សៀមរាប៖ការព្រួយបារម្ភមួយរបស់ប្រជាពលរដ្ឋដែលផ្លាស់ប្តូរទីលំនៅពីរមណីយដ្ឋានអង្គរគឺសាលារៀននិងការសិក្សាកូនៗបស់ពួកគាត់។ ប៉ុន្តែមន្ត្រីទទួលបន្ទុកការអប់រំ បានបញ្ជាក់ថា សូមកុំព្រួយបារម្ភអំពីបញ្ហានេះពីព្រោះនៅកន្លែងរស់នៅថ្មី របស់ពួកគាត់មានសាលារៀនត្រឹមត្រូវរង់ចាំទទួលសិស្សានុសិស្សជានិច្ច។ គណៈគ្រប់គ្រងសាលាបឋមសិក្សាហ៊ុនសែនរុនតាឯកបានបញ្ជាក់ថា សាលារង់ចាំស្វាគមន៍បុត្រធីតារបស់បងប្អូនប្រជាពលរដ្ឋដែល រស់នៅដោយខុសច្បាប់នៅតំបន់រមណីយដ្ឋានអង្គរដែលរាជរដ្ឋាភិបាលបានរៀបចំផ្លាស់ប្តូរទីលំនៅមកនៅក្នុងតំបន់អភិវឌ្ឍន៍ រុនតាឯកស្ថិតនៅក្នុងភូមិធម្មជាតិរុនតាឯកថ្មីឃុំរុនតាឯកស្រុកបន្ទាយស្រីឱ្យបន្តការនៅក្នុងសាលាដោយមិនខាតឆ្នាំសិក្សានោះឡើយ។ លោក ហ៊ីង ហ៊ីម ដែលជាគណៈគ្រប់គ្រងនៃសាលាបឋមសិក្សាហ៊ុនសែនរុនតាឯក បានបញ្ជាក់ឱ្យដឹងថា ក្នុងឆ្នាំសិក្សា២០២១-២០២២ ដែលមានសិក្សានុសិស្សសិក្សាត្រឹមតែ១០២នាក់ប៉ុណ្ណោះ ដោយសិក្សាពីថ្នាក់ទី១ដល់ថ្នាក់ទី៦ ។ លោកបន្តថា សម្រាប់ការសិក្សាមានត្រឹមវេនព្រឹកប៉ុណ្ណោះព្រោះសិស្សតិចមិនទាន់គ្រប់គ្រាន់នៅឡើយនោះទេ ខណៈដែលអគារសិក្សាសំរាប់សិស្សបច្ចុប្បន្ននេះមានចំនួន ២ខ្នង ស្មើរនិង២៤បន្ទប់ ៕ ង៉ាន់ ទិត្យ

ភ្នំពេញ ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានបានអនុញ្ញាតឱ្យនិស្សិតជ័យលាភីអាហារូបករណ៍ថ្នាក់បរិញ្ញាបត្រជាន់ខ្ពស់ជប៉ុន រយៈពេល ១ឆ្នាំ តាមរយៈកម្មវិធីអ្នកដឹកនាំវ័យក្មេង (Young Leaders Program) ជួបសំណេះសំណាល និងទទួលអនុសាសន៍ នៅថ្ងៃទី២៩ ខែសីហា ឆ្នាំ២០២២។ ឯកឧត្តមរដ្ឋមន្ត្រី បានចូលរួមអបអរសាទរចំពោះនិស្សិតជ័យលាភីទាំងអស់ដែលមានឱកាសបន្តការសិក្សានៅប្រទេសជប៉ុន។ ឯកឧត្តមលើកឡើងទៀតថា ក្នុងនាមយើងជាមន្ត្រីរាជការ ត្រូវស្វែងយល់ពីអ្វីជាភាពជាអ្នកដឹកនាំ រៀនស្តាប់ថ្លឹងថ្លែងអំពីបញ្ហា និងសិក្សាស្វែងយល់អំពីដំណោះស្រាយ ដើម្បីបុព្វហេតុជាតិ មាតុភូមិ និងប្រជាជនរបស់យើង។ ឯកឧត្តម សាយ សំអាល់ បន្តថា នេះជាមោទនភាពថ្មីមួយទៀតរបស់រាជរដ្ឋាភិបាល ក៏ដូចជាសង្គមជាតិទាំងមូល ដែលមានមន្ត្រីរាជការវ័យក្មេង ប្រកបដោយសក្កានុពល ទេពកោសល្យ និងវិជ្ជាជីវៈ ទទួលបានឱកាសដ៏មានតម្លៃ ដើម្បីក្រេបយកនូវចំណេះដឹង ចំណេះធ្វើ ភាពម្ចាស់ការ និងភាពជាអ្នកដឹកនាំ សម្រាប់ជាប្រយោជន៍ដល់ការ អភិវឌ្ឍ សមត្ថភាពខ្លួនឯង គ្រួសារ និងសង្គមជាតិ ជាពិសេស ត្រូវរៀនសូត្រពីគេ ដើម្បី យកចំណេះជំនាញមកអភិវឌ្ឍន៍អាជីព មុខរបរ និងការងារ ជំរុញការអភិវឌ្ឍសេដ្ឋកិច្ច-សង្គមកម្ពុជាឱ្យរីកចម្រើនបន្ថែមទៀត៕ ដោយ…

ខេត្តបាត់ដំបង៖ យោធាចារ្យ នាយទាហាន នាយទាហានរង និងពលទាហាន សាលាពលទាហានទី៥ យោធភូមិភាគទី៥ កងទ័ពជើងគោកចំនួន ១១២នាក់ នៅព្រឹកថ្ងៃទី៣០ ខែសីហា ឆ្នាំ២០២២ បានចូលរួមស្តាប់ការផ្សព្វផ្សាយសភាពការណ៍ថ្មីៗ ការងារអប់រំចិត្តសាស្ត្រ និងភារកិច្ចចំពោះមុខរបស់កងយោធពលភូមិន្ទ ឧទ្ទេសនាមដោយឧត្ដមសេនីយ៍ត្រី សួន សុន នាយកសាលាពលទាហានទី៥ យោធភូមិភាគទី៥ កងទ័ពជើងគោក ។ ឧត្តមសេនីយ៍ត្រី សួន សុន មានប្រសាសន៍ថា គោលបំណងនៃការផ្សព្វផ្សាយនាពេលនេះ ដើម្បីឲ្យ នាយទាហាន នាយទាហានរង និងពលហានយើងបានយល់ជ្រួតជ្រាបពីសភាពការណ៍វិវឌ្ឍន៍ថ្មីៗនៅលើសកលលោក សភាពការណ៍តំបន់ ពិសេសការប្រកាន់ភ្ជាប់នូវបទវិន័យ លក្ខនន្តិកៈ និងបទបញ្ញត្តិទូទៅរបស់កងយោធពលខេមរភូមិន្ទ ការកសាងជីវភាពចិត្តសាស្ត្រផ្ទៃក្នុងរបស់កងយោធពលខេមរភូមិន្ទ ការបន្តអនុវត្តន៍វិធានការនានារបស់ក្រសួងសុខាភិបាល ៣កុំ ៣ការពារ រួមទាំងទប់ស្កាត់ការផ្សព្វផ្សាយព័ត៌មានក្លែងក្លាយក្នុងគោលបំណងបង្កើតភាពចលាចល បង្កអស្តិសុខដល់ប្រជាពលរដ្ឋ និងសង្គមជាតិទាំងមូល មិនត្រូវធ្វើអ្វីឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់កងយោធពលខេមរភូមិន្ទឡើយ ។ ឧត្ដមសេនីយ៍ត្រី សួន សុន បានមានប្រសាសន៍ថា អនុវត្តដោយភាពជឿជាក់ និងស្មោះត្រង់គោរពនូវគោលគំនិតរបស់ឯកឧត្តមមេបញ្ជាការ កងទ័ពជើងគោក និងយោធភូមិភាគទី៥ សាលាពលទាហានទី៥ បានសហការអនុវត្តជាប់ជាប្រចាំលើការងារអប់រំចិត្តសាស្ត្រ…