(ភ្នំពេញ)៖ ក្នុងឱកាសអញ្ជើញដឹកនាំវេទិការាជរដ្ឋាភិបាល និងរដ្ឋបាលថ្នាក់ក្រោមជាតិ នាព្រឹកថ្ងៃ១៨ ខែមីនា ចំខួប ៥៥ឆ្នាំ នៃការធ្វើរដ្ឋប្រហារទម្លាក់សម្តេច នរោត្តម សីហនុ ចេញពីព្រះប្រមុខរដ្ឋនោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក៏បានឆ្លៀតទាញចំណាប់អារម្មណ៍ អ្នកចូលរួមកម្មវិធីឱ្យចាប់អារម្មណ៍លើព្រឹត្តិការណ៍ប្រវត្តិសាស្ត្រ ដែលនាំឱ្យកម្ពុជាខ្ទេចខ្ទាំអន្តរាយផងដែរ ។ សម្តេចនាយករដ្ឋមន្ត្រី បានគូសរំលេចថា ថ្ងៃនេះកាលពី ៥៥ឆ្នាំមុន កម្ពុជា បានចាប់ផ្តើមដំណើរ ជាមួយរបត់ថ្មី ដែលមានភាពមិនច្បាស់លាស់។ ប៉ុន្តែ ៥៥ឆ្នាំក្រោយ កម្ពុជា កំពុងស្ថិតក្នុងម្លប់នៃសុខសន្តិភាព ហើយកំពុងបន្តប្រឹងប្រែង ដើម្បីជំរុញកិច្ចអភិវឌ្ឍន៍ ជាបន្តទៀត ៕ ដោយ ៖ វណ្ណលុក

បាត់ដំបង៖មិនយូរប៉ុន្មានប្រជាពលរដ្ឋភូមិព្រែកត្រប់ ឃុំព្រែកនរិន្ទ ស្រុកឯកភ្នំ ខេត្តបាត់ដំបង នឹងទទួលបានផ្លូវល្បាយក្រួសមួយ​ខ្សែ​ដែលធំទូលាយជាងមុនប្រវែងជិតបីគីឡូម៉ែត្រខណៈបច្ចុប្បន្នការដ្ឋានស្ថាបនាផ្លូវមួយខ្សែនេះ កំពុងតែជំរុញយ៉ាងមមាញឹក ។ ក្នុងសប្ដាហ៍នេះនាយឧត្តមសេនីយ៍ សេង យូអ៊ាន់ អគ្គនាយកនៃ​អគ្គនាយកដ្ឋានភស្តុភានិងហិរញ្ញវត្ថុនៃក្រសួងមហាផ្ទៃ និង​ជា​ប្រធានក្រុមការងាររាជរដ្ឋាភិបាល ចុះមូលដ្ឋានស្រុកឯកភ្នំ និងអម​ដំណើរដោយឯកឧត្តម ខាត់ សាត ប្រធាន​ក្រុម​ការងារ​ចុះជួយ​ឃុំព្រែកហ្លួង បានអញ្ជើញពិនិត្យមើលការដ្ឋានស្ថាបនាផ្លូវដី​ល្បាយ​ក្រួសមួយខ្សែនេះ ដែលអមដោយការសាង​សង់​លូប្រអប់ចំនួនបីកន្លែង​ផងដែរ ។សមិទ្ធផលនេះ ក៏ការឆ្លើយតបតាមសំណូមពររបស់ប្រជា​ពលរដ្ឋ​នៅ​ក្នុងមូលដ្ឋាន បានទាន់​ពេលវេលា ។ ក្នុងឱកាសនោះដែរឯកឧត្តមប្រធានក្រុមការងារបន្តចុះពិនិត្យសមិទ្ធផលនានានៅក្នុងឃុំព្រែកហ្លួងដូចជា ការសាងផ្លូវលំ, ការកាយប្រឡាយ​និងធ្វើទំនប់ទប់ទឹកជំនន់ស្ទឹងសង្កែ កុំឳ្យហូរចូលលំនៅដ្ឋាន ដី​ស្រែចម្ការ​របស់ប្រជាពលរដ្ឋ ដែលរស់នៅ​ប្របមាត់ស្ទឹងសង្កែ ក្នុងមូលដ្ឋានឃុំ ។ ចំណែកលោកស្រី សឿង វណ្ណា មេឃុំព្រែកហ្លួង និងលោក ខេង សាវុន មេឃុំព្រែកនរិន្ទ បានសម្តែងនូវក្តីរំភើបរីករាយ និងថ្លែង​អំណរគុណដល់ឯកឧត្តម សេង យូអ៊ាន់ ប្រធានក្រុមការងាររាជ​រដ្ឋាភិបាលចុះមូលដ្ឋានស្រុកឯក​ភ្នំ ឯកឧត្តម ខាត់ សាត ដែលបាន​ផ្តល់នូវសមិទ្ធផលនានានៅក្នុងស្រុកកន្លងមក ហើយសមទ្ធិផលថ្មី​កំពុងតែលេចចេញជារូបរាង ពិតជាឆ្លើយ​តប​និងបង្កលក្ខណៈងាយ​ស្រួលដល់ការធ្វើដំណើរ ការដឹកកសិផលនិងជីវភាពរស់នៅរបស់​ប្រជាជន​ក្នុងមូលដ្ឋានយ៉ាងពិតប្រាកដ៕អត្ថបទ-រូបភាព៖ អ៊ុក សំអាន បប.

ភ្នំពេញ៖ លើបណ្ដាញសង្គមហ្វេសប៊ុកផ្លូវការនៅរាត្រីថ្ងៃទី១៧ ខែមីនា ឆ្នាំ២០២៥ សម្ដេចតេជោ ហ៊ុន សែន ប្រធាន​ព្រឹទ្ធសភា បានសរសេរថា “យើងគួរតែវាយតម្លៃខ្ពស់ចំពោះលោកប្រធានាធិបតី ដូណាល់ ត្រាំ ដែលមានសេចក្តី​ក្លាហាន​ចេញដឹកនាំពិភពលោក ដើម្បីប្រយុទ្ធប្រឆាំងព័ត៌មានក្លែងក្លាយ ដោយចាប់​ផ្តើមពីបណ្តាញព័ត៌មានដែល​ផ្តល់ថវិកា​ដោយ​រដ្ឋាភិបាលអាមេរិកជាមុន”។ សម្ដេចតេជោ ហ៊ុន សែន បានសង្កត់ធ្ងន់ថា “នេះជាការរួមចំណែកដ៏ធំដើម្បីលុបបំបាត់ព័ត៌មានក្លែងក្លាយ ព័ត៌មានភូតកុហក លាបពណ៌ អុជអាល ញុះញង់ បង្កចលាចលស្ទើរពេញពិភពលោក ដែលចេញមកពីក្បាលម៉ាស៊ីនឃោសនា​ដែល​លោកប្រធានាធិបតី ត្រាំ បញ្ឈប់ការផ្តល់ថវិកា”។ លើបណ្ដាញសង្គមដដែល សម្ដេចតេជោ បានរំលឹកថា “ដូចខ្ញុំបានជំរាបអង្គប្រជុំអាស៊ាន អាមេរិកចំពោះមុខលោក​ប្រធា​នា​ធិបតី ត្រាំ នៅហ្វីលីពីនឆ្នាំ២០១៧ថា ការមិនទុកលើអាមេរិកដោយប្រទេសមួយចំនួន វាក៏មានចំណែកចេញមកពីប្រព័ន្ធ​ផ្សព្វផ្សាយអាមេរិក ដែលធ្វើឱ្យប្រទេសទាំងនោះយល់ច្រឡំថា ជាគោលជំហររដ្ឋាភិបាលអាមេរិក។ចរិត​មាយាទ និងសំដី​នៃអ្នកយកព័ត៌មាន និងអ្នកនិយាយព័ត៌មានមួយចំនួនតូចនៃបណ្តាញព័ត៌មាននេះឫកធំជាងប្រមុខរដ្ឋ ឬប្រមុខរដ្ឋាភិបាល​ទៅទៀត គ្មានគុណធម៌ និងសីលធម៌ទេ។ សម្តេចតេជោ ហ៊ុន សែន បញ្ជាក់ថា “សូមកោតសរសើរ និងសូមអរគុណលោកប្រធានាធិបតី ដូណាល់ ត្រាំ”៕ ដោយ៖វណ្ណលុក

កំពង់ឆ្នាំង៖ឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តិការ​សឹករងកំពង់ឆ្នាំង  នៅថ្ងៃទី១៧ ខែមីនា ឆ្នាំ២០២៥ សហការជា​មួយកម្លាំង​យោធភូមិភាគ​ទី៥ កងពលតូចលេខ៧០ និងបញ្ជាការ​ដ្ឋានទ័ពពិសេស៩១១ និងកងពល​តូច​អន្តរា​គមន៍លេខ ១ ប្រើប្រាស់​កម្លាំង​សរុប ១៤៧នាក់ប្រតិបត្តិការបង្ក្រាបបទល្មើសនេសាទ ក្នុងភូមិ​សាស្ត្រក្រុង​កំពង់​ឆ្នាំង មាន ភូមិផ្លូវទូក ឃុំផ្លូវទូក ស្រុកកំពង់លែង ,ភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ និងឃុំពាមឆ្កោក ស្រុកជលគីរី ខេត្តកំពង់ឆ្នាំង។ ប្រតិបត្តិការទ្រង់ទ្រាយធំរហូតប្រើកាណូត ២៦គ្រឿង ,អូរប័ ៣ គ្រឿង​ផងបាន​បង្ក្រាប​បទល្មើសនេសាទនៅ១៧ ទីតាំង​ព្រមទាំងកម្ទេច​ចោលឧបករណ៍ល្មើសច្បាប់មួយចំនួនធំ ។ យោងតាមរបាយការណ៍លទ្ធផលនៃប្រតិបត្តិការបង្រ្កាបក្នុងនោះមាន៖ កម្ទេចកំប្លោកលើសម្រាស់ទំហំ២៨ ៧៥០ម៉ែត្រ​ការ៉េ,បំផ្លាញឡុក​ចំនួន៣០០ម៉ែត្រនិងរុះរើគំនរសម្រាស់ទំហំ៣៨ ៤០០ម៉ែត្រ​ការ៉េ,​ខ្សែចងសម្រាស់​៥០០ ម៉ែត្រ និង​បង្គោលសម្រាស់ចំនួន​១២០ដើម ,អប់រំប្រជាពលរដ្ឋចំនួន៧នាក់ និងធ្វើកិច្ចសន្យាចំនួន២៣ នាក់,ចាក់​លៀសចូលបឹង​ធម្មជាតិវិញចំនួន១៥ តោន ,ដកហូតទូក២០​គ្រឿង,ដកហូតស្បៃអួនចំនួន២៨៥ម៉ែត្រ,ដកហូតម៉ាស៊ីនកាណូតចំនួន៦ គ្រឿង,ដកហូតម៉ាស៊ីនខ្យល់២គ្រឿង និងសម្ភារៈល្មើស ។ប្រជាជន​ដែលប្រព្រឹត្តល្មើសត្រូវបានធ្វើកិច្ចសន្យា និងឱ្យ​ត្រឡប់ទៅ​ផ្ទះវិញ។ ពាក់ព័ន្ធនឹងការបង្ក្រាបបទល្មើសនេសាទនេះដែរ ឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តិការ​សឹករងកំពង់​ឆ្នាំងមុនចេញ​ប្រតិបត្តិការបង្ក្រាបបានរំលឹកដល់នាយទាហាន ពលទាហាន​ឱ្យ​យល់ភារកិច្ចក្នុងចុះបង្ក្រាបល្មើសនេសាទ គឺតម្រូវឱ្យកងកម្លាំង​ទាំងអស់ កម្ទេចតែឧបករណ៍នេសាទណាខុសច្បាប់តែប៉ុណ្ណោះ ។ត្រូវមានវិន័យនិងក្រមសីលធម៌​​របស់​កងទ័ព ។ត្រូវមានឆន្ទៈ​អនុវត្ត​ភារកិច្ច…

សៀមរាប៖នៅសាលប្រជុំសាលាខេត្តសៀមរាប អាជ្ញាធរខេត្ត និង​សមាគមសហព័ន្ធយុវជនសេដ្ឋកិច្ចកម្ពុជា កាលពីព្រឹក​ថ្ងៃទី១៧ ខែមីនា បានបើកកិច្ចប្រជុំស្តីពីការត្រៀមរៀបចំយុទ្ធនាការផ្សព្វផ្សាយការចុះឈ្មោះអ្នកសេដ្ឋកិច្ចក្រៅប្រព័ន្ធ​តាម​ថ្នាលឌីជីថល ក្រោមអធិបតីភាព លោក ង៉ូវ សេងកាក់ អភិបាលរងខេត្ត និងបណ្ឌិត ឡី សុភាព ប្រធាន​សមាគមសហព័ន្ធ​យុវជន​សេដ្ឋកិច្ចកម្ពុជា។ ក្នុងឱកាសនេះ លោក ង៉ូវ សេងកាក់ បានបញ្ជាក់អំពីសារសំខាន់​នៃការចុះឈ្មោះតាមថ្នាលឌីជីថល​សម្រាប់អ្នក​សេដ្ឋកិច្ច​ក្រៅប្រព័ន្ធ ។នោះគឺមានគោលបំណងជួយសម្រួលដល់ប្រជាពលរដ្ឋ ដោយផ្អែក​លើគោលការណ៍ស្ម័គ្រចិត្ត និងឥតគិតថ្លៃ។ បណ្ឌិត ឡី សុភាព បានបញ្ជាក់ថា រាជរដ្ឋាភិបាលកំពុងពង្រឹង​សេដ្ឋកិច្ចក្រៅប្រព័ន្ធ ដើម្បីបង្កើនសុខុមាលភាព និងលើក​កម្ពស់​គុណភាពជីវិតរបស់ប្រជាពលរដ្ឋ។លោកបានអំពាវនាវ​ឱ្យអាជ្ញាធរ​មានសមត្ថកិច្ចបន្តលើកស្ទួយ និងផ្សព្វផ្សាយ​យុទ្ធនាការនេះយ៉ាង​ទូលំទូលាយ។ សម្រាប់ការចុះឈ្មោះ អ្នកសេដ្ឋកិច្ចក្រៅប្រព័ន្ធអាច​ជ្រើសរើស​ពីវិធីសាស្រ្តពីរ៖ចុះឈ្មោះដោយខ្លួនឯងតាម​វេបសាយ www.informal.digitaleconomy.gov.kh និងកម្មវិធីទូរស័ព្ទ CAM-IEចុះឈ្មោះតាមភ្នាក់ងារដៃគូ ដូចជា WING, ACLEDA, ABA, SME, និង ARDB ដែលផ្តល់សេវាឥតគិតថ្លៃ។យុទ្ធនាការផ្សព្វផ្សាយនេះ នឹងត្រូវអនុវត្តនៅថ្ងៃទី ១៩ ខែមីនា ឆ្នាំ ២០២៥ ដោយមានកិច្ចសហការរវាងគណៈកម្មាធិការសម្រប​សម្រួលការអភិវឌ្ឍសេដ្ឋកិច្ចក្រៅប្រព័ន្ធ និងរដ្ឋបាលខេត្តសៀមរាប៕ដោយ៖​ប៊ុន​រដ្ឋា

កំពង់ចាម៖ អភិបាលខេត្តកំពង់ចាមបានជំរុញដល់អាជ្ញាធរពាក់ព័ន្ធ​ទាំង​អស់ត្រូវថែរក្សាឱ្យបាន​នូវសន្តិសុខ​សណ្តាប់​ធ្នាប់​សាធារណៈ។ជាពិសេសគឺ សុខសន្តិភាព និង​ការអនុវត្តគោលនយោបាយភូមិឃុំ សង្កាត់ មានសុវត្ថិភាព ។ឯកឧត្តម អ៊ុន ចាន់ដា ថ្លែងបែបនេះក្នុង​កិច្ចប្រជុំដកបទពិសោធន៍ការងារផ្សព្វផ្សាយ និងការអនុវត្តរគោល​នយោបាយ «ភូមិ-ឃុំ-សង្កាត់​មានសុវត្ថិភាព» ប្រាំខេត្តនៅសាលាខេត្ត​កំពង់ចាមកាលពីព្រឹកថ្ងៃទី១៧ ខែមីនា ឆ្នាំ២០២៥​ ក្រោមវត្តមាន​ឯកឧត្តម យុន ឈុន្នី រដ្ឋលេខាធិការក្រសួងមហាផ្ទៃ និងឯកឧត្តម ខ្លូត ផន ប្រធានក្រុមប្រឹក្សាខេត្ត ។ ចំពោះមុខប្រតិភូមកពីខេត្តចំនួនបួនផ្សេងដែលមានខេត្តកំពង់ចាមជាម្ចាស់ផ្ទះ ឯកឧត្តម អ៊ុន ចាន់ដា អភិបាល​ខេត្ត​កំពង់​ចាមបានថ្លែងថា ដើម្បីសម្រេចបាន នូវចក្ខុវិស័យរយៈពេលខ្លី រយៈពេលមធ្យម និង​រយៈពេលវែង ខេត្តត្រូវ​ធ្វើកា​រងាររួមមាន ទី១-ត្រូវថែរក្សាឱ្យបាន​នូវសន្តិសុខសណ្តាប់ធ្នាប់សាធារណៈ ,ទី២-ត្រូវពង្រឹងគុណភាព ទាំងប្រសិទ្ធ​ភាពនៃការផ្តល់​សេវា​សាធារណៈ ,ទី៣-ត្រូវជំរុញក្នុងការ​អភិវឌ្ឍការចាប់ដៃគូវិនិយោគ ដើម្បីផ្តល់នូវ ឱកាសការងារ​ជូន​ប្រជាពលរដ្ឋរបស់យើង ឱ្យទទួលបានសេដ្ឋកិច្ចបន្ថែម ទី៤-គឺត្រូវចូល​រួម គ្រប់កម្មវិធីកែទម្រង់របស់រាជរដ្ឋាភិបាល ជាពិសេសគឺ កំណែទ្រមង់​វិមជ្ឈការ និងវិសហមជ្ឈការ ដែលជាការងាររបស់យើងទាំងអស់គ្នា ។ ខេត្តចំនួនដែលមកចូលរួមមាន ខេត្តព្រៃវែង ព្រះវិហារ ពោធិសាត់ និងខេត្តរតនគីរី ។​ឯកឧត្តម យុន…

បាត់ដំបង៖ ជាមួយទឹកមុខញញឹមញញែម ព្រមទាំងលើកដៃ​ប្រណម្យ​អរគុណផង កសិករឃុំភ្នំសំពៅ ស្រុកបាណន់ ខេត្តបាត់​ដំបង​បាន​បង្ហាញអារម្មណ៍រំភើបរីករាយ ព្រមទាំងថ្លែងអំណរគុណដល់រាជ​រដ្ឋា​ភិបាល ក្រសួងធនធានទឹក និងឧតុនិយម រដ្ឋបាលខេត្ត អាជ្ញាធរពាក់​ព័ន្ធ ពិសេសមន្ទីរធនធានទឹកខេត្ត ដែលបានដោះស្រាយនាំទឹកជួយ​សង្គ្រោះស្រូវ​របស់​ពួក​គាត់បាន​ទាន់ពេលវេលា។ ប្រាប់អ្នកយកព័ត៌មាន កសិករឃុំភ្នំសំពៅ ស្រុកបាណន់បានអះអាង​ស្រដៀងៗគ្នាថា ប្រសិនពុំមានការ​ជួយអន្ត​រាគមន៍​ដោយផ្ទាល់​ពី​ថ្នាក់ដឹកនាំ អាជ្ញាធរមូលដ្ឋាន និងមន្ទីរធនធានទឹកខេត្តទេ នោះស្រូវ​ប្រាំងរាប់រយ​ហិកតា​របស់ពួកគាត់នឹង​ខូចខាតទាំងស្រុងជាក់ជាពុំខាន ។ ទាក់ទងនឹងការអន្តរាគមន៍សង្រ្គោះស្រូវនេះដែ លោក ខៃ សុដា អនុ​ប្រធានមន្ទីរក្ដាប់រួមនៃមន្ទីរធនធានទឹក និងឧតុនិយម ខេត្តបាត់​ដំបង បានបញ្ជាក់ ក្រោមការដឹកនាំប្រកបដោយចក្ខុវិស័យវែងឆ្ងាយ របស់​សម្ដេចធិបតី ហ៊ុន ម៉ាណែត នាយក​រដ្ឋមន្រ្តីកម្ពុជា ,មានការចង្អុល​បង្ហាញពីឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងការ​ណែនាំ​ដោយផ្ទាល់ពី​ឯកឧត្តម សុខ លូ អភិបាលខេត្តបាត់ដំបង មន្ទីរជំនាញសហការជាមួយអាជ្ញាធរ​មូលដ្ឋានដើម្បីអន្តរាគមន៍​នាំយក​ទឹក​ទៅ​ជួយសង្រ្គោះស្រូវប្រាំងរបស់កសិករបានទាន់ពេលវេលា។លោកបន្តថា ការធ្វើស្រូវប្រាំងរបស់កសិករ​​ច្រើន​លើសផែន​ការ​ដែលមន្ទីរធនធានទឹក និងមន្ទីរកសិកម្មបានឯកភាពគ្នា ។មន្ទីរទាំងពីរ​សម្រេច​ឱ្យកសិករធ្វើត្រឹមតែ ២៧ ០០០ហិកតា​តែប៉ុណ្ណោះ នៅតាម​តំបន់​ដែលធានាក្នុងការផ្គត់ផ្គង់ទឹកបាន។ប៉ុន្តែកសិករបាននាំគ្នា​សម្រុក​ធ្វើរហូតដល់ទៅជាង ៩ម៉ឺន​ហិកតា គឺលើសផែនការច្រើនលើសលប់។ សូមបញ្ជាក់ថា ឆ្នាំ២០២៤ការដាំដុះស្រូវនៅទូទាំងខេត្តបាត់ដំបងមាន​ចំនួន​ជាង៥០ម៉ឺនហិកតា។ ក្នុងនោះស្រូវស្រាល មិនប្រកាន់រដូវជាង​៣០​ម៉ឺនហិកតា…

កំពង់ស្ពឺ៖នៅក្នុងបរិវេណអនុវិទ្យាល័យអង្គមេត្រីម៉ឺន ភូមិដំរីស្លាប់ ឃុំព្រៃ​វិហារ ស្រុកគងពិសី ខេត្តកំពង់ស្ពឺកាលពីថ្ងៃទី១៦ ខែមីនា ឆ្នាំ២០២៥​សម្ព័ន្ធគ្រូពេទ្យសហភាពសហព័ន្ធយុវជនកម្ពុជា​(ស.ស.យ.ក.)​បាន​ចុះ​ពិនិត្យព្យាបាលជំងឺដោយឥតគិត​ថ្លៃជូនប្រជា​ពលរដ្ឋ ស្រុកគងពិសី ។សកម្មភាពនេះដឹកនាំដោយលោក ហេង សុខគង់ ប្រធាន​សម្ព័ន្ធ​គ្រូពេទ្យ​ស.ស.យ.ក. និងចូលរួមដោយ​ឯកឧត្តម ជាម ចន្ទ័សោភ័ណ អភិបាលខេត្តកំពង់ស្ពឺ​។ ឯកឧត្តម ជាម ចន្ទ័សោភ័ណ អភិបាលខេត្តកំពង់ស្ពឺបានឱ្យដឹងថា ក្នុង​សកម្មភាពមនុស្សធម៌កាលពីថ្ងៃទី១៦ ខែមីនា មាន​ប្រជាពលរដ្ឋ​និង​កុមារ​ជាង​១ ២០០​នាក់ ​បានមកទទួល​ការពិនិត្យ​ និង​ព្យាបាល​ជំងឺ​ជាង​១៦មុខ ពី​ក្រុមគ្រូពេទ្យ ​វេជ្ជបណ្ឌិត​​ជំនាញៗ ។ អភិបាលខេត្តកំពង់ស្ពឺបានរំលឹកថា នេះមិនមែនជាលើកទីមួយនោះ​ទេសម្រាប់ខេត្តកំពង់ស្ពឺ ដែលក្រុមគ្រូពេទ្យ​ស.ស.យ.ក.​ពិនិត្យនិង​ព្យាបាលដល់ប្រជាពលរដ្ឋ កុមារកំព្រា ពិការ។សកម្មភាពមនុស្សធម៌​នេះដែរក៏បានបង្ហាញឱ្យឃើញពី​ការគិតគូរ​យ៉ាង​​ខ្លាំងរបស់ថ្នាក់ដឹកនាំ ពិសេសឯកឧត្តមឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខ​ងារ​សាធារណៈនិង ប្រធាន​ក្រុម​ការ​ងាររាជរដ្ឋាភិបាលចុះជួយខេត្តកំពង់​ស្ពឺ។ ពេញមួយថ្ងៃ​ក្រុមគ្រូពេទ្យ​បានពិនិត្យ និងព្យាបាល​ជំងឺ​១៦មុខ រួមមាន​ជំងឺ​ទូទៅវះកាត់ ជំងឺ​ភ្នែក ត្រចៀក ច្រមុះ​និង​បំពង់ក សន្លាក់ ជំងឺ​កុមារ រោគ​ស្ត្រី​ និង​ពិនិត្យ​ផ្ទៃពោះ ជំងឺ​មាត់​ធ្មេញ ជំងឺផ្លូវចិត្ត កាមរោគ​ និង​សើរ​ស្បែក ជំងឺផ្លូវចិត្ត ពិនិត្យ​ឈាម។…

កំពង់ស្ពឺ៖សមត្ថកិច្ចបានដឹងថា មនុស្សប្រុស-ស្រីចំនួន២០នាក់បាន​រងរបួស​ធ្ងន់-ស្រាលខណៈមានរថយន្តក្រុង​ខ្នាត៤៥​កៅអី បានដឹក​អ្នកដំណើរទេសចរបានក្រឡាប់នៅក្បែររមណីយដ្ឋានវិរៈប៊ុនថាំ(ខ្នងភ្នំគិរីរម្យ)ស្ថិតក្នុងភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺកាលពី​ថ្ងៃ​ទី១៦ ខែមីនា ឆ្នាំ២០២៥។ សមត្ថកិច្ចបានបញ្ជាក់ថា ជនរងគ្រោះជាភ្ញៀវទេសចរមកពីរាជធានី​ភ្នំពេញបានជួលរថយន្តក្រុងប្រភេទ៤៥កៅអីខាងលើ មកលេង​ជាក្រុមនៅលើខ្នងភ្នំគិរីរម្យហើយបន្ទាប់មកក៏បន្តដំណើរទៅលេងទីតាំងកម្សាន្តវិរៈប៊ុនថាំដែលទើបស្ថាបនារួចរាល់ថ្មី ក្រោយមកក៏ជួប​ឧបទ្ទវ​ហេតុគ្រោះថ្នាក់ពេលវិលត្រឡប់មកវិញ។ សមត្ថកិច្ចនៅកន្លែងកើតហេតុបានបញ្ជាក់ថា ករណីក្រឡាប់ធ្លាក់​រថយន្ត​នេះ គឺផ្តើមចេញពីការដាច់ហ្រ្វាំង​ពេលរថយន្ត​ចុះចំណោត​ខ្លាំង។សមត្ថកិច្ច ក៏បានអំពាវនាវដល់អ្នកបើកបរទាំងឡាយដែល​មានបំណងចង់មកលេងនៅលើខ្នងភ្នំគិរីរម្យ សូមឱ្យពិនិត្យ​បច្ចេក​ទេសយានយន្តឱ្យបានល្អ ចៀសវាងជួបឧបទ្ទវហេតុដូចករណី​រថយន្ត​ខាងលើ។ ភ្លាមៗដោយមានជំនួយពីលោកបណ្ឌិត ជាម ច័ន្ទសោភ័ណ អភិបាល​ខេត្តកំពង់ស្ពឺ បានបញ្ចេញរថយន្តក្រុង​ធុន​តូចទៅ​ដឹកអ្នករបួសទាំង​អស់​ខ្លះទៅសង្គ្រោះ និងខ្លះទៀតត្រូវផ្តល់បាយទឹកដឹកជូនត្រឡប់​ទៅផ្ទះវិញ៕ដោយ៖ ម៉ុន សំអាត

បន្ទាយមានជ័យ៖កាលពីពេលថ្មីៗនៅសាលប្រជុំមន្ទីរសុខាភិបាល​ខេត្ត​បន្ទាយមានជ័យ មានរៀបចំ​ពិធីសំណេះ​សំណាល​ផ្សព្វផ្សាយក្រម​សីលធម៌​ឱសថការី និងបង្ហាញរបាយការណ៍សន្និបាតក្រុមប្រឹក្សា​គណៈ​ឱសថការីជាតិអាណត្តិទី ២ ។ ក្នុងឱកាសនេះឯកឧត្តមឱសថការី បាន បុត្តា អនុរដ្ឋលេខាធិការ​ក្រសួងសុខាភិបាល​និងជាប្រធានក្រុមប្រឹក្សា​គណៈឱសថ​ការីជាតិ​បានលើកឡើងពីសារសំខាន់នៃក្រមសីលធម៌ឱសថការី សំដៅបន្ត​ពង្រឹងគុណភាពសេវាសុខាភិបាលសាធារណៈ និងឯកជន។ឯកឧត្តមថា ជាគោលនយោបាយជាតិលើវិស័យសុខាភិបាល ចាំបាច់​ធ្វើការ គ្រប់គ្រងគុណវុឌ្ឍ ឬតម្រូវឱ្យ​មាន​ការគ្រប់គ្រងម្ចាស់ឱសថស្ថាន និងឱសថការីឱ្យ​អនុវត្តនូវលិខិតបទដ្ឋានគតិយុត្ត ឬច្បាប់​របស់ក្រសួង​សុខាភិបាល​បាន​ល្អបន្ថែមទៀត ។ លោក ឡេ ចាន់សង្វាត ប្រធានមន្ទីរសុខាភិបាលខេត្តបន្ទាយមានជ័យ បានក្រើនរំលឹកថែមទៀតដល់ម្ចាស់ទុនឱសថស្ថាន ទីតាំងលក់ធានា​បានសុវត្ថិភាពថ្នាំឬឱសថតាមលក្ខណៈបច្ចេកទេស។ជារួមទាំងម្ចាស់​ទុន​ឱសថស្ថាននិង ឱសថការីប្រកប​សេវាកម្មសុខាភិបាលលើកផ្នែក​ឱសថគឺត្រូវមានក្រមសីលធម៌វិជ្ជាជីវៈ ជាគោលចម្បងក្នុងនាមជា​អ្នក​ជួយសង្រ្គោះ។ ចំណែកលោក ភិគុណ បុនណារ៉ា ឱសថការីខេត្តបន្ទាយ​មានជ័យ​បានលើកពីផែនការបន្ត បន្ទាប់ពីការផ្សព្វផ្សាយ និងការ​ចុះត្រួតពិនិត្យ​ទៅលើការប្រតិបត្តិរបស់ឱសថការីទៅតាមឱសថស្ថាន និងសេវាអម​វេជ្ជសាស្ត្រ។ការ រៀបចំបង្កើតឱ្យ​មាន​ការបណ្តុះបណ្តាលដល់សមាជិក​ឱសថការីនៅក្នុងខេត្តទាំងអស់។ សូមជម្រាបថា ពិធីសំណេះសំណាលផ្សព្វផ្សាយក្រមសីលធម៌​ឱសថ​ការី មានការចូលរួមពី ម្ចាស់ទុនឱសថស្ថាន​និង​ឱសថការីចំនួន ១៥៩ នាក់ ទូទាំងខេត្តកាលពីថ្ងៃទី១៥ ខែមីនា ឆ្នាំ២០២៥រៀបចំដោយ គណៈឱសថការីខេត្តបន្ទាយ​មានជ័យសហការជាមួយគណៈឱសថ​ការីកម្ពុជា និងមន្ទីរសុខាភិបាលខេត្តបន្ទាយមានជ័យ៕ដោយ៖គៀន ច័ន្ទហ៊ីន