(ភ្នំពេញ)៖កិច្ចប្រជុំលើកទី៦ ថ្នាក់រដ្ឋមន្ត្រីបរិស្ថានមហាអនុតំបន់មេគង្គ និងកិច្ចប្រជុំពាក់ព័ន្ធ (The 6th GMS Environment Ministers’ Meeting, EMM-6)នឹងត្រូវរៀបចំឡើងក្នុងរាជធានីភ្នំពេញចាប់ពីថ្ងៃទីថ្ងៃទី១០ ដល់ថ្ងៃទី១៣ ខែកញ្ញា ឆ្នាំ២០២៤។ ឯកឧត្តម ខ្វៃ អាទិត្យា មន្រ្តីនាំពាក្យក្រសួងបរិស្ថានបញ្ជាក់ប្រាប់បណ្តាញសារព័ត៌មាន នាល្ងាចថ្ងៃទី ០៦ ខែ កញ្ញា ឆ្នាំ ២០២៤ថាប្រតិភូរដ្ឋមន្ត្រីបរិស្ថាន នៃមហាអនុតំបន់មេគង្គ ចំនួន៦ប្រទេស រួមជាមួយតំណាងក្រសួង ស្ថាប័ន ដៃគូអភិវឌ្ឍន៍ អង្គទូតនានា ភ្ញៀវជាតិ និងអន្តរជាតិ ព្រមទាំងរដ្ឋបាលថ្នាក់ក្រោមជាតិ នឹងចូលរួមពិនិត្យ និងពិភាក្សាលើឯកសារយុទ្ធសាស្ត្រនានាដ៏មានសារៈសំខាន់ ដើម្បីលើកកម្ពស់កិច្ចសហប្រតិបត្តិការសម្រាប់ ការសម្រេចឱ្យបានពេញលេញ នូវចក្ខុវិស័យនៃមហាអនុតំបន់មេគង្គប្រកបដោយភាពស្អាត បៃតង និងចីរភាព ឆ្ពោះទៅរកការកសាងសហគមន៍នៃតំបន់មួយដែលមានអនាគតរួមគ្នាដ៏ភ្លឺស្វាង។ ឯកឧត្តមបានបន្តឱ្យដឹងថា៖ក្នុងការអនុវត្តកិច្ចគាំពារបរិស្ថាន ការអភិវឌ្ឍប្រកបដោយចីរភាព ស្របតាមនិន្នាការសកល ក្នុងការបន្សំ នឹងការប្រែប្រួលអាកាសធាតុ និងទប់ស្កាត់ការបំពុលបរិស្ថានដោយប្លាស្ទិក កិច្ចប្រជុំលើកទី៦ ថ្នាក់រដ្ឋមន្ត្រីបរិស្ថាន មហាអនុតំបន់មេគង្គ និងកិច្ចប្រជុំពាក់ព័ន្ធ គ្រោងនឹងពិនិត្យអនុម័តលើឯកសារចំនួនពីររួមមាន៖ទី១ សេចក្តីព្រាងសេចក្តីថ្លែងការណ៍រួមភ្នំពេញ ស្តីពីការទប់ស្កាត់ការបំពុលដោយប្លាស្ទិកក្នុងមហាអនុតំបន់មេគង្គ និងវវវមនទី២សេចក្តីព្រាងក្របខ័ណ្ឌយុទ្ធសាស្ត្រសម្រាប់ពន្លឿនសកម្មភាពអាកាសធាតុ និងនិរន្តរភាពបរិស្ថាន…

កំពង់ឆ្នាំង៖សាលាគំរូក្រុងកំពង់ឆ្នាំងកាលពីព្រឹកថ្ងៃទី៦ ខែកញ្ញាឆ្នាំ ២០២៤ មន្ត្រីនគរបាលក្រុងកំពង់ឆ្នាំងសហការ​ជាមួយ​លោកគ្រូ​ អ្នកគ្រូ លោកនាយកសាលា ធ្វើការអប់រំណែនាំដល់សិស្សានុសិស្សជាង ២ ០០០នាក់ស្ដីពីបញ្ហាគ្រឿងញៀន,​ច្បាប់ចរាចរណ៍ផ្លូវគោក​និងក្មេងទំនើង។ លោកវរសេនីយ៍ទោ ហង្ស ប៊ុនហាក់ អធិការរងនគរបាលក្រុង​កំពង់ឆ្នាំង​មានប្រសាសន៍ថា ក្មួយៗជាសិស្សានុសិស្ស ត្រូវគោរព​ច្បាប់​ចរាចរណ៍ ។ជិះម៉ូតូត្រូវមានមួកសុវត្ថិភាព,មានកញ្ចក់មើលក្រោយ ។ម៉ូតូត្រូវមាន​ស្លាក​លេខត្រឹមត្រូវ ការធ្វើដំណើរតាម​ទោចក្រ​យានយន្តមិនត្រូវលើស​ពី២នាក់នោះឡើយ។  លោក មាស ឈុនលី នាយការិយាល័យសុវត្ថិភាព ចរាចរណ៍ផ្លូវគោក​នៃមន្ទីរសាធារណការនិងដឹកជញ្ជូនខេត្តកំពង់ឆ្នាំង បាន​លើកឡើងថា ការមិនគោរពច្បាប់ចរាចរណ៍ដូចជាប្រមាថអាយុជីវិតខ្លួនឯង ហេតុនេះ សូមក្មួយៗសិស្សានុសិស្ស ត្រូវគោរព​ច្បាប់​ចរាចរណ៍។ លោក សេន អ៊ុងឆុង នាយព្រហ្មទណ្ឌនគរបាលក្រុងកំពង់ឆ្នាំងបាន​រំលឹកដល់សិស្សានុសិស្សសូមធ្វើខ្លួនជាពលរដ្ឋល្អ ។ក្នុងឱកាសនោះមន្ត្រីនគរបាលក្រុងកំពង់ឆ្នាំងក៏បានចែកខិតប័ណ្ណ ស្ដីពីបញ្ហាគ្រឿងញៀន បញ្ហាចរាចរណ៍និងក្មេងទំនើង ដល់សិស្សានុ​សិស្សចូលរួមចំនួន ២ ៨៦០ នាក់(ស្រី១ ៣៣១នាក់) ផងដែរ៕ដោយ៖សុខ គឹមសៀន

បាត់ដំបង៖ឯកឧត្តម សុខ លូ អភិបាលខេត្តបាត់ដំបងបានជួបពិភាក្សា​ការងារជាមួយគណៈប្រតិភូខេត្តច័ន្ទបុរីប្រទេសថៃ ដឹក​នាំ​ដោយ​ឯកឧត្តម មន្តសិទ្ធិ៍ ផៃសានធៈនៈវ័ត្ត អភិបាលខេត្តច័ន្ទបុរី។ ក្នុងជំនួបនាសាលាខេត្តបាត់ដំបងនៅថ្ងៃទី៦ ខែកញ្ញាឆ្នាំ២០២៤នេះ​ភាគីទាំងពីរបានផ្ដោតលើ​​សក្តានុពល​សេដ្ឋកិច្ចរបស់ខេត្តទាំងពីរ​និង​បានជំរុញការលើកកម្ពស់វិស័យទេសចរណ៍ ពាណិជ្ជកម្ម និងសេដ្ឋកិច្ច​រវាងខេត្ត​ទាំងពីរធ្វើយ៉ាង​ណា​ឱ្យ​កាន់តែប្រសើរថែមទៀត។ ប្រាប់សមភាគី ឯកឧត្តម សុខលូ អភិបាលខេត្តបាត់ដំបង បានលើក​ឡើង​​ពីចំណងមិត្តភាព សាមគ្គីភាព រវាងប្រជាជនកម្ពុជា និង​ប្រជាជន​ថៃ ។ឯកឧត្តមគូសរំលេចថា ជាចំណងមិត្តភាពប្រពៃណីដ៏ល្អរវាង​ខេត្ត​បាត់ដំបង និងខេត្តច័ន្ទបុរី ដែលជាប់ព្រំដែនគ្នា ។​ខេត្តទាំងពីរមាន​កិច្ចសហប្រតិបត្តិការល្អលើគ្រប់វិស័យ ពិសេសការផ្លាស់ប្តូរកសិផល និងពាណិជ្ជកម្ម ដែលស្របទៅនឹង​គោល​នយោបាយរបស់រាជរដ្ឋា​ភិបាលនិងអនុស្សរណៈយោគយល់គ្នារវាងភាគីទាំងពីរ និងស្របតាម​គោលបំណងរួមដែលភាគីទាំងពីរ បានព្រមព្រៀងនិងឯកភាពគ្នាកន្លង​មក។ ចំណែកឯកឧត្តមអភិបាលខេត្តច័ន្ទបុរី បានបង្ហាញថា ដំណើរ​ទស្សនកិច្ច​ការងាររបស់គណៈប្រតិភូនាពេលនេះ​ដើម្បីជំរុញ​ប្រជាពល​រដ្ឋថៃ ជាពិសេសប្រជាពលរដ្ឋនៅក្នុងខេត្តច័ន្ទបុរី ឱ្យមកទស្សនា​កម្សាន្តនៅខេត្តបាត់ដំបង ក៏ដូចជាប្រទេសកម្ពុជាទាំងមូល។ឯកឧត្តម​ក៏បានលើកឡើងពីបំណងក្នុងការពង្រីកនៃការធ្វើ​ដំណើរ​របស់ប្រជាពលរដ្ឋនៃខេត្តទាំងពីរ តាមរយៈការប្រើប្រាស់​ប័ណ្ណ​ព្រំដែន​ដើម្បីឱ្យការធ្វើដំណើរចេញចូលនិងការស្នាក់នៅរបស់ពលរដ្ឋទាំងពីរកាន់តែមានភាពងាយស្រួលជាងមុន។ ភាគីទាំងពីរក៏បានពិភាក្សាផងដែរលើការងារប្រយុទ្ធប្រឆាំងគ្រឿងញៀន ឆ្លងដែន និងជួយសង្រ្គោះជនរងគ្រោះ ដោយសារគ្រឿង​ញៀន តាម​រយៈ​ការជំរុញឱ្យមានការត្រួតពិនិត្យនិងបង្រ្កាបឱ្យមានប្រសិទ្ធភាព នៅ​តាមច្រក​ទ្វារព្រំដែន៕ អត្ថបទ-រូបភាព៖ អ៊ុក សំអាន បប.

កំពង់ស្ពឺ៖អភិបាលរងខេត្តកំពង់ស្ពឺលោក សុខ សុទ្ធី បានថ្លែងថា ការ​ផ្តួចផ្តើមរៀបចំព្រឹត្តិការណ៍ពិព័រណ៍អាពាហ៍ពិពាហ៍ នាពេលនេះ គឺ​ជាការបំផុសចលនាមហាជន ជាពិសេសយុវជនឱ្យចូលរួមថែរក្សា ការពារ និងលើកស្ទួយសិល្បៈវប្បធម៌ជាតិ ពិសេស​ទម្រង់​អាពាហ៍​ពិពាហ៍ ម្ហូបអាហារ និងសម្លៀកបំពាក់ប្រពៃណីខ្មែរ ។លោកបន្តថា ក៏ជាបណ្ដុះនូវស្មារតីស្រលាញ់ការយល់ដឹងអំពីគុណតម្លៃ និងការផ្ទេរ​បន្តទៅឱ្យអ្នកជំនាន់ក្រោយ។ លោក សុខ សុទ្ធី លើកឡើងយ៉ាងដូច្នេះកាលពីព្រឹកថ្ងៃទី៦ ខែកញ្ញា ឆ្នាំ២០២៤ក្នុងមហោស្រពទម្រង់សម្លៀកបំពាក់អាពាហ៍ពិពាហ៍ រៀបចំដោយមន្ទីរវប្បធម៌និងវិចិត្រសិល្បៈខេត្តកំពង់ស្ពឺ ចូលរួមដោយ​សិល្បៈករ សិល្បៈការិនី សិស្សានុសិស្ស និងម្ចាស់សំអាងការជា​ច្រើននាក់ នៅសាលមហោស្រពបណ្ណាល័យខេត្តកំពង់ស្ពឺ។ លោកអភិបាលរងខេត្តបន្តថា ព្រឹត្តិការណ៍មហោស្រពនេះនឹងជួយ​ពង្រឹងសមត្ថភាពសិល្បៈ ផ្លាស់ប្តូរបទពិសោធន៍ និងលើកកម្ពស់​គុណ​ភាពផលិតផលវប្បធម៌ ដើម្បីឈានទៅសហការនិងប្រកួតប្រជែង​ជាមួយ​បណ្ដាប្រទេសក្នុងតំបន់ និងពិភពលោក ដោយ​ទាញយក​អត្ថប្រយោជន៍ពីវិស័យវប្បធម៌នេះ ។ អភិបាលរងខេត្តកំពង់ស្ពឺលោក សុខ សុទ្ធី បានរំពឹងផងដែរថា ព្រឹត្តិការណ៍ពិព័រណ៍អាពាហ៍ពិពាហ៍និងមហោស្រពសិល្បៈនាពេលនេះ នឹងក្លាយជាព្រឹត្តិការណ៍វប្បធម៌ដ៏មានសារៈសំខាន់ ដែលរួមវិភាគទាន​ដោយផ្ទាល់ដល់ការអភិរក្ស ផ្សព្វផ្សាយ និងលើកស្ទួយ​តម្លៃនៃ​បេតិកភណ្ឌវប្បធម៌ជាតិឱ្យកាន់តែរីកចម្រើន ក្នុង​ក្របខណ្ឌ​នៃកិច្ច​សហការល្អ រវាងស្ថាប័នរដ្ឋនិងវិស័យឯកជន អង្គការមហាជន សហគមន៍និងសប្បុរសជននានាដែលជាដៃគូរអភិវឌ្ឍន៍ក្នុងការប្រមែប្រមូលពូនផ្ដុំការចូលរួម ស្របតាមគោលការណ៍រដ្ឋជាអ្នក​គ្រប់គ្រង គាំពារ ដៃគូឯកជនជាអ្នកអនុវត្ត៕ អត្ថបទ៖ ម៉ុន សំអាត

(ភ្នំពេញ)៖ ព្រឹទ្ធសភា បានបោះឆ្នោតជ្រើសតាំង ឯកឧត្តម លាង សួគ៌ ជាសមាជិកឧត្តម​ក្រុមប្រឹក្សា នៃអង្គចៅក្រម ដោយមានសំឡេងគាំទ្រចំនួន ៥៦សំឡេង នៃចំនួនសមាជិក​ព្រឹទ្ធសភាទាំងមូល ។ នេះបើតាមសេចក្តីប្រកាសព័ត៌មាន ស្តីពី លទ្ធផល នៃសម័យ​ប្រជុំ​ព្រឹទ្ធសភា ជាវិសាមញ្ញ នីតិកាលទី៥ ។ ក្នុងសេចក្តីប្រកាសព័ត៌មាន បានឱ្យដឹងថា ព្រឹទ្ធសភា នៃព្រះរាជាណាចក្រកម្ពុជា នីតិកាលទី៥ បានបើកសម័យប្រជុំវិសាមញ្ញ ក្រោមអធិបតីភាពឯកឧត្តម ប្រាក់ សុខុន ប្រធានស្តីទីព្រឹទ្ធសភា នៃព្រះរាជាណាចក្រកម្ពុជា នារសៀលថ្ងៃទី៦ ខែកញ្ញា ឆ្នាំ២០២៤ ដោយមានវត្តមាន សមាជិកព្រឹទ្ធសភា ចំនួន ៥៦រូប ។ អង្គប្រជុំបានដំណើរការដោយមានរបៀបវារៈតែមួយ គឺ ការបោះឆ្នោត​ជ្រើសតាំង​សមាជិកឧត្តមក្រុមប្រឹក្សានៃអង្គចៅក្រម ០១រូប ជំនួសសមាជិកឧត្តមក្រុម​ប្រឹក្សា​អង្គចៅក្រម ដែលនឹងត្រូវបញ្ចប់អាណត្តិ ។ អង្គប្រជុំព្រឹទ្ធសភា បានអនុម័តយល់​ព្រមលើរបៀបវារៈ ដោយទទួលបាន ៥៦សំឡេង ។ ក្នុងសេចក្តីប្រកាសព័ត៌មាន បានបន្តថា ដោយអនុលោម តាមមាត្រា៤ និងមាត្រា៥…

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណា​ចក្រកម្ពុជា បានអញ្ជើញទទួលជួបពិភាក្សាការងារ ជាមួយឯកឧត្តម Prabowo Subianto ប្រធានាធិបតីជាប់ឆ្នោត និងជារដ្ឋមន្ត្រីក្រសួងការពារជាតិ នៃសាធារណ​រដ្ឋឥណ្ឌូនេស៊ី នារសៀលថ្ងៃទី០៦ ខែកញ្ញា ឆ្នាំ២០២៤ នៅវិមានព្រឹទ្ធសភា រាជធានីភ្នំពេញ ។ សូមជម្រាបថា ឯកឧត្តម Prabowo Subianto ប្រធានាធិបតីជាប់ឆ្នោត នៃសាធារណ​រដ្ឋ​ឥណ្ឌូណេស៊ី បានអញ្ជើញមកដល់រាជធានីភ្នំពេញ ដើម្បីបំពេញទស្សនកិច្ចការងារ នៅព្រះរាជាណាចក្រកម្ពុជា នារសៀលថ្ងៃទី៦ ខែកញ្ញា ឆ្នាំ២០២៤ ។ ដំណើរទស្សនកិច្ចនេះ បានគូសបញ្ជាក់ពីទំនាក់ទំនងដ៏កក់ក្តៅ រវាងកម្ពុជា និងឥណ្ឌូ​ណេស៊ី ព្រមទាំងរក្សាបាននូវសន្ទុះដ៏ល្អ នៃការផ្លាស់ប្តូរទំនាក់ទំនងកម្រិតខ្ពស់​របស់​ថ្នាក់ដឹកនាំជាន់ខ្ពស់នៃប្រទេសទាំងពីរ ។ ក្នុងដំណើរទស្សនកិច្ចនេះ ឯកឧត្តម Prabowo Subianto មានជំនួបសម្តែងការ​គួរសម​ជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា​ចក្រកម្ពុជា និងសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង​ជាប្រមុខរដ្ឋស្តីទី ៕ អត្ថបទ…

ភ្នំពេញ៖ក្នុងជំនួបពិភាក្សាការងារទ្វេភាគីជាមួយអគ្គមេបញ្ជាការនៃ​កងយោធពលខេមរភូមិន្ទកម្ពុជា ឯកឧត្តមឧត្តមសេនីយ៍ឯក ខាំលៀង ឧថាក់កែសន អនុរដ្ឋមន្ត្រីក្រសួងការពារប្រទេសឡាវ បានលើកឡើង​ពីកិច្ចសហប្រតិបត្តិការកងទ័ពកម្ពុជា-ឡាវ ក្នុងរយៈ​ពេលមួយឆ្នាំ​មកនេះ មានលទ្ធផលល្អប្រសើរ ។ ជំនួបនេះ បានធ្វើឡើង​ក្នុង​ពេលដែល នាយឧត្តមសេនីយ៍ វង្ស ពិសេន អគ្គមេបញ្ជា​ការនៃកង​យោធពលខេមរភូមិន្ទ បានកំពុងស្ថិតក្នុងប្រទេសឡាវ ដើម្បីចូលរួមក្នុង​កិច្ចប្រជុំអគ្គមេបញ្ជាការ​កងទ័ពអាស៊ានលើកទី២១ ដែលប្រទេសឡាវ គឺជាម្ចាស់ផ្ទះ ។ ក្នុងជំនួបពិភាក្សាការងារ នារសៀលថ្ងៃទី៥ ខែកញ្ញា ឆ្នាំ២០២៤នោះ ឧត្តមសេនីយ៍ឯក ខាំលៀង ឧថាក់កែសន ក្នុងនាមជាម្ចាស់ផ្ទះ នៃកិច្ចប្រជុំអគ្គមេបញ្ជាការកងទ័ពអាស៊ានលើកទី២១ បានថ្លែង​អំណរគុណចំពោះនាយឧត្ដមសេនីយ៍ វង្ស ពិសេន អគ្គមេបញ្ជា​ការនៃកងយោធពលខេមរភូមិន្ទ ដែលបានអញ្ជើញចូលរួមក្នុងកិច្ច​ប្រជុំដ៏មានសារសំខាន់នេះ ។ ឧត្តមសេនីយ៍ឯក ខាំលៀង បាន​លើកឡើងពីលទ្ធផលល្អប្រសើរ នៃកិច្ចសហប្រតិបត្តិការរវាងកង​ទ័ពប្រទេសទាំងពីរកម្ពុជា-ឡាវ ក្នុងរយៈពេលមួយឆ្នាំមកនេះ ។ ជាកិច្ចឆ្លើយតប នាយឧត្តមសេនីយ៍ វង្ស ពិសេន បានថ្លែងនូវការ​អរគុណយ៉ាងជ្រាលជ្រៅចំពោះ ឧត្តមសេនីយ៍ឯក ខាំលៀង ឧថាក់កែសន និងបានអបអរ​សាទរចំពោះការរៀបចំដឹកនាំ​កិច្ច​ប្រជុំអគ្គមេបញ្ជាការកងទ័ពអាស៊ានលើកទី២១ ប្រកបដោយជោគជ័យ ។ នាយឧត្តមសេនីយ៍ នូវបានវាយតម្លៃខ្ពស់ចំពោះលទ្ធផលជាផ្លែផ្កា ជាពិសេសវត្តមានរបស់អគ្គមេបញ្ជាការនៃបណ្តាប្រទេសអាស៊ាន…

នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពល​ខេមរភូមិន្ទ បានពិភាក្សាទ្វេភាគី ជាមួយ ឧត្តមសេនីយ៍ឯក ខាំលៀង ឧថាក់កែសន អនុរដ្ឋមន្ត្រីក្រសួងការពារប្រទេស និងជាប្រធានអគ្គ​សេនាធិការកងទ័ពប្រជាជនឡាវ ។ ជំនួបនេះ បានធ្វើ​ឡើងក្នុង​ពេលដែល អគ្គមេបញ្ជាការនៃកងយោធពលខេមរភូមិន្ទ នាយឧត្តម​សេនីយ៍ វង្ស ពិសេន បានកំពុងស្ថិតក្នុងប្រទសឡាវ ដើម្បីចូលរួម​ក្នុងកិច្ចប្រជុំអគ្គមេបញ្ជាការកងទ័ពអាស៊ានលើកទី២១ ដែលប្រទេស​ឡាវ គឺជាម្ចាស់ផ្ទះ ។ ក្នុងជំនួបពិភាក្សាការងារ នារសៀលថ្ងៃទី៥ ខែកញ្ញា ឆ្នាំ២០២៤នោះ ឧត្តមសេនីយ៍ឯក ខាំលៀង ឧថាក់កែសន ក្នុងនាមជាម្ចាស់ផ្ទះ នៃកិច្ច​ប្រជុំអគ្គមេបញ្ជាការកងទ័ពអាស៊ានលើកទី២១ បានថ្លែងអំណរគុណ​ចំពោះនាយឧត្ដមសេនីយ៍ វង្ស ពិសេន ដែលបាន​អញ្ជើញ​ចូលរួមក្នុង​កិច្ចប្រជុំដ៏មានសារសំខាន់នេះ ។ ឧត្តមសេនីយ៍ឯក ខាំលៀង បាន​លើកឡើងពីលទ្ធផលល្អប្រសើរ នៃកិច្ចសហប្រតិបត្តិ​ការ​រវាង​កងទ័ព​ប្រទេសទាំងពីរកម្ពុជា-ឡាវ ក្នុងរយៈពេលមួយឆ្នាំមកនេះ ។ ជាកិច្ចឆ្លើយតបនាយឧត្តមសេនីយ៍ វង្ស ពិសេន បានថ្លែងនូវការអរគុណ​យ៉ាងជ្រាលជ្រៅចំពោះ ឧត្តមសេនីយ៍ឯក ខាំលៀង ឧថាក់កែសន និងបានអបអរសាទរចំពោះការរៀបចំដឹកនាំកិច្ចប្រជុំអគ្គមេបញ្ជាការកងទ័ពអាស៊ានលើកទី២១ ប្រកបដោយ​ជោគ​ជ័យ។នាយឧត្តមសេនីយ៍ នូវបានវាយតម្លៃខ្ពស់ចំពោះលទ្ធផលជាផ្លែផ្កា ជាពិសេសវត្តមាន​របស់អគ្គមេបញ្ជាការ​នៃបណ្តា​ប្រទេស​អាស៊ាន រួមទាំងប្រទេសទីម័រ​ខាងកើត…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រ កម្ពុជា បានអញ្ជើញទទួលជួបពិភាក្សាការងារ ជាមួយឯកឧត្តម Prabowo Subianto ប្រធានាធិបតីជាប់ឆ្នោត និងជារដ្ឋមន្ត្រីក្រសួងការពារជាតិ នៃសាធារណរដ្ឋឥណ្ឌូនេស៊ី នារសៀលថ្ងៃទី០៦ ខែកញ្ញា ឆ្នាំ២០២៤ នៅវិមានសន្តិភាព រាជធានីភ្នំពេញ ។ សូមជម្រាបថា ឯកឧត្តម Prabowo Subianto ប្រធានាធិបតីជាប់ឆ្នោត នៃសាធារណរដ្ឋឥណ្ឌូណេស៊ី បានអញ្ជើញមកដល់រាជធានីភ្នំពេញ ដើម្បីបំពេញទស្សនកិច្ចការងារ នៅព្រះរាជាណាចក្រកម្ពុជា នារសៀលថ្ងៃទី៦ ខែកញ្ញា ឆ្នាំ២០២៤ ។ ដំណើរទស្សនកិច្ចនេះ បានគូសបញ្ជាក់ពីទំនាក់ទំនងដ៏កក់ក្តៅ រវាងកម្ពុជា និងឥណ្ឌូ ណេស៊ី ព្រមទាំងរក្សាបាននូវសន្ទុះដ៏ល្អ នៃការផ្លាស់ប្តូរទំនាក់ទំនងកម្រិត ខ្ពស់ របស់ ថ្នាក់ដឹកនាំជាន់ខ្ពស់នៃប្រទេសទាំងពីរ ។ ក្នុងដំណើរទស្សនកិច្ចនេះ ឯកឧត្តម Prabowo Subianto មានជំនួបសម្តែងការ គួរសមជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា ចក្រកម្ពុជា…

ភ្នំពេញ៖ ជាមោទកភាពជាតិ កម្ពុជាជាប់ជាគោលដៅវប្បធម៌ឈាន​មុខគេ​នៅអាស៊ី ក្នុងឆ្នាំ២០២៤ Asia’s Leading Cultural Destination for 2024 ដែលនាំឲ្យការទទួលបានពានរង្វាន់នេះ គឺជាលើកទី៤ ហើយ ។ យោងតាមក្រសួងទេសចរណ៍ ការជាប់ជា​គោលដៅវប្បធម៌ឈានមុខគេរបស់អាស៊ី សម្រាប់ឆ្នាំ២០២៤នេះ ធ្វើឡើងតាមការវាយតម្លៃដោយស្ថាប័នពានរង្វាន់ទេសចរណ៍​ពិភពលោក (World Travel Awards)។ នេះគឺជាការទទួលបាន ៣ឆ្នាំជាប់គ្នា គឺឆ្នាំ ២០២២, ឆ្នាំ២០២៣ និងឆ្នាំ២០២៤ ដែលកម្ពុជាបានទទួលពានរង្វាន់នេះ ។ការ​ជាប់​​​ជាគោលដៅវប្បធម៌ឈានមុខគេរបស់អាស៊ី សម្រាប់ឆ្នាំ២០២៤ ត្រូវបានគេចាត់ទុកថា គឺជាពាន់រង្វាន់ដ៏មានកិត្យានុភាព និងជារឿង​គួរឱ្យភ្ញាក់ផ្អើល ដោយសារតែកម្ពុជាបានទទួលចំណាត់ថ្នាក់ល្អ ក្នុង​ចំណោមប្រទេសលេចធ្លោផ្សេងទៀត ដូចជាឥណ្ឌា ជប៉ុន នេប៉ាល់ ស្រីលង្កា ថៃ និងវៀតណាម។ ដោយឡែកប្រទេសដែលទទួលបានតំណែងជាទិសដៅទេសចរណ៍វប្បធម៌ឈានមុខគេនៅតំបន់អាស៊ីក្នុងរយៈពេល ៥ឆ្នាំចុង​ក្រោយនេះមាន​ដូចជា ប្រទេសកម្ពុជា,ប្រទេសថៃ និងប្រទេសវៀតណាម។ ការជាប់ជាគោលដៅវប្បធម៌ឈានមុខគេនៅអាស៊ីនេះទៀត ត្រូវបាន​មតិមួយចំនួនបាននិយាយថា ការទាក់ទាញទេសចរណ៍​របស់កម្ពុជា គឺរំពឹងលើទេសចរណ៍ផ្នែកវប្បធម៌ដែលមានប្រាង្គប្រាសាទ និងរមណីយ​ដ្ឋានធម្មជាតិ ៕ដោយ៖គង់ សុផុល