ខេត្តបន្ទាយមានជ័យ៖ បេក្ខសមណៈ បេក្ខជនចំនួនសរុប ២១៣ អង្គរ/នាក់ រួមមានបេក្ខសមណៈសិស្សចំនួន ២០៨ អង្គ បេក្ខជនសិស្សប្រុស ៤នាក់ សិស្សស្រី ១នាក់បានប្រឡងចូលរៀន ពុទ្ធិកអនុវិទ្យាល័យ សម្ដេច ជា ស៊ីម ឆ្នាំសិក្សា២០២២-២០២៣ នាថ្ងៃទី ១៥ ខែ មិនាឆ្នាំ២០២២ នេះ ។

ខេត្តស្ទឹងត្រែង ៖ នៅក្នុងពិធីសន្និបាតបូកសរុបលទ្ធផលការងារប្រចាំឆ្នាំ២០២១ និងលើកទិសដៅការងារសម្រាប់អនុវត្ត ឆ្នាំ២០២២ របស់រដ្ឋបាលខេត្តស្ទឹងត្រែង នាព្រឹកថ្ងៃទី១៥ ខែមិនា ឆ្នាំ២០២២នេះ ឯកឧត្តម ស្វាយ សំអ៊ាង អភិបាលខេត្តបានសំណូមដល់តួអង្គពាក់ព័ន្ធទាំងអស់ត្រូវផ្តោតលើវិធានការទប់ស្កាត់បទល្មើស ការរុករានទន្ទ្រានដីព្រៃខុសច្បាប់ ក្នុងតំបន់ការពារធនធានធម្មជាតិ បញ្ហាគ្រឿងញៀន និងអត្ថប្រយោជន៍ នៃការចុះបញ្ជីដីធ្លី ព្រមទាំងការផ្ដល់សេវារដ្ឋបាលនៅតាមថ្នាក់ឃុំ.សង្កាត់ ឲ្យមានប្រសិទ្ធភាពខ្ពស់ ។ ត្រូវផ្ដោតសំខាន់ទៅលើលទ្ធភាពការងារ បញ្ហាប្រឈម ដំណោះស្រាយ សំណូមពរ និងស្ថាប័នទទួលខុសត្រូវ ព្រមទាំងពិភាក្សាបន្ថែមលើចំណុចគន្លឹះសំខាន់ៗ ដើម្បីធានាឲ្យមានប្រសិទ្ធភាពក្នុងការអនុវត្តទទួលបានជោគជ័យបន្តទៀត ។

ដោយបានការអនុញ្ញាតដ៏ខ្ពង់ខ្ពស់ពីសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នាព្រឹកថ្ងៃអង្គារ ទី ១៥ ខែមីនានេះននៅនាយកដ្ឋានកិច្ចការយោធាស៊ីវិល ក្នុងក្រសួងការពារជាតិ ឧត្តម សេនីយ៍ឯក សៅ សារឿន អគ្គនាយករង អគ្គនាយកដ្ឋានយោធសេវា ប្រធានអនុគណៈកម្មាធិការរៀបចំបុណ្យសពថ្នាក់ឧត្តមសេនីយ៍ ឧត្តមនាវី ក្រសួងការពារជាតិ បានប្រគល់ប្រាក់បូជាសពរបស់ក្រសួងការពារជាតិចំនួន ជាង ៩០លាន រៀល ជូននាយទាហាន ថ្នាក់ឧត្តមសេនីយ៍ នៃកងយោធពលខេមរភូមិន្ទចំនួន ៣គ្រួសារ ដែលបានទទួលមរណៈភាព កន្លងទៅថ្មីៗ នេះដោយរោគាពាធ។

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញចូលរួមគោរពវិញ្ញាណក្ខន្ធមហាសប្បុរសមង្គលសិរី អគ្គមហាឧបាសកពុទ្ធសាសនូបត្ថម្ភក៍ លឹម ឈុន នាព្រឹកថ្ងៃអង្គារ៍ ១៣កើត ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៥ ខែមីនា ឆ្នាំ២០២២ ។

ភ្នំពេញ៖ អគ្គនាយកដ្ឋានពន្ធដារប្រមូលពន្ធសម្រាប់ថវិកាជាតិបានចំនួន ២,០៧៤.៦៦ប៊ីលានរៀល ស្មើនឹងប្រមាណជា ៥១២.២៦លានដុល្លារ កើនឡើង ២២.៦៩% ក្នុងរយៈពេលពីរខែ ដើមឆ្នាំ២០២២ បើធៀបរយៈពេលដូចគ្នាកាលពីឆ្នាំមុន។

ភ្នំពេញ៖ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃ ព្រះរាជាណា ចក្រកម្ពុជា នាព្រឹកថ្ងៃទី១៥ ខែមីនា ឆ្នាំ២០២២ បានអនុញ្ញាតឱ្យឯកឧត្តម បូរកែវ ភូមិវង្សសៃ (Buakeo PHUMVONGSAY) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាធិបតេយ្យប្រជាមានិតឡាវតែងតាំងថ្មី ប្រចាំ ព្រះរាជាណាចក្រកម្ពុជា ចូលជួបជូនសារតាំង នៅវិមានព្រឹទ្ធសភា។

ភ្នំពេញ៖ ក្រសួងអប់រំ យុវជន និងកីឡា បានបើក សិក្ខាសាលាស្តីពី ការផ្សព្វផ្សាយលទ្ធផលរង្វាយតម្លៃលទ្ធផលសិក្សារបស់សិស្សថ្នាក់ជាតិ ថ្នាក់ទី៦ លើកទី៤ ឆ្នាំសិក្សា២០២០-២០២១ ដែលមានការ ចូលរួមពី សាលារៀនសាធារណចំនួន ២០០ និងសាលាឯកជន ចំនួន ៣០ ព្រមទាំងមានសិស្សចូលរួមឆ្លើយសំនួរ តេស្តកម្រងសំនួរ ព្រមទាំងផ្តល់ព័ត៌មានផ្សេងៗចំនួន៣០នាក់ក្នុងមួយសាលារៀនសរុបចំនួន ៦ ៤០០នាក់ ។ សិក្ខាសាលាបានប្រព្រឹត្តធ្វើកាលពីថ្ងៃទី១៤ ខែមីនា ឆ្នាំ ២០២២ នៅភៅនីយដ្ឋានទន្លេបាសាក់ ២ ។

ភ្នំពេញ៖ លោកជំទាវ យក់ ណារ៉េត រដ្ឋលេខាធិការ តំណាង លោក ជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រី ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ជួបសំណេះសំណាលជាមួយ មន្ត្រីរាជការជានិវត្តន៍ជន ចំនួន ៦៧នាក់ នៅទីស្តីការក្រសួង នាព្រឹកថ្ងៃអង្គារថ្ងៃទី១៥ ខែមីនា ឆ្នាំ២០២២ ។