(ភ្នំពេញ)៖ ក្រសួងការពារជាតិនៃព្រះរាជាណាចក្រកម្ពុជាចេញសេចក្តីប្រកាសព័ត៍មានទាក់ទងនឹងការប៉ះទង្គិចគ្នារវាងកងទ័ពកម្ពុជានិងថៃនាព្រឹកថ្ងៃទី២៨ ខែឧសភា​ ឆ្នាំ២០២៥ នៅតំបន់មុំបីនៃខេត្តព្រះវិហារ ។ ដោយ៖ ង៉ាន់ ទិត្យ

កំពង់ចាម​៖ឯកឧត្តម អ៊ុន ចាន់ដា អភិបាលខេត្តកំពង់ចាម និង ឯកឧត្តម ខ្លួត ផន ប្រធានក្រុមប្រឹក្សាខេត្ត​កាលពី​ព្រឹកថ្ងៃ​ទី២៨ ខែឧសភា ឆ្នាំ២០២៥​នេះ​ បានអញ្ជើញទទួលថវិកាពីមន្ត្រីរាជការ​ និងសប្បុរសជន​ចំនួន​ ២៧០លានរៀល​ សម្រាប់​គាំទ្រដល់មូលនិធិ គន្ធបុប្ផាកម្ពុជា។ ថវិកាខាងលើជាសកម្មមនុស្សធម៌ឆ្លើយតបនឹងយុទ្ធនាការ”១ម៉ឺនរៀល ១ម៉ឺននាក់”​ចូលរួមគាំទ្រដល់មូលនិធិគន្ធបុប្ផាកម្ពុជា ដើម្បីចូលរួមបេស កកម្មសង្រ្គោះជីវិតកុមារកម្ពុជា និងតបតាមសេចក្តីអំពាវនាវរបស់ លោកជំទាវបណ្ឌិត ពេជ ចន្ទមុន្នី ប្រធានកិត្តិយសនៃមូលនិធិគន្ធបុប្ផា កម្ពុជា ខណៈដែលយុទ្ធនាការនេះនឹងប្រារព្ធជាផ្លូវការនៅថ្ងៃទី១ ខែមិថុនា ខាងមុខ។ ដោយឡែកសម្រាប់ខេត្តកំពង់ចាម ដើម្បីចូលរួមក្នុងបេសកកម្ម ដ៏ឧត្តុងឧត្តមរបស់មន្ទីរពេទ្យគន្ធបុប្ផា ក្នុងការព្យាបាល សង្គ្រោះជីវិត កុមារកម្ពុជា និងក្នុងស្មារតី ខ្មែរជួយខ្មែរ ស្មារតីមនុស្សធម៌ ពិសេសការ ផ្តល់ស្នាមញញឹម ក៏ដូចជាសេចក្តី ស្រលាញ់ដល់កុមារកម្ពុជា ដែលកំពុងសម្រាកព្យាបាលនៅក្នុងមន្ទីរពេទ្យគន្ធបុប្ផា រដ្ឋបាលខេត្ត កំពង់ចាម បានរៀបចំនូវ​យុទ្ធនាការ ១ម៉ឺនរៀល ១ម៉ឺននាក់ និងបានធ្វើការអំពាវនាវដល់សម្តេច ឯកឧត្តម លោក ជំទាវ អ្នកឧកញ៉ា លោកឧកញ៉ា លោក-លោកស្រី…

(ភ្នំពេញ)៖ ក្នុងសន្និសីទសារព័ត៌មានពីវឌ្ឍនភាពបន្ថែមទៀតឆ្ពោះទៅការបញ្ចប់ជំងឺអេដស៍ ស្ដីពី លទ្ធផលសម្រេចបានថ្មី នៃគោលដៅ ៩៥-៩៥-៩៥ និងទស្សនកិច្ចរបស់លោកស្រី Winnie Byanyima នាព្រឹកថ្ងៃទី២៨ ខែឧសភា ឆ្នាំ២០២៥ ឯកឧត្តម ទេសរដ្ឋមន្ត្រី អៀង មូលី ប្រធានអាជ្ញាធរជាតិ ប្រយុទ្ធនឹងជំងឺអេដស៍ បានមានប្រសាសន៍ថា ការឆ្លើយតបនឹងមេរោគអេដស៍ ត្រូវឈរលើសសរស្តម្ភបី គឺ៖ ភាពជាអ្នកដឹកនាំ ឬភាពជាម្ចាស់ ភាពជាដៃគូ និងការវិនិយោគ ដែលរំលេចចេញពីគោលការណ៍ណែនាំជាយុទ្ធសាស្ត្រសំខាន់ៗ នៅក្នុងផែនការយុទ្ធសាស្រ្តជាតិ លើកទី៦ មានជាអាទិ៍ ៖ ការដឹកនាំនៅថ្នាក់ជាតិ និងសហគមន៍ និងភាពជាម្ចាស់, ការតម្រឹមជាមួយគោលដៅអភិវឌ្ឍន៍ប្រកបដោយចីរភាព និងអាទិភាពជាតិ, ការធានាចីរភាព កិច្ចសហប្រតិបត្តិពហុវិស័យ, អភិក្រមដែលផ្តោតលើមនុស្ស និងសមធម៌, អន្តរាគមន៍ដែលផ្អែកលើភស្តុតាង គណនេយ្យភាព និងតម្លាភាព ។ នេះជារបៀបដែលកម្ពុជា នឹងឈានទៅសម្រេចគោលដៅក្នុងការបញ្ចប់ជំងឺអេដស៍ ដែលជាការគំរាមកំហែង ដល់សុខភាពសាធារណៈ ។ ដោយមានកិច្ចសហការយ៉ាងជិតស្និទ្ធរវាងស្ថាប័នរាជរដ្ឋាភិបាល សង្គមស៊ីវិល សហគមន៍ កាកបាទក្រហមកម្ពុជា និងដៃគូអភិវឌ្ឍ និងដោយមានការគាំទ្រឥតឈប់ឈរ…

(ភ្នំពេញ)៖ ដើម្បីអាចស្នើសុំប្រាក់សោធនជរាភាព (ប្រាក់ចូលនិវត្តន៍ ឬប្រាក់រ៉ឺត្រែត) សមាជិក ប.ស.ស. ត្រូវភ្ជាប់ឯកសារសំខាន់ៗដូចខាងក្រោម៖ ទី១ ប័ណ្ណសមាជិក ប.ស.ស. ទី២ អត្តសញ្ញាណប័ណ្ណសញ្ជាតិខ្មែរច្បាប់ដើម (មានសុពលភាព) ឬលិខិតឆ្លងដែន (ជនបរទេស) ទី៣ សេចក្តីចម្លងសំបុត្រអាពាហ៍ពិពាហ៍ និងសេចក្តីចម្លងសំបុត្របញ្ជាក់កំណើតកូន (បើមានកូន) និងទី៣ លេខគណនីធនាគារអេស៊ីលីដា (មិនមែនលេខអេស៊ីលីដាទាន់ចិត្ត) ឬលេខគណនីធនាគារ កាណាឌីយ៉ា។ ចំណាំ៖ សមាជិក ប.ស.ស. ដែលមានសិទ្ធិទទួលបានប្រាក់សោធនជរាភាព (ប្រាក់ចូលនិវត្តន៍ ឬប្រាក់រ៉ឺត្រែត) គឺត្រូវបំពេញលក្ខខណ្ឌកំណត់មួយចំនួនដូចខាងក្រោម៖ បានចុះបញ្ជីនៅ ប.ស.ស. ផ្នែកប្រាក់សោធន បានបង់ភាគទានមក ប.ស.ស. បានយ៉ាងតិច ១២ខែ មានអាយុយ៉ាងតិច ៦០ឆ្នាំ។ សម្រាប់ផ្តល់ព័ត៌មានបន្ថែម សូមទំនាក់ទំនងមកលេខ ១២៩៧ ឬ ១២៨៦ ដោយ៖ ង៉ាន់ ទិត្យ

(ភ្នំពេញ)៖ ប្រកាសអន្តរក្រសួង ស្តីពី ការដាក់ឱ្យប្រើ “វិញ្ញាបនបត្រនិងសញ្ញាបត្រដែលពាក់ព័ន្ធនឹងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ៥ ធ្នូ ២០២២ តទៅដែលមានដាក់ QR Code ស្តង់ដា” អាចផ្ទៀងផ្ទាត់បានតាមរយៈ “ថ្នាលផ្ទៀងផ្ទាត់ឯកសារ verify.gov.kh”។ នេះបើយោងតាមសេចក្តីប្រកាសរួម រវាងក្រសួងអប់រំយុវជន និងកីឡា និងក្រសួងប្រៃសណីយ៍ និងទូរគមនាគមន៍ ដែលអប្សរា ទទួលបាននៅថ្ងៃទី២៣ ខែឧសភា ឆ្នាំ២០២៥ ។ សូមអានសេចក្តីជូនដំណឹងនៅខាងក្រោមនេះ ដោយ៖ ង៉ាន់ ទិត្យ

គូឡាឡាំពួ៖ ក្នុងជំនួបពិភាក្សាការងារ នាឱកាសអញ្ជើញចូលរួម​កិច្ចប្រជុំកំពូលអាស៊ានលើកទី ៤៦ និងកិច្ចប្រជុំ កំពូល ពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី នារសៀលថ្ងៃ ២៧ ខែឧសភា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ​ព្រះរាជាណាចក្រកម្ពុជា ជាមួយព្រះអង្គម្ចាស់ Sheikh Sabah Khaled AL-Hama AL-Sabah រជ្ជទាយាទនៃរដ្ឋកូវ៉ែត បានឯកភាព ពង្រីកទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ។ ក្នុងឱកាសនៃជំនួបនោះព្រះអង្គម្ចាស់ Sheikh Sabah Khaled Al-Hamad Al-Sabah បានគូសបញ្ជាក់ពីបំណង ក្នុងការ ពង្រឹង​ទំនាក់ទំនង និងពង្រីកកិច្ចសហប្រតិបត្តិការរវាងប្រទេសទាំងពីរ។ ជាមួយគ្នានេះ ព្រះអង្គម្ចាស់ក៏បានលើកឡើងពីការត្រៀមខ្លួន របស់​កូវ៉ែត ដើម្បីចែករំលែកបទពិសោធន៍ជាមួយកម្ពុជា ក្នុងវិស័យថាមពល (ប្រេង)។ ព្រះអង្គម្ចាស់ Sheikh បានសង្កត់ធ្ងន់អំពីការបន្តការផ្លាស់​ប្តូរ​ទស្សនកិច្ចកម្រិតខ្ពស់ ដែលនឹងបើកផ្លូវជំរុញកិច្ចសហប្រតិបត្តិការ​បន្ថែមទៀត។ ជាការឆ្លើយតប សម្តេចបវរធិបតី បានស្វាគមន៍បំណងរបស់ប្រទេស​កូវ៉ែត ក្នុងការពង្រឹងចំណងមិត្តភាពរវាងប្រទេសទាំងពីរ ដែលនេះ​ស្របទៅនឹងគោលនយោបាយរបស់រាជរដ្ឋាភិបាលកម្ពុជាក្នុងការរឹតចំណង និងពង្រីកទំនាក់ទំនងជាមួយ បណ្តា…

គូឡាឡាំពួ ៖សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ​ព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី បាន​អញ្ជើញចាកចេញពីអាកាសយានដ្ឋានអន្តរជាតិនៃប្រទេសម៉ាឡេស៊ី នាយប់ថ្ងៃទី២៧ ខែឧសភា ឆ្នាំ២០២៥ ដើម្បីបន្តដំណើរទៅ​កាន់​ប្រទេសជប៉ុន បន្ទាប់ពីបញ្ចប់បេសកកម្មប្រកបដោយជោគជ័យ និងផ្លែផ្កា ក្នុងកិច្ចប្រជុំកំពូល​អាស៊ាន លើកទី៤៦ និងកិច្ចប្រជុំកំពូល​ពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី រយៈពេលបីថ្ងៃ ។ យោងតាមសេចក្តីប្រកាសព័ត៌មាន របស់ក្រសួងការបរទេស បានឱ្យ​ដឹងថា បំពេញទស្សនកិច្ចការងារផ្លូវការនៅ ប្រទេស​ជប៉ុន របស់សម្តេច​ធិបតីនាយករដ្ឋមន្ត្រី និង លោកជំទាវបណ្ឌិត ប្រព្រឹត្តទៅពីថ្ងៃទី២៨ ដល់ថ្ងៃទី៣១ ខែឧសភា តបតាម​ការអញ្ជើញរបស់រដ្ឋាភិបាលជប៉ុន ។ អញ្ជើញអមដំណើរសម្តេចធិបតីនាយករដ្ឋមន្ត្រី និងលោកជំទាវបណ្ឌិត រួមមាន ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ រដ្ឋមន្ត្រី មន្ត្រីជាន់ ខ្ពស់នៃរាជរដ្ឋាភិបាល និងតំណាងពីវិស័យឯកជន។ ក្នុងដំណើរទស្សនកិច្ចនេះ សម្តេចបវរធិបតី នឹងមានជំនួបពិភាក្សា​ទ្វេភាគីជាមួយ ឯកឧត្តម អ៊ីស៊ីបា ស៊ីហ្គេរ៉ូ(ISHIBA Shigeru)…

គូឡាឡាំពួ៖ ក្នុងឱកាសអញ្ជើញចូលរួមកិច្ចប្រជុំកំពូលអាស៊ាន លើកទី ៤៦ និងកិច្ចប្រជុំកំពូលពាក់ព័ន្ធ នៅទីក្រុង​គូឡាឡាំពួប្រទេសម៉ាឡេស៊ី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា​ចក្រកម្ពុជា បានអនុញ្ញាត​ឱ្យ លោក Dato’ Sri Dr. Shamir Kumar Nandy, ប្រធានក្រុមហ៊ុន និងជានាយកប្រតិបត្តិនៃក្រុមហ៊ុន Bin Zayed International Berhad (BZI) (M) ចូលជួបសម្ដែង​ការគួរ​សម នាល្ងាចថ្ងៃទី២៧ ខែឧសភា ឆ្នាំ២០២៥ ។ ក្នុងឱកាសនៃជំនួប លោកប្រធានក្រុមហ៊ុន BZI បានជម្រាប​ជូន​សម្ដេច​បវរធិបតីថា ក្រុមហ៊ុនមានប្រតិបត្តិការ​អាជីវកម្ម​របស់ក្រុមហ៊ុន​នៅក្នុងតំបន់ និងបណ្ដាប្រទេសនានា​ លើវិស័យអចលនទ្រព្យ, សេវាកម្មហិរញ្ញវត្ថុ, ថាមពលស្អាត, សុខាភិបាល និងវិស័យអប់រំ។ លោកបញ្ជាក់បន្តថា អាស្រ័យលក្ខណៈអំណោយផល នៃបរិស្ថាន​វិនិយោគរបស់កម្ពុជា, ក្រុមហ៊ុន BZI មានចំណាប់អារម្មណ៍​ក្នុង​ការស្វែងរកឱកាសបណ្ដាក់ទុន វិនិយោគនៅកម្ពុជា ។ បញ្ជាក់ជូនលោកប្រធានក្រុមហ៊ុន BZI , សម្ដេចបវរធិបតី បាន​សម្ដែង​នូវក្ដីរីករាយ…

ភ្នំពេញ៖កូនសត្វត្មាតដែលជាសត្វដ៏កម្រត្រូវបានគេប្រទះឃើញទើប​តែញាស់ចេញពីសំបុកក្នុងដែនជម្រកសត្វព្រៃលំផាត់ ។ អង្គការជីវិតធម្មជាតិនៅកម្ពុជា(NatureLife Cambodia)បាន​និយាយថា”យើងពិតជាមានសេចក្តីសោមនស្សរីករាយ​យ៉ាងក្រៃលែង ក្នុងការចែករំលែកដំណឹងល្អ ពីការកត់ត្រាឃើញវត្តមានកូនសត្វត្មាត​ភ្លើង នៅទីតាំងអាហារ​ដ្ឋានត្មាតរបស់​យើងក្នុងដែនជម្រកសត្វព្រៃ​លំផាត់”។ ចាប់ពីចុងខែឧសភា នេះទៅគឺជាពេលវេលាដែលកូនត្មាតទាំងនេះចាប់​ផ្តើម​រៀនហើរចេញពីសំបុកជាលើកដំបូង ដើម្បីស្វែងរកចំណីតាមមេ​របស់ពួកវា។ សូមជម្រាបថា ត្មាតភ្លើង ដែលឈ្មោះជាភាសាបរទេស red-headed vulture មានកម្ពស់ពី ៧៦ ទៅ ៨៦ សង់ទីម៉ែត្រ។ វាមានដងខ្លួន​ពណ៌​​ខ្មៅ។ ឯក្បាល និង ជើងពណ៌ក្រហម ។ភ្លៅរបស់វាមានរោម​ពណ៌ស និងមានឆ្នូតស តាម បណ្ដោយ​កណ្ដាលស្លាបផ្នែកខាង​ក្រោម។ ចំណែកសត្វត្មាតភ្លើងញីមានភ្នែកពណ៌ខ្មៅ និងឈ្មោលមាន ភ្នែក ពណ៌លឿង។ ទីជម្រករបស់វាគឺតំបន់ព្រៃល្បោះដែលមានអូរនៅខេត្តព្រះវិហារ ស្ទឹងត្រែង ក្រចេះ រតនគិរី និងខេត្តមណ្ឌលគិរី នៃប្រទេស កម្ពុជា ។ គេឃើញមានវត្តមានរបស់ត្មាតភ្លើងពេញមួយឆ្នាំ ។រដូវបន្តពូជរបស់​ត្មាតភ្លើងគឺចាប់ពីខែតុលា ដល់ខែឧសភា ក្នុងមួយ រដូវមានពងកូន​ចំនួនមួយ ។ អង្គការជីវិតធម្មជាតិនៅកម្ពុជាបានលើកឡើងថា អាហារដ្ឋានត្មាតនៅ​ដែនជម្រកសត្វព្រៃលំផាត់ កំពុងរួមចំណែកយ៉ាង​សំខាន់ក្នុងការផ្តល់​អាហារបន្ថែមដល់សត្វត្មាត ដែលជាប្រភេទសត្វរងគ្រោះជិត​ផុតពូជ​បំផុត។ ក្នុងខែឧសភា ឆ្នាំ២០២៥​នេះ អាហារដ្ឋានត្មាត​របស់យើង​បានកត់ត្រាឃើញគ្រួសារត្មាតភ្លើង ដែលមានសមាជិក ៥…