​ព្រះបដិមាលោកេសូរ ដែលរកឃើញថ្មីនៅប្រាសាទតាព្រហ្ម ត្រូវបានដាក់តាំងនៅសារមន្ទីរព្រះនរោត្តមសីហនុ-អង្គរ ដើម្បីបង្ហាញជូនភ្ញៀវទេសចរ និងសាធារណជនទស្សនា និងសិក្សាស្វែងយល់។ សារមន្ទីរព្រះនរោត្តមសីហនុ-អង្គរ បានរៀបចំពិព័រណ៍មិនអចិន្រ្តៃយ៍មួយ ចាប់ពីដើមខែកក្កដា ឆ្នាំ២០២៦ នេះតទៅ ក្រោមប្រធានបទ ការរកឃើញវត្ថុបុរាណថ្មីៗនៅប្រាសាទតាព្រហ្ម ដោយបានជ្រើសរើសយកសមុច្ច័យចំនួន ២១ ដែលជាគ្រឿងសម្គាល់ និងកេតនភណ្ឌរបស់ព្រះលោកេសូរ (ឬព្រះអវលោកិតេស្វរៈ) មកដាក់តាំងបង្ហាញជូនភ្ញៀវទេសចរ និងសាធារណជនបានទស្សនា។ លោក ភួយ សាវឿត នាយកស្តីទីនៃសារមន្ទីរព្រះនរោត្តមសីហនុ-អង្គរ បានមានប្រសាសន៍ថា ការដាក់តាំងនេះមានរូបបដិមាព្រះលោកេសូរ និងបំណែក ជារូបព្រះបាត មានរូបចម្លាក់ព្រះពុទ្ធអមិតាភៈនៅលើម្រាមជើង និងកជើង និងព្រះហស្តមានកាន់កេតនភណ្ឌផ្សេងៗ ដែលជារបកគំហើញថ្មីពីការធ្វើកំណាយនៅប្រាសាទតាព្រហ្ម។ យោងតាមអាជ្ញាធរអប្សរា បច្ចុប្បន្ន វត្ថុបុរាណទាំងនោះត្រូវបានអ្នកជំនាញធ្វើការជួសជុល និងសម្អាតកំណកដី ឬស្លែរួចរាល់ ហើយត្រូវបានរៀបចំដាក់តាំងពិព័រណ៍ក្នុងរយៈពេល ៦ខែពេញ គឺចាប់ពីថ្ងៃទី០១ ខែកក្កដា រហូតដល់ថ្ងៃទី៣១ ខែធ្នូ ឆ្នាំ២០២៦។ អាជ្ញាធរអប្សរា បានបញ្ជាក់ថា គោលបំណងសំខាន់នៃការតាំងបង្ហាញ ដើម្បីចូលរួមចំណែកផ្សព្វផ្សាយពីរបកគំហើញថ្មីៗ នៃការងារស្រាវជ្រាវក្នុងតំបន់អង្គរ ដែលជាកិច្ចសហប្រតិបត្តិការអន្តរជាតិរវាងអាជ្ញាធរជាតិអប្សរា ជាមួយស្ថាប័នស្រាវជ្រាវបុរាណវិទ្យាឥណ្ឌា (ASI)។ ពិព័ណ៌នេះក៏ដើម្បីបើកឱកាសឱ្យសាធារណជន ភ្ញៀវទេសចរ សិស្ស…

រយៈពេល៣ខែចុងក្រោយនេះ អ្នកស្រាវជ្រាវបានរកឃើញសត្វកម្រជិតផុតពូជ១៤ប្រភេទ ក្នុងឧទ្យានជាតិជួរភ្នំក្រវាញ នៃភូមិសាស្ត្រខេត្តកំពង់ស្ពឺ និងខេត្តកោះកុង។ នេះបើយោងតាមលទ្ធផលនៃការសិក្សារបស់គម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជានៃក្រសួងបរិស្ថាន ធ្វើឡើងចាប់ពីដើមខែមេសា ដល់ចុងខែមិថុនា ឆ្នាំ២០២៦នេះ។ សត្វទាំង១៤ប្រភេទនេះរួមមានដូចជា៖ ដំរីអាស៊ី, ខ្ទីង, កែះ, ប្រើសស្បូវ, ខ្លាឃ្មុំតូច, ខ្លាឃ្មុំធំ, ខ្លាភ្ញីថ្មកែវ, ឆ្កែព្រៃ, កំពីងដូង, ស្វាក្តាម, ស្វាត្រោស, កំពីងដូង, ខ្ទីន និងពង្រូល។ ប្រភេទថនិកសត្វ បក្សី ល្មូនទទួលរងគ្រោះថ្នាក់តិចតួចមួយចំនួនទៀតក៏កំពុងមានវត្តមាននៅក្នុងឧទ្យានជាតិជួរភ្នំក្រវាញ។ គួរបញ្ជាក់ថាក្រៅពីបង្ហាញសត្វកម្រដែលរងឃើញក្នុងភូមិសាស្រ្តខេត្តកំពង់ស្ពឺ និងនេះ ក្រសួងបរិស្ថានក៏បានបង្ហាញពីសត្វភេខ្លួនរលោង ដែលជាសត្វកម្រមួយប្រភេទផងដែរ។ ភេខ្លួនរលោងមានដងខ្លួនរលោងរាបស្មើ និងមានកន្ទុយសំប៉ែង បំពងក បបូរមាត់លើថ្ពាល់ ក និងទ្រូងមានពណ៌លើឿងស្រាល។ ភេប្រភេទនេះមានរស់នៅតាមតំបន់វាលទំនាប ដូចជានៅតាមមាត់ពាមទន្លេ មាត់ទន្លេ ព្រៃកោងកាង ស្ទឹង បឹង និងអូរ។ ភេខ្លួនរលោងនេះរស់នៅជាក្រុមគ្រួសារដែលមានមេបា និងកូនរបស់វាដូចជាប្រភេទភេដទៃទៀតដែរ។ ពួកវាតែងតែរួបរួមគ្នាជាច្រើនក្រុមក្នុងការរកចំណី ដែលជាវិធីមានប្រសិទ្ធភាពបំផុត ហើយអាហារសំខាន់របស់ពួកវា គឺពពួកសត្វសំបករឹង ដូចជាក្តាម លៀស គ្រំ និងត្រី។…

រយៈពេលត្រឹមតែ ២ ឆ្នាំប៉ុណ្ណោះ តំបន់សេដ្ឋកិច្ចពិសេសកោះកុង ចេជាង បានទាក់ទាញទឹកប្រាក់វិនិយោគប្រមាណជាង ៥៦០លានដុល្លារអាម៉េរិក ជាពិសេស បង្កើតឱកាសការងារជាច្រើន សម្រាប់ប្រជាពលរដ្ឋក្នុងស្រុក។ យោងតាមរបាយការណ៍របស់គណៈកម្មាធិការវិនិយោគកម្ពុជា នៃក្រុមប្រឹក្សាអភិ​វឌ្ឍន៍​កម្ពុជា បានឱ្យដឹងថា តំបន់សេដ្ឋកិច្ចពិសេសកោះកុង ចេជាង ដែលស្ថិត​នៅ​ក្នុងស្រុកស្រែអំបិល ខេត្តកោះកុង ជាតំបន់សេដ្ឋកិច្ចពិសេសមួយដែល​មាន​ទំហំផ្ទៃដីធំ និងមានសន្ទុះលឿនក្នុងការអភិវឌ្ឍបន្ទាប់ពីបានបង្កើតឡើងក្នុង​ឆ្នាំ២០២៤ ។ ជាក់ស្ដែង ក្នុងរយៈពេលតែ ២ ឆ្នាំប៉ុណ្ណោះតំបន់សេដ្ឋកិច្ចពិសេសនេះ បានអភិ​វឌ្ឍន៍​លើផ្ទៃដីប្រមាណ ៤៥ ភាគរយនៃផ្ទៃដីសរុបទៅហើយ ដែលមានប្រព័ន្ធ​ហេដ្ឋារចនាសម្ព័ន្ធ បណ្ដាញអគ្គិសនី អាងស្តុកទឹក រោងចក្រផលិតទឹកស្អាត និងកន្លែងស្នាក់នៅបុគ្គលិកកម្មកជាដើម។ របាយការណ៍ បានបង្ហាញថា ចាប់តាំងពីបើកដំណើរការរហូតមកដល់​ឆ្នាំ២០២៦​នេះ តំបន់សេដ្ឋកិច្ចពិសេសកោះកុង ចេជាង ទទួលបានគម្រោងវិនិយោគចំនួន ៧៦ គម្រោង ក្នុងទុនវិនិយោគសរុបចំនួន ៥៦៧ លានដុល្លារអាម៉េរិក ក្នុងនោះ​គម្រោងចំនួន ៤១ កំពុងសាងសង់ និងគម្រោងចំនួន ៣៥ ទៀតកំពុងដំណើរការ​សកម្មភាព ដែលបានស្រូបកម្លាំងពលកម្មក្នុងស្រុកសរុបចំនួនជាង ៥០០០នាក់ ហើយកំពុងមានតម្រូវការប្រមាណ ៣០០០នាក់បន្ថែមទៀត។ អ្នកឧកញ៉ាបណ្ឌិតសំ សុខនឿន…

បច្ចុប្បន្ន អ្នកប្រកបដោយអាជីវកម្មលើសេវាកម្មអចលនវត្ថុនៅកម្ពុជា មាន​ទាំង​ស្រប​ច្បាប់ និងអត់ច្បាប់ ។ អ្វីដែលសំខាន់ការប្រកបអាជីវកម្មសេវាកម្ម​អច​ល​នវត្ថុ​នេះ​ដែរ ក៏អាចធ្វើឱ្យបាត់បង់ទំនុកចិត្តពីសំណាក់អ្នក​វិនិយោគ​ផងដែរ​។តើការប្រកបអាជីវកម្មសេវាកម្មក្នុងវិស័យអចលនវត្ថុនៅកម្ពុជាឱ្យបានត្រឹមត្រូវស្របច្បាប់ ត្រូវមានលក្ខខណ្ឌអ្វីខ្លះ? ។ លោកបណ្ឌិត ឆាក់ លឹមឈាង មេធាវីមកពីការិយាល័យមេធាវីរឹទ្ធស័ក្ក បាន​បកស្រាយនិងចែករំលែកពីបទប្បញ្ញត្តិអំពី វិជ្ជាជីវៈការប្រកបអាជីវកម្ម​អចលនវត្ថុ​នៅកម្ពុជា។ លោកបានមានប្រសាសន៍ថា វិស័យអចលនវត្ថុនៅកម្ពុជា​បានរួមចំណែកដល់ការទាក់ទាញការវិនិយោគ ក៏ដូចជា ចូលរួមជំរុញកំណើន​សេដ្ឋកិច្ចនៅក្នុងប្រទេសកម្ពុជា ក៏ប៉ុន្តែដើម្បីធានាបាននូវតម្លាភាព ក៏ដូចជាការ​ប្រកបវិជ្ជាជីវៈប្រកបដោយគុណភាព និងទំនុកចិត្តពីសាធារណជន រាល់ការ​ប្រកបអាជីវកម្ម ពាក់ព័ន្ធនឹងវិស័យអចលនវត្ថុ ត្រូវតែមានអនុលោមភាព​ជា​មួយនឹងបទប្បញ្ញតិ្តដែលមានជាធរមាន។ លោកបណ្ឌិត បានឱ្យដឹងទៀតថា រាល់ការធ្វើអាជីវកម្មផ្ដល់សេវាកម្ម​អចលន​វត្ថុនៅកម្ពុជា តម្រូវឱ្យមានការស្នើសុំអាជ្ញាបណ្ណឬវិញ្ញាបនបត្រវិជ្ជាជីវៈ។លោកបណ្ឌិតបន្តថា អាជ្ញាបណ្ណ ដែលផ្ដល់ជូនចំពោះក្រុមហ៊ុនឬក៏សាខា​ក្រុម​ហ៊ុន មាន ៣ ប្រភេទ រួមមាន ទី១.អាជ្ញាបណ្ណភ្នាក់អចលនវត្ថុ ទី២.អាជ្ញាបណ្ណ​វាយ​តម្លៃ​អចលនវត្ថុ និងទី៣.អាជ្ញាបណ្ណគ្រប់គ្រងអចលនវត្ថុ។ ចំពោះវិញ្ញាបន​បត្រវិជ្ជាជីវៈ ត្រូវបានផ្ដល់ជូនចំពោះរូបវ័ន្តបុគ្គលទាំងឡាយណា​ដែលមាន​គុណ​វុឌ្ឍគ្រប់គ្រាន់ ដូចមានចែងក្នុងប្រការ ១១ នៃប្រកាសលេខ ០៦៤។ ការផ្ដល់​អាជ្ញា​បណ្ណ ឬវិញ្ញាបនបត្រវិជ្ជាជីវៈសម្រាប់ការប្រកបអាជីវកម្មអចលនវត្ថុ គឺស្ថិត​នៅ​ក្រោម​សមត្ថកិច្ចរបស់និយ័តករអាជីវកម្មអចលនវត្ថុ និងបញ្ចាំ។ ទន្ទឹមនេះ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ក៏បានអំពាវនាវ និងស្នើសុំឱ្យអ្នកប្រកបអាជីវកម្មផ្ដល់សេវា អចលនវត្ថុនៅកម្ពុជា សូមឱ្យស្វែង​រកភាពស្របច្បាប់…

សៀមរាប៖រដ្ឋបាលខេត្តសៀមរាបបានរៀបចំពិធីបញ្ចុះបឋមសិលាបើកការដ្ឋានសាងសង់អគារសាលប្រជុំថ្មីមានរចនាបថខ្មែរដែលអាចផ្ទុកមនុស្ស បានជាងមួយពាន់នាក់។ ពិធីប្រុងពលី និងបញ្ចុះបឋមសិលាត្រូវបានប្រារព្ធឡើងកាលពីព្រឹកថ្ងៃទី៤ ខែកក្កដា ឆ្នាំ២០២៦ ស្ថិតក្នុងភូមិបឹងដូនប៉ា សង្កាត់ស្លក្រាម ក្រុងសៀមរាប ក្រោមអធិបតីភាពឯកឧត្តម លី សំរិទ្ធ ប្រធានក្រុមប្រឹក្សាខេត្ត និងឯកឧត្តម ប្រាក់ សោភ័ណ អភិបាលខេត្តសៀមរាប ដោយមានការនិមន្តចូលរួមពី សម្ដេចព្រះព្រហ្មរតនមុនី ពិន សែម និងមន្ត្រីរាជការយ៉ាងច្រើនកុះករ ។ អគារសាលប្រជុំថ្មីដ៏ប្រណីតនេះ មានទំហំបណ្តោយ ៤៦ម៉ែត្រ ទទឹង ២៦ម៉ែត្រ និងកម្ពស់ ៧,៥០ម៉ែត្រ សាងសង់អំពីថ្ម ប្រកក្បឿងស្រការលិញ ទៅតាមរចនាបថខ្មែរ ដែលអាចផ្ទុកអ្នកចូលរួមបានរហូតដល់ទៅជាងមួយពាន់នាក់។ ឯកឧត្តម ប្រាក់ សោភ័ណ អភិបាលខេត្តសៀមរាបបានបញ្ជាក់ថា ការសាងសង់អគារថ្មីដើម្បីជំនួស អគារចាស់និងជួយកាត់បន្ថយការ ចំណាយលើការជួលសណ្ឋាគារពេលមានកម្មវិធីធំៗ។ ទន្ទឹមនឹងការបើកការដ្ឋាននេះដែរ ឯកឧត្តមអភិបាលខេត្តក៏បានណែនាំឱ្យក្រុមហ៊ុនសាងសង់ត្រូវយកចិត្តទុកដាក់ខ្ពស់លើគុណភាព សំណង់ជាចម្បង ស្របតាមស្តង់ដារបច្ចេកទេស ដើម្បីធានាភាពរឹងមាំ និងប្រើប្រាស់បានយូរអង្វែង៕ដោយ៖ប៊ុន រដ្ឋា

ភ្នំពេញ៖ ឯកឧត្តម ហួត ហាក់ បានថ្លែងថា «ការជំរុញទេសចរណ៍ក្នុងស្រុក ត្រូវបានចាត់ទុកជាសសរស្តម្ភដ៏មានសារៈសំខាន់មួយ ក្នុងការទ្រទ្រង់ និងពង្រឹងភាពធន់វិស័យទេសចរណ៍កម្ពុជា តាមរយៈការអនុវត្តយុទ្ធនាការ «ទស្សនាកម្ពុជានៅរដូវកាលបៃតង» និង ស្របតាមទស្សនាទាន «ស្រឡាញ់ជាតិ ត្រូវស្គាល់ទឹកដី» និង «ទេសចរណ៍ ផ្សារភ្ជាប់ទឹកដី។ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍បានថ្លែងរំលេច ក្នុងពិធីបើកសិក្ខាសាលាផ្សព្វផ្សាយ របាយការណ៍លទ្ធផលនៃការវាយតម្លៃបញ្ចប់អាណត្តិ នៃការអនុវត្តផែនការអភិវឌ្ឍន៍ទេសចរណ៍បច្ចុប្បន្នកម្ម ឆ្នាំ ២០២១-២០២៥ រាជធានី ខេត្ត និង ពិធីប្រកាសដាក់ឱ្យប្រើប្រាស់ជាផ្លូវការ គោលការណ៍ណែនាំស្តីពី «ការរៀបចំផែនការអភិវឌ្ឍន៍ទេសចរណ៍រាជធានី ខេត្ត និងការវាយតម្លៃសមិទ្ធកម្ម» នាព្រឹកថ្ងៃទី២ ខែ កក្តដា ឆ្នាំ២០២៦ ។ ឯកឧត្តម រដ្ឋមន្រ្តីមានប្រសាសន៍ថា សិក្ខាសាលានាព្រឹកនេះ មានសារៈសំខាន់ សម្រាប់ពង្រឹងប្រសិទ្ធភាពនៃការរៀបចំផែនការ ការតាមដាន ការត្រួតពិនិត្យ ការវាយតម្លៃ និងការបូកសរុបសមិទ្ធផលនៃការអនុវត្តការងារកន្លងមក ព្រមទាំងជាមូលដ្ឋានដ៏រឹងមាំសម្រាប់ការរៀបចំទិសដៅយុទ្ធសាស្ត្រ និងផែនការអភិវឌ្ឍន៍ទេសចរណ៍សម្រាប់ដំណាក់កាលបន្ត ប្រកបដោយប្រសិទ្ធភាព សង្គតិភាព និងចីរភាព។ ឯកឧត្តមរដ្ឋមន្រ្តី…

ភ្នំពេញ៖រដ្ឋាភិបាលបានសាងសង់ផ្ទះបណ្តោះអាសន្នជូនពលរដ្ឋភៀសសឹកនៅខេត្តព្រះវិហារ និងបន្ទាយមានជ័យ បានកើនឡើង​ដល់ជាងបួនពាន់ខ្នង ដែលអាចផ្តល់ជម្រកជូនពលរដ្ឋបានប្រមាណបួនពាន់គ្រួសារ។ យោងតាមរបាយការណ៍ចុងក្រោយរបស់ក្រសួងមហាផ្ទៃគិតត្រឹមថ្ងៃទី ២ ខែកក្កដានេះ មានប្រជាពលរដ្ឋខ្មែរជាង ២១.000 ពាន់នាក់ ក្នុងនោះមានកុមាររហូតដល់ទៅ ៦ ម៉ឺនាក់ពុំទាន់អាចវិលត្រឡប់ទៅកាន់លំនៅឋានដើមវិញបាននៅឡើយទេ។ដើម្បីឆ្លើយតបនឹងវិបត្តិចំពោះមុខនេះ ផ្ទះស្នាក់នៅបណ្តោះអាសន្នដែលសាងសង់តាមស្តង់ដារបច្ចេកទេសរឹងមាំបានកើន​ឡើង​ដល់ប្រមាណបួនពាន់ខ្នងហើយសម្រាប់ផ្តល់ជម្រកដល់ពលរដ្ឋបួនពាន់គ្រួសារ។ក្នុងនោះខេត្តបន្ទាយមានជ័យមានចំនួនជាង ៣.៣០០គ្រួសារ និងខេត្តព្រះវិហារមានជិត ៧០០គ្រួសារ។ លោក លី សុវណ្ណារិទ្ធ អ្នកនាំពាក្យរដ្ឋបាលខេត្តបន្ទាយមានជ័យបានឱ្យថា នៅក្នុងខេត្តបន្ទាយមានជ័យ ផ្ទះស្នាក់នៅជាង ៣​.៣០០ ខ្នងត្រូវបានរៀបចំឡើងនៅក្នុងស្រុកថ្មពួក និងស្រុកអូរជ្រៅ ដែលតំបន់នេះត្រូវបានសម្តេចតេជោ ហ៊ុន សែន ប្រមុខរដ្ឋស្តីទីប្រសិទ្ធនាមឱ្យថា «ភូមិរង់ចាំ»។ បច្ចុប្បន្នអាជ្ញាធរក៏កំពុងពន្លឿនការសាងសង់សាលារៀនបន្ថែមផងដែរ។ ចំណែកខេត្តព្រះវិហារលោក គឹម ចាន់បញ្ញា អភិបាលរងខេត្តបានឱ្យដឹងថា ការសាងសង់ផ្ទះជូនជនភៀសសឹកបានកើន​ឡើងដល់​ជិត ៧០០ខ្នងផ្ទះ ។តួលេខនេះស្មើនឹងចំនួនប្រជាជនភៀសសឹកដូចគ្នា។ ផ្ទះស្នាក់បណ្តោះអាសន្នជនភៀសសឹក​នៅខេត្តព្រះវិហារ​ ត្រូវបានហៅថា ភូមិតាកឹងបៃតង ស្ថិតនៅក្នុងឃុំថ្មី ស្រុកគូលែន។ អាជ្ញាធរបានបញ្ជាក់ថា ភូមិទាំងពីរនេះរៀបចំឡើងសម្រាប់តែពលរដ្ឋភៀសសឹក ដែលមិនទាន់អាចត្រឡប់ទៅលំនៅឋាន​ដើម​វិញ​បាន ក្រោយពេលយោធាថៃបានឈ្លានពាន ដោយដាក់ទូកុងតឺន័រ និងរាយបន្លាលួសបិទផ្លូវចូលភូមិ។ បើតាមរដ្ឋបាលខេត្តទាំងពីរបច្ចុប្បន្នពលរដ្ឋភៀសសឹកអាចដាំដុះ និងចិញ្ចឹមសត្វដើម្បីផ្គត់ផ្គង់ជីវភាពប្រចាំថ្ងៃបាន។ ជាមួយគ្នានេះ លោក លី សុវណ្ណារិទ្ធ អ្នកនាំពាក្យរដ្ឋបាលខេត្តបន្ទាយមានជ័យបន្ថែមថា អាជ្ញាធរ…

ភ្នំពេញ៖ ឆ្លងកាត់ប្រវត្តិសាស្ត្រនៃការដាំដុះតាំងពីសម័យសម្តេចឪ ម្នាស់ទឹកឃ្មុំខេត្តស្ទឹងត្រែងបាននិងកំពុងបង្ហាញ​សក្តានុពល​សេដ្ឋកិច្ច តាមរយៈការផ្តល់ទិន្នផលខ្ពស់ និងបង្កើនប្រាក់ចំណូលដល់សហគមន៍កសិករ។ ភាពអំណោយផលនៃកត្តាភូមិសាស្ត្រដី បានធ្វើឱ្យម្នាស់ប្រភេទនេះមានរសជាតិផ្អែមឆ្ងាញ់ដាច់គេ រហូតត្រូវបានគេទទួលស្គាល់ថា ជាកសិផលគំរូមួយប្រចាំ​តំបន់ភាគ​ឦសាន។ ម្នាស់ទឹកឃ្មុំខេត្តស្ទឹងត្រែង មិនត្រឹមតែជាកសិផលដែលមានឱជារសឈ្ងុយឆ្ងាញ់ប៉ុណ្ណោះទេ ប៉ុន្តែថែមទាំងមានប្រវត្តិសាស្ត្រ​ផ្សារភ្ជាប់ទៅនឹងអតីតព្រះមហាក្សត្រ ព្រះបរមរតនកោដ្ឋ សម្តេចឪ និងសម្តេចម៉ែ ក្នុងសម័យសង្គមរាស្ត្រនិយមផងដែរ។ កាលពី​ទសវត្សរ៍ឆ្នាំ៩០ ម្នាស់ប្រភេទនេះត្រូវបានដាំដុះដំបូងនៅស្រុកចម្ការលើ ខេត្តកំពង់ចាម ដើម្បីនាំចេញទៅកាន់ប្រទេសសិង្ហបុរី ដែលធ្វើឱ្យមានការហៅតៗគ្នាកាលនោះថា «ម្នាស់សាំងកាពួរ»។ នេះបើយោងតាមមជ្ឈមណ្ឌលឯកសារកម្ពុជា។ លោក ឆាំង យុ ប្រធានមជ្ឈមណ្ឌលឯកសារកម្ពុជាបានឱ្យដឹងថា អតីតព្រះមហាក្សត្រខ្មែរធ្លាប់បានយកពូជម្នាស់​នេះទៅសាក​ល្បង​ដាំដុះនៅខេត្តកំពត និងខេត្តកែបផងដែរ ប៉ុន្តែមិនទទួលបានលទ្ធផលល្អទេ។ ផ្ទុយទៅវិញ លក្ខខណ្ឌបរិស្ថាន និងកត្តា​ភូមិសាស្ត្រ​ដីដ៏ពិសេសនៃខេត្តស្ទឹងត្រែង បានធ្វើឱ្យម្នាស់នេះមានការលូតលាស់យ៉ាងល្អប្រសើរ និងផ្តល់នូវរសជាតិ​ផ្អែមដូច​ទឹកឃ្មុំ។ ពាក់ព័ន្ធនឹងការដាំដុះនាពេលបច្ចុប្បន្ន លោក សាយ ពន្លឺចិត្តះ ករុណា ដែលជាអ្នកជំនាញដាំដុះម្នាស់ នៅសហគមន៍ខេត្ត​ស្ទឹង​ត្រែងបានបង្ហាញថា ផ្ទៃដីដាំដុះម្នាស់ទឹកឃ្មុំនៅក្នុងខេត្តស្ទឹងត្រែងមានប្រមាណ ១៥ហិកតា ដែលកំពុងប្រកបរបរដោយ​ប្រជាពលរដ្ឋចំនួន ១៥គ្រួសារ។ បើតាមអ្នកជំនាញដដែល ជាមធ្យមផ្ទៃដីមួយហិកតាអាចផ្តល់ទិន្នផលម្នាស់ចន្លោះពី ៣៥ ទៅ ៤០តោន ក្នុងមួយឆ្នាំ។ ទោះជា​យ៉ាងណា សម្រាប់កសិករដែលមានបច្ចេកទេសខ្ពស់ អាចជំរុញទិន្នផលឱ្យហក់ឡើងដល់ ៥០ ទៅ ៦០តោនក្នុងមួយហិកតា…

ភ្នំពេញ៖ក្រោមការយកចិត្តទុកដាក់ជាប្រចាំលើអនាគតយុវជន យុវនារី ក្នុងយុគសម័យឌីជីថលរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កម្មវិធី អាហារូបករណ៍ទេពកោសល្យឌីជីថលតេជោ ត្រូវបានបង្កើតឡើង ក្នុងគោលដៅរួមចំណែកបង្កើនធនធានមនុស្សជំនាញឌីជីថល ដែលនឹងក្លាយទៅជាមូលធនមនុស្សឌីជីថល ក្នុងការជំរុញការប្រែក្លាយសេដ្ឋកិច្ចកម្ពុជា ទៅជាសេដ្ឋកិច្ចឌីជីថល។ ក្នុងឆ្នាំសិក្សា ២០២៦-២០២៧ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួងប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្ដល់អាហារូបករណ៍ចំនួន ៦០០ កន្លែង សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល នៅតាមគ្រឹះស្ថានឧត្តមសិក្សាចំនួន ៧ ដូចខាងក្រោម៖ ១. គ្រឹះស្ថានឧត្តមសិក្សា និងជំនាញសិក្សាបណ្ឌិត្យសភាបច្ចេកវិទ្យាឌីជីថលកម្ពុជា (Cambodia Academy of Digital Technology) ចំនួន ២០០ កន្លែង-វិស្វកម្មសុសវែរ (Software Engineering)-វិទ្យាសាស្ត្រទិន្នន័យ (Data Science)-ពាណិជ្ជកម្មអេឡិចត្រូនិក (e-Commerce)-វិស្វកម្មទូរគមនាគមន៍និងបណ្ដាញ (បញ្ចូលមុខវិជ្ជា ផ្កាយរណប) (Telecommunications and Networking Engineering [Including Satellite])-សន្តិសុខសាយប័រ (Cybersecurity) សាកលវិទ្យាល័យអាមេរិកាំងភ្នំពេញ (American…