បន្ទាយមានជ័យ៖ អគារញែកកាកសំណល់ និងទីលានចាក់សំរាមថ្មី​ដែលមានកម្រិតស្តង់ដារលើកដំបូងលើផ្ទៃដីទំហំ១១ ហិកតានៅ​ខេត្ត​បន្ទាយមានជ័យ ខណៈនេះសម្រេចសាងសង់បាន​ប្រមាណ​៧០ភាគរយហើយ ។អ្នកជំនាញរំពឹងថា សមិទ្ធផលនេះនឹងរួម​ចំណែក​ដល់ការលើកកម្ពស់សុខភាព និងបរិស្ថានល្អសម្រាប់​រស់នៅរបស់ប្រជា​ពល​រដ្ឋ​ក្នុងខេត្តបន្ទាយមានជ័យ ពិសេសប្រជាពលរដ្ឋ​ក្រុង​សិរីសោភ័ណ​និងបណ្ដាស្រុកមួយចំនួន បន្ទាប់ពីដាក់ឱ្យដំណើរការ។ អគារញែកកាកសំណល់ និងទីលានចាក់សំរាមថ្មីនៃខេត្តបន្ទាយ​មានជ័យ មានទំហំផ្ទៃដីសរុប១១ហិកតា ស្ថិតនៅភូមិកងវ៉ា សង្កាត់​កំពង់ស្វាយ ក្រុងសិរីសោភ័ណ ។គិតត្រឹមថ្ងៃទី១៣ ខែកញ្ញា ឆ្នាំ២០២៤ អគារនិងទីលានថ្មីនេះដំណើរការសាងសង់​បាន​៧០ភាគរយ​ហើយ ក្រោមថវិកាពីធនាគារអភិវឌ្ឍន៍អាស៊ី ឬអេឌីប៊ី( ADB) តាមរយៈរដ្ឋា​ភិបាល​ជាគម្រោងកែលំអ​បរិស្ថាន​ក្រុងរបស់ខេត្តជុំវិញ​បឹងទន្លេសាប​ជំហាន២ ដែលមានខេត្តកំពង់ធំ បាត់ដំបង និងខេត្តបន្ទាយមានជ័យ ។ទីលានដ៏ធំដំបូងគេរបស់ខេត្តបន្ទាយមានជ័យត្រូវ​បានសាង​សង់​តាមលក្ខណៈបច្ចេកទេស ។ លោក ឃ្លោក នួយ អភិបាលរងខេត្តក្នុងនាមឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងក្រុមការងារ​បច្ចេក​​ទេស បាន​អញ្ជើញទៅពិនិត្យដំណើរការសាងសង់ទីលានចាក់សំរាមនៅថ្ងៃទី១៣ ខែកញ្ញា ។លោកបញ្ជាក់ថា អគារ និងទីលាននេះ ឆ្លើយតប​ទៅនឹង​ការគ្រប់គ្រងបរិស្ថានបានល្អសម្រាប់ការរស់នៅរបស់ប្រជាពលរដ្ឋ ។រក្សាមិនឱ្យមានក្លិនប៉ះពាល់​ដល់មជ្ឈដ្ឋានជុំវិញ​ដ្បិតអី​ទីតាំងផ្ទុកសម្រាម​នៅឆ្ងាយពីមូលដ្ឋានលំនៅឋានរស់នៅរបស់ប្រជាពលរដ្ឋ ។ ទន្ទឹមនេះលោកអភិបាលរងខេត្តបានអំពាវនាវដល់ប្រជាពលរដ្ឋឱ្យបញ្ឈប់ការចោលសម្រាមពាសវាលពាសកាល និងវេចខ្ចប់​សម្រាម​ទុកដាក់ឱ្យ​បានត្រឹមត្រូវ ងាយស្រួលដល់ក្រុមដឹកជញ្ជូនសម្រាម។ ពិសេស​ធ្វើឱ្យ​អនាម័យ បរិស្ថានស្អាត ដែលផ្តល់នូវសុខភាពល្អ ៕ដោយ៖ គៀន ច័ន្ទហ៊ីន

(ភ្នំពេញ)៖ រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ ឱ្យបានជ្រាបថា រាជរដ្ឋាភិបាល បានអនុញ្ញាតឱ្យក្រសួងទេសចរណ៍ សហការជាមួយ ក្រសួង-ស្ថាប័នពាក់ព័ន្ធ ក្រុមហ៊ុន ជីប ម៉ុង និងវិស័យឯកជននានា នឹងរៀបចំព្រឹត្តិការណ៍ GumBall 3000 Rally in Cambodia ក្រោមប្រធានបទ “GumBall 3000 Rally in Cambodia ដើម្បីទេសចរណ៍” នៅថ្ងៃទី១៥ និងថ្ងៃទី១៦ ខែកញ្ញា ឆ្នាំ២០២៤ នៅទីធ្លាបរិវេណ សួនច្បារមុខវត្តបទុមវតី ជុំវិញវិមានឯករាជ្យ កំណាត់មហាវិថីព្រះសីហនុ និងកំណាត់មហាវិថីព្រះសុរាម្រឹត (ចាប់ពីរង្វង់មូលវិមានឯករាជ្យ រហូតដល់ស្តុបនាគបាញ់ទឹក) ក្នុងភូមិសាស្ត្រខណ្ឌចំការមន និងខណ្ឌដូនពេញ រាជធានីភ្នំពេញ។ ដើម្បីឱ្យព្រឹត្តិការណ៍ខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និង របៀបរៀបរយសាធារណៈ ព្រមទាំងបញ្ចៀសបាន នូវការកកស្ទះចរាចរណ៍ រដ្ឋបាលរាជធានីភ្នំពេញនឹងធ្វើការ បញ្ចៀសចរាចរជាបណ្តោះអាសន្នដូចខាងក្រោម៖ ដោយ ៖ ហេង សម្បត្តិ+ថេត វិចិត្រ

(កំពង់ធំ)៖ ក្នុងឱកាសសំណេះសំណាលជាមួយមន្ត្រីមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តកំពង់ធំ នាថ្ងៃទី១១ ខែកញ្ញា ឆ្នាំ២០២៤ ឯកឧត្តម ហែម វណ្ណឌី រដ្ឋមន្ត្រីក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានជំរុញស្ថាប័នអង្គភាពថ្នាក់ក្រោមជាតិទាំងអស់ ផ្តល់សេវាកម្មផ្សេងៗតាមប្រព័ន្ធអនឡាញ ដើម្បីបង្កើនការប្រកួតប្រជែងក្នុងបរិបទសេដ្ឋកិច្ចសកល ។ ឯកឧត្តម បន្តថា មន្ទីរឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ខេត្តកំពង់ធំ ជាសេនាធិការឲ្យក្រសួង លើការងារសម្របសម្រួលជាមួយបណ្ដាស្ថាប័ន មន្ទីរអង្គភាពជំនាញ នៅរដ្ឋបាលថ្នាក់ក្រោមជាតិ ព្រមទាំងអនុវត្តភារកិច្ចគ្រប់គ្រងវិស័យឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅក្នុងខេត្ត ផ្សព្វផ្សាយណែនាំ អនុវត្តគោលនយោបាយ យុទ្ធសាស្ត្រ ទិសដៅ និងផែនការរួមរបស់ក្រសួង គ្រប់គ្រងការងាររដ្ឋបាល និងសម្របសម្រួលសកម្មភាពគ្រប់ផ្នែក ការងារបច្ចេកទេសរបស់មន្ទីរចូលរួមអនុវត្តគោលនយោបាយវិមជ្ឈការ និងវិសហមជ្ឈការរបស់ក្រសួង និងការងារប្រតិភូកម្ម ទៅរដ្ឋបាលថ្នាក់ក្រោមជាតិ តាមដាន ជំរុញការងារឧស្សាហកម្ម សិប្បកម្ម និងការងារទឹកស្អាតនៅតាមបណ្តាក្រុង ស្រុក ចូលរួមអនុវត្តកម្មវិធីកំណែទម្រង់ផ្សេងៗ ស្របតាមសេចក្តីណែនាំរបស់ក្រសួង ស្ថាប័នជំនាញ ។…

(ពោធិ៍សាត់)៖ ក្រុមការងារ កាកបាទក្រហមកម្ពុជា ថ្នាក់កណ្តាល ដឹកនាំដោយ លោកជំទាវ ពុំចន្ទីនី អគ្គលេខាធិការ កាកបាទក្រហមកម្ពុជា សហការជាមួយ សាខាកាកបាទក្រហមកម្ពុជាខេត្តពោធិសាត់ បានរៀបចំយុទ្ធនាការដាំដើមឈើ ក្រោមប្រធានបទ ( រួមគ្នាពង្រឹងនិងពង្រីកបរិស្ថានបៃតង)នៅក្នុងបរិវេណ មណ្ឌលសុខភាព ប៊ុន រ៉ានី សែនជ័យ ដំណាក់ត្រយឹង និងពិធីប្រគល់ប្រាក់កម្ចីគ្មានការប្រាក់ដល់បងប្អូន ជាអតីតយុទ្ធជន ចំនួន ១០០គ្រួសារ កំពុងរស់នៅ ក្នុងភូមិ ប៊ុនរ៉ានី សែនជ័យ ដំណាក់ត្រយឹង ឃុំព្រងឹល ស្រុកភ្នំក្រវ៉ាញ ខេត្តពោធិសាត់ នាថ្ងៃទី១១ ខែកញ្ញា ឆ្នាំ២០២៤ ។ ឯកឧត្តម ខូយ រីដា អភិបាលនៃគណៈអភិបាលខេត្ត និងជាប្រធានគណៈកម្មាធិការសាខា បានគោរពថ្លែងអំណរគុណយ៉ាងជ្រាលជ្រៅ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូពីជីវភាពរស់នៅរបស់ប្រជាជន ក្នុងភូមិប៊ុនរ៉ានីសែនជ័យដំណាក់ត្រយឹង តាមរយៈការផ្តល់ជាលំនៅដ្ឋាន ការបង្កើតឱ្យមានមណ្ឌលសុខភាព សាលារៀន សម្រាប់ផ្តល់សេវាសុខភាព និងការសិក្សារៀនសូត្រ ជូនប្រជាជន…

បាត់ដំបង៖ដោយសារតែគ្រោះថ្នាក់ចរាចរណ៍ដែលតែងកើតឡើង ជាញឹកញាប់​នៅចំណុចផ្លូវបំបែកជា៤ នៃ ផ្លូវវាងក្រុងបាត់ដំបង។មន្ទីរសាធារណការខេត្តបានធ្វើការអ៊ុតគំនូសក្រហម ខៀវ ដើម្បី សុវត្ថិភាពចរាចរណ៍និងជាការពញ្ញាក់ស្មារតីដល់អ្នកបើកបរ​យាន​យន្តគ្រប់ប្រភេទដែលធ្វើដំណើរឆ្លងកាត់ទីនោះ ត្រូវតែបង្កើនការ ប្រុងប្រយ័ត្នខ្ពស់នៅពេលមកដល់ចំណុចនេះ។ ប្រាប់ទូរទស្សន៍អប្សរានៅក្នុងសប្ដាហ៍នេះក្នុងពេលកំពុងពិនិត្យការអ៊ុតគំនូសចរាចរណ៍បន្ថែម លោក ព្រួញ រិទ្ធិថា ប្រធានមន្ទីរ​សាធារណការ និង ដឹកជញ្ជូនខេត្តបាត់ដំបង បានបញ្ជាក់ថា ការអ៊ុតគំនូសចរាចរណ៍នៅ ចំណុចផ្លូវបំបែក​ជា៤នៃផ្លូវវាងក្រុងបាត់ដំបង នូវពណ៌ក្រហម ខៀវ ជាសញ្ញាបញ្ជាក់និងដើម្បីពញ្ញាក់ស្មារតីឱ្យអ្នកបើកបរត្រូវតែបង្កើននូវការប្រុងប្រយ័ត្នពេលមក​ដល់ទីនេះ​សំដៅ​កាត់បន្ថយគ្រោះថ្នាក់ចរាចរណ៍ ។លោកបន្តថា នៅចំណុចផ្លូវបំបែកជា៤នេះ តែងកើតមានគ្រោះថ្នាក់ ចរាចរណ៍ជា​ញឹកញាប់​។ លោក ព្រួញ រិទ្ធថា បានពន្យល់បន្ថែមថា អ្នកបើកបរនឹងមានការ ងឿងឆ្ងល់ពីគំនូសក្រហម ,​ខៀវនៅលើចំណុចទីតាំងដងផ្លូវ​ទាំង​នេះ។ប៉ុន្តែការអ៊ុតគំនូសក្រហមនេះគឺចង់បញ្ជាក់ឱ្យអ្នកបើកបរទាំងអស់ បានដឹងនិងកាន់តែ​មានស្មារតីប្រុងប្រយ័ត្នខ្ពស់ថានៅខាងមុខ គឺមាន ផ្លូវបំបែកជា៤ និងជាតំបន់គ្រោះថ្នាក់ ត្រូវតែមានការប្រុងប្រយ័ត្ន មុនមកដល់ទីតាំងនេះ ។ លោកបន្ថែមថា ក្រៅពីអ៊ុតគំនូសក្រហម ខៀវ មន្ទីរនឹងបំពាក់ភ្លើងសញ្ញា ចរាចរណ៍ជាច្រើនកន្លែងបន្ថែមទៀតដើម្បីជាការពញ្ញាក់​​ស្មារតីដល់ អ្នកបើកបរទាំងអស់ត្រូវតែបង្កើននូវការប្រុងប្រយ័ត្នខ្ពស់បំផុត។បន្ទាប់ពីក្រុមការងារអ៊ុតគំនូស និងបំពាក់ភ្លើង​សញ្ញា​ចរាចរណ៍បាន រួចរាល់ហើយនោះមន្ទីរនឹងបន្តផ្សព្វផ្សាយបញ្ជ្រាបដល់អ្នកបញ្ជាយានយន្តនៅលើដងផ្លូវនិងប្រជាពលលរដ្ឋប្រើប្រាស់ផ្លូវឱ្យកាន់តែបានយល់ដឹងបន្ថែមពីគំនូសសញ្ញាលើដងផ្លូវដើម្បីឈានទៅកាត់បន្ថយអត្រានៃគ្រោះថ្នាក់ចរាចរណ៍។ លោក ព្រួញ រិទ្ធថា បន្តថា កន្លងរដ្ឋបាលខេត្តបាត់ដំបង ក៏ដូចជាមន្ទីរ សាធារណការខេត្ត…

(កូរ៉េខាងត្បូង)៖ ក្នុងឱកាសដឹកនាំគណៈប្រតិភូ ជួបពិភាក្សាការងារជាមួយឯកឧត្តម Yoon Suk-Yeol នៅវិមានប្រធានាធិបតីកូរ៉េខាងត្បូង នារសៀលថ្ងៃទី១១ ខែកញ្ញា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា បានបង្ហាញនូវក្ដីសង្ឃឹមថា លោក Yoon Suk-Yeol ប្រធានាធិបតីកូរ៉េខាងត្បូង នឹងបន្ថែមកូតា សម្រាប់ពលករកម្ពុជា មកបំពេញការងារនៅប្រទេសកូរ៉េខាងត្បូង ។ សម្តេចតេជោ ហ៊ុន សែន ក៏បានថ្លែងអំណរគុណផងដែរ ចំពោះការយកចិត្តទុកដាក់របស់រដ្ឋាភិបាលកូរ៉េ ចំពោះការទទួលពលករកម្ពុជា មកបម្រើការងារនៅកូរ៉េ ដែលនឹងនាំត្រឡប់ទៅកម្ពុជាវិញ នូវចំណេះដឹងបច្ចេកវិទ្យា ដើម្បីជួយអភិវឌ្ឍន៍នៅកម្ពុជា ។ ឯកឧត្តម ប្រធានាធិបតី Yoon Suk-Yeol ក៏បានថ្លែងអំណរគុណ សម្ដេចតេជោ ដែលបានខិតខំប្រឹងប្រែងក្នុងការបង្កើត ពង្រឹង និងពង្រីកទំនាក់ទំនងរវាងប្រទេសទាំងពីរ កម្ពុជា-កូរ៉េ ។ សូមជម្រាបថា គិតចាប់ពីឆ្នាំ២០០៧ ដល់ថ្ងៃទី១២ ខែមីនា ឆ្នាំ២០២៤ កម្ពុជាបានបញ្ជូនពលករសរុបចំនួន ១០៥,៨៤៤នាក់ (ស្រី ២៣.០៧៦ នាក់) ទៅធ្វើការនៅកូរ៉េខាងត្បូង…

កំពង់ធំ៖ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ក្នុងពិធីសំណេះសំណាលជាមួយ​មន្ត្រីរនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តកំពង់ធំកាលពីថ្ងៃទី ១១ ខែ កញ្ញា ឆ្នាំ២០២៤ឯកឧត្តមបាន​ជំរុញឱ្យមន្រ្តីនៅទីនោះយកចិត្តទុកដាក់ក្នុងការផ្តល់សេវាកម្មផ្សេងៗតាមប្រព័ន្ធអនឡាញ ដើម្បីបង្កើនការប្រកួត​ប្រជែងក្នុង​បរិបទ​សេដ្ឋកិច្ចសកល។ ឯកឧត្តមរដ្ឋមន្រ្តីបានបន្តថា មន្ទីរឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ ខេត្តកំពង់ធំ ជាសេនាធិការឱ្យក្រសួង លើ​ការងារ​សម្របសម្រួលជាមួយបណ្ដាស្ថាប័ន មន្ទីរអង្គភាពជំនាញនៅរដ្ឋបាល​ថ្នាក់ក្រោមជាតិ ព្រមទាំងអនុវត្តភារកិច្ចគ្រប់​គ្រង​វិស័យឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅក្នុងខេត្ត។ ជាអ្នក​ផ្សព្វផ្សាយ​ណែនាំ អនុវត្តគោលនយោបាយ យុទ្ធសាស្ត្រ ទិសដៅ និងផែនការរួម​របស់ក្រសួង ។មន្ទីរចូលរួមអនុវត្តគោលនយោបាយវិមជ្ឈការ និងវិសហមជ្ឈការរបស់ក្រសួង និងការងារប្រតិភូកម្ម ទៅរដ្ឋបាលថ្នាក់​ក្រោមជាតិតាមដាន ។ជំរុញការងារឧស្សាហកម្ម សិប្បកម្ម និងការងារ​ទឹក​ស្អាតនៅតាម​បណ្តា​ក្រុងស្រុកចូលរួមអនុវត្តកម្មវិធីកំណែទម្រង់​ផ្សេងៗស្របតាមសេចក្តីណែនាំរបស់ក្រសួង ស្ថាប័នជំនាញ សហការ​ជាមួយក្រសួង អនុវត្តការងារបច្ចេកទេស និងសុវត្ថិភាពឧស្សាហកម្ម​សហការជាមួយអាជ្ញាធរ មន្ទីរ អង្គភាពពាក់ព័ន្ធ ដើម្បីជំរុញការអភិវឌ្ឍវិស័យ STI ចូលរួមគាំទ្រ ផ្សព្វផ្សាយ និងជំរុញការអភិវឌ្ឍវិស័យឧស្សាហកម្ម សិប្បកម្ម SME, STI…

(កូរ៉េខាងត្បូង)៖ សម្ដេចតេជោ ហ៊ុន សែន ប្រធានព្រឹទ្ធសភានៃកម្ពុជា បានអញ្ជើញជួបពិភាក្សាការងារជាមួយលោក Ban Ki-moon អតីតអគ្គលេខាធិការអង្គការសហប្រជាជាតិ នៅក្នុងឱកាសសម្ដេចអញ្ជើញចូលរួមក្នុង «វេទិកាចំណេះដឹងពិភពលោក» នៅសាធារណរដ្ឋកូរ៉េ នៅរសៀលថ្ងៃទី១១ ខែកញ្ញា ឆ្នាំ ២០២៤ ។ ក្នុងឱកាសនោះ លោក Ban Ki-moon បានសម្ដែងការស្វាគមន៍យ៉ាងកក់ក្តៅចំពោះ សម្ដេចតេជោ និងគណៈប្រតិភូកម្ពុជា ដែលរៀបចំឱ្យមានជំនួបនេះឡើង ក្នុងពេលដែលសម្ដេចអញ្ជើញមកចូលរួមក្នុង «វេទិកាចំណេះដឹងពិភពលោក»។លោកក៏បានអបអរសាទរសម្ដេចតេជោ ដែលបានក្លាយជាប្រធានព្រឹទ្ធសភា។ លោក Ban Ki-moon និងសម្ដេចតេជោ បានរំលឹកនូវអនុស្សាវរីយ៍ដែលបានធ្វើការងារជាមួយគ្នា ហើយលោក បាន គីមូន ក៏បានអរគុណ សម្តេចតេជោ និងកម្ពុជា ដែលបានគាំទ្រអង្គការសហប្រជាជាតិ ក្នុងអំឡុងពេលដែលលោកនៅជាអគ្គលេខាធិការ។ លោកបានមានប្រសាសន៍ថា ការដឹកនាំរបស់សម្ដេចតេជោ បានធ្វើឱ្យទំនាក់ទំនងកម្ពុជា និងកូរ៉េ មានភាពល្អប្រសើរ និងបានរួមចំណែកដល់សុខសន្តិភាពទាំងតំបន់ និងពិភពលោកផងដែរ។ លោក Ban Ki-moon បានបញ្ជាក់ថា សម្ដេចតេជោ គឺជាមេដឹកនាំដែលនាំឱ្យកម្ពុជា ទទួលបាននូវសុខសន្តិភាព…

(កូរ៉េខាងត្បូង)៖ ក្នុងឱកាសទទួលសញ្ញាបត្របណ្ឌិតកិត្តិយស លើផ្នែក «ភាពជា​អ្នក​ដឹកនាំ និងការកសាងសន្តិភាព» ពីសាកលវិទ្យាល័យដុងហ្គុកវ៉ាយស៍ (Dongguk University WISE) នៅខេត្តឃ្យុងសាងបុកដូ របស់សាធារណរដ្ឋកូរ៉េ នៅថ្ងៃទី១២ ខែ​កញ្ញា ឆ្នាំ២០២ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា បា​នចែករំលែកបទពិសោធន៍ក្នុងការរំដោះប្រទេសចេញពីភ្លើងសង្គ្រាម នាំមកនូវ​សន្ដិ​ភាព និងការកសាងឡើងវិញ ទៅកាន់ពិភពលោក ដោយបែងចែកជា ៣ចំណុចសំខាន់ៗ ។ សម្ដេចតេជោ ហ៊ុន សែន ដែលជាអ្នកកាច់ចង្កូតនាវាកម្ពុជា ចេញពីភ្លើងសង្គ្រាម​ដោយ​ផ្ទាល់ បានលើកឡើង​នូវអ្វីដែលជាបទពិសោធន៍ជាក់ស្ដែង ដោយសង្ខេបចេញពីដំ​ណើរការកសាងសន្ដិភាព និងការផ្សះផ្សាកម្ពុជា ទៅកាន់អង្គពិធី ដូច្នេះថា ៖ ទី១-ភាពជាម្ចាស់លើជោគវាសនាប្រទេសជាតិ។ ប្រទេសជាតិមួយត្រូវតែមានភាពជាម្ចាស់ លើបញ្ហាជាតិរបស់ខ្លួន។ នៅពេលដែលប្រជាជាតិមួយបាត់បង់ម្ចាស់ការលើជោគវាសនា របស់ប្រទេសខ្លួន ពេលនោះហើយដែលប្រទេសជាតិត្រូវទទួលរងការបែកបាក់ និងគ្រោះមហន្តរាយ។ ដូចគ្នាដែរ ដំណើរការស្វែងរកសន្តិភាព ក៏ត្រូវតែចាប់ផ្តើមចេញពីពលរដ្ឋម្ចាស់ប្រទេស ហើយដំណោះស្រាយដែលយូរអង្វែង ក៏ទាមទារឲ្យមានការចូលរួមពីប្រជាជន និងកងកម្លាំងប្រដាប់អាវុធគ្រប់និន្នាការនយោបាយផងដែរ មុននឹងឈានទៅសម្រេចបាននូវឯកភាពជាតិ និងកងកម្លាំងប្រដាប់អាវុធជាតិតែមួយ ។ ទោះបីជាកម្ពុជា ទទួលបានការជ្រោមជ្រែងពីមិត្តបរទេស និងអង្គការសហប្រជាជាតិយ៉ាងណាក្តី…

បាត់ដំបង៖ឯកឧត្តម ហ្សាហៀរូឌីន បាបារថាហីម (Zaheeruddin Babar Thaheem )ឯកអគ្គរដ្ឋទូតប៉ាគីស្ថានប្រចាំនៅព្រះរាជា​ណា​​ចក្រ​​កម្ពុជាបានបង្ហាញវត្តមាននៅខេត្តបាត់ដំបងកាលពីថ្ងៃទី១០ ខែកញ្ញា ឆ្នាំ២០២៤ ក្នុងបេសកកម្មឈ្វេងយល់​លើវិស័យ​សេដ្ឋកិច្ច និងទេសចរណ៍នៅខេត្តបាត់ដំបង ដែលជាខេត្តមានសក្ដានុពល​ចម្រុះរបស់កម្ពុជា។ ក្នុងជំនួបពិភាក្សាការងារជាមួយឯកឧត្តម សុខ លូ អភិបាលខេត្តបាត់​ដំបងនៅសាលាខេត្តបាត់ដំបង គណៈប្រតិភូស្ថានទូត​ប៉ាគីស្ថានបាន​ដឹង​ពីសក្តានុពលសេដ្ឋកិច្ចក្នុងខេត្ត, ពីគម្រោងអភិវឌ្ឍន៍ផ្សេងៗ, ពីស្ថានភាពរួមដែលមាននៅក្នុង​ខេត្ត, ការដោះដូរ​ពាណិជ្ជកម្មឆ្លងដែន​ជាមួយប្រទេសថៃ។ពិសេសនោះគឺសក្ដានុពលដ៏សម្បូរបែប​របស់ខេត្តបាត់ដំបងលើវិស័យទេសចរណ៍ និងកសិកម្ម។ ឯកឧត្តម សុខ លូ បានជម្រាបជូនភ្ញៀវថា ថ្វីត្បិតតែខេត្តបាត់ដំបង មានសក្ដានុពលខ្ពស់លើវិស័យ​កសិកម្ម ក៏ប៉ុន្តែការទាក់ទាញ​អ្នក​វិនិយោគលើផ្នែកឧស្សាហកម្ម និងការកែច្នៃនូវផលិតផលកសិផល សម្រាប់ការនាំចេញនៅមានកម្រិតតិចតួច។ជាក់ស្តែង​ខេត្តបាត់​ដំបងក្រៅពីការផ្គត់ផ្គង់ក្នុងខេត្ត នៅសល់អង្ករប្រមាណ៧៥ម៉ឺនតោន​ក្នុងមួយឆ្នាំៗ​ខណៈការនាំចេញទៅកាន់​ទីផ្សារក្រៅប្រទេស​មាន​ប្រមាណ ៣០ម៉ឺនតោនប៉ុណ្ណោះ។ ចំណែកអង្ករនៅសល់ ត្រូវបាននាំ​ចេញ​ទៅកាន់បណ្ដាខេត្តផ្សេងៗក្នុងប្រទេសកម្ពុជា និង ប្រទេសជិត​ខាង។ ឯកឧត្តមអភិបាលខេត្តបានស្នើដល់ឯកឧត្តមអគ្គរដ្ឋទូតប៉ាគីស្ថានឱ្យជួយពិនិត្យលទ្ធភាពក្នុងការជួយកៀរ​គរវិនិយោគិនប៉ាគីស្ថានឱ្យ​មក​បណ្ដាក់​ទុន និងផ្លាស់ប្ដូរពាណិជ្ជកម្ម និងទេសចរណ៍ជាមួយខេត្ត​បាត់ដំបង ។រដ្ឋបាលខេត្តបានត្រៀមនិងបង្កលក្ខណៈ​គ្រប់​ពេល​វេលាក្នុងការស្វាគមន៍ និងផ្ដល់នូវកិច្ចសហការជានិច្ច។ ជាការឆ្លើយតបរបស់ ឯកឧត្តម ហ្សាហៀរូឌីន បាបារថាហីម ឯកអគ្គ​រដ្ឋទូតប៉ាគីស្ថានប្រចាំកម្ពុជាបានអះអាងថា នឹងនាំយកនូវ​សំណើ​របស់ឯកឧត្តមអភិបាលខេត្តទៅជម្រាបជូនដល់ថ្នាក់ដឹកនាំនៃប្រទេសប៉ាគីស្ថានឱ្យបានជ្រាបនិងពិចារណាជាពិសេសផ្តោតលើវិស័យពាណិជ្ជកម្ម និងទេសចរណ៍ ក្នុងខេត្ត ។ ឯកឧត្តមឯកអគ្គរដ្ឋទូត បានបង្ហាញនូវការកត់សម្គាល់ចំពោះដំណើរ​មកកាន់ខេត្តបាត់ដំបង​ជាលើកទី១របស់​លោក​ដោយបាន​កោត​សរសើរខេត្តបាត់ដំបង ថាជាខេត្តដែលមានវប្បធម៌ដ៏ចំណាស់ និងមាន​អគារប្រវត្តិសាស្រ្តច្រើន។ ខេត្តបាត់ដំបង…