ភ្នំពេញ៖ ឯកឧត្ដម ថោង ខុន រដ្ឋមន្ត្រីក្រសួងទេសចរណ៍ នាថ្ងៃទី២៧ ខែសីហា ឆ្នាំ២០២១នេះ បានដឹកនាំកិច្ចប្រជុំគណៈកម្មការអន្តរក្រសួងដើម្បីរៀបចំវេទិកាទេសចរណ៍អាស៊ាន ឆ្នាំ២០២២ (ASEAN Tourism Forum 2022) នៅក្រុងព្រះសីហនុ ខេត្តព្រះសីហនុ តាមរយៈប្រព័ន្ធវីដេអូអនឡាញ (Zoom Meeting) ដើម្បីត្រៀមរៀបចំកិច្ចការបន្តបន្ទាប់ជាច្រើនទៀត។ នាឱកាសនោះ ឯកឧត្ដមរដ្ឋមន្ត្រីឱ្យដឹងថា វេទិកាទេសចរណ៍អាស៊ាន ឆ្នាំ២០២២ (ATF 2022) នេះ នឹងប្រារព្ធឡើងនៅខេត្តព្រះសីហនុ ចាប់ពីថ្ងៃទី១៦-២២ ខែមករា ក្រោមប្រធានបទ «អាស៊ាន៖ សហគមន៍សន្តិភាព និងវាសនាតែមួយ (ASEAN – A Community of Peace and Shared Future)» ដើម្បីឆ្ពោះទៅការស្តារវិស័យទេសចរណ៍ និងការបើកឡើងវិញនូវវិស័យនេះក្នុងតំបន់ប្រកបដោយភាពធន់ និរន្តរភាព និងភាពទទួលខុសត្រូវនាពេលអនាគត។ ឯកឧត្ដមបានបន្តទៀតថា វេទិកាទេសចរណ៍អាស៊ាននេះនឹងមានព្រឹត្តិការណ៍សំខាន់ៗ ដូចជា កិច្ចប្រជុំរបស់ស្ថាប័នទេសចរណ៍ថ្នាក់ជាតិ (National Tourism Oganizationa) កិច្ចប្រជុំថ្នាក់រដ្ឋមន្ត្រីទេសចរណ៍អាស៊ាន…

រតនគិរី៖ ថ្ងៃសៅរ៍ ៥រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៨ ខែសីហា ឆ្នាំ២០២១ រដ្ឋបាលខេត្តរតនគិរីបានរៀបចំពិធីដាំកូនឈេី ក្រោមអធិបតីភាពឯកឧត្តម ថង សាវុន អភិបាលខេត្តរតនគិរី និងជាប្រធានសហភាពសហព័ន្ធយុវជនកម្ពុជា សាខាខេត្តរតនគិរី និងមានការអញ្ជេីញចូលរួមពី ប្រធាន អនុប្រធាន តាមសាខាមន្ទីរអង្គភាព និងសមាជិក សមាជិកា ស.ស.យ.ក ជាច្រេីនទៀតផងដែរ ។ ការដាំកូនឈេីនេះមានចំនួន ២៤០ដេីម ជាប្រភេទដេីមធ្នុង ដេីមបូព្រឹក និងដេីមភួងមង្គល ហេីយពិធីនេះប្រារព្ធធ្វេីឡេីងនៅទួលបឹងកម្សាន្ត ភូមិថ្មដា សង្កាត់បឹងកន្សែង ក្រុងបានលុង ខេត្តរតនគិរី។ ឯកឧត្តម ថង សាវុន បានមានប្រសាសន៍ថា ពិធីដាំកូនឈើដែលយើងបាននឹងកំពុងប្រារឰនាថ្ងៃនេះ ពិតមានអត្ថន័យ ដ៏ជ្រាលជ្រៅសម្រាប់ចលនាបំផុសស្មារតីប្រជាពលរដ្ឋយើង ឲ្យចេះស្រឡាញ់ព្រៃឈើ ចូលរួមក្នុងការដាំដុះ និងការពារ ព្រៃឈើ ក៏ដូចជាការជួយផ្ដល់ផលប្រយោជន៍ឲ្យប្រជាពលរដ្ឋក្នុងការរស់នៅប្រចាំថ្ងៃ ដើម្បីបង្កបង្កើនផលកសិកម្ម បង្កើនសុខមាលភាពគ្រួសារ ព្រមទាំងជួយលើកស្ទួយបរិស្ថានសង្គមផងដែរ៕ ដោយ គតិ យុត្ត

សៀមរាប៖ នៅសាលាខេត្តសៀមរាប នាព្រឹកថ្ងៃទី២៨ ខែសីហា ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានចាត់តំណាងនាំយកផ្លែមៀននិងផ្លែតាង៉ែនចំនួន ៥តោន មកប្រគល់ជូនរដ្ឋបាលខេត្តសៀមរាប សម្រាប់បែងចែកជូនដល់បណ្តាក្រុងស្រុក មន្ទីរអង្គភាពចំណុះរដ្ឋបាលខេត្ត និងថ្នាក់ដឹកនាំ មន្ត្រីរាជការ ដែលកំពុងបំពេញការងារប្រចាំថ្ងៃ ។ លោក នាក់ ណេរ៉ុន អភិបាលរងខេត្តសៀមរាប តំណាងឯកឧត្តម ទៀ សីហា អភិបាលខេត្ត បានថ្លែងអំណរគុណយ៉ាងជ្រាលជ្រៅចំពោះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានចាត់តំណាង នាំយកផ្លែមៀនចំនួន ៥តោន ផ្តល់ជូនរដ្ឋបាលខេត្តសៀមរាប នេះគឺជាការបង្ហាញពីការយកចិត្តទុកដាក់ខ្ពស់របស់សម្តេចតេជោចំពោះផលផិតផលដែលប្រជាកសិករផលិតបាន ដើម្បីជួយសម្រួលដោះទាល់ទៅដល់កសិករក្រីក្រក្នុងកាលទេសៈដ៏លំបាកដោយសារវិបត្តិនៃជំងឺកូវីដ-១៩ ។ ក្នុងនាមរដ្ឋបាលខេត្ត លោក នាក់ ណេរ៉ុន ថានឹងបែងចែងផ្លែមៀននិងផ្លែតាង៉ែននេះទៅដល់រដ្ឋបាលក្រុងស្រុកទាំង១២និងមន្ត្រីរាជការ ក្រុមការងារជួរមុខ កងកម្លាំងប្រដាប់អាវុធ សមត្ថកិច្ច ដែលកំពុងបំពេញភារកិច្ចក្នុងកិច្ចការពារ ទប់ស្កាត់ជំងឺកូវីដ-១៩ នៅតាមមណ្ឌលចត្តាឡីស័កនានាផងដែរ ៕ ដោយ ស៊ាន សុផាត

កំពង់ចាម៖ រសៀលថ្ងៃទី២៧ ខែសីហា ឆ្នាំ២០២១ គណៈកម្មាធិការសហភាពសហព័ន្ធយុវជនកម្ពុជា ខេត្តកំពង់ចាមក្រោមការដឹកនាំរបស់លោក ហាន កុសល បានរៀបចំកិច្ចប្រជុំពិភាក្សាតាមប្រព័ន្ធអនឡាញ អំពីកិច្ចការសំខាន់ៗដែលត្រូវអនុវត្តចំពោះមុខដូចជា ៖ ការរៀបចំពង្រាងបញ្ជីឈ្មោះអ្នកសង្កេតការណ៍បោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ការធ្វើបច្ចុប្បន្នភាពរចនាសម្ព័ន្ធ ស.ស.យ.ក មន្ទីរវិស័យ និងគ្រឹះស្ថានក្រោយមធ្យមសិក្សាចំណេះទូទៅ និងកិច្ចការមួយចំនួនផ្សេងទៀត។ សមាសភាពចូលរួមក្នុងកិច្ចប្រជុំរួមមាន គណៈកម្មាធិការ ស.ស.យ.ក ថ្នាក់ខេត្ត ប្រធាន គណៈកម្មាធិការ ស.ស.យ.ក ក្រុង ស្រុក ប្រធាន ស.ស.យ.ក មន្ទីរ អង្គភាព គ្រឹះស្ថានឧត្តមសិក្សាសរុបចំនួន៤៧នាក់។ អង្គប្រជុំបានពិភាក្សាដោយមានការចូលរួមយោបល់យ៉ាងផុសផុលប្រកបដោយស្មារតីទទួលខុសត្រូវខ្ពស់។ ថ្លែងក្នុងកិច្ចប្រជុំនេះលោកប្រធានបានសម្ដែងនូវការកោតសសើរ និងលើកទឹកចិត្តខ្ពស់ចំពោះឆន្ទៈចូលរួម លះបង់ពេលវេលា កម្លាំងកាយ ចិត្ត បញ្ញាស្មារតី ក្នុងការចូលរួមគ្រប់ការងារសង្គមរបស់ក្រុមគ្រួសារ ស.ស.យ.ក ខេត្តកំពង់ចាមនាពេលកន្លងមក និងសូមពង្រឹងការអនុវត្តការងារចំពោះមុខបន្តទៀតឲ្យបានរឹតតែប្រសើរប្រកបដោយគំនិតច្នៃប្រឌិតថ្មីៗ បទបែនតាមលទ្ធភាព និងស្ថានភាពជាក់ស្ដែងដោយប្រកាន់ខ្ជាប់នូវវិធានការសុវត្ថិភាពតាមការណែនាំរបស់ក្រសួងសុខាភិបាល និងរាជរដ្ឋាភិបាលកម្ពុជា ស្របតាមអនុសាសន៍ដ៏ខ្ពង់ខ្ពស់របស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងក្រោមការយកចិត្តទុកដាក់ពីឯកឧត្តម អ៊ុន ចាន់ដា…

សេចក្តីប្រកាសព័ត៌មានស្ដីពីលទ្ធផលនៃពិធីចុះអនុស្សារណៈយោគយល់រវាងក្រសួងទេសចរណ៍ និងសហគ្រិនខ្មែរ កាលពីថ្ងៃសុក្រ ទី២៧ ខែសីហា ឆ្នាំ២០២១ នៅទីស្តីការក្រសួងទេសចរណ៍ ក្រោមសក្ខីភាពដ៏ខ្ពង់ខ្ពស់ ឯកឧត្ដម ថោង ខុន រដ្ឋមន្ត្រីក្រសួងទេសចរណ៍៕

បន្ទាយមានជ័យ៖ អំណោយជាស្បៀងអាហាររបស់ឯកឧត្ដមឧបនាយករដ្ឋមន្ត្រីកែ គឹមយ៉ាន និងលោកជំទាវ ម៉ៅ ម៉ាល័យ និងរដ្ឋបាលខេត្តបន្ទាយមានជ័យ ត្រូវបានឯកឧត្ដម អ៊ុ រាត្រី អភិបាលខេត្តបន្ទាយមានជ័យ នាំយកទៅផ្ដល់ជូនដល់សិស្ស និស្សិនៅវិទ្យាស្ថានពហុវិទ្យាខេត្តបន្ទាយមានជ័យ នាភ្នំជញ្ជាំង សង្កាត់ទឹកថ្លាក្រុងសិរីសោភ័ណ ដែលពួកគាត់ស្ថិតនៅក្នុងតំបន់បិទខ្ទប់ កាលពី ថ្ងៃទី២៧ សីហា ២០២១ នាភ្នំជញ្ជាំងសង្កាត់ទឹកថ្លាក្រុងសិរីសោភ័ណ ។