ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រី ក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ក្នុងកិច្ច ប្រជុំផ្សព្វផ្សាយ ផែនការប្រតិបត្តិការ បង្កើនការប្រយុទ្ធប្រឆាំងគ្រប់ទម្រង់ នៃអំពើជួញដូរមនុស្ស ជួញដូរពលកម្ម និងអាជីវកម្មផ្លូវភេទ ដោយ មានការអញ្ជើញចូលរួមពី ក្រសួង-ស្ថាប័នពាក់ព័ន្ធ, រដ្ឋលេខាធិការ ប្រចាំការ, រដ្ឋលេខាធិការ, អនុរដ្ឋលេខាធិការ, គណៈកម្មាធិការ សិទ្ធិ មនុស្សកម្ពុជា, អគ្គស្នងការដ្ឋាននគរបាលជាតិ អភិបាលរាជធានី-ខេត្ត និងអ្នកពាក់ព័ន្ធជាច្រើនរូបទៀត។

ខេត្តកំពង់ធំ៖ នៅទីបញ្ជាការតំបន់ប្រតិបត្តិការតំបន់ប្រតិបត្តិការសឹករងកំពង់ធំ មានកិច្ចប្រជុំផ្សព្វផ្សាយសេចក្ដីណែនាំលេខ ០០៧/២០២២ សណន របស់ឯកឧត្ដមឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក ស្តីពីការរៀបចំឡើងវិញកន្លែងចត្តាឡីស័កនិងព្យាបាលជំងឺកូវីដ-១៩ កម្រិតស្រាល នៅតាមបណ្ដាអង្គភាពទូទាំងកងយោធពលខេមរភូមិន្ទនៅព្រឹកថ្ងៃទី០៨ ខែសីហា ឆ្នាំ២០២២។

ភ្នំពេញ៖ រដ្ឋបាលរាជធានីភ្នំពេញ បានផ្តល់គ្រឿងឥស្សរិយយសព្រះរាជាណាចក្រកម្ពុជា មេដាយមុនីសារាភ័ណ្ឌ ថ្នាក់មហា សេរីវឌ្ឍន៍ បំពាក់ជូនសប្បុរសជន ជាជនជាតិជប៉ុន ចំនួន០៣រូប ដែលបានផ្តល់ដីមួយកន្លែងសំរាប់ធ្វើសួនច្បារសាធារណៈ ដែលមានទីទាំងនៅសង្កាត់ចោមចៅទី២ ខណ្ឌពោធិ៍សែនជ័យ។

ភ្នំពេញ៖ មេដឹកនាំអាស៊ាន បានរំលឹកឡើងវិញនូវការប្តេជ្ញាចិត្តរបស់អាស៊ាន ក្នុងការលើកកម្ពស់ការអភិរក្សជីវៈចម្រុះ ការប្រើប្រាស់ប្រកបដោយនិរន្តរភាព និងការចែករំលែកដោយយុត្តិធម៌ និងសមធម៌នៃអត្ថប្រយោជន៍ ដែលកើតចេញពីការប្រើប្រាស់ធនធានហ្សេណេទិក។

ខេត្តព្រះវិហារ៖ ប្រសាសន៍ដាស់តឿន ក្រើនរំលឹករបស់ រដ្ឋលេខាធិការក្រសួងរ៉ែ និងថាមពល ឯកឧត្តម ស៊ុយ ឌីម៉ង់ ដែលជាតំណាង ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល បានថ្លែង ក្នុងគ្រាដែលលោក បានអញ្ជើញជាអធិបតី ក្នុងពិធីប្រកាសចូលកាន់មុខតំណែង ប្រធានមន្ទីររ៉ែ និងថាមពលថ្មី ខេត្តព្រះវិហារ នាថ្ងៃទី៨ ខែសីហា ឆ្នាំ២០២២នេះ នៅសាលាខេត្តព្រះវិហារ ។

ខេត្តត្បូងឃ្មុំ៖ ឯកឧត្តម វេង សាខុន ប្រធានក្រុមការងាររាជរដ្ឋាភិបាលចុះមូល ដ្ឋានស្រុកតំបែរ ខេត្តត្បូងឃ្មុំ ស្រុកកំពង់សៀម និងស្រុកជើងព្រៃ ខេត្តកំពង់ចាម នៅថ្ងៃទី៦ ខែសីហា ឆ្នាំ២០២២ បានអញ្ជើញជួបសំណេះសំណាល និងសាកសួរសុខទុក្ខបងប្អូនប្រជាពលរដ្ឋក្នុងវេទិការសាធារណៈ ដែលបានរៀបចំក្នុងបរិវេណវត្តមុសិខារាមផ្តៅជុំ ស្ថិតនៅឃុំផ្តៅជុំ។

ខេត្តកំពង់ចាម៖ និស្សិតជ័យលាភីចំនួន ១.២៦២នាក់ នៃសាកលវិទ្យាល័យវេស្ទើន សាខាខេត្តកំពង់ចាម បានទទួលសញ្ញាបត្រ ថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ នៅថ្ងៃទី០៦ ខែសីហា ឆ្នាំ២០២២ ក្រោមអធិបតីភាពឯកឧត្តមឧបនាយករដ្ឋមន្ត្រី យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម។

ឯកឧត្តម សុខ លូ អភិបាលខេត្តបាត់ ដំបងបានបញ្ជាដល់អាជ្ញាធរមានសមត្ថកិច្ចពាក់ព័ន្ធជាពិសេសក្រុមការងារដែលត្រួតពិនិត្យរថយន្តដឹកទំនិញធុនធ្ងន់ចុះឃាត់រថយន្តដែលដឹកទំនិញធុនធ្ងន់ដោយគ្មានសណ្តាប់ធ្នាប់បានចូលមកក្នុងក្រុងបាត់ដំបង នៅចំណុចម្តុំផ្លូវកៅស៊ូវត្តពោធិវង្ស សង្កាត់ចម្ការសំរោង ក្រុងបាត់ដំបង ខាងត្បូងភោជនីយដ្ឋាន(ជ.ឃ)។

សៀមរាប៖ បន្ទាប់ពីដំណើរការប្រកួតកីឡាទេសចរណ៍បាល់ទាត់វ័យចំណាស់មេគង្គ កម្ពុជា ថៃ ឡាវ វៀតណាម ដែលបានប្រព្រឹត្តទៅរយៈពេល៤ថ្ងៃ ដោយរលូននៅពហុកីឡដ្ឋានខេត្តសៀមរាប ត្រូវបានបិទកម្មវិធីប្រកួត ក្រោមវត្តមានរបស់ឯកឧត្តម តុប សុភ័ក្រ្ត រដ្ឋលេខាធិការក្រសួងទេសចរណ៍និងឯកឧត្តម អ៊ឹង គឹមលាង អភិបាលរងខេត្តសៀមរាប នៅព្រឹកថ្ងៃទី០៧ ខែ សីហា ឆ្នាំ២០២២ ។

តាកែវ៖ ឯកឧត្តម អ៊ូច ភា អភិបាលខេត្តតាកែវ បានសម្រេចផ្អាកការធ្វើចរាចរណ៍ជាបណ្តោះអាសន្ននៅផ្លូវទំនប់ដាច់ជាបណ្តោះអាសន្នសិន បន្ទាប់ពីបាក់ស្រុតដីនៅចំណុចស្ពានទំនប់ដាច់ព្រំប្រទល់រវាងស្រុកសំរោង និងស្រុកអង្គរបូរី ខណៈដែលក្រុមកងវិស្វកម្មនៃក្រសួងការពារជាតិកំពុងតែមហាញឹកក្នុងការជួសជុលផ្លូវនេះឡើងវិញ ។