(កោះកុង)៖ ផ្លូវក្រាលក្រួសក្រហមដែលបានកសាងជូនដល់ប្រជាពលរដ្ឋនៅសហគមន៍ទេសចរណ៍ជីផាត ស្ថិតនៅក្នុង ស្រុកថ្មបាំង ខេត្តកោះកុង បានបម្រើក្នុងជីវិតប្រចាំថ្ងៃ និងជាសរសៃឈាមសំខាន់ទាំងការដឹកជញ្ជូន វិស័យទេសចរណ៍ កសិកម្ម ហើយត្រូវបានលើកស្ទួយជីវភាពពួកគាត់កាន់តែប្រសើរឡើង ។ គួរបញ្ជាក់ថា ផ្លូវ ភូមិក្រាលគ្រួសក្រហម ទាំង៣ខ្សែដែលជាអំណោយនៃគម្រោងរេដបូកនៃជួរភ្នំក្រវាញខាងត្បូងនេះដែរត្រូវបានសម្ពោធដាក់ឱ្យប្រើប្រាស់ជាផ្លូវការនៅអំឡុងពាក់កណ្តាល ខែមករា ឆ្នាំ២០២៣។ ប្រជាពលរដ្ឋមួយរូប លោក សុន សុភឿន បានប្រាប់ឱ្យដឹងថា៖ក្រោយកសាងផ្លូវរួចរាល់ ដែលជាគម្រោងរបស់រេដបូកនេះមកឃើញថាសន្ទុះនៃចរាចរដឹកជញ្ជូនល្អប្រសើរណាស់ក្នុងនេះមិនថាជាប្រជាពលរដ្ឋ សិស្សានុសិស្សទេគឺអាចប្រើប្រាស់បានងាយស្រួលខុសប្លែកពីមុនផ្លូវតូច ហើយសម្បូរដោយជង្ហុកពិបាកក្នុងការធ្វើដំណើរណាស់។ ក្រៅពីនេះបើនិយាយពីវិស័យទេសចរណ៍វិញក្រោយមានផ្លូវមកគឺអ្នកទេសចរអាចធ្វើដំណើរតាមរថយន្តតូចធំមកកាន់ទីកន្លែងនេះមិនពិបាកទៀតឡើយ។ លោកបានប្រាប់ថា តាមរយៈការជួយឧបត្ថម្ភជាច្រើនដែលក្នុងនេះរួមមានទាំង អណ្តូងទឹក ផ្លូវថ្នល់ អាហាររូបករណ៍សិស្ស ជួយកសាងមណ្ឌលសុខភាព នោះបានធ្វើឱ្យសហគមន៍ទេសចរណ៍ជីផាត ផ្លាស់ប្តុរមុខមាត់ថ្មី ខុសគ្នាឆ្ងាយណាស់ ពោលគឺបើគេគ្រាន់តែគិតត្រឹម ឆ្នាំ២០២៣ដល់ឆ្នាំ២០២៥នេះឃើញថាទាំងវិស័យទេសចរណ៍ និងជីវភាពពលរដ្ឋមានប្តូរផ្លាស់រកនឹកស្មានមិនដល់ទេ។ក្នុងនេះពលរដ្ឋមានផ្ទះល្អៗរស់នៅ មានរថយន្ត មានមុខរបរច្បាស់លាស់ និងពិសេសកូនៗរបស់ពួកគាត់រៀនបានកាន់តែខ្ពង់ខ្ពស់។ លោក ហង្ស សុខហេង គណៈកម្មាធិការ នៃ សហគមន៍ ទេសចរណ៍ជីផាតបានប្រាប់ឱ្យដឹងថា ៖ គម្រោងរេដបូកបានជួយផ្លូវចំនួន ៣ភូមិ ស្ថិតនៅឃុំ ជីផាត ក្នុងនេះភូមិនីមួយៗបានផ្លូវក្រាលក្រួសក្រហមមួយគីឡូម៉ែត្រ។អំណោយផ្លូវ ទាំងនេះដែរពិតជាបានជួយសម្រួលយ៉ាងច្រើនទៅលើការដឹកជញ្ជូនដំណាំកសិកម្ម…

កំពង់ធំ៖ដោយមិនធ្វេសប្រហែស ឧត្តមសេនីយ៍ទោ សោម ស៊ុន មេបញ្ជាការ​តំបន់ប្រតិបត្តិការសឹករង អនុប្រធាន​អចិន្ត្រៃយ៍គណៈ​កម្មការការពារទប់ស្កាត់ និងបង្ក្រាបបទល្មើសធនធានធម្មជាតិ​ខេត្តកំពង់ធំ​បានអញ្ជើញ​ចុះសាកសួរ​សុខទុក្ខកងកម្លាំងចម្រុះ​ប្រចាំការនៅទីបញ្ជាការស្រាល នៅតំបន់អូរសោម និងពិនិត្យ​ភូមិសាស្ត្រ​មួយចំនួន​នៅក្នុង​ដែនជម្រកសត្វព្រៃ ព្រៃឡង់ ក្នុងឃុំ​ដងកាំបិត ស្រុកសណ្ដាន់ ខេត្តកំពង់ធំ។ អាន៖ ក្នុងសកម្មភាពកាលពីថ្ងៃទី២០ ខែមិថុនា ឆ្នាំ២០២៥ លោក​អនុសេនីយ៍ឯក ឡុង យេ មេបញ្ជាការរងផ្នែកសឹក​រង​សណ្ដាន់នៃ​បញ្ជាការដ្ឋានតំបន់ប្រតិបត្តិការសឹករងកំពង់ធំ អនុប្រធានទីប​ញ្ជាការស្រាលប្រចាំការនៅតំបន់អូរសោម បញ្ជាក់ជូនឧត្តមសេនីយ៍​ទោ សោម ស៊ុន អនុប្រធាន​អចិន្ត្រៃយ៍គណៈកម្មការការពារទប់ស្កាត់ និងបង្ក្រាបបទល្មើស​ធនធានធម្មជាតិខេត្តកំពង់ធំថា បច្ចុប្បន្ន ការកាប់ទន្ទ្រានព្រៃយកដីធ្វើចម្ការ ,ការយកធ្វើជាកម្មសិទ្ធិ មិនមានកើត​ឡើងទៀតទេ។ផ្ទៃដីមួយចំនួនដែលបានលួចកាប់ទន្ទ្រាននៅ​បណ្ដាឆ្នាំ​កន្លងទៅ ត្រូវបានកង​កម្លាំងចម្រុះ​យាមល្បាត​ជាប្រចាំ ការពារមិនឱ្យ​មានការដាំដុះដំណាំអ្វីបានឡើយ ។បច្ចុប្បន្នដីដែលបានកាប់​ទន្ទ្រាន​កន្លងមក ត្រូវបាន​ព្រៃឈើធម្មជាតិ ដុះលូតលាស់ឡើងវិញហើយ ។ ក្នុងឱកាសនេះឧត្តមសេនីយ៍ទោ សោម ស៊ុន បានកោតសរសើរកង​កម្លាំងចម្រុះទាំងអស់ ដែលបានខិតខំបំពេញ​ភារកិច្ច​មិនខ្លាចនឿយ​ហត់ មិនថាភ្លៀង ផ្គរ ក្តៅ ត្រជាក់ ផ្លូវលំបាកធ្វើដំណើរ និងមធ្យោបាយ​សម្រាប់​ធ្វើសកម្មភាព​មិនគ្រប់គ្រាន់ក៏ដោយ។លើសពីនេះប្រឈម​មុខជាមួយជនល្មើសមួយចំនួន តែកងកម្លាំងបានពុះពារ ការពារ​ទប់ស្កាត់​​និងបង្ក្រាបបទល្មើសធនធានធម្មជាតិ ក្នុងរយៈពេល​ជាងមួយឆ្នាំកន្លងទៅនេះ ទទួលបានលទ្ធផលល្អប្រសើរ គួរជាទី​មោទនៈ ៕ដោយ៖ ប៊ុន…

បន្ទាយមានជ័យ៖អភិបាលខេត្តបន្ទាយមានជ័យ ឯកឧត្តម អ៊ុំ រាត្រី រួមជាមួយក្រុមការងារចម្រុះនៃមន្ទីរ និង​ក្រសួង​ការងារ​ និងបណ្តុះ​បណ្តាលវិជ្ជាជីវៈ បានបន្ត​ចុះសម្របសម្រួលជូនដល់បងប្អូន​ពលករខ្មែរ​ដែលត្រឡប់មកពី​ប្រទេសថៃ នៅច្រកទ្វាព្រំដែនអន្តរជាតិប៉ោយប៉ែត។ បងប្អូនពលករខ្មែរត្រូវទទួលស្វាគមន៍យ៉ាងកក់ក្តៅ និងឱ្យស្នាក់នៅ​ជាបណ្ដោះអាសន្ននៅមណ្ឌលសំចត ប៉ោយប៉ែត និងប្រឹក្សាយោបល់​អំពីឱកាសការងារជូនដល់បងប្អូនពលករទាំងនោះ ដើម្បីមានឱកាស​ទទួល​បានការងារ​ប្រកបរបរ​ចិញ្ចឹមជីវិតនៅស្រុកកំណើត​ ខណៈជម្លោះ​ព្រំដែនរវាងកម្ពុជា-ថៃ កាន់តែមានភាពតានតឹង។ ក្នុងឱកាសនេះឯកឧត្ដមអភិបាលខេត្តបន្ទាយមានជ័យបាន​ណែនាំ​បន្ថែម​ឱ្យបង្កើនការងារផ្តល់សេវានានាជូន​ដល់​ពលករដែលឆ្លងដែន​មកពីប្រទេសថៃឱ្យបានឆាប់រហ័ស និង លឿនបំផុតតាមអ្វីដែលអាច​ធ្វើបាន ចំពោះបែបបទ ឯកសារនានាក្នុងកំឡុងពេលស្នាក់នៅទីតាំង​មណ្ឌលសំចតប៉ោយប៉ែតនេះ ។ លើសពីនេះអាជ្ញាធរខេត្តបន្ទាយមានជ័យ ក៏បានរៀបចំរថយន្ត​សម្រាប់ដឹកបងប្អូនពលករ វិលត្រលប់​ទៅស្រុកកំណើត ព្រមទាំង​បានផ្តល់អាហារជូនផងដែរ៕ដោយ៖ឃិន គន្ធា

បន្ទាយមានជ័យ៖ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីត​យុទ្ធជន និងយុវនីតិសម្បទាអមដំណើរ ឯកឧត្តម អ៊ុំ រាត្រី អភិបាល​ខេត្ត​បន្ទាយមានជ័យ បានអញ្ជើញជួបសំណេះសំណាលជាមួយ​ពលករ​ខ្មែរត្រឡប់មកពីប្រទេសថៃនៅមណ្ឌលសំចតក្រុង​ប៉ោយប៉ែត ។ ក្នុងជំនួបកាលពីរសៀលថ្ងៃទី២០ ខែមិថុនា ឆ្នាំ២០២៥ ឯកឧត្ដម ជា សុមេធី បានប្រាប់ប្រជាពលរដ្ឋនៅទីនោះថា កុំបន្តធ្វើចំណាក​ស្រុក​ដោយខុសច្បាប់ ហើយងាកមករកការងារនៅក្នុងប្រទេសវិញ ខណៈ​បច្ចុប្បន្នការងារមានសម្បូរបែប ។ឯកឧត្តមបន្តថា រាជរដ្ឋាភិបាល​កម្ពុជានីតិកាលទី៧ បានផ្តល់ឱកាសការងារ​ក៏ដូចជាការបណ្តុះ​បណ្តាល​ជំនាញ វិជ្ជាជីវៈជូនដល់យុវជនមកពីគ្រួសារងាយរងគ្រោះ និងគ្រួសារក្រីក្រជាដើមដោយ​ពុំយកប្រាក់ ថែមទាំងផ្តល់​កន្លែង​ស្នាក់នៅ ម្ហូបអាហារ និងប្រាក់ឧបត្ថម្ភថែមទៀតផង។ ក្នុងឱកាសនេះឯកឧត្តមរដ្ឋមន្រ្តីក៏បានផ្តល់អំណោយជូនរងគ្រោះដោយសារអំពើជួញដូរ ដែលកំពុងសិក្សាជំនាញនៅក្នុងមណ្ឌលផងដែរ។ សូមបញ្ជាក់ថា មជ្ឈមណ្ឌលសំចត និងស្តារនីតិសម្បទាជន​រងគ្រោះ​ប៉ោយប៉ែត ត្រូវបានបង្កើតឡើង​ក្នុងគោលបំណង​ផ្តល់សេវា ការស្នាក់​នៅបណ្តោះអាសន្ន ការហូបចុក ការថែទាំសុខភាព ការអប់រំ ការ​បណ្តុះបណ្តាល ជំនាញវិជ្ជាជីវៈ​បំណិនជីវិតដល់ជនរងគ្រោះ និងងាយ​រងគ្រោះដោយអំពើជួញដូរមនុស្ស ប្រកបដោយសុខសុវត្ថិភាព និង​គ្មានការរើស​អើង ជាតិសាសន៍ ឬពិការភាពអ្វីឡើយ៕ដោយ៖ឃិន គន្ធា

ពោធិ៍សាត់៖ កូនឈើប្រភេទដើមក្ងោកចំនួន ៣០០ដើម ដែលស្ថានីយ​ផ្សព្វផ្សាយរបស់ខណ្ឌរដ្ឋបាលព្រៃឈើ​នៃ​មន្ទីរកសិកម្ម រុក្ខាប្រមាញ់និង​នេសាទ ខេត្តពោធិ៍សាត់ ផ្តល់ឱ្យនោះត្រូវបានឯកឧត្តម ខូយ រីដា អភិបាលខេត្ត រួមជាមួយមន្រ្តីរដ្ឋបាលស្រុកវាលវែង កងកម្លាំង​ប្រដាប់​អាវុធទាំង៣ ក្រុមយុវជន អាជ្ញាធរមូលដ្ឋាន កម្លាំងប្រជាការពារ​និង​ប្រជាពលរដ្ឋយកទៅដាំនៅតាមដងផ្លូវលំចូលទៅរមណីយដ្ឋានទឹកធ្លាក់ភ្នំទំព័រ ក្នុងឃុំប្រមោយ  ស្រុកវាលវែង ខេត្តពោធិ៍សាត់ នៅចុង​សប្ដាហ៍​នេះ។ ដងផ្លូវដែលត្រូវដាំកូនឈើមានប្រវែងបីគីឡូម៉ែត្រកន្លះ ដើម្បីប្រែក្លាយ​តំបន់​នេះទៅជាតំបន់បៃតង និងសម្រាប់​ទាក់ទាញ​ភ្ញៀវ​ទេសចរ​ជាតិ អន្តរជាតិ ដែលមកកម្សាន្ត។ការដាំកូនឈើដំបូង​ចំនួន៣០០ដើម​សិន។ ក្នុងឱកាសនេះឯកឧត្តម ខូយ រីដា បានលើកឡើងថា កន្លងមក​រដ្ឋបាលខេត្តបានបង្កើតចលនាស្រឡាញ់ព្រៃឈើ និងដាំកូនឈើ​ជាច្រើនផ្សេងៗទៀតនៅទូទាំងខេត្ត ដោយបានបង្កើតជាចម្ការ នៅតាមទីសួនសាធារណៈ សាលារៀន វត្ដអារាម រមណីយដ្ឋាន ជាពិសេសអមសងខាងផ្លូវនៅភូមិប៊ុនរ៉ានីសែនជ័យ ដំណាក់ទ្រយឹង ឃុំព្រងិល ស្រុកភ្នំ​ក្រវាញ ,ផ្លូវជាតិលេខ៥៥ត្រង់ចំណុចភ្នំ១៥០០ ឬហៅថាផ្លូវអន្ទង់អាំង, ផ្លូវបុផ្ផាលាក់ខ្លួន ដែលកំពុងមានការ​លូត​លាស់បានល្អមកហើយ តែយើងនៅតែមានមហិច្ឆតាធំ ​បន្តដាំ​ដើមឈើបន្ថែមទៀតឱ្យបានច្រើន​ទៅតាមអ្វីដែលអាចធ្វើទៅបាន៕ដោយ៖ ចេង ពុំ

ពោធិ៍សាត់៖រដ្ឋបាលខេត្តពោធិ៍សាត់បានទទួលថវិកាបរិច្ចាគរបស់សប្បុរសជនក្នុង -ក្រៅខេត្ត និងក្រៅប្រទេសចំនួន ៤៣ ១៥០ដុល្លារអាមេរិក និង ជាង៦,១លានរៀល ដែលជាគាំទ្រដល់ការសាងសង់អគារពហុព្យាបាល និងសង្គ្រោះ​បន្ទាន់ នៃមន្ទីរពេទ្យបង្អែកខេត្តពោធិ៍សាត់ និងរៀបចំបង្គោលភ្លើងសូឡាបំភ្លឺសាធារណៈ​តាមដងផ្លូវជាតិលេខ៥ក្នុងភូមិសាស្រ្ត​​ខេត្តពោធិ៍សាត់។ តាមរយៈជំនួបផ្ទាល់ជាមួយសប្បុរសជនក្នុង និងក្រៅប្រទេសកាលពីថ្ងៃទី២០ ខែមិថុនា ឆ្នាំ២០២៥​តាម​ប្រព័ន្ធ​វិដេអូឯកឧត្តម  ខូយ រីដា អភិបាលខេត្តពោធិ៍សាត់ បានជម្រាបជូនសប្បុរសជនក្នុង-ក្រៅខេត្ត និង​ក្រៅប្រទេស​អំពី​ដំណើរសាងសង់អគារពហុព្យាបាល និងសង្គ្រោះបន្ទាន់នៃមន្ទីរពេទ្យបង្អែកខេត្ត និងការរៀបចំ​បង្គោលភ្លើង​សូឡា​បំភ្លឺសាធារណៈតាមដងផ្លូវជាតិលេខ៥ ក្នុងភូមិសាស្រ្ត​ខេត្តពោធិ៍សាត់ ចាប់ពីចំណុច​ព្រំប្រទល់ខេត្តកំពង់ឆ្នាំង រហូត​ដល់ព្រំប្រទល់ខេត្តបាត់ដំបង។ ឯកឧត្តម ខូយ រីដា បានឱ្យដឹងថា មូលនិធិសាងសង់អគារពហុព្យាបាល និងសង្គ្រោះបន្ទាន់ នៃមន្ទីរពេទ្យបង្អែក​ខេត្តពោធិ៍សាត់ ជាគំនិតផ្តួចផ្តើមរបស់ឯកឧត្តម  កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធាន​ក្រុមការងារ​រាជរដ្ឋាភិបាល ចុះជួយមូលដ្ឋានខេត្តពោធិ៍សាត់ និងព្រះតេជគុណ ឥន្ទត្ថេរោ នៅ សុគន្ធថៃ ព្រះចៅអធិការ​វត្ត​ហង្សាបីតិ ហៅវត្តព្រែកស្តី  រួមទាំងរូបលោកផ្ទាល់។ ឯកឧត្តមបានថ្លែងអំណរគុណ ដល់សប្បុរសជនក្នុង-ក្រៅខេត្ត និងក្រៅប្រទេស នាពេលនេះ ក៏ដូចជាពេលកន្លងមក គឺជាការចូលរួមចំណែកដ៏មានតម្លៃក្នុងការអភិវឌ្ឍខេត្ត ពិសេស​វិស័យសុខាភិបាលក្នុងខេត្តពោធិសាត់ឱ្យកាន់តែមានលក្ខណៈទំនើប និងស្រស់បំព្រង។ តាមរយៈជំនួបនេះឯកឧត្តមអភិបាលខេត្តបានទទួលថវិកាចូលរួមរបស់សប្បុរសជនក្នុង-ក្រៅខេត្ត និងក្រៅប្រទេស…

បន្ទាយមានជ័យ៖ថ្នាក់ដឹកនាំនៃមន្ទីរកសិកម្ម រុក្ខាប្រមាញ់និងនេសាទ មន្ទីរធនធានទឹកនិងឧតុនិយម និងមន្ទីរបរិស្ថាន​នៃរដ្ឋបាល​ខេត្តបន្ទាយ​មានជ័យបានជួបប្រជុំគ្នានៅចុងសប្ដាហ៍​នេះ នាសាលប្រជុំសាលាខេត្ត ។ជាកិច្ចប្រជុំដ៏សំខាន់មួយ ​ខណៈ​ដែលក្រសួងទាំងបីដែល​ជាអាណា​ព្យាបាលបានប្រកាសរួមគ្នា​កាលពីពេលកន្លងទៅថ្មីៗនេះ កំណត់អំពី​ការ​​ធ្វើសកម្មភាពរួមគ្នាលើការងារអាទិភាពមួយចំនួន។ កិច្ចប្រជុំដែលដឹកនាំដោយលោក ឈឿន ក្រៃយ៉ុង អភិបាលរងខេត្ត​បន្ទាយ​មានជ័យ បានផ្តោតលើ​ការគ្រប់គ្រងទឹក​និងប្រើប្រាស់ទឹក​ធ្វើយ៉ាងណាឱ្យ​បានល្អ ,ឱ្យចំគោលដៅប្រកបដោយភាពសន្សំសំចៃ ស្របនឹងបម្រែបម្រួល​អាកាស​ធាតុផងដែរ។ ដោយសារតែខេត្តបន្ទាយមានជ័យ ជារៀងរាល់ឆ្នាំតែង​តែជួបនូវ​ជំនន់ទឹកភ្លៀងផង និងភាពរាំងស្ងួតខ្វះទឹកនៅ​តំបន់​ខ្លះដោយសារ​ការធ្វើស្រូវបង្កើ់នរដូវរបស់កសិករផងនោះ ក្នុងកិច្ចប្រជុំក៏បានផ្ដោត​ទៅលើការពង្រឹងសហគមន៍​ប្រើ​ប្រាស់​ទឹកប្រកបដោយទំនួលខុសត្រូវ ,សហការសាមគ្គីគ្នា​ល្អ​។ទន្ទឹមនេះការជួសជុលប្រព័ន្ធធារាសាស្រ្ត ក៏ស្ថិតក្នុង​ការយកចិត្តទុកដាក់ផងដែរ។ លោក ឈឿន ក្រៃយ៉ុង អភិបាលរងខេត្តបន្ទាយមានជ័យ បាន​បញ្ជាក់​ថា ដើម្បីឱ្យការគ្រប់គ្រងនិងប្រើប្រាស់ទឹក​បាន​ល្អ អាជ្ញាធរមូលដ្ឋានត្រូវ​បន្តសហការចូលរួមជាមួយមន្រ្តីជំនាញផ្សព្វផ្សាយដល់ប្រជាពលរដ្ឋ ពិសេសកសិករ អំពីបម្រែបម្រួលអាកាសធាតុ ដើម្បីឱ្យពួកគាត់បន្សាំ​ខ្លួន​ក្នុងស្ថានភាពនេះទាំងជីវភាពរស់នៅនិងការធ្វើកសិកម្ម។ គ្រប់គ្រង​​ឱ្យបានច្បាស់លាស់លើទិន្ន័យព័ត៌មានទាក់ទងនឹងភូមិសាស្ត្រ​,ប្រព័ន្ធធារាសាស្ត្រជាដើម។ជាងនេះទៀតគឺការថែរក្សាប្រភពទឹក និងបង្កើតប្រភពទឹក៕ដោយ៖គៀន ច័ន្ទហ៊ីន

(ភ្នំពេញ)៖ បទ«ភ្នំយីមឹង» បកស្រាយដោយព្រះនាង នរោត្តម ចេណា ក្នុងឱកាសនៃពិធីបើកគម្រោងព្រឹត្តិការណ៍ផ្លាស់ប្តូររវាងប្រជាជននិងប្រជាជនកម្ពុជា-ចិន «កម្ពុជា-ចិន រួមចិត្ត រួមដំណើរលើមាគ៌ាតែមួយ» ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន, លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ, ឯកឧត្តម ហួត ហាក់ រដ្ឋមន្ត្រី ក្រសួងទេសចរណ៍ និងឯកឧត្តម SHEN HAIXIONG អនុរដ្ឋមន្ត្រីក្រសួងឃោសនាការនៃគណៈកម្មាធិការ មជ្ឈិមបក្សកុម្មុយនីស្តចិន និងជាអគ្គនាយក និងនិពន្ធនាយក នៃអគ្គស្ថានីយ វិទ្យុនិងទូរទស្សន៍មជ្ឈិមចិន កាលពីថ្ងៃទី១៧ ខែមេសា ឆ្នាំ២០២៥ នៅរាជធានីភ្នំពេញ។ សូមអញ្ជើញទស្សនា