ភ្នំពេញ៖ ឯកឧត្តម សុខ សូកេន រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ អនុប្រធានលេខាធិការដ្ឋានជាតិកម្ពុជានៃកិច្ចសហប្រតិបត្តិការមេគង្គ-ឡានឆាង និងជាប្រធានក្រុមការងារគ្រប់គ្រងមូលនិធិ និងតាមដានការអនុវត្តគម្រោងកិច្ចសហប្រតិបត្តិការមេគង្គ-ឡានឆាង បានស្នើឱ្យក្រសួង-ស្ថាប័ន ដែលជាម្ចាស់គម្រោងថ្មីសរុប ១៣គម្រោង ក្រោមការគាំទ្រដោយមូលនិធិពិសេសមេគង្គ-ឡានឆាងសម្រាប់ឆ្នាំ២០២២ ផ្តោតការយកចិត្តទុកដាក់ប្រកបដោយស្មារតីទទួលខុសត្រូវខ្ពស់និងគណនេយ្យភាព ក្នុងការអនុវត្តគម្រោង ដើម្បីចូលរួមចំណែកក្នុងការអភិវឌ្ឍប្រទេសជាតិ និងលើកកម្ពស់ជីវភាពរស់នៅរបស់ប្រជាជន ជាពិសេសក្នុងបរិបទសភាពការណ៍អន្តរជាតិដែលមានភាពមិនប្រាកដប្រជា និងតាមគន្លងប្រក្រតីភាពថ្មីក្រោយជំងឺកូវីដ-១៩។

ខេត្តស្ទឹងត្រែង៖ អភិបាលស្តីទីនៃគណៈអភិបាលខេត្តស្ទឹងត្រែង លោក ជា ថាវរិទ្ធ បានដឹកនាំកិច្ចប្រជុំ គណៈកម្មាធិការគ្រប់គ្រងគ្រោះមហន្តរាយខេត្ត ក្នុងគោលបំណង ក្តាប់ឲ្យបានរាល់ព័ត៌មាន និងព្រឹត្តការណ៍ផ្សេងៗ ពិសេសការងារគ្រប់គ្រងគ្រោះមហន្តរាយ ដើម្បីត្រៀមកម្លាំងអន្តរាគមន៍ បង្ការ ជួយសង្រ្គោះ មុនពេល កំឡុងពេល និងក្រោយពេលគ្រោះមហន្តរាយកើតឡើង ព្រមទាំងត្រៀមនូវសម្ភារៈ និងស្បៀង សម្រាប់ធ្វើការឆ្លើយតបបានទាន់ពេលវេលា នាថ្ងៃទី១២ ខែសីហា ឆ្នាំ២០២២ នៅសាលាខេត្តស្ទឹងត្រែង។

ស្ទឹងត្រែង៖ មន្រ្តីក្នុងដែនជម្រកសត្វព្រៃព្រៃឡង់ចំនួនបួនរូបនៅ ភូមិសាស្ត្រខេត្តស្ទឹងត្រែង បានចុះបង្ក្រាបបទល្មើសជួញដូរលក់សាច់សត្វព្រៃ នៅក្នុងផ្សារសាមគ្គី ក្រុងស្ទឹងត្រែង ។

ស្ទឹងត្រែង៖ នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ អគារមណ្ឌលសុខភាពនៅក្នុងស្រុកបុរីអូរស្វាយ នៅព្រឹកថ្ងៃទី១១ ខែសីហា ឆ្នាំ២០២២នេះ ឯកឧត្តម ដួង ពៅ អភិបាលរងខេត្ត តំណាងឯកឧត្ដមអភិបាលខេត្ត បានស្នើឲ្យអង្គការភ្លែនបន្តសកម្មភាពរបស់ខ្លួនក្នុងមូលដ្ឋាននានា ក៏ដូចជាក្នុងភូមិសាស្រ្តខេត្តស្ទឹងត្រែង លើវិស័យមនុស្សធម៌ ជួយក្នុងការសាងសង់ហេដ្ឋារចនាសម្ព័ន្ធ ជាប្រយោជន៍ក្នុងសង្គមជាតិកម្ពុជា ។ ជាពិសេស អង្គការភ្លែនបានជួយលើកស្ទួយផ្នែកសុខាភិបាលយ៉ាងខ្លាំងផងដែរ ។

បាត់ដំបង៖ ថ្លែងក្នុងកិច្ចប្រជុំជាមួយថ្នាក់ដឹកនាំគ្រប់មន្ទីរអង្គភាពជុំវិញខេត្ត និងអាជ្ញាធរនៃរដ្ឋបាលក្រុង-ស្រុក និងកងកម្លាំងប្រដាប់អាវុធទាំង៣ប្រភេទ ពិសេសក្រុមមន្ត្រីជំនាញពាក់ព័ន្ធរៀបចំពិធីបុណ្យអុំទូកចំណុះសាលាខេត្ត ឯកឧត្តម សុខ លូ អភិបាលខេត្តបាត់ដំបង និងជាប្រធានដឹកនាំកិច្ចប្រជុំបានថ្លែងថា នៅថ្ងៃចេញព្រះវស្សាឆ្នាំ២០២២ខាងមុខនេះ រដ្ឋបាលខេត្តនិងចាត់តាំងឲ្យមានការប្រារព្វនូវពិធី “បុណ្យអុំទូកបណ្តែតប្រទីប បាញ់កាំជ្រួច”ដើម្បីអបអរសាទរ ក្នុងថ្ងៃចេញព្រះវស្សាជាថ្មីឡើងវិញ ក្រោយពីការខកខានមិនបានប្រារព្វពិធីនេះអស់រយៈពេល០២ឆ្នាំ ដោយសារតែវិបត្តិនៃការរាតត្បាតជំងឺកូវីដ-19 ។

ក្រចេះ៖ ក្រោយពីបានជួបប្រជុំពិភាក្សារវាងអាជ្ញាធរខេត្តក្រចេះ និងប្រជាពលរដ្ឋ២៩១គ្រួសារដែលមានវិវាទដីធ្លីជាមួយក្រុមហ៊ុនCHPB គឺបានរកច្រកចេញឃើញហើយ ដោយប្រជាពលរដ្ឋយកព្រមតាមការ ចាត់ចែងរបស់អាជ្ញាធរខេត្តសម្រេចទទួលយកដីសម្បទានសង្គមកិច្ច ប្តូរទៅទីតាំងផ្សេងនៅក្នុងស្រុកសំបូរ ខេត្តក្រចេះដើម្បីបញ្ចប់រឿង។

ភ្នំពេញ៖ ឯកឧត្តមរដ្ឋមន្ត្រី វេង សាខុន និងឯកឧត្តម ប៉ាប្លូ កាង (Pablo Kang) ឯកអគ្គរដ្ឋទូតអូស្ត្រាលី បានជួបពិភាក្សាការងារលើកិច្ចសហប្រតិបត្តិការក្នុងវិស័យកសិកម្មរវាងប្រទេសទាំងពីរ។

ភ្នំពេញ៖ ឯកឧត្តម ប៉ាន សូរសក្ត័ បាន បញ្ជាក់ឱ្យដឹងថា តាមរយៈកិច្ចសហប្រតិបត្តិការដ៏ជិតស្និទ្ធនិងមិត្តភាពយូរអង្វែងរវាងកម្ពុជា-សិង្ហបុរី លើវិស័យជាច្រើន ជាពិសេសកិច្ចសហប្រតិបត្តិការលើវិស័យពាណិជ្ជកម្ម ដោយក្នុងនោះទំហំពាណិជ្ចកម្មទេ្វភាគីរវាងកម្ពុជា-សិង្ហបុរី កើនឡើងពី ៣.៥ ប៊ីលានដុល្លារក្នុងឆ្នាំ២០២០ ដល់ ៥.៣ ប៊ីលានដុល្លារក្នុងឆ្នាំ២០២១។ ខណៈដែលក្នុងរយៈពេល ៦ ខែដំបូងនៃឆ្នាំ២០២២ ទំហំពាណិជ្ជកម្មបានកើនឡើងដល់២.១ ប៊ីលានដុល្លារ ទោះបីជាមានផលប៉ះពាល់បណ្តាលមកពីជំងឺកូវីដ-១៩ យ៉ាងណាក្តី ។

បាត់ដំបង៖ ឯកឧត្តម សុខ លូ អភិបាលខេត្តបាត់ដំបងនិងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានណែនាំ ដល់ ថ្នាក់ដឹកនាំសាខា អនុសាខាគ្រប់ស្រុក-ក្រុង ក្នុងខេត្ត ត្រូវ បង្កើន ស្មារតី ទទួលខុសត្រូវក្នុងការចុះធ្វើសកម្មភាពមនុស្សធម៌នៅក្នុងមូលដ្ឋានផ្ទាល់របស់ខ្លួនជួយដល់ប្រជាពលរដ្ឋក្រីក្រជួបការលំបាកជាពិសេស បងប្អូនដែលងាយរងគ្រោះ ។

ភ្នំពេញ៖ ប្រទេសកម្ពុជា និងប្រទេសវៀតណាមបានបើកនូវព្រឹត្តិការណ៍ “សប្តាហ៍វប្បធម៌វៀតណាមនៅកម្ពុជា ឆ្នាំ២០២២” ថ្ងៃទី១០ ខែសីហា ឆ្នាំ២០២២ ដើម្បីអបអរសាទរខួបអនុស្សាវរីយ៍លើកទី៥៥ នៃការបង្កើតទំនាក់ទំនងការទូតប្រទេសទាំងពីរ។