ខេត្តកំពង់ធំ៖ ទីបញ្ជាការតំបន់ប្រតិបត្តិការសឹករងកំពង់ធំ យោធភូមិភាគទី៤បាន បើកកិច្ចប្រជុំបូកសរុបលទ្ធផលការងារយោធាសន្តិសុខប្រចាំខែសីហា និងដាក់ចេញនូវទិសដៅសម្រាប់អនុវត្តបន្ត ប្រចាំខែកញ្ញាឆ្នាំ ២០២២ ដែលពិធីនេះប្រព្រឹត្តទៅស្ថិតក្រោមធិបតីភាព ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ នៅព្រឹកថ្ងៃទី០៧ខែកញ្ញា ឆ្នាំ២០២២ ។

ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានអញ្ជើញជាអធិបតី ក្នុងពិធីបើកការដ្ឋាន សាងសង់អគារសាលប្រជុំ សាលាស្រុកអង្គស្នួល ស្ថិតនៅភូមិព្រៃពពែល ឃុំពើក ស្រុកអង្គស្នួល ខេត្តកណ្តាលនាព្រឹកថ្ងៃទី៧ ខែកញ្ញា ឆ្នាំ២០២២ ។

វៀតណាម៖ ក្នុងដំណើរទស្សនកិច្ចរយៈពេល៣ថ្ងៃកន្លងមកនេះ នៅទីក្រុងហាណូយ សាធារណៈរដ្ឋសង្គមនិយមវៀតណាម នារសៀលថ្ងៃទី៦ ខែកញ្ញា ឆ្នាំ២០២២ គណៈប្រតិភូរដ្ឋបាលរាជធានីភ្នំពេញដឹកនាំដោយ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ រួមដំណើរដោយ ឯកឧត្តម ចាយ ណាវុធ ឯកអគ្គរាជទូតកម្ពុជាប្រចាំសាធារណរដ្ឋសង្គមនិយមវៀតណាម បានអញ្ជើញចូលជួបសំដែងការគួរសម និងសំណេះសំណាលជាមួយ ឯកឧត្តម Pham Minh Chinh នាយករដ្ឋមន្ត្រីនៃសាធារណរដ្ឋសង្គមនិយមវៀតណាម ។

វៀតណាម៖ គណៈប្រតិភូជាន់ខ្ពស់សាលារាជធានីភ្នំពេញដឹកនាំដោយ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងលោកជំទាវ រួមដំណើរដោយ ឯកឧត្តម ចាយ ណាវុធ ឯកអគ្គរាជទូតកម្ពុជាប្រចាំប្រទេសវៀតណាម និងប្រតិភូរួមដំណើរនារសៀលថ្ងៃទី៦ កញ្ញាបានជួបសំដែងការគួរសមជាមួយឯកឧត្តម វឿង ឌីញហឺ (VUONG DINH HUE) ប្រធានរដ្ឋសភានៃសាធារណៈសង្គមនិយមវៀតណាមនៅវិមានរដ្ឋសភា នាទីក្រុងហាណូយ។

ភ្នំពេញ៖ សម្ដេចអគ្គមហាពញាចក្រី ហេង សំរិន ប្រធានរដ្ឋសភានៃ ព្រះរាជាណាចក្រកម្ពុជា នឹងដឹកនាំគណៈប្រតិភូជាន់ខ្ពស់រដ្ឋសភា អញ្ជើញបំពេញទស្សនកិច្ចជាផ្លូវការ និង មិត្តភាពនៅប្រទេសវៀតណាម និងប្រទេសឡាវនៅសប្តាហ៍ក្រោយ។

ខេត្តព្រះសីហនុ៖ រដ្ឋបាលខេត្តព្រះសីហនុ នៅថ្ងៃទី៧ ខែកញ្ញា ឆ្នាំ២០២២ បានប្រកាសតែងតាំង និងប្រគល់ភារកិច្ចជូនមន្ត្រីរាជការក្នុងរចនាសម្ព័ន្ធ នៃសាលាខេត្តព្រះសីហនុ ចំនួន ១៦រូប មាននាយករងរដ្ឋបាលសាលាខេត្ត នាយក នាយករងទីចាត់ការ ប្រធានអង្គភាពច្រក និងប្រធាន អនុប្រធានការិយាល័យចំណុះសាលាខេត្តព្រះសីហនុ។

ភ្នំពេញ៖ក្រសួងអប់រំ យុវជន និងកីឡា រួមសហការជាមួយ អង្គការ ភាព ជា ដៃគូអប់រំនៃអង្គការមិនមែនរដ្ឋាភិបាល (NEP) និងក្រុមការងារ អប់រំបរិយាបន្ន និងពិការភាព (WGED) កំពុងរៀបចំវេទិកាថ្នាក់ជាតិ លើកទី១០ស្ដីពីការបរិយាបន្ន ក្រោមប្រធានបទ៖ « រួមគ្នាផ្ដល់ អាទិភាពលើការអប់រំបរិយាន្នសម្រាប់សិស្សមានពិការភាពក្រោយកូវីដ-១៩ នៅគ្រប់ភូមិសិក្សា»។ វេទិកាថ្នាក់ជាតិស្ដីពីការអប់រំបរិយាបន្ននេះ ត្រូវប្រារព្ធធ្វើឡើងនៅថ្ងៃសុក្រទី៩ ខែកញ្ញា ឆ្នាំ២០២២ខាងមុខនេះ នៅភោជនីយ ដ្ឋាន ទន្លេបាសាក់២ រាជធានីភ្នំពេញ។ វេទិកាថ្នាក់ជាតិលើកទី១០នេះ គឺជាឱកាសមួយដែលអ្នកធ្វើការ ពាក់ព័ន្ធ លើវិស័យអប់រំបរិយាបន្នសម្រាប់កុមារមានពិការ ភាព នៅកម្ពុជា សហការគ្នាជាមួយក្រសួងអប់រំ យុវជន និងកីឡា ដើម្បី កំណត់រកឲ្យឃើញថា តើអ្វីជាបញ្ហាប្រឈមក្នុងអំឡុងពេលកូវីដ១៩ និងអ្វីជាដំណោះស្រាយសមស្រប ក្រោយការបើកដំណើរការ សាលារៀនឡើងវិញ ដើម្បីជួយគាំទ្រដល់សិស្សមានពិការភាព បានបន្តការសិក្សា និងឆ្លងភូមិសិក្សា។ នៅក្នុងរយៈពេលពីរឆ្នាំនៃជំងឺរាតត្បាតកូវីដ-១៩ សាលារៀន ជាច្រើន ត្រូវបិទទ្វារក្នុងរយៈពេលយូរ ហើយសិស្សានុសិស្ស ត្រូវ បន្តការសិក្សា ពីចម្ងាយ។ ផ្នែកតាមផែនការរបស់ក្រសួង…

កណ្តាល៖ រដ្ឋបាលខេត្តកណ្តាលបានជម្រាបគណៈប្រតិភូ នៃរដ្ឋសភាថារដ្ឋបាលខេត្តបានដោះស្រាយករណីវិវាទដីធ្លីបញ្ចប់ចំនួន១៤១ករណីក្នុងចំណោមវិវាទដីធ្លីសរុប៤៦២ករណីដែល៣២១ករណីទៀតកំពុងដំណើរការយន្តការដោះស្រាយ គិតត្រឹម ខែ សីហា ឆ្នាំ២០២២។

ភ្នំពេញ៖ នៅទូទាំងប្រទេសកម្ពុជារន្ទះបាញ់បានសម្លាប់មនុស្ស យ៉ាងហោចណាស់៤៨នាក់ខណៈជំនន់ទឹកភ្លៀង សម្លាប់មនុស្ស ប្រាំបួននាក់។ នេះបើតាមកំណត់ហេតុនៃ របាយការណ៍ គ្រោះមហន្តរាយធម្មជាតិគិតត្រឹមដំណាច់ ខែសីហា ឆ្នាំ២០២២ បើប្រៀបធៀបទៅនឹងរយៈពេលដូចគ្នាកាលពីឆ្នាំ២០២១ មនុស្សស្លាប់ដោយសាររន្ទះបាញ់ មានការថយចុះ ចំនួន៦៨ នាក់។