សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី២១កក្កដាឆ្នាំ២០២១ បានផ្ញើសារលិខិតចូលរួមរំលែកទុក្ខជូន លោកស្រី Gerda HASSELFELDT ប្រធានកាកបាទក្រហមអាល្លឺម៉ង់ ចំពោះករណីគ្រោះទឹកជំនន់ ដែលបណ្តាលឱ្យស្លាប់ពលរដ្ឋអាល្លឺម៉ង់រាប់រយនាក់ និងជាច្រើនពាន់នាក់ទៀតកំពុងបាត់ខ្លួន។ ក្នុងសារលិខិតរំលែកទុក្ខរបស់សម្តេចកិត្តិព្រឹទ្ធបណ្ឌិត បានបញ្ជាក់ថា «ខ្ញុំពិតជាមានក្តីក្រៀមក្រំយ៉ាងខ្លាំង នៅពេលបានទទួលដំណឹង អំពីទឹកជំនន់ដ៏ធ្ងន់ធ្ងរនៅក្នុងរដ្ឋ North Rhine-Westphalla និងរដ្ឋ Rhineland-Palatinate កាលពីថ្ងៃទី១៥ ខែកក្កដា ២០២១ កន្លងទៅនេះ ហើយដែលបានបណ្តាលឲ្យមនុស្សជាងមួយរយនាក់ត្រូវបាត់បង់ជីវិត និងរាប់ពាន់នាក់ទៀតកំពុងបាត់ខ្លួន។» សម្តេចប្រធានកាកបាទក្រហមកម្ពុជា បានបន្ថែមថា ក្នុងនាមគណៈកម្មាធិការកណ្តាល សមាជិក មន្រ្តី បុគ្គលិក អ្នកស្ម័គ្រចិត្ត និងយុវជនកាកបាទក្រហមកម្ពុជា និងក្នុងនាមខ្ញុំផ្ទាល់ ខ្ញុំសូមសំដែងនូវការចូលរួមរំលែកទុក្ខ និងសមានចិត្តអាណិតអាសូរដ៏ស្មោះស្ម័គ្រ តាមរយៈកាកបាទក្រហម អាល្លឺម៉ង់ ដល់គ្រួសារដែលបានបាត់បង់មនុស្សជាទីស្រឡាញ់របស់ខ្លួន។ ខ្ញុំសូមបួងសួងដល់អ្នករងរបួស ឲ្យឆាប់បានជាសះស្បើយ និងសូមឲ្យប្រតិបត្តិការរុករកអ្នកបាត់ខ្លួនសម្រេចបានជោគជ័យ និងសូមឲ្យការស្តារឡើងវិញនូវតំបន់ទឹកជំនន់ឆាប់ទទួលបានភាពប្រសើរឡើងវិញ។

       ទៀនព្រះវស្សាចំនួន០១គូ, អង្ករ ១០០គក្រ. មី១ កេសធំ, ត្រីខ ០១កេសធំ, ទឹកក្រូច ៣កេស,ទឹកសុទ្ធ៣កេស, ទឹកដោះគោខាប់ចំនួន១០កំប៉ុងនិងទេយ្យទាន-ទេយ្យវត្ថុ គ្រឿងឧបភោគ-បរិភោគចាំបាច់មួយចំនួនទៀតដូចជា៖ទឹកត្រី ទឹកស៊ីអ៊ីវ,អំបិល, ស្ករស, សៀង, ប៊ីចេងនិងប្រេងឆា  ព្រមទាំងសាដក់និងបច្ច័យចំនួន៣០០ដុល្លារ ក្នុងមួយវត្តៗដូចៗគ្នា ត្រូវបានលោកជំទាវ ហុង ផាន្នី-ងួនរតនៈ និងជាតំណាងលោកជំទាវ ញែមសាខន – សខេង ប្រធានក្រុមការងារអ្នកម្តាយមនុស្សធម៌ ព្រមទាំងសហការីអមដំណើរជាច្រើនរូបទៀត បាននាំយកបច្ច័យ និងទេយ្យទានទេយ្យវត្ថុ ខាងលើនេះ ដើម្បីយកទៅវេរប្រគេនដល់ព្រះសង្ឃដែលកំពុងគង់ចាំព្រះវស្សាក្នុងវត្តចំនួន៣តាមបណ្តាស្រុកចំនួន០៣ផងដែរ។ក្នុងនោះមានវត្តព្រៃស្វាយ ក្នុងឃុំគារ ស្រុកមោងឫស្សី។ វត្តថ្លុងជ្រៃ ឃុំព្រៃត្រឡាច ស្រុករុក្ខគិរី។និង វត្តធិបតី ឃុំធិបតីស្រុកគាស់ក្រឡ នៃខេត្តបាត់ដំបង។ហើយត្រូវបានវេរប្រគេនដល់ព្រះសង្ឃក្នុងវត្តទាំង ៣ខាងលើ នៅព្រឹកថ្ងៃទី២១ខែកក្កដាឆ្នាំ២០២១នេះ។         តាមការគូសបញ្ជាក់ ពីក្រុមការងារអ្នកម្តាយមនុស្សធម៌ បានឲ្យដឹងបន្ថែមទៀតថា៖ បើតាមការគ្រោងទុក ទេយ្យទាន-ទេយ្យវត្ថុនិងគ្រឿងឧបភោគ-បរិភោគមួយចំនួន ព្រមទាំងស្លាដកនិងបច្ច័យផងនោះ ក្រុមការអ្នកម្តាយមនុស្សធម៌ ដែលដឹកនាំដោយលោកជំទាវ ហុង ផាន្នី-ងួន រតនៈនិងយកទៅវេរប្រគេនដល់វត្តចំនួន៣ដែលស្ថិតនៅក្នុងស្រុកចំនួន៣ផងដែរដូចជា៖ស្រុករតនមណ្ឌល, សំឡូតនិង ស្រុកបាណន់៕ …