(ភ្នំពេញ)៖ សុខ រក្សា ភេទស្រី អាយុ ៩ឆ្នាំ រស់នៅក្រុងរុនតាឯក ខេត្តសៀមរាប ក្មួយស្រីមានជំងឺប្រចាំកាយគឺ ជំងឺដុំសរសៃឈាម (Hemangioma) ។ ដោយបុណ្យវាសនាខ្ពស់ ជំងឺរបស់ក្មួយស្រីត្រូវបាន «សម្តេចមហាបវរធិបតី ហ៊ុន ម៉ាណែត» និង «លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត» ចាត់ឱ្យក្រុមគ្រូពេទ្យ នៃសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) សហការជាមួយក្រុមគ្រូពេទ្យរបស់អង្គការឆឺជី (Tzu Chi) បញ្ជូនទៅវះកាត់ព្យាបាល នៅមន្ទីរពេទ្យឆឺជី នៃរដ្ឋធានីតៃវ៉ាន់ រហូតដល់ទទួលបានភាពជោគជ័យ។ សូមរំលឹកបញ្ជាក់ផងដែរថា៖ កាលពីខែកញ្ញា ឆ្នាំ២០២៤ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានរៀបចំបេសកកម្មពិនិត្យ និងព្យាបាលជំងឺដោយឥតគិតថ្លៃជូនប្រជាជនរស់នៅមូលដ្ឋានក្រុងរុនតាឯក ខេត្តសៀមរាប ក្រោមអធិបតីភាពដ៏ខ្ពង់ខ្ពស់របស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ស្ត្រីទីមួយនៃព្រះរាជាណាចក្រកម្ពុជា និងជាអនុប្រធានសមាគម TYDA ។ ក្នុងពេលដែល លោកជំទាវបណ្ឌិត កំពុងចុះសួរសុខទុក្ខផ្ទាល់ដល់ប្រជាជនដែលចូលរួមពិធី លោកជំទាវបណ្ឌិត បានប្រទះឃើញក្មេងស្រីម្នាក់កំពុងជួបទុក្ខព្រោះមានដុំធំម្យ៉ាងនៅលើត្រចៀកខាងស្តាំ។ ភ្លាមនោះ…

(ភ្នំពេញ)៖ រាជរដ្ឋាភិបាលកម្ពុជា បានសម្រេចជាគោលការណ៍ផ្តល់ការលើកទឹកចិត្ត ការអនុគ្រោះ និង ការសម្រួលនីតិវិធី ដល់គម្រោងចំនួន ១៧ គម្រោង រួមមាន៖ គម្រោងពាក់ព័ន្ធនឹងអគារកំពុងជាប់គាំង ចំនួន ៦ និង គម្រោងថ្មី ចំនួន ១១ ដែលមានទុនវិនិយោគប៉ាន់ស្មានសរុបប្រមាណ ២៥៧ លានដុល្លារអាមេរិក និង ប៉ាន់ស្មានអាចបង្កើតការងារប្រមាណ ១ ៧៨០កន្លែង ។ គម្រោងទាំង ១៧ នេះ មានជាអាទិ៍ រមណីយដ្ឋានកសិ-ទេសចរណ៍, គម្រោងរោងចក្រផលិត និង កែច្នៃ គ្រឿងតុបតែង គ្រឿងសង្ហារិម, គម្រោងសកលវិទ្យាល័យ, គម្រោងមន្ទីរពេទ្យ, និង គម្រោងស្ថានីយផលិតអគ្គិសនីដើរដោយថាមពលពន្លឺព្រះអាទិត្យ ។ ជាមួយនឹងការសម្រេចជាគោលការណ៍នេះ, ក្រុមការងារនឹងផ្តល់ការសម្រួលនីតិវិធី ការសម្របសម្រួល និង ការដោះស្រាយបញ្ហា ក៏ដូចជា សំណូមពរនានា ដើម្បីជំរុញការវិនិយោគ ឱ្យប្រព្រឹត្តទៅបានឆាប់ រលូន និង មានប្រសិទ្ធភាព។ នេះបើយោងតាម លទ្ធផលនៃកិច្ចប្រជុំដឹកនាំដោយ ឯកឧត្តមបណ្ឌិតសភាចារ្យ…

(ភ្នំពេញ)៖ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងអង្គការអភិវឌ្ឍន៍អន្តរជាតិអាល្លឺម៉ង់ (GIZ) កាលពីព្រឹកថ្ងៃទី២៦ ខែសីហា ឆ្នាំ២០២៥ បានសហការរៀបចំពិធីបិទបញ្ចប់គម្រោង “ពង្រឹងរចនាសម្ព័ន្ធតំបន់ដើម្បីជំរុញសហគ្រាសធុនតូច និងមធ្យមក្នុងតំបន់អាស៊ាន” ដោយបង្ហាញសមិទ្ធផល និងតួនាទីគម្រោងក្នុងការលើកកម្ពស់ភាពប្រកួតប្រជែង និងការផ្សារភ្ជាប់សហគ្រាសធុនតូច និងមធ្យមក្នុងតំបន់ តាមរយៈថ្នាលឌីជីថល និងកិច្ចសហការឆ្លងប្រទេស។ គួរបញ្ជាក់ថា គម្រោងពង្រឹងរចនាសម្ព័ន្ធតំបន់ដើម្បីជំរុញសហគ្រាសធុនតូច និងមធ្យមក្នុងតំបន់អាស៊ាន ត្រូវបានចាប់ផ្តើមអនុវត្តនៅក្នុងឆ្នាំ២០១៩ ក្រោមការគាំទ្រពីរដ្ឋាភិបាលអាល្លឺម៉ង់។ ក្រៅពីការផ្តល់ព័ត៌មានលើថ្នាលឌីជីថល គម្រោងបានអនុវត្តសកម្មភាពផ្សព្វផ្សាយដល់សហគ្រាសធុនតូច និងមធ្យមចំនួន ១.២២៨ នៅក្នុង ៨ រាជធានី-ខេត្តនៅទូទាំងប្រទេស ។ ឯកឧត្តមរដ្ឋមន្ត្រី ហែម វណ្ណឌី បានលើកឡើងថា ៖ “គម្រោងពង្រឹងរចនាសម្ព័ន្ធតំបន់ដើម្បីជំរុញសហគ្រាសធុនតូច និងមធ្យមក្នុងតំបន់អាស៊ាននេះ ជាគំនិតផ្តួចផ្តើមដែលមានសារៈប្រយោជន៍ គាំទ្រដល់ការផ្សារភ្ជាប់បណ្តាសហគ្រាសធុនតូច និងមធ្យម ឱ្យទទួលបានសេវាគាំទ្រ ការផ្តល់ព័ត៌មានអាជីវកម្ម ការប្រឹក្សាយោបល់ ការផ្គូផ្គងអាជីវកម្មតាមថ្នាលព័ត៌មានថ្នាក់តំបន់ ASEAN ACCESS និងថ្នាលព័ត៌មានជាតិ KhmerSME។” ឯកឧត្តមបានបន្ថែមថា ថ្នាលឌីជីថលទាំងនេះដើរតួជាកាតាលីករជំរុញដល់ការអភិវឌ្ឍសហគ្រាសធុនតូច និងមធ្យម ដោយផ្សារភ្ជាប់សហគ្រាសទៅនឹងខ្សែច្រវាក់ផ្គត់ផ្គង់, លើកទឹកចិត្តការអភិវឌ្ឍតំបន់ប្រមូលផ្តុំសហគ្រាសធុនតូច…

(ភ្នំពេញ)៖”សូមបងប្អូនរក្សាឱ្យបាននូវស្មារតីសន្តិភាពនិយម និង អហិង្សាតាមរយៈការបង្ហាញទឹកចិត្តស្នេហាជាតិដោយប្រើបញ្ញាឱ្យបានច្រើនជាងប្រើអារម្មណ៍ដើម្បីចៀសវាងកុំឱ្យធ្លាក់ក្នុងអន្ទាក់នៃការញុះញង់បំបែកបំបាក់កម្លាំងសាមគ្គីឯកភាពជាតិខ្មែរពីសំណាក់មជ្ឈដ្ឋានអមិត្តរបស់កម្ពុជា ជាពិសេសការប៉ុនប៉ងបំបែកប្រជាពលរដ្ឋពីរាជរដ្ឋាភិបាលនិងពីកងទ័ពដែលជាខឿនការពារជាតិដ៏រឹងមាំរបស់យើង”។ នេះជាការថ្លែងបញ្ជាក់ពីសំណាក់ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា ។ ក្នុងសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅថ្ងៃទី២៦ ខែសីហា ឆ្នាំ២០២៥ នាទីស្តីការគណៈរដ្ឋមន្ត្រី ឯកឧត្តម ប៉ែន បូណាបានឱ្យដឹងថា”ខ្ញុំសូមកត់សម្គាល់ដោយក្តីកោតសរសើរ និង ស្ញប់ស្ញែងយ៉ាងខ្លាំងចំពោះកម្លាំងមហាសាមគ្គីជាតិខ្មែរដែលកើតមាននៅគ្រប់ទិសទីដើម្បីការពារអធិបតេយ្យភាពជាតិ និងបូរណភាពទឹកដី ក្រោមស្មារតីសន្តិភាពនិយមដែលជាអត្តសញ្ញាណរបស់កម្ពុជា។ ទឹកចិត្តស្នេហាជាតិនិងស្មារតីសាមគ្គីគាំទ្រគ្នាជាធ្លុងមួយរបស់ប្រជាពលរដ្ឋខ្មែរបានក្លាយជាកម្លាំងចលករដ៏ខ្លាំងក្លាដែលគ្មានឥទ្ធិពលអ្វីមកបំបែកបានឡើយ”។ មន្រ្តីអ្នកនាំពាក្យក្រសួងការពារជាតិបានថ្លែងដែរថា ៖ នេះគឺជាពេលវេលានៃការអនុវត្តបទឈប់បាញ់ហើយដែលរហូតមកទល់ពេលនេះ កម្ពុជាយើងគោរពកិច្ចព្រមព្រៀងនេះបានយ៉ាងល្អ ដែលចាត់ទុកជាប្រៀបខ្លាំងរបស់កម្ពុជានៅក្នុងសមរភូមិការទូតដែលយើងត្រូវតែថែរក្សាឱ្យបាន។ ដើម្បីបំផ្លាញពិន្ទុដ៏ល្អដែលកម្ពុជាទទួលបានពេលនេះ ការញុះញង់គ្រប់រូបភាពត្រូវបានធ្វើឡើងដើម្បីឱ្យភាគីកម្ពុជាអស់ការអត់ធ្មត់ហើយឈានទៅប្រព្រឹត្តអំពើណាមួយតាមបែបកំហឹងទល់កំហល់ដែលគេអាចប្រើជាលេសដើម្បីបំផ្លាញកិច្ចព្រមព្រៀងឈប់បាញ់តាមរយៈការចោទប្រកាន់ថា កម្ពុជាជាអ្នកវាយប្រហារមុន។ នេះគឺជាអន្ទាក់ដ៏គ្រោះថ្នាក់ដែលបងប្អូនយើងគប្បីត្រូវប្រុងប្រយ័ត្នខ្ពស់បំផុត ។ ឯកឧត្តម ប៉ែន បូណា បញ្ជាក់បន្ថែមថា សម្រាប់បទឈប់បាញ់នេះកើតឡើងក្រោមគំនិតផ្តួចផ្តើមរបស់លោកប្រធានាធិបតីសហរដ្ឋអាមេរិក ដូណាល់ ត្រាំ ដោយមានការចូលរួមយ៉ាងសកម្មពីសាធារណរដ្ឋប្រជាមានិតចិន និងក្រោមការសម្របសម្រួលដោយយកចិត្តទុកដាក់ពីសំណាក់ម៉ាឡេស៊ីដែលជាប្រធានប្តូរវេនអាស៊ាន។ ការអនុវត្តបទឈប់បាញ់នេះទៀតសោតធ្វើឡើងក្រោមក្រសែភ្នែកតាមដានយ៉ាងយកចិត្តទុកដាក់ពីអនុព័ន្ធយោធាបរទេសក្នុងក្របខណ្ឌនៃក្រុមអ្នកសង្កេតការណ៍បណ្តោះអាសន្ន (IOT= Interim Observers Team) ក៏ដូចជាបណ្តាអង្គទូតនានាប្រចាំកម្ពុជាផងដែរ។ ក្រុមអ្នកសង្កេតការណ៍ទាំងនោះ គឺជាសាក្សីនៃការគោរពបទឈប់បាញ់យ៉ាងល្អរបស់កម្ពុជា និងក៏ជាសាក្សីដែលបានកត់ត្រាទុករាល់ការរំលោភបំពាននានាដែលភាគីថៃបានប្រព្រឹត្តនៅក្នុងកំឡុងពេលនេះ។ មន្រ្តីអ្នកនាំពាក្យរាជរដ្ឋាភិបាលកម្ពុជា បានក្រើនរំលឹកដែរថា…

កំពង់ស្ពឺ៖ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ​នៅ​ថ្ងៃទី២៦ ខែសីហា ឆ្នាំ២០២៥​បាន​អញ្ជើញសួរសុខទុក្ខវីវកងទ័ព​ជួរមុខ​ម្នាក់ឈ្មោះ ណុប វ៉ាន អាយុ៥៧ ឆ្នាំដែលរងរបួសដោយការទម្លាក់គ្រាប់ពី​យន្តហោះថៃ​ក្នុងភូមិសាស្ត្រប្រាសាទតាក្របី ហើយកំពុងសម្រាកព្យាបាល​នៅផ្ទះស្ថិតក្នុងភូមិព្រៃស្រឡែង ឃុំទួលអំពិល ស្រុកបសេដ្ឋ ។ ក្នុងឱកាសជំនួបនេះឯកឧត្តមអភិបាលខេត្តកំពង់ស្ពឺ បានសម្តែងនូវការ​ក្រៀមក្រំនិងសោកស្តាយបំផុតចំពោះបាត់បង់​និង​រងរបួសក្នុងសមរភូមិ​ឈ្លានពានពីប្រទេសជិតខាង។ឯកឧត្តមបន្តថា វត្តមាន​ក្រុមការងារនៃ​រដ្ឋបាលខេត្ត​កំពង់ស្ពឺ​នៅថ្ងៃនេះគឺចង់បញ្ជាក់ថាបងប្អូនវីរកងទ័ពដែល​រងរបួសដោយការយកដើមទ្រូងទៅពាំងគ្រាប់ដើម្បីជាតិ មាតុភូមិ​មិនឯកាទេ គឺទទួលបានការយកចិត្តទុកដាក់ និងគាំទ្រខ្ពស់បំផុតពីប្រជាជនកម្ពុជា​ជាង១៧លាននាក់ និងរាជ​រដ្ឋា​ភិបាលកម្ពុជា ពីសម្តេចតេជោ ហ៊ុន សែន សម្តេចធិបតី ហ៊ុន ម៉ាណែត នាយករដ្ឋមន្ត្រី ពិសេសជាងនេះគឺ​ឯកឧត្តម​ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណ: និងជា​ប្រធានក្រុមការងាររាជរដ្ឋាភិបាលចុះជួយខេត្ត​កំពងស្ពឺ ដែលជានិច្ចជា​កាលតែងតែណែនាំដល់អាជ្ញាធរខេត្តចុះ ក្រុង ស្រុកចុះជាប់និងយកចិត្ត​ទុកដាក់គិតគូ​ពីសុខទុក្ខនិងតម្រូវការចាំបាច់នៃវីរកងទ័ពយើងក្នុងកំលុង​ពេលសម្រាកព្យាបាលនេះ៕ដោយ៖ម៉ុន សំអាត

(កំពង់ចាម)៖ ក្នុងកាលៈទេសៈដែលប្រទេសជាតិកំពុងប្រឈមនឹងការឈ្លានពានពីបរទេស ឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី២ បានអំពាវនាវដល់បងប្អូនប្រជាពលរដ្ឋទាំងអស់នៅក្នុងមូលដ្ឋាន សូមជឿជាក់ចំពោះថ្នាកដឹកនាំកម្ពុជា ដែលមានសម្តេចតេជោ ហ៊ុន សែន ប្រធានព្រឹទ្ធសភា និងសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងការដោះស្រាយបញ្ហាព្រំដែន និងការការពារបូរណភាពទឹកដី មិនឱ្យបាត់បង់សូម្បីតែមួយមីល្លីម៉ែត្រ និងសូមកុំជឿតាមក្រុមជ្រុលនិយមមួយក្តាប់តូច ដែលតែងតែញុះញង់បងប្អូនប្រជាពលរដ្ឋ បំបាក់ស្មារតីកងទ័ព គប់គិតនិងបិទបាំងអំពើឈ្លានពានរបស់បរទេស បកស្រាយព្រឹត្តិការណ៍ខុសស្រឡះពីការពិត និងធ្វើសកម្មភាពប៉ះពាល់យ៉ាងធ្ងន់ធ្ងរដល់ផលប្រយោជន៍ជាតិ និងប្រជាពលរដ្ឋ។ ឯកឧត្តមប្រធានក្រុមភូមិភាគទី២ បានធ្វើការអំពាវនាវយ៉ាងដូច្នេះនៅពេលដែលឯកឧត្តមដឹកនាំក្រុមសមាជិកព្រឹទ្ធសភាប្រចាំភូមិភាគទី២ (ខេត្តកំពង់ចាម និងខេត្តត្បូងឃ្មុំ) អញ្ជើញចុះជួប សំណេះសំណាលជាមួយមន្រ្តីរាជការ ប្រជាពលរដ្ឋចំនួន៤១៨នាក់ នៅក្នុងស្រុកព្រៃឈរ ខេត្តកំពង់ចាម នារសៀលថ្ងៃទី២៦ ខែសីហា ឆ្នាំ២០២៥។ ឯកឧត្តម អ៊ុច បូររិទ្ធ បានពាំនាំប្រសាសន៍ផ្តាំផ្ញើសួរសុខទុក្ខពីសំណាក់សម្តេចតេជោ ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត និងបានរំលឹកអំពីមូលហេតុ និងសភាពការណ៍វិវត្តថ្មីៗ នៅតាមបណ្តោយព្រំប្រទល់ជាមួយប្រទេសថៃ។ ទង្វើរបស់ថៃនេះ គឺជាចេតនាឈ្លានពានទឹកដីកម្ពុជាយ៉ាងគឃ្លើននិងសាហាវឃោឃៅបំផុតដែលជាការរំលោភបំពានយ៉ាងធ្ងន់ធ្ងរលើអធិបតេយ្យភាពរបស់កម្ពុជា។ យើងមិនចង់មានសង្រ្គាមជាមួយប្រទេសជិតខាងទេ យើងចង់បានសន្តិភាព។ ទាំងសម្តេចតេជោ ហ៊ុន សែន…

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង ប្រធានសមាគមអតីតយុទ្ធជនកម្ពុជា ខេត្តកំពង់ធំ និងសហការីបាននាំយកអំណោយមនុស្សធម៌របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី អនុប្រធានទី១សមាគមអតីតយុទ្ធជនកម្ពុជា និងលោកជំទាវបណ្ឌិត ពេជ ចន្ទមុន្នី ទៅជូនអតីតយុទ្ធជនដែល​មាន​ជីវភាពលំបាក ,ពលករចំណាកស្រុក ,ប្រជាពលរដ្ឋភៀសសឹកចំនួន ២៥គ្រួសារ ដែលកំពុងរស់នៅលើដីសម្បទាន​សង្គមកិច្ចសម្រាប់អតីតយុទ្ធជន ស្ថិតនៅឃុំក្រយា ស្រុកសន្ទុក ខេត្តកំពង់ធំ។ ក្នុងឱកាសផ្តល់អំណោយកាលពីថ្ងៃទី២៦ ខែសីហា ឯកឧត្តម​ សោម ស៊ុន បាននាំនូវការផ្ដាំផ្ញើសាកសួរសុខទុក្ខពី​សំណាក់​សម្ដេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្ដេចកិត្តិព្រឹទ្ធបណ្ឌិត ព្រមទាំងសម្ដេច​ធិបតី ហ៊ុន ម៉ាណែត និងលោកជំទាវបណ្ឌិត ដែលតែងតែមានការព្រួយបារម្ភពីសុខទុក្ខនិងជីវភាពរស់នៅ​របស់បង​ប្អូនអតីតយុទ្ធជនយើងដែលធ្លាប់មានគុណបំណាច់ចំពោះជាតិមាតុភូមិ ។ អំណោយដែលផ្តល់ជូនមាន អង្ករ មី ត្រីខកំប៉ុង ទឹកត្រី ទឹកស៊ីអ៊ីវ៕ដោយ៖ ប៊ុន រដ្ឋា

(ភ្នំពេញ)៖ ឯកឧត្តម ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានថ្លែងក្នុងសេចក្តីសង្ខេបព័ត៌មានប្រចាំថ្ងៃស្តីពី លទ្ធផលនៃការអនុវត្តបទឈប់បាញ់រវាងកម្ពុជា-ថៃ នាល្ងាចថ្ងៃទី២៦ ខែសីហា ឆ្នាំ២០២៥ ថា ក្រសួងការបរទេស និងសហប្រតិបត្តិការអន្តរជាតិ បានបញ្ជូនលិខិតទៅកាន់ភាគីថៃ នៅថ្ងៃទី២៥ ខែសីហា ឆ្នាំ២០២៥ នូវការតវ៉ាប្រឆាំងដ៏ខ្លាំងក្លារបស់រាជរដ្ឋាភិបាលកម្ពុជា ចំពោះការរំលោភជាបន្តបន្ទាប់ ដោយកងកម្លាំងរបស់ថៃ ចូលមកក្នុងទឹកដីរបស់កម្ពុជា។ ជាមួយគ្នានេះដែរ ឯកឧត្តម ជុំ សុន្ទរី បានបន្ថែមថា នេះគឺជាការតវ៉ាលើកទី៣ហើយ បន្ទាប់ពីមានការតវ៉ាចំនួន ២លើកមុននេះ នៅថ្ងៃទី១៤ និងថ្ងៃទី១៩ ខែសីហា ឆ្នាំ២០២៥ ដែលការតវ៉ាលើកនេះ គូសបញ្ជាក់ថា នៅថ្ងៃទី២៥ ខែសីហា ឆ្នាំ២០២៥ វេលាម៉ោង ១៤:២០ នាទី យោធាថៃ បានបន្តដាក់ខ្សែលួសបន្លានៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ សកម្មភាពនេះ គឺជាការំលោភបំពានថ្មីមួយទៀតរបស់យោធាថៃ ចូលមកក្នុងទឹកដីរបស់កម្ពុជា ហួសពីទីតាំងរបស់ពួកគេ នៅថ្ងៃទី១២-១៣ ខែសីហា ឆ្នាំ២០២៥ ។…

(ភ្នំពេញ)៖ ថ្នាក់ដឹកនាំក្រសួងរៀបចំដែនដី បានយកចិត្តទុកដាក់គិតគូរអំពីការលើកស្ទួយជីវភាពមន្ត្រីរាជការ ដែលជាមូលដ្ឋានគ្រឹះដើម្បីកសាងមនសិការមន្ត្រីរាជការស៊ីវិលល្អ រឹងមាំ វាងវៃ និងឆ្លាតវៃ ជាកម្លាំងចលករសម្រាប់បម្រើប្រទេសជាតិ និងប្រជាជន ។ ថ្លែងក្នុងវគ្គបណ្ដុះបណ្ដាលស្ដីពីសមិទ្ធផល និងទិសដៅការងារសំណង់ នារសៀលថ្ងៃទី២៦ ខែសីហា ឆ្នាំ២០២៥ នៅទីស្ដីការក្រសួង ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានគូសបញ្ជាក់ថា ដើម្បីអនុវត្តការងារដោយរលូនក្រៅពីផែនទីឯកភាពការងារ ទិសដៅនិងគោលនយោបាយហើយនោះ គឺត្រូវគិតគូរអំពីជីវភាពមន្ត្រី ហើយយើងត្រូវកសាងសង្គមរៀបចំដែនដី នគរូបនីយកម្ម និងសំណង់ ឱ្យមានមនោសញ្ចេតជាច្រើន,ចេះគោរពស្រឡាញ់រាប់អានពឹងពាក់គ្នាទៅវិញទៅមក ។ ឯកឧត្តមឧបនាយករដ្ឋមន្ត្រី សាយ សំអាល់ បានគូសបញ្ជាក់ថា ដើម្បីអនុវត្តការងារដោយរលូនក្រៅពីផែនទីឯកភាពការងារ ទិសដៅនិងគោលនយោបាយហើយនោះ ឈរលើគោលការណ៍គិតគូរអំពីជីវភាពមន្ត្រី ក្រសួងរៀបចំដែនដី នគរូបនីយកម្ម និងសំណង់ នឹងសហការជាមួយធនាគារអេស៊ីលីដា ក្នុងការផ្ដល់អត្រាការប្រាក់ទាបដល់មន្ត្រី, ចំពោះមន្ត្រីដែលមានជីវភាពលំបាកក្រសួងនឹងផ្ដល់ប្រាក់រង្វាន់ទ្វេដងដើម្បីជួយសម្រួលជីវភាព, ក្រៅពីផ្ដល់ជូនថ្លៃសម្រាលកូន,ថ្លៃចាក់វ៉ាក់សាំងដល់ទារកហើយនោះ ក្រសួងនឹងផ្ដល់ជូនថ្លៃទឹកដោះគោបន្ថែមសម្រាប់ទារកជាកូនរបស់មន្ត្រី ក្នុងរយៈពេលមួយឆ្នាំ, មន្ត្រីដែលមានកូនដល់ ៥នាក់ ក្រសួងនឹងផ្តល់ជូនប្រាក់រង្វាន់បន្ថែមទៀត ។ ឯកឧត្តមឧបនាយករដ្ឋមន្ត្រី យល់ឃើញថា អ្វីដែលជាផែនទីឯកភាពការងាររបស់ក្រសួង និងភូមិសាស្ត្រនយោបាយរបស់គណបក្សប្រជាជនកម្ពុជា…