ភ្នំពេញ៖ ក្នុងពិធីប្រគល់វិញ្ញាបនបត្រ ជូនសិស្ស មេធាវី និងសិក្ខាកាមមេធាវីសរុប១,៦៦០រូប នៅព្រឹកថ្ងៃទី៥ ខែសីហា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា ផ្លូវក្រវាត់ព្រំដែនមានប្រវែងជាង ២,៦៦០គីឡូម៉ែត្រ តែបច្ចុប្បន្ន រាជរដ្ឋាភិបាល បន្តធ្វើផ្លូវនេះបាន ១,៣០០គីឡូម៉ែត្រ នៅសល់ ១,៣០០គីឡូម៉ែត្រទៀត ខណៈកាលពីខែកក្កដា សម្តេច បានចុះហត្ថលេខាបញ្ចប់ផែនការធ្វើផ្លូវក្រវាត់ព្រំដែន នៅក្នុងរយៈពេល១០ឆ្នាំ ខាងមុខ ដោយនឹងចំណាយថវិកាជាង ២០០លានដុល្លារ ។ សម្តេចធិបតី ហ៊ុន ម៉ាណែត ក៏បានថ្លែងអំណរគុណចំពោះសាធារជន ដែលបានចូលរួមដោយបរិច្ចាគដោយស្ម័គ្រចិត្តក្នុង មូលនិធិកសាងហេដ្ឋារចនាសម្ព័ន្ធតាមព្រំដែន ចាប់ពី១០០រៀល រហូតដល់ ១លានដុល្លារ ។ ថ្វីត្បិតតែបរិមាណទឹកប្រាក់ខុសគ្នាក៏ដោយ តែសម្តេច ថា មានតម្លៃស្មើគ្នា ដែលឆ្លុះបញ្ជាំងពីស្មារតីស្នេហាជាតិពិតប្រាកដ និងបានលើកឡើងពីទឹកចិត្តដ៏ថ្លៃថ្លារបស់ប្រជាពលរដ្ឋខ្មែរ ដោយសង្កត់ធ្ងន់ថា ការចូលរួមពីគ្រប់មជ្ឈដ្ឋាន មិនត្រឹមតែជាកាយវិការព្រួយបារម្ភ ប៉ុន្តែ ជាសកម្មភាពជាក់ស្តែងក្នុងការការពារទឹកដីរបស់ប្រទេស ។ សម្តេចធិបតី បានប្រកាសចាត់ទុកការកសាងហេដ្ឋារចនាសម្ព័ន្ធតភ្ជាប់តាមបណ្តោយព្រំដែន ជាពិសេស…

នៅគ្រប់ក្រសួងស្ថាប័ន រដ្ឋបាលថ្នាក់ក្រោមជាតិ និងនីតិបុគ្គលសារធារណៈ ក្នុងការ​ផ្តល់សេវាសារធារណៈ សម្រាប់ផ្ទៀងផ្ទាត់ភាពត្រឹមត្រូវនៃ ឯកសារ តាមរយៈ​ការ​ដាក់បញ្ចូល QR Code ស្តង់ដា ដោយ ៖ ង៉ាន់ ទិត្យ

ពោធិ៍សាត់៖តំណាងរាស្ត្រមណ្ឌលខេត្តពោធិ៍សាត់រួមមាន ឯកឧត្តម ស៊ុយ សែម, ឯកឧត្តម ទី ថានី, ឯកឧត្តម កែវ វីរៈ និងឯកឧត្តម រ៉ូហ្វី អូស្មាន បានអញ្ជើញជួបសំណេះសំណាលជាមួយប្រជាពលរដ្ឋ​សង្កាត់ផ្ទះព្រៃ ក្រុងពោធិ៍សាត់ ដើម្បីទទួលយក​នូវសំណូមពរ​និងតម្រូវការចាំបាច់ពីមូលដ្ឋាន។ ក្នុងពិធីដែលបានប្រារព្ធនៅវត្តពាលញែក កាលពីព្រឹកថ្ងៃទី៤ ខែកញ្ញា ឆ្នាំ២០២៤ ឯកឧត្តម ស៊ុយ សែម បានលើកឡើងថា ការ​ជួបជុំគ្នាថ្ងៃនេះ គឺដើម្បីដឹងសុខ ដឹងទុក្ខគ្នាទៅវិញទៅមក រវាងអ្នកតំណាងរាស្ត្រជាមួយ​ប្រជាពលរដ្ឋសង្កាត់ផ្ទះព្រៃ បន្ទាប់ពី​បងប្អូន​បានបោះឆ្នោតជូន​ឯកឧត្តម​ជាប់ជាតំណាងរាស្ត្រមណ្ឌលខេត្តពោធិ៍សាត់ទាំង៤នាក់ក្នុងនីតិកាលនេះ។ឯកឧត្តមបន្តថា​តំណាងរាស្ត្រ​ត្រូវដឹងពីសុខទុក្ខ បញ្ហាប្រឈម និងសេចក្ដីត្រូវការចាំបាច់របស់ប្រជាពលរដ្ឋនៅមូលដ្ឋាន ដើម្បីដោះ​ស្រាយនិងរាយការណ៍​ជូន​ទៅថ្នាក់ដឹកនាំកំពូល ព្រមទាំងនាំ​យក​ព័ត៌មានពីថ្នាក់លើ មកប្រាប់ប្រជាពលរដ្ឋនៅមូលដ្ឋានវិញ។ ប្រជាពលរដ្ឋជាច្រើនរយនាក់ដែលចូលរួមក្នុងពិធីនេះ បានបង្ហាញនូវ​ទឹកមុខសប្បាយរីករាយនិងបានលើកឡើងថា សព្វថ្ងៃពួកគាត់​បានរស់នៅដោយសុខស្រួល ក្រោមម្លប់សន្តិភាព គ្មានការភ័យខ្លាច មានសិទ្ធិសេរីភាពគ្រប់គ្រាន់ និងបានឃើញការអភិវឌ្ឍរីក​ចម្រើន​លើគ្រប់វិស័យ ក្រោមការដឹកនាំរបស់រាជរដ្ឋាភិបាលដែល​មាន​សម្ដេចតេជោ ហ៊ុន សែន អតីតនាយករដ្ឋមន្រ្តី​និងសម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា។ ប៉ុន្តែទន្ទឹមនឹងនេះក៏​នៅមានបញ្ហា​មួយចំនួន ដូចជា គ្រឿងញៀន ល្បែងស៊ីសង សកម្មភាព​ក្មេងទំនើង កង្វះអនាម័យ បរិស្ថាន…

ស្ទឹងត្រែង៖ប្រជាពលរដ្ឋចំនួន២ភូមិ នៃឃុំក្បាលរមាស ស្រុកសេសាន ខេត្តស្ទឹងត្រែង ទទួលបានវិញ្ញាបនបត្រសម្គាល់​អចលន​វត្ថុ និងមោឃ​ភាពនៃបណ្ណសម្គាល់សិទ្ធិកាន់កាប់ប្រើប្រាស់ដីធ្លី ឬបណ្ណសម្គាល់​សិទ្ធិ​កាន់កាប់អចលនវត្ថុ ពីមន្ទីររៀបចំដែនដី នគរូបនីយ​កម្មសំណង់ និង​សុរិយោដីខេត្តកាលពីព្រឹកថ្ងៃទី៤ ខែកញ្ញា ឆ្នាំ២០២៤ ។ ពិធីប្រគល់វិញ្ញាបនបត្រសម្គាល់ម្ចាស់អចលនវត្ថុដល់ប្រជាពលរដ្ឋមកពីភូមិស្រែស្រណុក និងភូមិក្របីជ្រុំ ឃុំក្បាលរមាស ប្រព្រឹត្ត​ទៅនៅ​បរិវេណសាលាឃុំក្បាលរមាស ស្រុកសេសាន ក្រោមអធិបតីភាព ឯកឧត្តម សរ សុពុត្រា អភិបាលខេត្តស្ទឹងត្រែង លោកស្រី កុត ប៊ុនមី សមាជិកាក្រុមប្រឹក្សាខេត្តស្ទឹងត្រែង។ ក្នុងឱកាសនេះឯកឧត្តម សរ សុពុត្រា បានថ្លែងទៅកាន់ប្រជាពលរដ្ឋ​ចូលរួមថា ការទទួលបានបណ្ណ​នាពេលនេះ បង្ហាញពី​ការទទួល​បាននូវ​កម្មសិទ្ធិស្របច្បាប់របស់ប្រជាពលរដ្ឋ ហើយបណ្ណនេះក៏មិនត្រឹមតែ​បង្ហាញពីការកាន់កាប់ទ្រព្យ ឬមរតកប្រកបដោយ​ស្រប​ច្បាប់ប៉ុណ្ណោះទេ តែក៏ជាផ្នែកមួយនៃការបញ្ចប់ទំនាស់ដីធ្លីរវាងឪពុកនិងកូន ,បងប្អូន​ក្រោយ​បែងចែកទ្រព្យសម្បត្តិមិនច្បាស់លាស់ នឹងគ្នាផងដែរ។អ្នក​ដែលមានឈ្មោះនៅក្នុងបណ្ណនេះ គឺជាម្ចាស់អចនលទ្រព្យពិតប្រាកដ ហើយក៏មានសិទ្ធិបែងចែកបន្តទៀត​ទៅ​កាន់អ្នកដែលគាត់សម្រេច​ចង់បែងចែកនោះដែរ។ លោក ទេព ឌីលី អនុប្រធានមន្ទីររៀបចំដែនដី នគរូបនីយកម្មសំណង់ និងសុរិយោដីខេត្តស្ទឹងត្រែង បានឱ្យ​ដឹងថា ក្រុមការងារ​មន្ទីរ​បាន​វាស់វែងចុះបញ្ជីដីមានលក្ខណៈជាប្រព័ន្ធ សម្រាប់ភូមិស្រែស្រណុក​បានចំនួន៧០៣ក្បាលដី និងស្នើសុំចេញបណ្ណចំនួន៣៨៣​ក្បាល​ដី ស្មើនឹង១៩២គ្រួសារ ។ ដោយឡែកភូមិក្របីជ្រុំ បានចុះវាស់វែងនិងចុះបញ្ជីដីមានលក្ខណៈជាប្រព័ន្ធចំនួន៨៥៩ក្បាល​ដី និងស្នើរសុំចេញបណ្ណចំនួន៤៥១ក្បាលដី…

រតនគិរី៖ថ្លែងនៅក្នុងពិធីចែកវិញ្ញាបនបត្រសម្គាល់ម្ចាស់អចលន​វត្ថុជូនប្រជាពលរដ្ឋ ភូមិកាម្មាំង ភូមិស៊ូ និងភូមិញល ឃុំឡាមិញ ស្រុកបរកែវ ខេត្តរតនគិរី កាលពីរសៀលថ្ងៃទី៤ ខែកញ្ញា ឆ្នាំ២០២៤ ឯកឧត្តម ញ៉ែម សំអឿន អភិបាលខេត្តរតនគិរី បានលើក​ឡើងថា រាជរដ្ឋាភិបាលក្រោមការដឹកនាំដ៏ខ្ពង់ខ្ពស់របស់សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា​ចក្រកម្ពុជាបានបន្ត​យក​ចិត្តទុកដាក់ខ្ពស់លើការងារចុះបញ្ជីដីធ្លីមានលក្ខណៈប្រព័ន្ធជូនបងប្អូនប្រជាពលរដ្ឋ។ ឯកឧត្តមបានបន្តទៀតថា តាមផែនការរបស់ក្រសួងរៀបចំដែនដី នគរូបនីយកម្ម និងសំណង់ ក្រោមការដឹកនាំរបស់ឯកឧត្តម សាយ សំអាល់ ឧបនាយករដ្ឋមន្ត្រីបានដាក់ចេញជំរុញការងារចុះបញ្ជីដីធ្លី​ឱ្យបានចប់ត្រឹមឆ្នាំ២០២៥ ក្រោមពាក្យស្លោក “ចុះបញ្ជីបញ្ចប់ ចែក​ប័ណ្ណ បរិយាកាសគ្មានវិវាទ”។ ជាមួយនឹងលទ្ធផល ឯកឧត្តមអភិបាលខេត្តបានអបអរសាទរជាមួយ​ប្រជាពលរដ្ឋដែលជាម្ចាស់ដីដែលបានទទួលប័ណ្ណសម្គាល់កម្មសិទ្ធ​នាពេលនេះ។ឯកឧត្តមបញ្ជាក់ថាការចុះបញ្ជីដីធ្លីមានលក្ខណៈ​ជាប្រព័ន្ធ គឺជាការចុះបញ្ជីដំបូង ហើយ​ផ្តល់នូវសារសំខាន់ដល់​ប្រជាពលរដ្ឋដែលជាម្ចាស់ដីធានានូវភាពស្របច្បាប់នៃការកាន់កាប់ ភាពច្បាស់លាស់នៃការកាន់កាប់ កាត់បន្ថយទំនាស់ដីធ្លី កាត់បន្ថយ​ភាពក្រីក្រ ។ពិសេសគឺការប្រើប្រាស់ និងចាត់ចែងផ្សេងទៀត​តាម​ដែល​អាចធ្វើបាន។ បើតាមការលើកឡើងពីលោក លី ឧសភា ប្រធានមន្ទីររៀបចំដែន​ដីខេត្តឱ្យដឹងថា ភូមិទាំង៣ ដែលទទួលបានវិញ្ញាបនបត្រសម្គាល់ម្ចាស់អចលនវត្ថុនាពេលនេះមានចំនួន ៨៥៨វិញ្ញាបនបត្រ៕ដោយ៖ គតិ យុត្ត

បាត់ដំបង៖ឯកឧត្តម សុខ លូ អភិបាលខេត្តបាត់ដំបង និងជាប្រធាន​គណៈបញ្ជាការឯកភាពរដ្ឋបាលខេត្ត បានក្រើនរំលឹក​ដល់​អាជ្ញាធរ មន្រ្តីជំនាញ និងកម្លាំងសមត្ថកិច្ចគ្រប់លំដាប់ថ្នាក់ រដ្ឋបាលស្រុក-ក្រុងទាំង១៤ត្រូវតែពង្រឹងសមត្ថភាពនៃកងកម្លាំងរបស់ខ្លួន ក្នុងការចាត់​វិធាន​ម៉ឺង​ម៉ាត់​បង្រ្កាបក្មេងទំនើង គ្រឿងញៀន និងរាល់បទល្មើសល្បែងស៊ីសងនានា។ ក្នុងកិច្ចប្រជុំគណៈបញ្ជាការឯកភាពខេត្តកាលពីព្រឹកថ្ងៃទី៤ ខែកញ្ញា ឆ្នាំ២០២៤ ឯកឧត្តម សុខ លូ បានបន្ថែមទៀតថា ក៏ត្រូវបង្រ្កាប​ផងដែរល្មើសជួញដូរមនុស្ស អាជីវកម្មផ្លូវភេទ បទល្មើសព្រៃឈើ បទល្មើសនេសាទ ការទន្រ្ទានដីព្រៃលិចទឹក ។ឯកឧត្តមបន្ថែមថា ត្រូវតែម៉ឺង​ម៉ាត់ក្នុងការពង្រឹងការងារគ្រប់គ្រងអាវុធជាតិផ្ទុះ ,បទល្មើស​ឆ្លងដែន។ពិសេស ត្រូវទប់ស្កាត់ពលករឆ្លងដែនខុសច្បាប់ឱ្យបាននិងវែកមុខបង្រ្កាបមេខ្យល់ដែលនាំពលករឆ្លដែនខុសច្បាប់ទាំងនោះ ដោយគ្មានករណីលើកលែងដាច់ខាត។ តាមរបាយការណ៍បង្ហាញក្នុងកិច្ចប្រជុំឱ្យដឹងថា មុខសញ្ញាក្មេង​ទំនើងកំពុងគ្រប់គ្រងបច្ចុប្បន្នទូទាំងខេត្តមានចំនួន៤៧៨នាក់ ស្មើនឹង១០០ក្រុម និង មុខសញ្ញាទោល ចំនួន ១៤៩នាក់ ដែលធ្លាប់​ពាក់ព័ន្ធ នឹង បទល្មើសព្រហ្មទណ្ឌ ២៣៣នាក់,គ្រឿងញៀន​២៨នាក់,បង្កការអុកឡុក១១៧នាក់,បង្ហោះម៉ូតូ៩៣នាក់ និង គេចសាលា៧នាក់។ ដោយឡែក ក្នុងខែសីហាកន្លងទៅ បទល្មើសព្រហ្មទណ្ឌកើត​ឡើង​១៣លើក។ឯលទ្ធផលបង្រ្កាបបាន១០០ភាគរយនៃចំនួនបទ​ល្មើស​កើតឡើង។ បន្ថែមពីនេះកម្លាំងសមត្ថកិច្ច បានចុះបង្រ្កាបករណី​ក្មេង​ទំនើងបានចំនួន៨​ករណី ឃាត់ខ្លួន៥០នាក់។ក្នុងនោះចាត់​វិធានការផ្លូវ​ច្បាប់ ៦ករណី,ឃាត់ខ្លួន៤៦នាក់ និង ចាត់វិធានការរដ្ឋបាល ចំនួន២​ករណី, អប់រំ ៤នាក់៕ អត្ថបទ-រូបភាព៖…

(ភ្នំពេញ)៖ ឯកឧត្តម កាន់ ផារិទ្ធ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាការងារជាមួយលោកជំទាវ តែ ឡៃឆេង ឯកអគ្គរដ្ឋទូតសិង្ហបុរីប្រចាំកម្ពុជា នៅទីស្តីការក្រសួង នាថ្ងៃទី២ ខែកញ្ញា ឆ្នាំ២០២៤ ។ ភាគីទាំងពីរ បានសម្តែងនូវសេចក្តីសោមនស្សរីករាយចំពោះកិច្ចសហប្រតិបត្តិការជិតស្និទ្ធរវាងកម្ពុជា និងសិង្ហបុរី។ ឯកឧត្តមរដ្ឋលេខាធិការ បានជម្រាបជូន លោកជំទាវឯកអគ្គរដ្ឋទូត អំពីការបន្តផ្ដល់ការគាំទ្ររបស់រាជរដ្ឋាភិបាលកម្ពុជា ដល់សិង្ហបុរី ក្នុងក្របខណ្ឌអង្គការសហប្រជាជាតិ ជាពិសេសលើការការពារសិទ្ធិអធិបតេយ្យរបស់រដ្ឋ ដែលគ្រោងនឹងលើកយកមកពិភាក្សានាសម័យប្រជុំលើកទី៧៩ នៃមហាសន្និបាតអង្គការសហប្រជាជាតិ នៅខែកញ្ញា ឆ្នាំ២០២៤ ។ លោកជំទាវ តែ ឡៃឆេង បានថ្លែងអំណរគុណចំពោះរាជរដ្ឋាភិបាលកម្ពុជា និងក្រសួងការបរទេស និងសហប្រតិបត្តិការអន្តរជាតិ សម្រាប់ការគាំទ្រ និងកិច្ចសហប្រតិបត្តិការជាវិជ្ជមានរវាងប្រទេសទាំងពីរ ៕ ដោយ ៖ សួង ពិសិដ្ឋ

រតនគិរី៖សិល្បករ សិល្បការិនីចំនួនជាង៥០នាក់​ នៃសមាគមសិល្បក​រខ្មែរ បានធ្វើទស្សនកិច្ចនៅខេត្តរតនគិរី ។ទស្សនកិច្ចនេះត្រូវ​បានរៀបចំ​និងដឹកនាំដោយឯកឧត្តម ទិត ថាវរិទ្ធ រដ្ឋលេខាធិការក្រសួងវប្បធម៌ និងវិចិត្រសិល្បៈនិងជាប្រធានក្រុមប្រឹក្សាភិបាល​សមាគម​សិល្បករ​ខ្មែរ និងលោកជំទាវ ឡុង ភារម្យ រដ្ឋលេខាធិការក្រសួងទេសចរណ៍ និងជាសមាជិកក្រុមប្រឹក្សាភិបាលសមាគម ។ សិល្បករសិល្បការិនីធ្វើទស្សនកិច្ច នៅបណ្ដាខេត្តទាំង៤ជាប់ព្រំប្រទល់​កម្ពុជា-វៀតណាម-ឡាវ រួមមាន ខេត្តក្រចេះ ស្ទឹងត្រែង រតនគិរី មណ្ឌលគិរី ដើម្បីស្វែងយល់ពីស្ថានភាពពិតនៃជីវភាពរស់នៅ​របស់ប្រជាពលរដ្ឋ និង​ការវិវត្តនានារបស់រាជរដ្ឋាភិបាល។ ដោយឡែកនៅខេត្តរតនគិរី កាលពីថ្ងៃទី៣ ខែកញ្ញា ឆ្នាំ២០២៤​ ឌីជេ(Dj )ឃ្លាំងដែលជាតារារ៉េប កម្ពុជាតំណាងសិល្បករ សិល្ប​ការី​បានបង្ហាញ​​អារម្មណ៍រំភើប​ក្នុង​ឱកាសលោក និងក្រុមតារាដទៃទៀត បានទៅទស្សនាបង្គោលព្រំដែនលេខ៣០, លេខ២៩លើ៤,​ច្រក​ទ្វារអន្តរជាតិ អូរយ៉ាដាវ​​។លោកថា ឮ គេថា១០០ដង មិនស្មើឃើញ​ភ្នែកម្តង ពីព្រោះតាមព្រំដែនមានការអភិវឌ្ឍស្ទើគ្រប់វិស័យ។ ដូច្នេះ​សូមកុំមានការភ័ន្តច្រឡំ និងការញុះញង់ពីជនអគតិមួយចំនួនតូច​នោះអី ។ សូមបញ្ជាក់ថា ដំណើរទស្សនកិច្ចតំបន់ភូមិភាគឦសានបានចាប់​ផ្តើមចេញដំណើរកាលពីថ្ងៃទី៣ ខែកញ្ញា ឆ្នាំ២០២៤ ដោយផ្តើម​ចេញពីខេត្តក្រចេះ ខេត្តស្ទឹងត្រែង ខេត្តរតនគិរី និងបន្តដំណើរទៅ​កាន់ខេត្តមណ្ឌលគិរី៕ដោយ៖ គតិ យុត្ត

(ភ្នំពេញ)៖ ក្រុមការងារអភិរក្សសត្វត្មាតនៅកម្ពុជា (CVWG) បានផ្សព្វផ្សាយពីរបាយ ការណ៍ប្រចាំឆ្នាំ២០២៣របស់ខ្លួន ដោយបង្ហាញពីវឌ្ឈនភាពយ៉ាងសំខាន់ លើការអភិរក្ស សត្វត្មាតទាំងបីប្រភេទ ដែលជាប្រភេទស្ថិតក្នុងចំណាត់ថ្នាក់ងាយរងគ្រោះជិត ផុតពូជ បំផុតរួមមានត្មាតផេះ(Gyps bengalensis) ត្មាតត្នោត(Gyps tenuirostris) និងត្មាតភ្លើង(Sarcogyps calvus)។ បើតាមរបាយការណ៍ដែលចេញផ្សាយនៅថ្ងៃទី៤ ខែ កញ្ញា ឆ្នាំ ២០២៤ នេះបានរំលេច​ផងដែរ​ពីកិច្ចខំប្រឹងប្រែងសហការរបស់ក្រុមការងារអភិរក្សសត្វត្មាតនៅកម្ពុជា​ចាប់ពី​ខែមករារហូតដល់ខែធ្នូ ឆ្នាំ២០២៣​ ដោយបានបង្ហាញអំពីបញ្ហាប្រឈមដែលកើត​មាន​ឡើង និងភាពជោគជ័យដែលសម្រេចបាននៅក្នុងកិច្ចការពារប្រភេទសត្វ​សំខាន់ៗ​ទាំងនេះ។ សកម្មភាពគ្រឹះនៃកិច្ចខិតខំប្រឹងប្រែងរបស់ក្រុមការងារអភិរក្សសត្វត្មាតនៅកម្ពុជា គឺជាគំនិតផ្តួច​ផ្តើមបង្កើតអាហារដ្ឋានត្មាត ដែលជាទីតំាងសំរាប់ផ្តល់សាកសពសត្វចិញ្ចឹម​ជាចំណីដល់សត្វត្មាតនៅតាមទីជម្រកសំខាន់ៗបានកំណត់ទូទាំងប្រទេស។ ឯកឧត្តម ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានមាន​ប្រសាសន៍ថា «បន្ទាប់ពីចំនួនប្រជាសាស្រ្តរបស់សត្វត្មាតមានការធ្លាក់ចុះជាច្រើនឆ្នាំ ឥឡូវនេះយើងឃើញថាមានសញ្ញាណចំនួនថេរនៅប្រទេសកម្ពុជា។ ការរកឃើញ​សត្វត្មាតមានចំនួនថេរនេះ បានបង្ហាញពីសារៈសំខាន់នៃតំបន់ការពារធម្មជាតិ​របស់​កម្ពុជា ដែលកំពុងផ្តល់ជម្រកប្រកបដោយសុខសុវត្ថិភាព សម្រាប់សត្វព្រៃនិងជីវៈចម្រុះ និងអនុញ្ញាតឱ្យជីវៈចម្រុះអាចរីកលូតលាស់តាមធម្មជាតិដោយគ្មានការគម្រាមកំហែង និងធ្វើឱ្យប្រព័ន្ធអេកូឡូស៊ីកាន់តែមាននិរន្តរភាព ជួយគាំទ្រដល់ការរស់នៅរបស់សត្វត្មាត​ជិតផុតពូជរបស់យើង។» ឯកឧត្តមបានបន្ថែមថា «របាយការណ៍នេះបានសង្កត់ធ្ងន់​អំពីសារៈសំខាន់នៃការបន្តកិច្ចសហការព្រមទាំងផែនការយុទ្ធសាស្ត្ររួមគ្នាប្រកបដោយភាពច្នៃប្រឌិតដើម្បីការពារប្រភេទសត្វដែលពិភពលោកយកចិត្តទុកដាក់ការពារទាំងនេះ។ ការផ្តល់អាហារបន្ថែមនៅក្នុងអាហារដ្ឋានត្មាត មិនមែនគ្រាន់តែជាការ​ទ្រទ្រង់ចំនួន​សត្វត្មាតប៉ុណ្ណោះទេ ក៍ជាការផ្តល់ឱកាសអោយសត្វត្មាតទាំងនោះ​មានឱកាស​រស់រានមានជីវិត។ កិច្ចខិតខំប្រឹងប្រែងរបស់យើងទទួលបានលទ្ធផល​គួរអោយ​កត់សម្គាល់ ដោយចំនួនប្រជាសាស្ត្ររបស់សត្វត្មាតមានស្ថេរភាពនៅក្នុងឆ្នាំនេះ។ បន្ថែមលើគំនិតផ្តួចផ្តើម ក្នុងការផ្តល់ចំណីអាហារបន្ថែម របាយការណ៍នេះក៍បាន​បង្ហាញពីសកម្មភាពសំខាន់ៗផ្សេងៗទៀត ដូចជាការស្រាវជ្រាវស្វែករកសំបុក ពិនិត្យ​តាមដានការពារសំបុក…