ភ្នំពេញ ៖ នៅព្រឹកថ្ងៃសុក្រ ១៤រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៦ ខែសីហា ឆ្នាំ២០២២ រដ្ឋបាលខណ្ឌចំការមនដឹកនាំដោយលោក កៀង ល័ក្ស អភិបាល នៃគណៈអភិបាលខណ្ឌចំការមន បានចុះត្រួតពិនិត្យការស្តារប្រព័ន្ធលូនៅតាមបណ្ដោយមហាវិថីព្រះនរោត្តម ចាប់ពីផ្លូវលេខ៤៦៦ រហូតដល់គល់ស្ពានអាកាសក្បាលថ្នល់ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ដែលមានកកស្ទះប្រព័ន្ធលូ ដោយមានការចូលរួមពីលោកអភិបាលរងខណ្ឌ, លោកប្រធានការិយាល័យសាធារណការខណ្ឌ និងមន្ត្រីពាក់ព័ន្ធ ។ ជាលទ្ធផលការស្ដារប្រព័ន្ធលូនៅតាមបណ្ដោយមហាវិថីព្រះនរោត្តម បានប្រើប្រាស់រថយន្តបូមលូរបស់មន្ទីរសាធារណការ និងដឹកជញ្ជូនរាជធានីភ្នំពេញចំនួន ០២គ្រឿង និងបានកាយសំរាមចេញអណ្ដូងលូ ដើម្បីបញ្ជៀសការកក់ស្ទះទឹក នៅមាត់លូ ឬទ្រូងផ្លូវ ៕ដោយ ៖ ភារ៉ា និងប៊ុនធី

ភ្នំពេញ៖ នៅក្រុងប៉ោយប៉ែត ខេត្តបន្ទាយមានជ័យ នៅថ្ងៃទី២៥ ខែសីហា ឆ្នាំ២០២២ មានមន្ត្រីនិងពលរដ្ឋមួយចំនួនបានប្រតិកម្មទៅនឹងការដែលយកសន្លឹកបៀរធ្វើជាតំណាងក្រុងនេះ ដែលបានសម្តែងរួចហើយនៅក្នុងកម្មវិធី Miss Grand Cambodia ដែលផ្សាយក្នុងទូរទស្សន៍ និងបណ្តាញសង្គមកាលពីយប់ថ្ងៃទី២៤ខែសីហា។

សៀមរាប៖ ប្រជាពលរដ្ឋដែលបានតាំងទីលំនៅដោយខុសច្បាប់ នៅក្នុងតំបន់រមណីយដ្ឋានអង្គរជិត៧០០គ្រួសារ រស់នៅភូមិទក្សិណត្បូង ភូមិត្រពាំងសេះបានស្ម័គ្រចិត្តរុះរើសំណង់ខុសច្បាប់របស់ខ្លួនទៅតាំងលំនៅឋានថ្មីស្ថិតនៅតំបន់ភូមិធម្មជាតិ រុនតាឯក ស្រុកបន្ទាយស្រី តាមរយៈការចាប់ឆ្នោតទទួលយកដីឡូត៍ថ្មីដែលផ្តល់ដោយរាជរដ្ឋាភិបាល។ ពិធីចាប់ឆ្នោតបាន ប្រព្រឹត្តទៅ នៅសាលាខេត្តសៀមរាប កាលព្រឹកថ្ងៃទី២៥ ខែសីហា ឆ្នាំ២០២២នេះ ។

ខេត្តកំពង់ចាម៖ នាថ្ងៃទី២៥ ខែសីហា ឆ្នាំ២០២២ នៅទីបញ្ជាការដ្ឋានកងរាជអាវុធហត្ថខេត្តកំពង់ចាម លោកឧត្តមសេនីយ៍ត្រីយ៍ សោ សាវឿន មេបញ្ជាការកងរាជអាវុធហត្ថខេត្តកំពង់ចាមបានអញ្ជើញចូលរួមប្រកាសតែងតាំង ផ្លាស់ប្តូរមុខងារ ដំឡើងឋានន្តរសក្តិ និងប្រគល់ប័ណ្ណ សរសើរ លិខិតសរសើរជូននាយ នាយរង នៃកងរាជអាវុធហត្ថខេត្តកំពង់ចាម ។

ភ្នំពេញ៖ កម្មវិធីថ្មីមួយដែលប្រើប្រាស់បច្ចេកវិទ្យាបញ្ញា សិប្បនិមិត្ត ឈ្មោះថា “Wood AI” ត្រូវបានដាក់ឱ្យ ដំណើរការនៅថ្ងៃទី ២៥ខែសីហានេះ ដើម្បីគាំទ្រដល់ រោងចក្រកាត់ដេរនិងវិស័យវាយនភ័ណ្ឌក្នុងការកាត់បន្ថយសម្ពាធលើព្រៃឈើធម្មជាតិនៅកម្ពុជា។

ភ្នំពេញ៖ យោងតាមប្រភពព័ត៌មានពី អគ្គស្នងការនគរបាលជាតិ បានឱ្យដឹងនៅល្ងាចថ្ងៃព្រហស្បតិ៍ទី ២៥ ខែសីហា ឆ្នាំ ២០២២នេះថា ជនសង្ស័យចំនួន ៥៣ នាក់ ( ស្រី ២ នាក់ ) ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀន ចំនួន ១៨ ករណី ទូទាំងប្រទេសនៅថ្ងៃទី២៥ ខែសីហានេះ ។ ដូច្នេះសូមនិយាយថាទេ ចំពោះគ្រឿងញៀន ។

ខេត្តកំពង់ស្ពឺ៖ កីឡដ្ឋានស្តង់ដារអន្តរជាតិ ដែលបានសាងសង់ឡើងក្រោមជំនួយឧបត្ថម្ភទឹកប្រាក់ប្រមាណជាង ២លានដុល្លារ នៅក្នុងខេត្តកំពង់ស្ពឺ គ្រោងដាក់សម្ពោធក្នុងពេលឆាប់ៗនេះហើយ ក្រោយការសាងសង់នៅសេសសល់តិចតួចប៉ុណ្ណោះ។

បន្ទាយមានជ័យ៖ សត្វគោ ១ក្បាលត្រូវបានងាប់ភ្លាមៗ និងសត្វគោជាច្រើនក្បាលទៀតផ្អើលរត់ចែកជើងគ្នា ខណៈមានហេតុការណ៍ផ្ទុះមីនកក្រើកព្រៃក្បែរព្រំដែនកម្ពុជា-ថៃ បង្កឲ្យមានការភ្ញាក់ផ្អើល កាលវេលាម៉ោង ១និង៥០នាទីរសៀលថ្ងៃទី២៥ ខែសីហា ឆ្នាំ២០២២ នៅជិតព្រំដែនកម្ពុជា-ថៃ មុខភូមិសាស្ត្រភូមិល្បើកស្វាយ ឃុំ/ស្រុកស្វាយចេក ខេត្តបន្ទាយមានជ័យ (ខាងកម្ពុជា) ទល់មុខភូមិណងយ៉ាកែវ ឃុំ/ស្រុកឃោគស៊ូង ខេត្តស្រះកែវ (ខាងថៃ) ។ នេះបើយោងតាមរបាយការណ៍របស់នគរបាលការពារព្រំដែនគោកលេខ៩១១ បានឲ្យដឹងនៅថ្ងៃនេះ ។

ភ្នំពេញ៖ នាយកប្រចាំប្រទេសនៃទីភ្នាក់ងារ សហប្រតិបត្តិ ការអន្តរជាតិកូរ៉េ ឬហៅកាត់ថា កយកា (Koica) លោក រ៉ូ យ៉ាន់ ជុន (Rho Hyun jun) បានអញ្ជើញមកជួប សំណេះសំណាលជាមួយឯកឧត្តម ឃួង ស្រេង អភិបាលរាជធានីភ្នំពេញ នៅសាលារាជធានី។

ខេត្តកំពង់ឆ្នាំង៖ ក្នុងពិធីបើកការដ្ឋានសាងសង់ផ្លូវក្រាលកៅស៊ូ ២ជាន់ DBST ប្រវែងជាង ១១ គីឡូម៉ែត្រ នាព្រឹកថ្ងៃទី២៥ ខែសីហា ឆ្នាំ ២០២២ ឯកឧត្តមបណ្ឌិតសភាចារ្យ អ៊ុក រ៉ាប៊ុន បានថ្លែងថា គម្រោងកសាងផ្លូវថ្មីរបស់រាជរដ្ឋាភិបាលនៅពេលនេះខុសពីគម្រោងផ្សេងៗដទៃទៀត ដែលមានលក្ខណៈតម្រូវការឲ្យចាប់ផ្ដើមអនុវត្តបន្ទាន់ ដើម្បីបន្តរក្សានិរន្តរភាពសេដ្ឋកិច្ចជនបទ លើកកម្ពស់ជីវភាពរបស់ប្រជាពលរដ្ឋឱ្យប្រសើរឡើងវិញបន្ទាប់ពីបាននិងកំពុងងើបពីវិបត្តិកូវីដ19 ។