(ភ្នំពេញ)៖ ក្រសួងកសិកម្មរុក្ខាប្រមាញ់ និងនេសាទនៅថ្ងៃទី ២៩ ខែ ឧសភា ឆ្នាំ ២០២៥ បានចេញសេចក្តីប្រកាសព័ត៌មាន​ស្តីពី​«កិច្ចប្រ​ជុំត្រី-វិស័យលើកទី៤ស្ដីពីកសិកម្ម-ទឹក-ជនបទ» ដែលក្នុងនេះ​មានការចូលរួមពីសំនាក់ ឯកឧត្តម ឌិត ទីណា រដ្ឋមន្ត្រីក្រសួង កសិកម្ម រុក្ខាប្រមាញ់ និងនេសាទ ឯកឧត្តម ថោ ជេដ្ឋា រដ្ឋមន្ត្រី​ក្រសួងធនធានទឹក និងឧតុនិយម និង ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ។ ក្រសួងកសិកម្មបានឱ្យដឹងថាក្នុងកិច្ចប្រជុំនេះធ្វើឡើង ដើម្បីពិនិត្យ​វឌ្ឍនភាពការងារសម្របសម្រួលការអនុវត្តកម្មវិធីគោលនយោបាយអាទិភាព និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូជាដើម។ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានកត់សម្គាល់ពីសមិទ្ធផលជាក់ស្តែង ដែលយន្តការត្រី-វិស័យ​សម្រេចបានក្នុងពេលកន្លងមក រួមមានការ ចាប់ផ្តើមអនុវត្ត​កិច្ចអន្តរា​គមន៍រួមគ្នានៅក្នុងសហគមន៍ចំនួន៣ និងការត្រៀមបញ្ចូល​សហគម​ន៍​អាទិភាព ជាបន្តបន្ទាប់ទៀត នៅក្នុងផែនការសកម្មភាពរយៈ​ពេល​វែងរបស់ខ្លួន។ សម្រាប់ឯកឧត្តមរដ្ឋមន្ត្រី យន្តការត្រី-វិស័យ បានប្រែក្លាយពីគំនិតផ្តួច​ផ្តើមមួយ ទៅជាយន្តការអចិន្ត្រៃយ៍ ដើម្បីសម្របសម្រួលផែនការ​អភិវឌ្ឍន៍​យូរអង្វែង រវាងវិស័យទាំង៣ ស្របតាមអភិក្រម “ជីវភាពនៃ​ប្រព័ន្ធតួអង្គតែមួយ” សំដៅគាំទ្រដល់ការលើកកម្ពស់ជីវភាព ប្រជា​កសិករនៅទីជនបទ…

សៀមរាប​៖ក្រុមអ្នកសារព័ត៌មានជាតិ និងអន្តរជាតិមកពី ១០ ស្ថាប័ន បានធ្វើទស្សនកិច្ចស្វែងយល់អំពីសំណង់ផ្ទះ​ខ្មែរ​បុរាណ ដែលបាន​កែច្នៃ​ទៅជាភោជនីយដ្ឋាន មានឈ្មោះថា “ម៉ែឌី” ស្ថិតនៅភូមិមណ្ឌល​២ សង្កាត់ស្វាយដង្គំ ក្រុងសៀមរាប ខេត្តសៀមរាប។ លោក សែត កៅ​ ប្រធានសមាគមក្លឹបទេសចរណ៍សៀមរាប​ដែល​រៀបចំទស្សនកិច្ចបែបទេសចរណ៍កាលពីថ្ងៃទី២៧ ខែឧសភា បានបញ្ជាក់ថា សំណង់​ផ្ទះខ្មែរនេះគឺជាការបង្កើតឡើងក្នុងគោល​បំណងអភិរក្សសំណង់បុរាណរបស់ជាតិ ដោយបង្ហាញពីស្ថាបត្យកម្ម​ខ្មែរពី​សម័យ​អង្គរ ដែលមិនចម្លងពីបរទេសឡើយ។លោកបន្ថែមថា ជារូបភាពបញ្ជាក់ដល់​ពលរដ្ឋខ្មែរឱ្យចងចាំពីអតីតកាល និងជា​ឧបករណ៍សិក្សាសម្រាប់យុវជននិងភ្ញៀវទេសចរដែលចង់ស្វែង​យល់អំពី​វប្បធម៌ខ្មែរ។ ចំណែកកែច្នៃបង្កើតជាភោជនីយដ្ឋាន ត្រូវលោកប្រធានសមាគម​បញ្ជាក់បានរួមចំណែកក្នុងការបង្កើតការងារឱ្យយុវជនខ្មែរ ជាពិសេស​ចំពោះក្រុមគ្រួសារដែលរស់នៅតំបន់ជនបទ។សមាគមបានជ្រើស​រើសនិងបណ្តុះបណ្តាលយុវជនទាំង​នេះ​ផ្នែកបដិសណ្ឋារកិច្ច ដូចជា​ចុងភៅ អ្នកបម្រើ ដែលទាំងអស់ជាកូនខ្មែរនិងបម្រើអតិថិជនជាមួយ​ម្ហូបបែបខ្មែរបុរាណ៕ដោយ៖​ប៊ុន​រដ្ឋា

បាត់ដំបង៖អគ្គរដ្ឋាករទឹកបាត់ដំបង និងជាប្រធានក្រុមគាំទ្រគម្រោង បាន​​បើកវគ្គបណ្តុះបណ្តាល “វគ្គ២” ស្តីពីនីតិវិធី​នៃការត្រួតពិនិត្យ​តាមដាន និងវាយតម្លៃរបស់អតិថិជនរដ្ឋាករទឹក និងវគ្គបណ្តុះបណ្តាល​ពង្រឹងសមត្ថភាពបន្ថែម ស្តីពី​មូលដ្ឋានគ្រឹះនៃការនិយាយជា​សាធារណៈជូនទៅដល់បុគ្គលិកសម្របសម្រួលការងារសហគមន៍ដែលមកពីសង្កាត់ទាំង១០ នៃក្រុងបាត់ដំបងរយៈពេលបីថ្ងៃចាប់ពីថ្ងៃ​ទី២៧-៣០ ខែឧសភាឆ្នាំ២០២៥នៅសណ្ឋាគារស្ទឹងសង្កែ ក្រុងបាត់ដំបង។វគ្គនេះស្ថិតក្នុងក្របខ័ណ្ឌគម្រោងជំរុញការផ្គត់ផ្គង់ទឹក​ស្អាតនិងអនាម័យនៅក្រុងបាត់ដំបង ។ ក្នុងពិធីបើកវគ្គឯកឧត្តម អ៊ុត ក្លឹង អគ្គនាយករដ្ឋាករទឹកបាត់ដំបងបាន​ប្រាប់​មន្ត្រីជាសិក្ខាកាមថា វគ្គនេះ​មានសារសំខាន់​សម្រាប់ពេល​អនុវត្ត​ការងារជាក់ស្តែង ។ដូចនេះត្រូវយកចិត្តទុកដាក់ស្តាប់ការពន្យល់​របស់​គ្រូឧទ្ទេស។ បើមិនយល់ ឬ ឆ្ងល់​ត្រូវ​ហ៊ានសួរ។ឯកឧត្តមរំពឹងថា តាមរយៈ​ការបណ្តុះបណ្តាល”វគ្គ២”នេះ នឹងធ្វើឱ្យមន្ត្រីសម្របសម្រួល​នៃសង្កាត់​ទាំង១០​កាន់តែមានសមត្ថភាព និងងាយស្រួលក្នុងការ​បំពេញតួនាទី ភារកិច្ចរបស៎ខ្លួនកាន់តែប្រសើរថែមទៀត។ ចំណែកលោក សុខ ពុធពណ្ណរាយ មន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍និងជា​មន្ត្រីកសាង​ស្ថាប័នការ​អនុវត្តនិងអ្នកសម្របសម្រួលវគ្គបណ្តុះបណ្តាល បានគូសរំលេចពី​ការចូលរួមរបស់អតិថិជនក្នុងក្របខ័ណ្ឌគម្រោងជំរុញការផ្គត់ផ្គង់​ទឹកស្អាត និងអនាម័យ ។លោកថានេះជាគោលដៅ ដ៏សំខាន់ក្នុង​ចំណោមគោលដៅ​សំខាន់ៗជាច្រើន​របស់រាជរដ្ឋាភិបាល ក្នុងគោល​បំណងលើកកម្ពស់សិទ្ធិរបស់អតិថិជន និងការពង្រឹងភាពជាដៃគូ​នៃរដ្ឋបាលថ្នាក់ក្រោមជាតិ រវាងអ្នកផ្តល់សេវាសាធារណៈនិងអតិថិជន​ដែលជាអ្នកប្រើប្រាស់សេវា។ មន្ត្រីដដែលបន្តថា វគ្គបណ្តុះបណ្តាលនេះ នឹងធ្វើឱ្យ​សិក្ខាកាម​កាន់​តែយល់ដឹងពីសារៈសំខាន់នៃការ​ត្រួត​ពិនិត្យ​តាមដាននិងវាយតម្លៃ ,ការផ្តល់សេវាទឹកស្អាតនិងអនាម័យ។ធ្វើឱ្យមន្ត្រីសហគមន៍អាច​បកស្រាយ​បាន ពីតួនាទីរបស់​អ្នកសម្របសម្រួលសហគមន៍និង​តួនាទី​របស់អ្នកផ្តល់សេវា៕អត្ថបទ-រូបភាព៖ អ៊ុក សំអាន ប.ប

(តូក្យូ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោកសាស្រ្តាចារ្យ WATANABE Tetsuya ប្រធានវិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា (Economic Research Institute for ASEAN and East Asia-ERIA) និងសហការី ចូលជួបសម្ដែងការគួរសម និងពិភាក្សាការងារ នារសៀល ថ្ងៃទី២៩ ខែឧសភា ឆ្នាំ២០២៥ ក្នុងឱកាសនៃដំណើរទស្សនកិច្ចការងារផ្លូវការ ពីថ្ងៃទី២៨-៣១ ខែឧសភា ឆ្នាំ២០២៥ នៅទីក្រុងតូក្យូ ប្រទេសជប៉ុន។ ក្នុងឱកាសនៃជំនួប, លោកសាស្រ្តាចារ្យប្រធានវិទ្យាស្ថាន ERIA បានគោរពថ្លែងអំណរគុណយ៉ាងជ្រាលជ្រៅចំពោះ សម្ដេចបវរធិបតី ដែលបានចំណាយពេលវេលាដ៏មមាញឹកអនុញ្ញាតឱ្យរូបលោក និងសហការី ចូលជួបសម្ដែងការគួរសម និងពិភាក្សាការងារ។ លោកសាស្រ្តាចារ្យប្រធានវិទ្យាស្ថានបានគោរពជម្រាបជូនសម្ដេចបវរធិបតី អំពីលទ្ធផលនៃការសិក្សាសមិទ្ធិលទ្ធភាព (Feasibility Study) ក្នុងការរៀបចំតំបន់សេដ្ឋកិច្ចពិសេស (SEZs) សម្រាប់បម្រើដល់ការវិនិយោគជាក់លាក់​ តាមប្រភេទឧស្សាហកម្ម ឬ​ ប្រទេស ដោយបានគូសបញ្ជាក់អំពីចំណុចសំខាន់ៗ និងតម្រូវការជាក់ស្ដែងក្នុងការបង្កើតគំរូតំបន់សេដ្ឋកិច្ចពិសេសនេះ។ ជាការឆ្លើយតប, សម្ដេចបវរធិបតីបានស្វាគមន៍យ៉ាងកក់ក្ដៅ…

(តូក្យូ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ISHIGURO Norihiko ប្រធាន និងជានាយកប្រតិបត្តិ នៃអង្គការពាណិជ្ជកម្មក្រៅប្រទេសជប៉ុន (Japan External Trade Organization-JETRO) និងសហការី ចូលជួបសម្ដែងការគួរសម និងពិភាក្សាការងារ នារសៀល ថ្ងៃទី២៩ ខែឧសភា ឆ្នាំ២០២៥ ក្នុងឱកាសនៃដំណើរទស្សនកិច្ចការងារផ្លូវការ ពីថ្ងៃទី២៨-៣១ ខែឧសភា ឆ្នាំ២០២៥ នៅទីក្រុងតូក្យូ ប្រទេសជប៉ុន។ ក្នុងឱកាសនៃជំនួប, លោកនាយកប្រតិបត្តិបានគោរពថ្លែងអំណរគុណចំពោះសម្ដេចបវរធិបតី ដែលបានចំណាយពេលដ៏មមាញឹក អនុញ្ញាតឱ្យរូបលោក និងសហការី ចូលជួបសម្ដែងការគួរសម និងពិភាក្សាការងារ។ លោកនាយកប្រតិបត្តិ បានបង្ហាញនូវអារម្មណ៍រីករាយ ដែលបានចូលរួមសហការជាមួយសភាពាណិជ្ជកម្មកម្ពុជា ក្នុងការរៀបចំវេទិកាធុរកិច្ច កម្ពុជា-ជប៉ុន នៅទីក្រុងតូក្យូ នាថ្ងៃនេះ ដែលទទួលបានការចូលរួមយ៉ាងច្រើនកុះករពីតំណាងក្រុមហ៊ុន-សហគ្រាសជប៉ុន និងកម្ពុជា​។ លោកនាយកប្រតិបត្តិ ក៏បានគោរពជម្រាបជូនសម្ដេចបវរធិបតី អំពីគម្រោងដំណើរទស្សនកិច្ចរបស់គណៈប្រតិភូអង្គការ JETRO ដែលនឹងនាំវិនិយោគិនជប៉ុនជាច្រើនរូប​ មកធ្វើទស្សនកិច្ច និងស្វែងយល់បន្ថែមអំពីកាលានុវត្តភាពវិនិយោគនៅកម្ពុជា នាពេលខាងមុខ​។ ជាការឆ្លើយតប, សម្ដេចបវរធិបតី បានកោតសរសើរ…

(តូក្យូ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ Deng Minghui ប្រធានក្រុមហ៊ុន Shinto Holdings Inc., និងសហការី ចូលជួបសម្ដែងការគួរសម និងពិភាក្សាការងារ នារសៀល ថ្ងៃទី២៩ ខែឧសភា ឆ្នាំ២០២៥ នៅក្នុងឱកាសនៃដំណើរទស្សនកិច្ចការងារផ្លូវការ ពីថ្ងៃទី២៨-៣១ ខែឧសភា ឆ្នាំ២០២៥ នៅទីក្រុងតូក្យូ ប្រទេសជប៉ុន។ ក្នុងឱកាសជំនួប, លោកប្រធានក្រុមហ៊ុនបានថ្លែងអំណរគុណយ៉ាងជ្រាលជ្រៅចំពោះ សម្ដេចបវរធិបតី ដែលបានចំណាយពេលវេលាដ៏មមាញឹកអនុញ្ញាតឱ្យរូបលោក និងសហការី ចូលសម្តែងការគួរសម និងពិភាក្សាការងារ។ លោកប្រធានក្រុមហ៊ុនបានគោរពជម្រាបជូនសម្ដេចបវរធិបតីអំពីប្រតិបត្តិការអាជីវកម្មរបស់ក្រុមហ៊ុន ដែលមានបទពិសោធន៍ជាច្រើនឆ្នាំលើវិស័យបរិស្ថាន (ជាពិសេសការគ្រប់គ្រងសំណល់) និងបញ្ញាសិប្បនិម្មិត (AI) ជាដេីម។ បច្ចុប្បន្ន, ក្រុមហ៊ុនបានចុះបញ្ជីក្នុងផ្សារហ៊ុន និងកំពុងមានប្រតិបត្តិការអាជីវកម្មជាច្រើនពាក់ព័ន្ធនឹងវិស័យបរិស្ថាននៅក្នុងប្រទេសជប៉ុន។ ដោយមើលឃើញពីកំណើនសេដ្ឋកិច្ចយ៉ាងឆាប់រហ័ស ប្រកបដោយភាពធន់របស់កម្ពុជា, ក្រុមហ៊ុនមានចំណាប់អារម្មណ៍ស្វែងរកឱកាសវិនិយោគនៅកម្ពុជា ដោយផ្តោតជាសំខាន់លើវិស័យបរិស្ថាន (ការកែច្នៃសំណល់)​ និងបញ្ញាសិប្បនិម្មិត (AI)។ ជាការឆ្លើយតប, សម្ដេចបវរធិបតីបានសម្តែងការស្វាគមន៍ និងសម្តែងក្តីសោមនស្សរីករាយដែលបានជួបជាមួយលោកប្រធានក្រុមហ៊ុន និងសហការីក្នុងឱកាសនេះ។ សម្ដេចបវរធិបតីបានលើកឡើងថា កម្ពុជាមានគោលនយោបាយបើកចំហ និងស្វាគមន៍ការវិនិយោគពីគ្រប់បណ្តាប្រទេសលើពិភពលោក…

(តូក្យូ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោក DEMIZU Shigemitsu ប្រធានក្រុមហ៊ុន YACHIYO Engineering Co., Ltd. និងសហការី ចូលជួបសម្ដែងការគួរសម និងពិភាក្សាការងារ នារសៀលថ្ងៃទី២៩ ខែឧសភា ឆ្នាំ២០២៥ នៅក្នុងឱកាសនៃដំណើរទស្សនកិច្ចការងារផ្លូវការ ពីថ្ងៃទី២៨-៣១ ខែឧសភា ឆ្នាំ២០២៥ នៅទីក្រុងតូក្យូ ប្រទេសជប៉ុន។ ក្នុងឱកាសនៃជំនួប, លោកប្រធានក្រុមហ៊ុនបានសម្តែងអំណរគុណយ៉ាងជ្រាលជ្រៅជូនចំពោះសម្តេចបវរធិបតី ដែលបានចំណាយពេលវេលាដ៏មមាញឹក អនុញ្ញាតឱ្យរូបលោក និងសហការីបានចូលជួបសម្តែងការគួរសម និងពិភាក្សាការងារ។ លោកប្រធានក្រុមហ៊ុនក៏បានបង្ហាញជំនឿយ៉ាងមុតមាំថា ក្រោមការដឹកនាំរបស់សម្តេចបវរធិបតី, ប្រទេសកម្ពុជានឹងបន្តអភិវឌ្ឍរីកចម្រើនលើគ្រប់វិស័យបន្ថែមទៀតនាពេលអនាគត។ ជាមួយគ្នានេះ, លោកប្រធានក្រុមហ៊ុនបានគោរពរាយការណ៍ជូនសម្តេចបវរធិបតីអំពីវឌ្ឍនភាពនៃដំណើរការនៃគម្រោងមួយចំនួនរបស់ក្រុមហ៊ុននៅកម្ពុជា ពាក់ព័ន្ធនឹងការកែច្នៃសំណល់។ លោកក៏បានគោរពជម្រាបពីគោលបំណងពង្រីកការវិនិយោគរបស់ក្រុមហ៊ុនលើការធ្វើប្រព្រឹត្តកម្មទឹកកខ្វក់ក្នុងខេត្តព្រះសីហនុ ដោយបង្ហាញសុទិដ្ឋិនិយមថា ការវិនិយោគនេះនឹងនាំមកជាមួយនូវបទពិសោធន៍ និងបច្ចេកវិទ្យាទំនើបមកកាន់ប្រទេសកម្ពុជា សំដៅរួមចំណែកដល់ការអភិវឌ្ឍសង្គម-សេដ្ឋកិច្ច។ ទន្ទឹមនឹងនេះ, លោកប្រធានក្រុមហ៊ុនបានបន្តទៀតថា ក្រុមហ៊ុនមានបច្ចេកវិទ្យាទំនើបក្នុងការដោះស្រាយបញ្ហាជំងឺឆ្លងតាមទឹកកខ្វក់ ដែលនឹងរួមចំណែកលើកកម្ពស់សុខុមាលភាពប្រជាជន តាមរយៈការលើកកម្ពស់អនាម័យសាធារណៈ ក៏ដូចជាការចូលរួមអភិវឌ្ឍទីក្រុងឆ្លាត។ ជាការឆ្លើយតប, សម្តេចបវរធិបតីបានសម្តែងការស្វាគមន៍ និងវាយតម្លៃខ្ពស់ចំពោះក្រុមហ៊ុន ដែលកំពុងវិនិយោគលើគម្រោងការកែច្នៃសំណល់នៅកម្ពុជា។ សម្តេចបវរធិបតីបានគូសបញ្ជាក់ថា សេចក្តីត្រូវការរបស់ប្រជាពលរដ្ឋកម្ពុជាមិនខុសពីសេចក្តីត្រូវការរបស់ប្រជាពលរដ្ឋជប៉ុននោះទេ…

(ភ្នំពេញ)៖ “ការជ្រើសរើស និងការបញ្ជូនពលករទៅប្រទេសកូរ៉េពីក្រុមហ៊ុនឯកជន សាលាបណ្តុះបណ្តាល និងសមាគមណាមួយ គឺជារឿងខុសច្បាប់” នេះគឺជាការគូសបញ្ជាក់ពីអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈឯកឧត្តម ស៊ុន មេសា នៅថ្ងៃទី២៩ ខែឧសភា ឆ្នាំ២០២៥នេះ។ ឯកឧត្តមបានសង្កត់ធ្ងន់ថា៖ “គ្មានសាលាបណ្ដុះបណ្ដាល គ្មានសមាគម និងគ្មានក្រុមហ៊ុនឯកជនណាមួយដែលមានសិទ្ធិក្នុងការជ្រើសរើស និងបញ្ជូនពលករខ្មែរទៅធ្វើការងារនៅសាធារណរដ្ឋកូរ៉េនោះទេ ព្រោះការបញ្ជូនពលករ គឺយន្តការរវាងរដ្ឋាភិបាលកម្ពុជានិងរដ្ឋាភិបាលកូរ៉េតែប៉ុណ្ណោះ។ ការលួចលាក់បញ្ជូន និងជ្រើសរើសណាមួយស្មើបទល្មើស ការជួញមនុស្សដែលជាបទល្មើសព្រហ្មទណ្ឌ។ បន្ថែមលើកនេះ ឯកឧត្តមបានសង្កត់ធ្ងន់ថា សាលាបណ្ដុះបណ្ដាលភាសាកូរ៉េ សមាគម និងក្រុមហ៊ុនឯកជនមានមានសិទ្ធិបើកវគ្គបណ្ដុះបណ្ដាលជំនាញភាសា ឬជំនាញផ្សេងៗបាន ប៉ុន្ដែគ្មានសិទ្ធិក្នុងការជ្រើសរើស ឬបញ្ជូនពលករទេ។ជាមួយគ្នានេះ ក្រសួងការងារ និងបណ្ដុះបណ្ដាលវិជ្ជាជីវៈ នឹងចាត់តាមវិធានការច្បាប់ ចំពោះក្រុមហ៊ុនឯកជន សាលាបណ្ដុះបណ្ដាលភាសាកូរ៉េ និងមេខ្យល់ទាំងឡាយណាដែលបានប្រព្រឹត្តគគ្លើនផ្ទុយពីការណែនាំនេះ។ បន្ថែមពីនេះ អ្នកនាំពាក្យក្រសួងការងារ បានអំពាវនាវដល់យុវជន និងសាធារណជនដែលមានបំណងទៅធ្វើការនៅប្រទេសកូរ៉េ សូមទាក់ទងក្រសួងការងារតែមួយគត់ដែលជាអ្នកមានសិទ្ធិជ្រើសរើស និងបញ្ជូនស្របច្បាប់។ ក្រសួងការងារ និងបណ្តុះបណ្តាលវិជ្ជាជីវៈដែលជាសេនាធិការជូនរាជរដ្ឋាភិបាលកម្ពុជាដែលមានសម្តេច មហាបវរធិបតី ជាប្រមុខការពារដាច់ខាតចំពោះពលរដ្ឋរបស់ខ្លួននិងការពារប្រយោជន៍ជូនពលរដ្ឋរបស់ខ្លួនដោយមិនលើកលែងចំពោះជនទាំងឡាយណាដែលគគ្លើនចំពោះបម្រាមនោះឡើយ ហើយជាមួយគ្នានេះសូមពលរដ្ឋជួយរាយការណ៍មកក្រសួងនូវពេលបានឃើញ និងបានដឹងអំពីការផ្សព្វផ្សាយការជ្រើសរើស និងបញ្ជូនពីវិស័យឯកជនដើម្បីអាចចាត់វិធានការផ្លូវច្បាប់ទាន់ពេលវេលា៕ ដោយ ៖ ង៉ាន់ ទិត្យ

(កំពង់ឆ្នាំង)៖ សមយុទ្ធនាគមាស ឆ្នាំ២០២៥ របស់កងយោធពលខេមរភូមិន្ទ និងកងទ័ពរំដោះប្រជាជនចិន ក្រោមប្រធានបទ “ប្រតិបត្តិការប្រឆាំងភេរវកម្មរួមគ្នានិងការងារសង្គ្រោះមនុស្សធម៌” នៅកម្ពុជា បានប្រារព្ធពិធីបិទ នាព្រឹកថ្ងៃទី២៨ ខែឧសភា ឆ្នាំ២០២៥ នៅមជ្ឈមណ្ឌលហ្វឹកហ្វឺនកងរាជអាវុធហត្ថ ភ្នំជុំសែនរីករាយ ស្ថិតក្នុងស្រុកសាមគ្គីមានជ័យ ខេត្តកំពង់ឆ្នាំង ស្ថិតក្រោមអធិបតីភាព នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឧត្តមនាវីឯក វួយ វិន ហួយ “Wel Wenhul” មេបញ្ជាការរង តំបន់យោធភូមិភាគខាងត្បូង នៃកងទ័ព រំដោះប្រជាជនចិន ។ តាមរយៈការទស្សនាការសម្តែងប្រតិបត្តិការប្រឆាំងភេរវកម្មរួមគ្នា និងការងារសង្គ្រោះមនុស្សធម៌ ការដឹកនាំសមយុទ្ធនៅទីបញ្ជាការ និងរបាយការណ៍របស់ក្រុមការងារដឹកនាំសមយុទ្ធ “នាគមាស-ឆ្នាំ២០២៥” បានបង្ហាញថា កងទ័ពប្រទេសទាំងពីរ បានសហការគ្នាប្រកបដោយជំនាញវិជ្ជាជីវៈខ្ពស់ និងមានសាមគ្គីភាពយ៉ាងល្អក្នុងភាពជាដៃគូរសម្រាប់ឆ្លើយតបការគម្រាមកំហែងសន្តិសុខគ្រប់បែបយ៉ាង ទាំងនៅលើគោក និងនៅលើសមុទ្រ រួមចំណែកធ្វើឲ្យផលប្រយោជន៍ជាតិនិងប្រជាជនទាំងពីរ ត្រូវបានធានាការពារយ៉ាងរឹងមាំ ក៏ដូចជា រួមវិភាគទានដល់ការគាំពារសន្តិភាព ស្ថិរភាព វិបុលភាពក្នុងតំបន់ និងពិភពលោក។ សមយុទ្ធនាពេលនេះ បានរៀបចំទាំងនៅទីបញ្ជាការ និងអនុវត្តជាក់ស្តែងលើទីលាន នៅលើដីគោកនិងអាកាស…