ខេត្តកំពង់ស្ពឺ៖ ក្រសួងបរិស្ថានរួមជាមួយដៃគូបានបានរៀបចំដំណើរទស្សនកិច្ចស្វែងយល់អំពីផលិតផលនិងសេវាកម្មទេសចរណ៍ធម្មជាតិ ក្នុងតំបន់ការពារធម្មជាតិ ស្ថិតនៅក្នុងភូមិសាស្រ្តខេត្តកំពង់ស្ពឺ និងខេត្តកោះកុងរយៈពេល៤ថ្ងៃពោលគឺចាប់ថ្ងៃទី២៥-២៨ ខែមករា ឆ្នាំ ២០២២។ គួរបញ្ជាក់ថាក្នុងដំណើរទស្សនកិច្ចនេះមានកិច្ចសហការរវាងក្រសួងបរិស្ថាន ក្រសួងអភិវឌ្ឍន៍ជនបទ ធនគាពិភពលោក វិស័យឯកជន សារព័ត៌មាននិងអង្គការក្រៅរដ្ឋាភិបាល។

រាជធានីភ្នំពេញ៖ ថ្នាក់ដឹកនាំ និងមន្ត្រីរាជការក្រសួងអប់រំ យុវជន និងកីឡា បានរៀបចំសន្និសីទជាតិស្តីពីលទ្ធផល និងផលជះនៃគម្រោងកែលម្អការអប់រំនៅមធ្យមសិក្សា និងគម្រោងកែលម្អការអប់រំនៅឧត្តមសិក្សា ក្រោមប្រធានបទ តើអ្វីដែលសម្រេចបានក្នុងកំណែទម្រង់អប់រំ និងចក្ខុវិស័យ ២០៣០ និង២០៥០។

ភ្នំពេញ ៖ មានជនសង្ស័យ ៤២នាក់ ត្រូវបានសមត្ថកិច្ចឃាត់ខ្លួនក្នុងបទល្មើសព្រហ្មទណ្ឌ និងបទល្មើសគ្រឿងញៀន នៅទូទាំងប្រទេសកម្ពុជា នាថ្ងៃទី២៤ ខែមករា ឆ្នាំ២០២២ម្សិលមិញនេះ។ នេះបើតាមការបញ្ជាក់របស់នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ ។

ខេត្តកំពង់ឆ្នាំង ៖ យើងត្រូវរួមគ្នាទប់ស្កាត់ការរីករាលដាលនៃមេរោគកូវីដ19 ពិសេសមេរោគបំលែងថ្មីអូមេក្រុង ដែលឆ្លងលឿននិងឆាប់រហ័ស ។ នេះជាការលើកឡើងរបស់ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំង covid-19 ក្នុងក្របខ័ណ្ឌទូទាំងប្រទេស ក្នុងកិច្ចប្រជុំនៅសាលាខេត្ត កំ ពង់ឆ្នាំង ស្ដីពីដំណើរការចាក់វ៉ាក់សាំងកូវីដ19 និងយុទ្ធសាស្ត្ររួមគ្នាបង្ការជំងឺកូវីដ19 ពិសេសមេរោគ បំលែងថ្មី អូមីក្រុង ។

កំពង់ឆ្នាំង ៖ វគ្គបណ្តុះបណ្តាលស្តីពីការប្រើប្រាស់ឧបករណ៍បញ្ចូលទិន្នន័យថ្មី ( kOBO Tool Box ) និងធ្វើបច្ចុប្បន្នភាពប្រព័ន្ធ SRISM មានរយៈពេល ០១ថ្ងៃដែលបានធ្វើឡើងនៅព្រឹកថ្ងៃទី២៤ ខែមករា ឆ្នាំ២០២២ ក្រោមអធិបតីភាព ឯកឧត្តម អម សុភា អភិបាលរងខេត្ត និងជាប្រធានលេខាធិការដ្ឋានគណៈកម្មាធិការគ្រប់គ្រងគ្រោះមហន្តរាយខេត្ត និងមានការអញ្ជើញចូលរួមពី លោក អែម សំណាង អនុប្រធាននាយកដ្ធានព័ត៌មាន គ្រប់គ្រងគ្រោះមហន្តរាយ នៃគណៈកម្មាធិការគ្រប់គ្រងគ្រោះមហន្តរាយ លោកលៀង ជុំ សុបិន្ត នាយករងរដ្ឋបាលសាលាខេត្តនិងលោកស្រីតំណាងអង្គការកម្មវិធីស្បៀងអាហារពិភពលោក រួមនិងសិក្ខាកាមមកពីតាមបណ្តាក្រុង ស្រុកក្នុងខេត្តផងដែរ ។

បន្ទាយមានជ័យ ៖ ឯកឧត្តមឧត្តមសេនីយ៍ឯក ឡោ សុខឡេង អគ្គស្នងការរងនគរបាលជាតិ និងជាស្នងការហិរញ្ញវត្ថុ ភស្តុភារ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងក្រុមការងារបានអញ្ជើញចុះត្រួតពិនិត្យលេខតួ លេខម៉ាសុីន និង ស្លាកលេខរថយន្តចង្កូតស្តាំ ដែលមន្ត្រីនគរបាលបានយកមក បង់ពន្ធ កែចង្កូត និងចុះបញ្ជីដើម្បីស្នើសុំស្លាកលេខនគរបាលគំរូថ្មីនៅក្នុងស្នងការដ្ឋាននគរបាលខេត្តបន្ទាយមានជ័យ នារសៀលថ្ងៃទី២៤ ខែមករាឆ្នាំ២០២២នេះ។

បន្ទាយមានជ័យ ៖ សិស្សជ័យលាភីការប្រឡងសញ្ញាបត្រមធ្យមសិក្សាទុតិយភូមិ នៅវិទ្យាល័យហ៊ុនសែនឈ្នួរមានជ័យ ត្រូវបានលើកទឹកចិត្តពីកងពលតូចថ្មើរជើងលេខ៥១ និងរដ្ឋបាលស្រុកព្រះនេតព្រះ ដែលពិធីនេះធ្វើឡើងនាថ្ងៃទី២៤ ខែមករា ឆ្នាំ២០២២ នៅវិទ្យាល័យហ៊ុនសែនឈ្នួរមានជ័យ ក្នុងឃុំឈ្នួមានជ័យ ស្រុកព្រះនេតព្រះ ខេត្តបន្ទាយមានជ័យ ។