ភ្នំពេញ៖ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ និងលោកជំទាវ Ülkü Kocaefe ឯកអគ្គរដ្ឋទូតថ្មីនៃសាធារណរដ្ឋតួកគីប្រចាំកម្ពុជា បានវាយតម្លៃខ្ពស់ជាមួយសេចក្តីពេញចិត្តចំពោះមិត្តភាពដ៏ប្រពៃ និងកិច្ចសហប្រតិបត្តិការដ៏ល្អនាពេលបច្ចុប្បន្នរវាងប្រទេសកម្ពុជា និងតួកគី។

សៀមរាប៖ នៅព្រឹកថ្ងៃទី០១ ខែកញ្ញា ឆ្នាំ២០២២នេះ ក្រុមការងារតម្រង់ទិស ដើម្បីដោះស្រាយបញ្ហាសំណង់ខុសច្បាប់ និងដីធ្លីក្នុងតំបន់រមណីយដ្ឋានអង្គរ និងតំបន់ដ៏ទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា បានបើកកិច្ចប្រជុំត្រួតពិនិត្យវឌ្ឍនភាពការងារ និងដោះស្រាយបញ្ហានានា ដែលបានកើតមានកន្លងមក ក្នុងពេលអនុវត្តន៍ការងារ ចុះវាស់វែង កំណត់និយាមកាក្បាលដី និងអត្តសញ្ញាណអ្នកកាន់កាប់ក្បាលដី និងសំណង់ខុសច្បាប់។

សៀមរាប៖ ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានអញ្ជើញក្នុងពិធីបញ្ចុះ បឋមសិលាសាងសង់ស្នាក់ការឧទ្យានុរក្ស នៃឧទ្យានជាតិព្រះជ័យវរ្ម័ន នរោត្តមភ្នំគូលេន មានទីតាំងស្ថិតនៅ ភូមិស្រះខ្វាវ ឃុំត្បែវ ស្រុកបន្ទាយស្រី ខេត្តសៀមរាប ព្រមទាំងវត្តមាន លោក ពិន ប្រកដ អភិបាលរង នៃគណអភិបាលខេត្តសៀមរាប អស់លោក លោកស្រី តំណាងអគ្គនាយកដ្ឋាន ទាំង៦ នៃក្រសួងបរិស្ឋាន តំណាងប្រជាសហគមន៍ មន្រ្តីឧទ្យាននុរក្ស ជាច្រើនរូបចូលរួម នាថ្ងៃព្រហស្បតិ៍ ៦កើត ខែភទ្របុទ ឆ្នាំខាល ចត្វាស័ក ព,ស ២៥៦៦ ត្រូវនឹងថ្ងៃទី ០១ ខែកញ្ញា ឆ្នាំ២០២២ ។

រាជធានីភ្នំពេញដែលមានមនុស្សច្រើន និងមានការកកស្ទះចរាចរណ៍ណែនណាន់តាន់តាប់ ជារៀងរាល់ថ្ងៃ បានកសាងបន្ថែមនូវសំណង់ស្ពានអាកាសចំនួន២ទៀត ដើម្បីការជួយសម្រួល ការធ្វើដំណើររបស់ប្រជាពលរដ្ឋ។ ពិធីបុកគ្រឹះនៃការដ្ឋានកសាងស្ពានទាំង២កន្លែងនៅថ្ងៃទី៣១ សីហានេះ បានអញ្ជើញចូលរួមជាអធិបតីដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន។

ព្រះសីហនុ៖ អភិបាលរងខេត្តព្រះសីហនុថ្មីចំនួនបួនរូប ត្រូវបានប្រកាសចូលកាន់មុខតំណែងជាផ្លូវការ ក្រោមវត្តមានឯកឧត្តម កុល វីរក្ស រដ្ឋលេខាធិការក្រសួងមហាផ្ទៃ តំណាង សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។

ភ្នំពេញ៖ កិច្ចប្រជុំក្រុមប្រឹក្សាជាតិប្រាក់ឈ្នួល អប្បបរមាផ្នែក វាយនភណ្ឌ កាត់ដេរ ផលិតស្បែកជើង និងផលិត ផលិតផល ធ្វើដំណើរ និងកាបូបសម្រាប់ឆ្នាំ២០២៣បានដំណើរការរួចរាល់ហើយ។ ក្រោយការប្រជុំផ្ទៃក្នុងតំណាងភាគីរបស់ ខ្លួន នីមួយៗ ចំនួនបីលើករួចមក ភាគីតំណាងកម្មករនិយោជិត បានបន្ថយ តួលេខពីចំនួន ២១៥ដុល្លារអាមេរិកមកនៅ ២១៣ដុល្លារ ដែលជាមូលដ្ឋានក្នុងការចរចាលើកនេះ។

ថ្ងៃទី៣១ ខែសីហា ឆ្នាំ២០២២ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានអញ្ជើញចូលជួបសម្តែងការគួរសមជាមួយ ឯកឧត្តម នាយឧត្ដមសេនីយ៍ វិល័យ ឡាខាំហ្វុង ឧបនាយករដ្ឋមន្ត្រី និងជារដ្ឋមន្ត្រីក្រសួងសន្តិសុខសាធារណៈ នៃសាធារណរដ្ឋប្រជាធិបតេយ្យប្រជាមានិតឡាវ ក្នុងគោលបំណងរិតចំណងសាមគ្គីភាពរវាងប្រទេសទាំងពីរនាឱកាសនៃដំណើរបំពេញទស្សនកិច្ចផ្លូវការនៅរដ្ឋធានីវៀងចន្ទន៍ ចាប់ពីថ្ងៃទី២៩ ដល់ថ្ងៃទី៣១ ខែសីហា ឆ្នាំ២០២២។ ក្នុងជំនួបនេះ ភាគីទាំងពីរបានសំណេះសំណាលសាកសួរសុខទុក្ខគ្នាទៅវិញទៅមក ដែលបង្ហាញអំពីភាពស្និទ្ធស្នាលជិតដិតរវាងថ្នាក់ដឹកនាំនៃប្រទេសទាំងពីរ និងបានពិភាក្សាផងដែរអំពីកិច្ចសហការរវាងកងកម្លាំងនៃប្រទេសទាំងពីរក្នុងការចូលរួម បង្កា ទប់ស្កាត់ និងបង្ក្រាបបទល្មើសឆ្លងដែនគ្រប់ប្រភេទនៅតាមបណ្តោយព្រំដែន និងបានផ្លាស់ប្តូរមតិយោបល់លើការងារសន្តិសុខមួយចំនួន៕

បាត់ដំបង៖ ឯកឧត្តម សុខ លូ អភិបាលខេត្តបាត់ដំបង ក្នុងពិធីបើកការដ្ឋានជួសជុលកែលម្អផ្លូវទាំងពីរកន្លែងផ្សេងគ្នា នៅថ្ងៃទី៣១ ខែសីហា ឆ្នាំ២០២២ បានបញ្ជាក់ថា អាជ្ញាធរខេត្ត មានគម្រោងធ្វើការជួសជុលកែលម្អផ្លូវដែលកំពុងរងការខូចខាតទាំងអស់ដោយមិនទុកឲ្យបន្តខូចនោះទេ ទាំងនៅតាមបណ្តាស្រុក និងក្រុងបាត់ដំបង ឲ្យបានប្រសើរឡើងវិញ។