សៀមរាប៖ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍​និងគណៈកម្មាធិការ សម្របសម្រួលការអភិវឌ្ឍ សេដ្ឋកិច្ចក្រៅប្រព័ន្ធ សហការជាមួយរដ្ឋបាលខេត្តសៀមរាប និងសមាគមសហព័ន្ធ​យុវជន​សេដ្ឋកិច្ចកម្ពុជាបានរៀបចំ យុទ្ធនា​ការចុះឈ្មោះអ្នកសេដ្ឋកិច្ចក្រៅ​ប្រព័ន្ធតាមថ្នាលឌីជីថល។ យុទ្ធនាការនេះប្រព្រឹត្តទៅកាលពីរសៀលថ្ងៃទី១៩ ខែមីនា ឆ្នាំ ២០២៥ ក្រោមវត្តមានឯកឧត្តម ហែម វណ្ណឌី រដ្ឋមន្ត្រី ក្រសួង​ឧស្សាហកម្ម វិទ្យាសាស្ត្របច្ចេកវិទ្យានិងនវានុវត្តន៍និងប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ច​ក្រៅប្រព័ន្ធ និង ឯកឧត្តម ប្រាក់ សោភ័ណ អភិបាលខេត្តសៀមរាបព្រម​ប្រជាពលរដ្ឋដែលជា​អ្នក​សេដ្ឋកិច្ចក្រៅប្រព័ន្ធ​ចំនួន​ជាង ៣ ៥០០ នាក់។ ឯកឧត្តម ប្រាក់ សោភ័ណ បានលើកឡើងថា ការចុះឈ្មោះអ្នក​សេដ្ឋកិច្ច​​ក្រៅប្រព័ន្ធ គឺជាវិធីសាស្ត្រសំខាន់ក្នុងការបង្កើន​ការគាំ​ពារ​និងការពង្រឹងសមត្ថភាពសេដ្ឋកិច្ច។ ការចុះឈ្មោះ​នឹងជួយធានាឱ្យ​មានភាពរឹងមាំ និងអាចប៉ាន់ប្រមាណបាន ក្នុងវិស័យអាជីវកម្ម ការវិនិយោគ និងការចិញ្ចឹមជីវិត។ ការចុះឈ្មោះនេះក៏ជាផ្នែកមួយនៃ យុទ្ធសាស្ត្របញ្ចកោណដំណាក់​កាលទី១ របស់​រាជរដ្ឋាភិបាល​នីតិកាលទី ៧ ដែលផ្ដោតលើ មនុស្ស ផ្លូវ ទឹក ភ្លើង និងបច្ចេកវិទ្យា។ឯកឧត្តមបន្ថែមថា សេដ្ឋកិច្ចក្រៅប្រព័ន្ធមិនមែនជាសេដ្ឋកិច្ច​ខុស​ច្បាប់ទេ តែជាមុខរបរដែលមិនទាន់បានចុះបញ្ជីជា​ផ្លូវការ​ទេ។ ដូច្នេះការចុះឈ្មោះនឹងជួយពង្រឹងសេដ្ឋកិច្ចជាតិ និងធ្វើឱ្យប្រជាជន​ទទួលបានការគាំពារជាច្បាស់លាស់។ ឯកឧត្តម ឡី សុភាព…

ព្រះវិហារ៖អគ្គស្នងការនគរបាលជាតិ នាយឧត្តមសេនីយ៍ ស ថេត បានអញ្ជើញជួបសំណេះសំណាល សាក​សួរ​សុខទុក្ខ​កងកម្លាំង​នគរបាលការពារព្រំដែនប្រចាំទិសភូមិភាគទី៤ និងទី៥ កាលពី​រសៀលថ្ងៃទី១៩ ខែមីនា ឆ្នាំ២០២៥ នៅ​ឃុំស្រអែម ស្រុមជាំក្សាន្ត ខេត្តព្រះវិហារ នាឱកាសបុណ្យចូលឆ្នាំថ្មី ប្រពៃណីជាតិនឹង​ឈានចូល​មកដល់​នាពេលខាងមុខ។ ក្នុងឱកាសនេះនាយឧត្តមសេនីយ៍ ស ថេត លើកឡើងប្រាប់​ដល់​កងកម្លាំងនៅទីនោះដោយ​កត់សម្គាល់នូវសភាពការណ៍​ថ្មីៗ ជា​ពិសេសឧបាយកលទុច្ចរិតរបស់ក្រុមប្រឆាំងជ្រុលនិយម ដែលនៅ​ចិញ្ចឹមចិត្តប៉ុនប៉ង ផ្ដួលរំលំ រាជរដ្ឋាភិបាល ស្របច្បាប់ តាមមធ្យោ​បាយផ្សេងៗ ។ ទន្ទឹមនេះនាយឧត្តមសេនីយ៍ ស ថេត បានណែនាំដល់កង​កម្លាំងការពារព្រំដែន បន្តរួមគ្នាទប់ស្កាត់បទល្មើសនានា ដែល​អាចកើតឡើងនៅតាមព្រំដែន ពិសេសបទល្មើសឆ្លងដែនខុសច្បាប់ និងបទល្មើសគ្រឿងញៀន ។ត្រូវពង្រឹង និងយក​ចិត្ត​ទុកដាក់ សហការជាមួយបណ្ដាអង្គភាពពាក់ព័ន្ធ និងប្រទេសជាមិត្ត ដើម្បីផ្លាស់ប្ដូរព័ត៌មានគ្នាទៅវិញទៅមក សំដៅបង្ការ ទប់ស្កាត់ និងឈានទៅបង្ក្រាបបទល្មើសឱ្យបានទាន់ពេលវេលា៕ដោយ៖ឡុង សំបូរ

បន្ទាយមានជ័យ៖ រដ្ឋបាលខេត្ត និងមន្ទីរអប់រំ យុវជន និងកីឡា​ខេត្ត​បន្ទាយមានជ័យកាលពីថ្ងៃទី១៩ ខែមីនា​បានសម្ពោធ​ដាក់ឱ្យ​ប្រើប្រាស់​ហេដ្ឋារចនាសម្ព័ន្ធទឹកស្អាត អនាម័យ និងប្រគល់​ជំនួយខ្នាត​តូចរបស់​គម្រោងប្រព័ន្ធសិក្សាពីចម្ងាយ នៃគម្រោងសាលាបៃតង ដំណាក់កាល​ទី៤នៅសាលាបឋមសិក្សាទឹកថ្លា។ ក្នុងឱកាសនេះលោក ឈូ ប៊ុនរឿង ប្រធានមន្ទីរអប់រំ យុវជននិងកីឡា​ខេត្តបន្ទាយមានជ័យ បានលើកឡើងថា ​ការ​អប់រំក៏​ដូចជាការ​បំផុស​ចលនាជាប្រចាំឱ្យសិស្សានុសិស្សឬយុវជនចូលរួមធ្វើអនាម័យ បរិស្ថាន​រស់នៅ ទាំងនៅសាលារៀន ក៏ដូច​ជានៅផ្ទះ គឺជួយឱ្យ​សិស្សមានទម្លាប់​រស់នៅស្អាត,​មានអនាម័យ​,ចេះស្រឡាញ់ភាពបៃតង​ស្រស់ឬបរិស្ថាន​ប្រកប​ដោយ​ខ្យល់​អាកាសបរិសុទ្ធ ជាមួយភាពបៃតងនៃការដាំដើម​ឈើជាម្លប់និងដំណាំបន្លែនៅតាមសាលាឬនៅតាមផ្ទះជាដើម។ លោកប្រធានមន្ទីរអប់រំបន្តថា គោលការណ៍សាលាបៃតងជាវិធាន​មួយនៃវិធានការគន្លឹះទាំងបួនរបស់សម្ដេចបវរធិបតី ហ៊ុន ម៉ាណែត ទៅលើកិច្ចការអភិវឌ្ឍវិស័យអប់រំ ។ដោយឡែកខេត្តបន្ទាយមានជ័យ​បានចាប់អនុវត្តគោលការណ៍​សាលា​បៃតងនេះចាប់ពីឆ្នាំ២០១៨មក​ដល់២០២៣ទូទាំងខេត្តបាន៥៣សាលា ហើយជាទិសដៅពីឆ្នាំ​២០២៤​ដល់ឆ្នាំ​២០២៦ អនុវត្តបាន២០សាលាទៀត។ លោកស្រី រស់ សុផានី អភិបាលរងខេត្តបន្ទាយមានជ័យ បានបញ្ជាក់​ថា តាមរយៈការជំរុញអនុវត្តសាលាបៃតងនេះ សូមមន្ទីរ និងការិយា​ល័យអប់រំ រដ្ឋបាលក្រុងស្រុក ជាមួយអង្គការដៃគូ បន្តការបំពាក់សម្ភារៈ និងរូបវ័ន្តផ្នែកអនាម័យ ដូចជាបង្គន់អនាម័យ សម្ភារៈលាងសម្អាតដៃ រួមទាំងប្រព័ន្ធទឹកស្អាតមាននៅតាមសាលារៀន ។ សូមជម្រាបថា ហេដ្ឋារចនាសម្ព័ន្ធ អនាម័យប្រគល់ជូនសាលា​ពេល​នេះរួមមាន បង្គន់អនាម័យ ឡដុតសម្រាម កន្លែង​លាងសម្អាតដៃ និងធុងចម្រោះទឹកស្អាតដល់សាលាគោលដៅថ្មីចំនួន២០សាលា និងជំនួយខ្នាតតូចរបស់​គម្រោងប្រព័ន្ធ​សិក្សាពីចម្ងាយចំនួន៤០សាលា ។ជំនួយទាំងអស់…

កំពង់ឆ្នាំង ៖លោកសាន់ អូស្មាន់ អភិបាលរងក្រុងកំពង់ឆ្នាំង បាន​អំពាវនាវដល់គ្រប់​ស្ថាប័នរដ្ឋ ឯកជន វត្តអារាម ប្រជាពល​រដ្ឋ​​សូម​ចូលរួមទុកដាក់សំរាមឱ្យបានល្អ វេចខ្ចប់និងទុកដាក់ឱ្យមាន​សណ្ដាប់​ធ្នាប់សម្រាប់ការដឹកជញ្ជូនយកទៅចោល។ លោក សាន់ អូស្មាន់ អំពាវនាវបែបនេះនៅថ្ងៃទី២០ ខែមីនា ឆ្នាំ​២០២៥ ក្នុងពេលដែលលោកដឹកនាំធ្វើពលកម្ម​នៅសួន​វិមាន​ឯករាជ្យនិងសួនដើមពោធិ៍ ស្ថិតក្នុងក្រុងកំពង់ឆ្នាំង ដោយមានកា​រ​ចូលរួមពី មន្រ្តីរាជការមន្ទីរបរិស្ថានខេត្ត មន្ទីរព័ត៌មានខេត្ត សង្កាត់ប្អេរ និងសិស្សានុសិស្សប្រមាណ៥០០នាក់៕ដោយ៖សុខ គឹមសៀន

ភ្នំពេញ៖ឯកឧត្តម អ៉ឺមេណេហ្ស៉ីលដូ គុប៉ា ឡូប៉េស(Ermenegildo Krupa Lopes) ឯកអគ្គរដ្ឋទូតនៃសាធារណរដ្ឋ ប្រជាធិបតេយ្យ​ទីម័រខាងកើតប្រចាំនៅកម្ពុជានិង ឯកឧត្តម ហេង សួរ រដ្ឋមន្ត្រី​ក្រសួង​ការងារ និងបណ្តុះបណ្តាលវិជ្ជាជីវៈ បាន​បង្ហាញនូវការស្វាគមន៍ និងជំរុញឱ្យមានកិច្ចសហប្រតិបត្តិការទ្វេភាគីរវាងកម្ពុជា និងទីម័រខាង​កើត លើវិស័យ​បណ្តុះបណ្តាលបច្ចេកទេស និងវិជ្ជាជីវៈ(TVET) ។ ឯកឧត្តមរដ្ឋមន្ត្រី បានលើកឡើងថាកម្ពុជា និងទីម័រខាងកើត មានទំនាក់​ទំនងការទូតជាមួយគ្នារយៈពេល២៣ឆ្នាំមកហើយ ។ដូចនេះឯកឧត្តម ជឿជាក់ថាតាមរយៈបេសកកម្មការទូតរបស់ឯក​អគ្គរដ្ឋទូតប្រចាំនៅកម្ពុជា នឹងជួយពង្រឹងទំនាក់ទំនង និងកិច្ចសហ​ប្រតិបត្តិការរវាងប្រទេសទាំងពីរកាន់តែរឹងមាំថែមទៀត។ចំណែក​ឯកឧត្តមឯកអគ្គរដ្ឋទូតទីម័រខាងកើត បាន​គាំទ្រចំពោះការ​ជំរុញឱ្យមានកិច្ចសហប្រតិបត្តិការរវាងប្រទេសទីម័រ​ខាងកើត និងកម្ពុជា ក្នុងការបណ្តុះបណ្តាលធនធានមនុស្ស និងកម្លាំងពលកម្ម​ជំនាញរវាងប្រទេសទាំងពីរ ហើយក៏នឹង​ជំរុញដល់កិច្ចសហ​ប្រតិបត្តិការលើវិស័យការងាររួមគ្នាផងដែរ៕ដោយ ៖វ៉ាន់ ទិត្យ

ភ្នំពេញ៖សន្និបាតបូកសរុបការងារកំចាត់រោគរបេងទូទាំងប្រទេស​លើកទី២៨ ប្រចាំឆ្នាំ២០២៤ រយៈពេល២ថ្ងៃ ត្រូវបានបិទ​បញ្ចប់​ដោយទទួលបានលទ្ធផលខ្ពស់លើសការរំពឹងទុក និងប្តេជ្ញាបន្តអនុវត្ត​យុទ្ធសាស្រ្តបញ្ចប់ជំងឺរបេងនៅឆ្នាំ២០៣០ ឱ្យជោគជ័យតាមការ​គ្រោងទុក ។ ពិធីបិទបញ្ចប់សន្និបាតបានប្រព្រឹត្តទៅកាលពី​រសៀល​ថ្ងៃទី១៩ ខែមីនា ឆ្នាំ២០២៥ ក្រោមអធិបតីភាព​ឯកឧត្តម វេជ្ជបណ្ឌិត ម៉ៅ តាន់អ៊ាង រដ្ឋលេខាធិការក្រសួងសុខាភិបាលនៅសណ្ឋាគារតារា​អ៊ែរផត រាជធានីភ្នំពេញ ។ យោងតាមរបាយការណ៍បង្ហាញថា កម្មវិធីជាតិកំចាត់រោគរបេង បាន​សម្រេចការបន្តរក្សាបានអត្រាព្យាបាលជោគជ័យជាង ៩០ភាគ​រយនិងបានស្រាវជ្រាវរកឃើញជំងឺរបេងគ្រប់សណ្ឋានសរុបចំនួន ៣៣ ៧៩៦ករណី ។ កម្ពុជាបានកាត់បន្ថយអត្រាឈឺ និងអត្រាស្លាប់ដោយសារជំងឺរបេងគួរ​ឱ្យកត់សម្គាល់ដោយអត្រាឈឺ ឬអាំងស៊ីដង់ បាន​ធ្លាក់ចុះពី ៥៧៩​ករណី ក្នុងចំណោមប្រជាជន ១០ម៉ឺននាក់ នៅឆ្នាំ២០០០ មកត្រឹម​៣៣៥​ករណី ក្នុងចំណោមប្រជាជន ១០ម៉ឺននាក់ នៅឆ្នាំ២០២៣ ដែលស្មើនឹងការធ្លាក់ចុះ៤២ភាគរយ ។ចំណែកអត្រាស្លាប់បានធ្លាក់ចុះ​ពី ៤២ករណី ក្នុង​ចំណោមប្រជាជន ១០ម៉ឺននាក់ ក្នុងឆ្នាំ២០០០ មកត្រឹម ២១ករណី ក្នុងចំណោមប្រជាជន ១០ម៉ឺននាក់ នៅឆ្នាំ​២០២៣ ដែលធ្លាក់ចុះ ៥០ភាគរយ ។ មន្រ្តីជំនាញបានអះអាងថា បើទោះជាកម្ពុជានៅមានករណីជំងឺរបេង​ច្រើននៅឡើយ ប៉ុន្តែបញ្ហាប្រឈមមួយចំនួន ត្រូវ​ដោះស្រាយ ដើម្បីឱ្យកម្មវីធីជាតិ…

ភ្នំពេញ៖ក្រុមការងារចម្រុះដឹកនាំដោយឯកឧត្តម យស់ ឆោមណារ៉ាឌី រដ្ឋលេខាធិការក្រសួងរៀបចំដែនដី នគរូបនីយកម្ម និង សំណង់ គណៈ​បញ្ជាការឯកភាព រដ្ឋបាលខណ្ឌ៧មករា ដឹកនាំដោយ លោក ឌី រ័ត្នខេមរុណ អភិបាលរង ខណ្ឌ៧មករា នៅថ្ងៃទី២០ ខែមីនា ឆ្នាំ២០២៥ បានចុះលើកស្លាកប៉ាណូស្តីពីការចាត់វិធានការ​បញ្ជៀស​គ្រោះថ្នាក់ បិទច្រកជណ្តើរ​នៅ​អគារចាស់ទ្រុឌទ្រោម​ខ្លាំង អតីត​អគារអង្គរមានជ័យ ស្ថិតនៅតាមបណ្តោយផ្លូវលេខ៩៣ (មហាវិថី​ព្រះមុនីវង្ស) កែងនិង​ផ្លូវលេខ១២៨ (មហាវិថីកម្ពុជា​ក្រោម) ភូមិ១ សង្កាត់មនោរម្យ ខណ្ឌ៧មករា ។ តាមរយៈសេចក្ដីប្រកាសព័ត៌មានស្តីពីការចាត់វិធានការបញ្ជៀសគ្រោះ ថ្នាក់ចំពោះសំណង់អគារអតីតសណ្ឋាគារ​អង្គរមាន​ជ័យ បានប្រាប់​សាធារណជនថា ការវាយតម្លៃគុណភាព និងសុវត្ថិភាពសំណង់អគារ​នេះត្រូវបានចាត់ថ្នាក់ជា សំណង់​ដែលមានសភាពគ្រោះថ្នាក់ និង​អាចកើតឡើងគ្រោះថ្នាក់ភ្លាមៗដោយយថាហេតុណាមួយ ។ ដើម្បី​បង្ការគ្រោះថ្នាក់ដល់​សំណង់ជិតខាង ដល់អាយុជីវិត អ្នកជិតខាង និង សាធារណជន ក្រសួងរៀបចំដែនដីនគរូបនីយកម្ម និងសំណង់រដ្ឋបាល​រាជធានីភ្នំពេញអំពាវនាវឱ្យប្រជាពលរដ្ឋដែលមិនទាន់ចាកចេញពីសំណង់អគារនេះ ដែលមានសភាពគ្រោះថ្នាក់ រកទី​កន្លែងស្នាក់នៅថ្មី​ដែល​មានសុវត្ថិភាពជាបន្ទាន់ ។ តាមរយៈសេចក្តីប្រកាសដដែលបានទុកពេល ៣០ថ្ងៃ គិតចាប់ពី​ថ្ងៃប្រកាសព័ត៌មាន សម្រាប់ប្រជាពលរដ្ឋដែលពុំទាន់ចាកចេញ សូម​ចាកចេញ។បន្តមកក្រសួងរៀបចំដែនដី នគរូបនីយកម្ម និង សំណង់…

ភ្នំពេញ៖រដ្ឋសភា និងព្រឹទ្ធសភានៃព្រះរាជាណាចក្រកម្ពុជារួមជាមួយ​ធនាគារ​ជាតិនៃកម្ពុជានៅថ្ងៃទី២០ ខែមីនា ឆ្នាំ២០២៥ បានរៀបចំ​សិក្ខាសាលាស្តីពី “ប្រាក់រៀល ប្រព័ន្ធទូទាត់បាគង និងខេអេចឃ្យូអរ”​នៅវិមានរដ្ឋសភា ក្រោមអធិបតីភាព ឯកឧត្តម​កិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា និងជាតំណាងដ៏ខ្ពង់ខ្ពស់ សម្តេច​មហា​រដ្ឋសភា​ធិការ​ធិបតី ឃួន សុដារី ប្រធានរដ្ឋសភា ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា ។ ថ្លែងបើកសិក្ខាសាលា ឯកឧត្តមកិត្តិសេដ្ឋាបណ្ឌិត ជាម យៀប អនុ​ប្រធានទី១ រដ្ឋសភាបញ្ជាក់ថា « ប្រាក់រៀល បានលើក​ស្ទួយអត្ត​សញ្ញាណ​ជាតិ បានកសាងជំនឿទុកចិត្ត ជួយជំរុញសាមគ្គីភាព និងបណ្តុះការបង្រួបបង្រួម និងស្មារតីជាតិនិ​យម​នៅក្នុងព្រះរាជា​ណាចក្រកម្ពុជា។ ដូច្នេះការជំរុញការប្រើប្រាស់ប្រាក់រៀលកាន់តែច្រើន កាន់តែជំរុញប្រសិទ្ធភាពគោល​នយោបាយរូបិយវត្ថុ ដែលជួយក្នុង​ការគ្រប់គ្រងគោលនយោបាយម៉ាក្រូសេដ្ឋកិច្ច និងអភិវឌ្ឍសង្គម-សេដ្ឋកិច្ចប្រកបដោយ​ចីរភាព»។ ចំណែកឯកឧត្តម ឈាង វុន ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា បានរំលេចអំពី​ប្រវត្តិនៃ​ការកកើត​ប្រាក់រៀល…

កំពង់ចាម៖បន្ទាប់ពីដំណើរសាងសង់រួចរាល់នូវអគារមណ្ឌលសុខភាពពាមកោះស្នា ព្រមទាំងហេដ្ឋារចនាសម្ព័ន្ធសំខាន់​ៗសម្រាប់​បម្រើសេវាសុខាភិបាល ជូនប្រជាជនតាមដងទន្លេយ៉ាងហោចចំនួនបីឃុំ តម្លៃជាង១៤ម៉ឺនដុល្លារអាមេរិក​ បាន​ប្រារព្ធពិធី​សម្ពោធ​ជាផ្លូវការកាលពីព្រឹកថ្ងៃទី១៩ ខែមីនា ឆ្នាំ២០២៥ ក្រោមអធិបតីភាពឯកឧត្តមសន្តិបណ្ឌិត នេត សាវឿន ឧប​នាយក​រដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម ។ អគារមណ្ឌលសុខភាពពាមកោះស្នា ស្ថិតក្នុងឃុំពាមកោះស្នា ស្រុកស្ទឹងត្រង់ ខេត្តកំពង់ចាម។មណ្ឌលសុខភាព​ពាម​កោះស្នា នឹង​ត្រូវបាន​ប្រើប្រាស់​ជាបង្អែកសម្រាប់ប្រជាពលរដ្ឋ៣ឃុំតាមដងទន្លេ ។ក្នុងនោះមាន ឃុំពាមកោះស្នា ព្រះអណ្តូង និង​ឃុំខ្ពបតាងួន ។ ជម្រាបជូនគណៈអធិបតី ,ឯកឧត្តម អ៊ុន ចាន់ដា អភិបាលខេត្តកំពង់ចាមបានមានប្រសាសន៍ថា នៅឆ្នាំ២០២៤ក្រោមការ​យកចិត្តទុកដាក់ពីលោកជំទាវ លាង វួចឆេង ហ៊ុនណង ដោយលោកជំទាវបានមើលឃើញពីការលំបាក​ក្នុងការផ្តល់សេវា ដោយអគារមណ្ឌលសុខភាព គ្មានបន្ទប់គ្រប់គ្រាន់ សម្រាប់ផ្តល់សេវាសុខាភិបាលជូនប្រជាជន ។ដោយមានបំណងចង់​ពង្រីកសេវាឱ្យបានច្រើនបន្ថែមទៀតដើម្បីជាបង្អែកសម្រាប់ប្រជាជននៃបីឃុំ តាមមាត់ទន្លេ មាន ៖ឃុំពាមកោះស្នា ព្រះអណ្តូង និងឃុំខ្ពបតាងួន ទើបលោកជំទាវ លាង វួចឆេង ហ៊ុនណង បានសម្រេចចិត្តសាងសង់អគារថ្មីមួយខ្នង ,ទទឹង ១៣ម៉ែត្រ បណ្តោយ ១៩ម៉ែត្រ មាន ៨បន្ទប់ មានវេរ៉ង់ដាខាងមុខ សម្រាប់រថយន្តគិលានសង្គ្រោះដឹកអ្នកជំងឺឡើង-ចុះ…

កំពង់ចាម៖ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី​និងជាប្រធានអាជ្ញាធរជាតិប្រយុទ្ធប្រឆាំងគ្រឿង​ញៀន នៅ​រសៀល​ថ្ងៃទី១៩ ខែមីនា ឆ្នាំ២០២៥ បានអញ្ជើញជាអធិបតីក្នុងពិធី​បិទវគ្គបណ្តុះបណ្តាលកម្រិត​បឋមវិជ្ជាជីវៈ​នគរ​បាលជំនាន់ទី១៨ លើកទី៣នៅសាលានគរបាលជាតិភូមិភាគ២ ខេត្តកំពង់ចាម ។ ក្នុងឱកាសនេះឯកឧត្តមសន្តិបណ្ឌិត នេត សាវឿន ឧបនាយក​រដ្ឋមន្ត្រីមានប្រសាសន៍ថា ការអនុវត្តកម្មវិធីនយោបាយ និងយុទ្ធសាស្ត្រ​បញ្ចកោណរបស់រាជរដ្ឋាភិបាល នីតិកាលទី៧នៃរដ្ឋសភា ក្រោមការ​ដឹកនាំដ៏ឈ្លាសវៃរបស់សម្តេចមហាបវរធិបតី ហ៊ុន ម៉ាណែត ក្រសួង​មហាផ្ទៃបាន​ដាក់​ចេញនូវកម្មវិធីកំណែទម្រង់ច្បាស់​លាស់​ទាក់ទង​នឹងវិស័យសន្តិសុខ ។ ឯកឧត្តមសន្តិបណ្ឌិត នេត សាវឿន​ បន្តថា កំណែទម្រង់ច្បាស់លាស់​នេះ ​ផ្តោត​លើគោលដៅ៣សំខាន់ៗគឺ៖ ទី១.ការបណ្តុះ​បណ្តាល​ដើម្បី​ពង្រឹងសមត្ថភាពវិជ្ជាជីវៈកងកម្លាំង​នគរបាលជាតិ​ក្នុងការ​បម្រើជាតិ និងប្រជាពលរដ្ឋឱ្យបាន​កាន់តែល្អ​ប្រសើរ ,ទី២. ការពង្រឹងសមត្ថភាព និងបន្តជំរុញវឌ្ឍនភាពបណ្ឌិត្យ​សភា​នគរបាលកម្ពុជានិងសាលានគរ​បាល​ជាតិភូមិភាគ​នានានិង ទី៣.ការបំពាក់សម្ភារៈ ឧបករណ៍ទំនើបៗ​និងមធ្យោបាយ​គ្រប់គ្រាន់សម្រាប់គាំទ្រដល់កិច្ចប្រតិបត្តិការ និងការ​បំពេញភារកិច្ចប្រចាំថ្ងៃរបស់មន្ត្រីនគរបាលជាតិ។ ទន្ទឹមនេះដែរឯកឧត្តមសន្តិបណ្ឌិត បានកោតសរសើរបណ្ឌិត្យ​សភានគរបាលកម្ពុជា និងសាលានគរបាលជាតិ​ភូមិភាគ២ ដែលមានការអភិវឌ្ឍគួរឱ្យកត់សម្គាល់៕ដោយ៖លី ពៅ