អនុវត្ត លើចម្ការរបស់ខ្លួនផ្ទាល់ និងបានឃើញពីផលចំណេញជាក់ស្ដែង។

ភ្នំពេញ៖ ក្រុមនិស្សិតឆ្នាំទី ៤ ខាងផ្នែករចនា នៅសកលវិទ្យាល័យ លីមកុកវីង បានបង្កើតគម្រោងមួយទាក់ទិនទៅនឹងគំនូរ បែបឌីជីថល ជាសាធារណៈ។ «ផ្ទះអក្ខរៈ» គឺជាការតាំងពិព័រណ៍ ពីអក្សរពុម្ពខ្មែរ ដែលរំលេចជាមួយវប្បធម៌ខ្មែរ និងសេចក្តីស្រឡាញ់សិល្បៈ ផ្នែកគំនូរ ឌីជីថល ដែលនឹងធ្វើឡើងចាប់ពីថ្ងៃទី ១៧ កញ្ញា ដល់ ០១ តុលា ពីម៉ោង ១០ព្រឹក ដល់ម៉ោង ៥ល្ងាច នៅផ្ទះចាស់ ក្នុង Shophouse Studio ដែលមានអាសយដ្ឋាននៅផ្ទះលេខ ៩១ E0 ផ្លូវ ១១០។

ភ្នំពេញ៖ ក្រសួងអប់រំ យុវជន និងកីឡា នៅថ្ងៃទី១៣ ខែកញ្ញា ឆ្នាំ២០២២នេះ បានប្រកាសពន្យារពេលប្រឡងសញ្ញាបត្រមធ្យមសិក្សាទុតិយភូមិ ទៅថ្ងៃទី៥-៦ ខែធ្នូ ឆ្នាំ២០២២ ព្រោះប្រទេសកម្ពុជាមមាញឹកជាប់រៀបចំកិច្ចប្រជុំកំពូលអាស៊ាន នៅអំឡុងខែវិច្ឆិកា។

ភ្នំពេញ៖ស្ថានទូតបារាំងប្រចាំកម្ពុជានឹងបើកទ្វារទទួលសាធារណ ជនឲ្យចូលទស្សនាដោយសេរីជាថ្មីម្តងទៀតនៅថ្ងៃទី១៧ ខែកញ្ញា ខាងមុខបន្ទាប់ពីខកខានមិនបានប្រារព្ធកាលពីឆ្នាំកន្លងទៅដោយសារស្ថានភាពកូវីដ១៩។នេះបើតាមសេចក្ដីប្រកាសព័ត៌មានរបស់ ស្ថានទូត បារាំង ចេញផ្សាយនៅថ្ងៃទី១៣ ខែកញ្ញានេះ។ ស្ថិតក្រោមប្រធានបទ«បេតិកភណ្ឌប្រកបដោយចីរភាព» ទិវានេះនឹង អនុញ្ញាតឱ្យសាធារណជន ស្វែងយល់អំពីអគារនានាដែល បង្កប់ ដោយ ប្រវត្តិសាស្រ្ត ក៏ដូចជាឧទ្យានដ៏ស្រស់បំព្រងរបស់ស្ថានទូត។មានទំហំ៤,៧ហិកតា ឧទ្យានស្ថានទូតបារាំងស្ថិតក្នុងចំណោម លំហបៃតង ធំជាងគេមួយនៅរាជធានីភ្នំពេញ ដោយមានផ្ទុកនូវ ជីវៈចម្រុះ ដ៏មានតម្លៃ ដូចជាដើមឈើ២០០ដើមដែលស្ថិតក្នុង ៥០ ប្រភេទផ្សេងៗគ្នា និងសត្វមួយចំនួនដែលបច្ចុប្បន្នស្ថានទូត កំពុងចុះ បញ្ជី។ស្ថានទូតបានធ្វើស្លាករៀបរាប់អំពីដើមឈើមានតម្លៃដែលស្ថិតនៅក្នុងឧទ្យានស្ថានទូត។ការទស្សនានឹងប្រព្រឹត្តទៅដោយមានការពន្យល់ជាភាសាបារាំង ខ្មែរ និងអង់គ្លេស ចំនួនបីពេលក្នុងមួយថ្ងៃ ហើយអ្នកទស្សនាអាច ជ្រើសរើស ចូលក្នុង ក្រុមណាមួយខាងលើ។ អ្នកទស្សនាក៏នឹងអាចស្វែងយល់ផងដែរអំពីស្នាដៃសិល្បៈមួយចំនួនក្នុងឧទ្យាន រួមទាំងអតីតក្លោងទ្វារស្ថានទូតដែលលោក ហ្វ្រង់ស៊័រ ប៊ីហ្សូបានរៀបរាប់នៅក្នុងស្នាដៃរបស់លោកស្តីពីការដួលរលំនៃទីក្រុងភ្នំពេញកាលពីឆ្នាំ១៩៧៥។ បើតាមស្ថានទូតបារាំង ទិវានេះនឹងបិទបញ្ចប់ដោយការបង្ហាញ រូបថតស្ត្រី និងបុរសនានា ដែលនឹងបង្កើតបេតិកភណ្ឌក្នុងពេល អនាគត។ រូបថតទាំងនេះត្រូវបានដាក់តាំងលើរបងមុខស្ថានទូតបារាំងក្នុងក្របខ័ណ្ឌនៃពិព័រណ៍ «រម្លឹកខួប៣០ឆ្នាំនៃវិទ្យាស្ថានបារាំងនៅកម្ពុជា»។ សម្រាប់ទិវាបេតិកភណ្ឌ នាថ្ងៃទី១៧ ខែកញ្ញាខាងមុខ ស្ថានទូត បារាំង នឹងបើកទ្វារជូនសាធារណជនចូលទស្សនាពីម៉ោង ៨ព្រឹក ដល់ម៉ោង…

ប្រសាសន៍ដើមទាំងស្រុងរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីសំណេះសំណាលជាមួយ​ប្រជាពលរដ្ឋដែល​បានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា មកទីតាំងថ្មីដែល​រាជរដ្ឋាភិបាល​ផ្តល់ដីជូនពលរដ្ឋជាថ្នូរនឹងការរុះរើសំណង់ចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា។

សៀមរាប៖​ នៅព្រឹកស្អែកថ្ងៃទី១៣ខែកញ្ញាឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជួបសំណេះសំណាល ជាមួយប្រជាពលរដ្ឋ ដែលបានស្ម័គ្រចិត្តរើលំនៅឋាន និងសំណង់ ផ្សេងៗចេញពីតំបន់ រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់ អាជ្ញាធរជាតិអប្សរា ទៅរស់នៅក្នុង ភូមិរុនតាឯក ស្រុកបន្ទាយស្រី ខេត្តសៀមរាបដែល ជាទីតាំង ដែល រាជរដ្ឋាភិបាល ផ្តល់ដីជូន បន្ទាប់ពីប្រជាពលរដ្ឋស្ម័គ្រចិត្តរុះរើសំណង់ ចេញពីតំបន់រមណីយ ដ្ឋានអង្គរ និងតំបន់ស្ថិតក្រោមការគ្រប់គ្រងតំបន់ដទៃទៀត ស្ថិត ក្រោមការ គ្រប់គ្រងរបស់ អាជ្ញាធរជាតិអប្សរា ។