(ភ្នំពេញ)៖ ឯកឧត្តម ឧបនាយករដ្ឋមន្ត្រី ហ៊ុន ម៉ានី បានលើកឡើងថា គិតមកដល់ថ្ងៃទី២៥ ខែកុម្ភៈឆ្នាំ២០២៥ មន្ត្រីរាជការជាស្ត្រី នៅតាមក្រសួង-ស្ថាប័នទាំងថ្នាក់ជាតិ និងថ្នាក់ក្រោមជាតិ មានចំនួនជាង៩ម៉ឺន៦ពាន់នាក់ ស្មើជាង ៤១,៨០% ក្នុងចំណោមមន្ត្រីរាជការទូទាំងប្រទេសចំនួនជាង ២៣ម៉ឺននាក់ ។ ឯកឧត្តម បន្ថែមថា រាជអាណត្តិទី៧នៃរដ្ឋសភានេះ មានស្ត្រីជាថ្នាក់ដឹកនាំកំពូលៗរួមមាន៖ប្រធានរដ្ឋសភាជាស្ត្រី និងរដ្ឋមន្ត្រីជាស្ត្រីចំនួន៣រូប ព្រមទាំងថ្នាក់ដឹកនាំជាស្ត្រីធ្វើជាអភិបាល ខេត្ត អភិបាលបាលក្រុង ស្រុក ខណ្ឌ មេ ឃុំ-ចៅសង្កាត់ ជាច្រើនរូប។ ប្រសាសន៍ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានកិត្តិយសគណៈកម្មការសាខាសមាគមន៍នារីកម្ពុជាដើម្បីសន្តិភាពនិងអភិវឌ្ឍន៍ក្រសួងមុខងារសាធារណៈ កាលពីព្រឹកថ្ងៃទី១៤ ខែមីនា ឆ្នាំ២០២៥ ក្នុងឱកាសអញ្ជើញជាអធិបតីដ៏ខ្ពង់ខ្ពស់ពិធីអបអរសាទរទិវាអន្តរជាតិនារី ខួបលើកទី១១៤ ក្រោមប្រធានបទ “សិទ្ធិ សមភាព និងភាពអង់អាច ចំពោះស្រ្តីនិងក្មេងស្រីគ្រប់រូប” ។ ឯកឧត្តម ឧបនាយករដ្ឋមន្ត្រី បានបញ្ជាក់ទៀតថា រាជរដ្ឋាភិបាលនីតិកាលទី៧ នៃរដ្ឋសភា នៅតែបន្តយកចិត្តទុកដាក់លើការលើកកម្ពស់សិទ្ធិស្ត្រីរួមទាំងកម្មវិធីគាំពារសង្គម និងការផ្តល់សាច់ប្រាក់ដល់ស្ត្រីមានផ្ទៃ…

(ភ្នំពេញ)៖ «ផែនការសកម្មភាពជាយុទ្ធសាស្រ្តដើម្បី «ផ្លូវជាតិស្អាត គ្មនសំរាមប្លាស្ទិក» នឹងក្លាយជាសកម្មភាពជំរុញភាពស្អាត គ្មានសំរាម និងសំណល់ប្លាស្ទិក តាមដងផ្លូវជាតិ ដែលធ្វើឱ្យកម្ពុជាសម្រច បាននូវភាពស្អាត ភាពបៃតង និងចីរភាព ស្របតាមយុទ្ធសាស្ត្រចក្រាវិស័យបរិស្ថាន» ការលើកឡើងរបស់ ឯកឧត្តម ខ្វៃ អាទិត្យា អនុរដ្ឋលេខាធិការនិងជាអ្នកនាំពាក្យក្រសួងបរិស្ថាន កាលពីព្រឹកថ្ងៃសុក្រទី១៤ ខែមីនា ឆ្នាំ២០២៥ នៅក្នុងឱកាសអញ្ជើញជាអធិបតីភាពបើកយុទ្ធនាការកម្ពុជាស្អាត ក្រោមប្រធានបទ «ផ្លូវជាតិស្អាត គ្មានសំរាមប្លាស្ទិក» នៅសាលាស្រុកត្បូងឃ្មុំ ខេត្តត្បូងឃ្មុំ។ ឯកឧត្តម បានបន្ថែមថា សំណល់ប្លាស្ទិកបានផ្តល់ផលប៉ះពាល់ដល់សង្គម សុខភាព និងគុណភាពបរិស្ថាន។ ឆ្លើយតបនឹងបញ្ហាប្រឈមនៃសំណល់ប្លាស្ទិក ក្រសួងបរិស្ថាន បានដាក់ចេញនូវយុទ្ធសាស្រ្តចក្រាវិស័យបរិស្ថាន ជាមួយសសរស្តម្ភចំនួន ៣ គឺ «ភាពស្អាត ភាពបៃតង និងចីរភាព» ដែរជាការចូលរួមចំណែកក្នុងវិស័យបរិស្ថាន ក្នុងការលើកកម្ពស់សោភ័ណភាព បរិស្ថាន អនាម័យ សុខភាពសាធារណៈ និងការចូលរួមចំណែកក្នុងការអភិវឌ្ឍមាតុភូមិឱ្យកាន់តែរីកចំម្រើនជឿនលឿនឈានទៅសម្រេចទស្សនវិស័យឆ្នាំ២០៥០ កម្ពុជាជាប្រទេសអព្យាក្រឹតកាបូន និងជាប្រទេសមានចំណូលកម្រិតខ្ពស់។ ឯកឧត្តមអនុរដ្ឋលេខាធិការ បានបញ្ជាក់ថា នៅពេលនេះសាធារណជន បានបង្ហាញភាពស្អាតចេញពីចិត្ត ចូលរួមយុទ្ធនាការនានារបស់ក្រសួងបរិស្ថាន ក្នុងនោះយុទ្ធនាការកាត់បន្ថយការប្រើប្រាស់ប្លាស្ទិក…

(ភ្នំពេញ)៖ រាជរដ្ឋាភិបាលកម្ពុជា បាននិងកំពុងយកចិត្តទុកខ្ពស់​លើជនមានពិការភាព តាមរយៈការផ្តល់ឱកាស សិទ្ធិពេញ​លេ​ញ ភាពស្មើមុខស្មើមាត់គ្នា ក្នុងការទទួលបានការងារធ្វើសមរម្យ និងកិច្ចគាំពារសង្គម។ ទាំងជនមានពិការភាព និងជនមិនមាន​ពិការភាពគឺទទួលបាននូវអត្ថប្រយោជន៍ផ្សេងៗពីរាជរដ្ឋាភិបាលស្មើភាពគ្នា ដោយមិនមានការរើសអើងពណ៌សម្បុរ សាសនា ឋានៈ និងនិន្នាការនយោបាយណាមួយឡើយ។ នេះជាការលើកឡើងរបស់ ឯកឧត្តម កត្តា អ៊ន រដ្ឋលេខាធិការ និង​​​ជាអ្នកនាំពាក្យនៃក្រសួងការងារ និងបណ្តុះបណ្តាល​វិជ្ជា​ជីវៈ​នៅថ្ងៃទី១៣ ខែមីនា ឆ្នាំ២០២៥នេះ។ ឯកឧ​ត្តមរដ្ឋលេខា​ធិការ បានគូសបញ្ជាក់ថា គោល​នយោ​បាយ​របស់​រាជរដ្ឋាភិបាលកម្ពុជា ដែលជានិច្ចកាលប្រមុខថ្នាក់ដឹកនាំ​នៃរាជរដ្ឋាភិបាលកម្ពុជានៅគ្រប់អាណត្តិតែងតែគាំទ្រលើកស្ទួយ និងយកចិត្តទុកដាក់ខ្ពស់ចំពោះជនមានពិការភាព ដើម្បីធ្វើ​ឱ្យ​ជីវភាពរស់នៅរបស់ពួកគាត់ប្រកបដោយភាពសមរម្យ ទទួលបានឱកាសស្មើភាពគ្នា ដូចពលរដ្ឋទូទៅដែរ។ នៅកម្ពុជាគ្មានឡើយការរើសអើងជនដែលមានពិការភាព ជា​ពិសេសនៅក្នុងវិស័យការងារជនមានពិការភាពត្រូវបានលើកទឹកចិត្ត។ ឯកឧត្តមរដ្ឋលេខាធិការបានលើកឡើងថា បើតាម​ច្បាប់​ស្តីពីការងារវិស័យឯកជនត្រូវទទួលជនដែលមានពិការភាពចូលបម្រើការងារ ក្នុងនោះត្រូវមានចំនួន១% នៃចំនួនកម្មករនិយោជិតសរុប។ បើតាមឯកឧត្តមរដ្ឋលេខាធិការ គិតមកត្រឹមចុងឆ្នាំ២០២៤ មានក្រសួង ស្ថាប័នចំនួន៣៩ បានទទួលយកជនមានពិការ​ភាពចូលបម្រើការងារចំនួន ៣ ៨១៦នាក់ ក្នុងនោះស្ត្រី ៨៨២នាក់ ជនមានពិការកម្រិតធ្ងន់ចំនួន ២ ៣៥១នាក់។ ដោយឡែកវិស័យឯកជន រួមមានធនាគារ គ្រឹះស្ថានមីក្រូ​ហិរញ្ញវត្ថុ សណ្ឋាគារ និងរោងចក្រ បានចុះបញ្ជិកា​និង​ទទួល​បានវិញ្ញាបនបត្រចំនួន…

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹករងកំពង់ធំ យោធភូមិភាគទី៤ បានបើកកិច្ច​ប្រជុំ​ផ្សព្វផ្សាយបទ​បញ្ជារបស់គណៈបញ្ជាការឯកភាពរដ្ឋបាលខេត្តស្ដីពីវិធានការការពារទប់ស្កាត់បង្ក្រាបបទល្មើសធនធានធម្មជាតិ និងកិច្ចសហប្រតិបត្តិការ​ការពារសន្តិសុខសុវត្ថិភាព រក្សាសណ្ដាប់ធ្នាប់ក្នុងឱកាសបុណ្យ​ចូលឆ្នាំ​ថ្មី ប្រពៃណីជាតិខ្មែរ ។ ក្នុងកិច្ចប្រជុំកាលពីព្រឹកថ្ងៃទី១៣ ខែមីនា ឆ្នាំ២០២៥ ឧត្តមសេនីយ៍​ទោ សោម ស៊ុន បានរំលឹកថា អនុវត្តតាមបទបញ្ជា​របស់ឯកឧត្តម នួន ផារ័ត្ន អភិបាលខេត្ត ប្រធានគណៈបញ្ជាការឯកភាពរដ្ឋបាល​ខេត្តកំពង់ធំ ត្រូវបន្តសហការយ៉ាងសកម្ម ក្នុងភារកិច្ចការពារទប់ស្កាត់ និងបង្ក្រាបទល្មើសធនធានធម្មជាតិឱ្យមានប្រសិទ្ធភាព។ លោកបាន​កោតសរសើរដល់​កង​កម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលបានធ្វើជាស្នូល មិនអាចខ្វះបានក្នុងការយាមល្បាតការពារ មិនឱ្យមានការកាប់ទន្ទ្រានព្រៃឈើ យកដីរដ្ឋធ្វើជាកម្មសិទ្ធិ និងការបង្ក្រាបទល្មើសនេសាទ នៅក្នុងតំបន់បឹងទន្លេសាប​ទទួលបានលទ្ធផលល្អប្រសើ។លោកបន្តថា ឯកឧត្តមអភិបាល បានប្រគល់ភារកិច្ចជូនដល់កងកម្លាំងប្រដាប់អាវុធទាំងបី ត្រូវសហការក្នុងកិច្ចការពារសន្តិសុខសុវត្ថិភាព ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរឱ្យទទួលបានជោគជ័យ៕ ដោយ៖ ប៊ុន រដ្ឋា

កំពង់ចាម៖សំណង់ទ្វារទឹកព្រែកតាយី ស្ថិតនៅឃុំពាមកោះស្នា ស្រុកស្ទឹងត្រង់ ដែលមានលទ្ធភាពស្តុកទឹកជាង ៤០ម៉ឺន ម៉ែត្រគូប​សម្រាប់ប្រើប្រាស់លើវិស័យកសិកម្ម នឹងបើកការដ្ឋាន​សាងសង់​នៅថ្ងៃទី ១៩ ខែមីនា ឆ្នាំ២០២៥ខាងមុខ។ នៅថ្ងៃទី១៣ ខែមីនា អភិបាលខេត្តកំពង់ចាម ឯកឧត្តម អ៊ុន ចាន់ដា រួមដំណើរជាមួយនាយឧត្តមសេនីយ៍ ខេង សុមេធ អគ្គស្នងការរង​នគរបាលជាតិបានអញ្ជើញពិនិត្យទីតាំងសាងសង់សំណង់ទ្វារទឹកនេះ ដែល​ស្ថិត​នៅក្រោយសាលា​ឃុំពាម​កោះស្នា ស្រុកស្ទឹងត្រង់ ។ ឯកឧត្តមអភិបាលខេត្តកំពង់ចាម បានឱ្យដឹងថា សំណង់ទ្វារទឹកព្រែក​តាយី មានលទ្ធភាពស្តុកទឹក សម្រាប់​ស្រោចស្រព​ដំណាំស្រូវរដូវប្រាំង និងដំណាំរួមផ្សំលើផ្ទៃដីបង្កបង្កើនផលរបស់ប្រជាពលរដ្ឋ ៤ភូមិ ក្នុងឃុំពាមកោះស្នាចំនួន ១.៦៤៥​គ្រួសារ ក្នុងនោះ​ដំណាំស្រូវ​ប្រាំងចំនួន ៤៣៤ហិកតា និងដំណាំរួមផ្សំចំនួន ១២ហិកតា។ ម៉្យាងទៀតការដ្ឋានមួយនេះ ក៏នឹងក្លាយជាហេដ្ឋា​រចនាសម័្ពន្ធផ្លូវ​ថ្នល់ភ្ជាប់ពីមូលដ្ឋានមកទីប្រជុំជន និងការដឹកជញ្ជូន​នានា។ បន្ទាប់ពីសំណង់ទ្វារទឹកសាងសង់រួចរាល់ ប្រជាពលរដ្ឋនៅក្នុងតំបន់​នឹងទទួលបានចំណូលបន្ថែមពីការបង្កើនរដូវ ដាំដុះ ,កំណើនទិន្នផល,​ការ​ចិញ្ចឹមសត្វ ,ការបង្កើតមុខក្នុងតំបន់ ហើយក៏អាចក្លាយជាកន្លែង​ទេសចរណ៍ផងដែរ ៕ដោយ៖លី ពៅ

កំពង់ធំ ៖ទោះបីរដូវក្តៅហួតហែងបន្តិចក្តី ក៏ដំណាំបន្លែបង្កានានាដែល​ដាំដុះដោយយោធិននៃការិយាល័យអភិវឌ្ឍន៍ នៃបញ្ជា​ការដ្ឋានតំបន់​ប្រតិបត្តិការសឹករងកំពង់ធំ យោធភូមិភាគទី៤ សម្រាប់ផ្គត់ផ្គង់​ផ្ទះបាយ កំពុងតែលូត​លាស់​ស្រស់បំព្រងដែរ។ លោកវរសេនីយ៍ទោ ហួន ប៊ុនចែម នាយការិយាល័យ​អភិវឌ្ឍន៍​បាននិយាយកាលពីព្រឹកថ្ងៃទី១៣ ខែមីនាថា ដោយអនុវត្ត​តាមបទបញ្ជារបស់មេបញ្ជាការតំបន់ប្រតិបត្តិការសឹករងកំពង់ធំ ការិយាល័យអភិវឌ្ឍន៍ មានភារកិច្ចដាំបន្លែបង្ការ និង​ចិញ្ចឹមសត្វ ផ្គត់ផ្គង់ផ្ទះហូបបាយសមូហភាព ដោយកន្លងមកបានចិញ្ចឹមគោ២០ ក្បាល ដាំបន្លែបង្ការ​ផ្សេងៗសម្រាប់​ផ្គត់ផ្គង់ជូនផ្ទះបាយសមូហភាព។លោកថា សកម្មភាពនេះរួមចំណែកកម្ពស់ជីវភាពរស់នៅរបស់កងទ័ព ឱ្យកាន់តែប្រសើរ​ឡើង។ ឧត្តមសេនីយ៍ទោឧត្តមសេនីយ៍ទោ សោម ស៊ុន មេបញ្ជាការតំបន់​ប្រតិបត្តិការសឹករង និងសហការីពិនិត្យសកម្មភាព​ដាំ​ដុះបន្លែ។ ឯកឧត្តម​បានកោតសរសើរ មន្រ្តីនៃការិយាល័យអភិវឌ្ឍន៍ ដែលបានខិតខំប្រឹងប្រែង​បំពេញភារកិច្ច​ក្នុងការ​ចិញ្ចឹមសត្វ និងបានដាំបន្លែផ្គត់ផ្គង់ផ្ទះបាយ របស់កងទ័ព នៃបញ្ជាការតំបន់​ប្រតិបត្តិការសឹករង ដែលបានប្រមូលផ្ដុំ​ហ្វឹកហ្វឺន នៅទីបញ្ជាការ​កងវរសេនាតូចលេខ៤៤៨ នាពេលកន្លងទៅ បានយ៉ាងល្អ។លោកបានណែនាំមន្រ្តី​ការិយាល័យ​អភិវឌ្ឍន៍ ជំរុញ​ការដាំដុះបង្ក​បង្កើន​ផលបន្ថែមទៀត និងបន្តចិញ្ចឹមសត្វផ្សេងៗបន្ថែម ដើម្បីត្រៀមសម្រាប់​រៀបចំពិធី​ជប់លៀង ផ្សេងៗ ពិសេសក្នុងឱកាស​បុណ្យចូលឆ្នាំថ្មីប្រពៃណីជាតិខ្មែរនាពេលខាងមុខនេះ ៕ដោយ ៖ប៊ុន រដ្ឋា

តាកែវ៖ក្រុមការងារក្រសួងទេសចរណ៍ និងមន្រ្តីរដ្ឋបាលខេត្តតាកែវ​កាលពីព្រឹកថ្ងៃទី១៣ ខែមីនា បានជួបប្រជុំជាថ្មីម្តងទៀត​ដើម្បីជួប​ពិភាក្សារៀបចំយុទ្ធនាការ”កម្ពុជាស្អាត តាកែវស្អាត” ត្រៀមអបអរ​សាទរបុណ្យទន្លេលើកទី៩ ឆ្នាំ២០២៥ ដែល​នឹងប្រព្រឹត្តទៅរយៈ​ពេលបីថ្ងៃចាប់ពីថ្ងៃទី២១ ដល់ថ្ងៃទី២៣ ខែមីនា ខាងមុខនេះ។ តាមរយៈកិច្ចប្រជុំ លោក ងិន ងិនដា អភិបាលរងខេត្តតាកែវបាន​ប្រាប់ដល់ក្រុមការងារដោយអំពាវនាវ និងរំលឹកដល់​មន្រ្តី​រាជការ ប្រជាពលរដ្ឋ អាជីវករ យុវជនយុវនារី សាធារណៈជនទូទៅទាំងអស់ សូមបន្តយកចិត្តទុកដាក់ ចូលរួមសំអាត​អនាម័យទាំងអស់គ្នា ដើម្បីត្រៀមអបអរសាទរបុណ្យទន្លេលើកទី៩ ដែលជាមុខមាត់​របស់ខេត្ត។ លោក ងិន ងិនដា បន្តថា ដើម្បីអបអរសាទរបុណ្យទន្លេប្រព្រឹត្តបរិស្ថាន​ស្អាតល្អ គប្បីមន្រ្តីរាជការ ពលរដ្ឋ យុវជនទាំងអស់ ចូលរួមសំអាត​ជុំវិញមន្ទីរអង្គភាព លំនៅដ្ឋាន និងតាមដងផ្លូវនានា ពិសេសនៅទី​តាំងត្រៀមរៀបចំបុណ្យទន្លេ ឱ្យ​បានស្អាត​ល្អ ដើម្បីជាការលើក​សម្រស់ក្រុងតាកែវ និងដើម្បីទាក់ទាញភ្ញៀវជាតិ អន្តរជាតិមក​កំសាន្តខេត្តតាកែវ ដែលល្បីពងទាកូនឆ្ងាញ់ និងម្ហូបប្លែកៗ៕ដោយ៖តាកែវ