កំពតៈឯកឧត្តម ម៉ៅ ធនិន អភិបាលខេត្តកំពត បានរំលឹក​ដល់ប្រជា​ពលរដ្ឋ​ដែល​រស់នៅក្នុងភូមិ​ដែលបានបិទផ្សាយ​ទិន្នន័យ​​ជាសាធារណៈ​នូវឯកសារនៃការវិនិច្ឆ័យទាំងអស់ ត្រូវមកធ្វើការពិនិត្យផ្ទៀងផ្ទាត់​ទិន្នន័យ​ដែល​ក្រុមការងារ​បាន​បិទ​ផ្សាយជាសាធារណៈរួមមាន បញ្ជីឈ្មោះម្ចាស់ដី និងប្លង់សុរិយោដី ដើម្បីពិនិត្យអំពីកំហុស​ឆ្គង​ពាក់​ព័ន្ធ​នឹងព័ត៌មានម្ចាស់ដី ទិន្នន័យក្បាលដីដូចជា ផ្ទៃក្រឡា ព្រំដី ឈ្មោះ​ម្ចាស់កម្មសិទ្ធិ ប្រភេទទ្រព្យ ប្រភពនៃការកាន់កាប់ ទីកន្លែងកំណើត និង​ថ្ងៃខែឆ្នាំកំណើតជាដើម ។ល។ ឯកឧត្តមបានក្រើនរំលឹកបែបនេះក្នុងពិធីចែកវិញ្ញាបនបត្រ សម្គាល់​ម្ចាស់អចលនវត្ថុ និងបិទផ្សាយជាសាធារណនូវ ឯកសារ​នៃកាវិន្និច្ឆ័យ ជូនប្រជាពលរដ្ឋនៅក្នុងស្រុកដងទង់ខេត្តកំពត កាលពីព្រឹកថ្ងៃទី១៥ ខែមីនា ឆ្នាំ២០២៥។ឯកឧត្តម​អភិបាលខេត្តបន្តថា ធ្វើដូចនេះដើម្បីជៀសវាងមាន​កំហុសពេលចេញបណ្ណ ហើយរយៈពេលនៃការតវ៉ាមាន​រយៈ​ពេល១៥ថ្ងៃ​ចាប់ពីថ្ងៃបិទផ្សាយដោយពុំគិតពីថ្ងៃឈប់សម្រាក។ យោងតាមរបាយការណ៍របស់លោក ព្រាប សុផាត ប្រធានមន្ទីររៀប​ចំដែនដី នគរូបនីយកម្ម សំណង់ និងសុរិយោដី​ខេត្ត​កំពតបានឱ្យដឹង​ថា ក្នុងថ្ងៃនេះមានចែកវិញ្ញាបនបត្រសម្គាល់ម្ចាស់អចលនវត្ថុ​ចំនួន​មួយភូមិ ដែលមានក្បាលដី សរុប​ចំនួន​១.៨៥៤ ក្បាលដី ស្មើនឹង ៩៩៤ គ្រួសារ និងប្រកាសបិទផ្សាយជាធារណៈនូវឯកសារ នៃការវិនិច្ឆ័យ ចំនួនពីរភូមិ ដែល​មានក្បាលដីសរុបចំនួន ៣.២៥២ ក្បាលដី ស្មើនឹង ១.៦៤២ គ្រួសារ ក្នុងនោះរួមមាន៖ ការចែកវិញ្ញា​បន​បត្រសម្គាល់​ម្ចាស់​អចលនវត្ថុភូមិត្រពាំងរាំង ឃុំអង្គរមាស ស្រុក​ដងទង់…

សៀមរាប ៖ ព្រឹត្តិការណ៍សម្តែងសិល្បៈអន្តរជាតិ សៀមរាប-អង្គរ ត្រូវបាន​ប្រារព្វឡើងនៅ ក្នុងបរិវេណសួនច្បារព្រះរាជ​ដំណាក់ក្បែរ​ដងស្ទឹងខេត្តសៀមរាបកាលពីរាត្រីថ្ងៃទី១៥ ខែមីនា ឆ្នាំ២០២៥ ក្រោមវត្តមានអញ្ជើញចូលរួមរបស់ ឯកឧត្តម ហួត ហាក់ រដ្ឋមន្រ្តី​ក្រសួងទេសចរណ៍ ឯកឧត្តម លោកជំទាវ តំណាងអង្គទូតនៃ​បណ្ដាប្រទេសនានា ប្រចាំ​កម្ពុជា លោក ង៉ូ សេងកាក់ អភិបា​លរងខេត្តសៀមរាប តំណាងឯកឧត្តម ប្រាក់ សោភ័ណ អភិបាល​ខេត្តសៀមរាប។ ក្នុងឱកាសនេះលោក ង៉ូ សេងកាក់ បានលើកឡើងថា តាមរយៈការ​បង្កើត​ព្រឹត្តិការណ៍ផ្សេងៗ ដែលបានរៀបចំឡើង​ដោយ​ក្រសួង​ទេសចរណ៍ក្នុងគោលបំណងជំរុញការផ្សព្វផ្សាយគោលដៅទេសចរណ៍ខេត្តសៀមរាបឱ្យ​ទូលំទូលាយទៅ​កាន់ទីផ្សារ​អន្តរជាតិក្នុងន័យចូល​រួមចំណែកលើកកម្ពស់ប្រពៃណី វប្បធម៌ អរិយធម៌ខ្មែរទៅកាន់ពិភព​លោក។ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍មានប្រសាសន៍ថា ការរៀបចំព្រឹត្តិការណ៍សំដែងសិល្បៈអន្តរជាតិ សៀមរាប-អង្គរ គឺដើម្បី​លើកកម្ពស់វិស័យសិល្បៈកម្ពុជា ផ្លាស់ប្តូរវប្បធម៌ អរិយធម៌ ពង្រឹង​ទំនាក់ទំនងចំណង​មិត្តភាព​រវាងកម្ពុជា និងអន្តរជាតិ ។ឯកឧត្តម​បន្តថា ព្រឹត្តិការណ៍នេះក៏ដើម្បីបង្កើន​កិច្ចសហប្រតិបត្តិការល្អ​នៃវិស័យ​ទេសចរណ៍​រវាងផ្នែករដ្ឋ-ឯកជន និងផ្សព្វផ្សាយពីសក្តានុ​ពល​ទេសចរណ៍ដ៏សម្បូរបែបរបស់កម្ពុជា។ ឯកឧត្តម ហួត ហាក់ បន្តថា សម្តេចធិបតី ហ៊ុន ម៉ាណែត នាយក​រដ្ឋមន្រ្តីកម្ពុជា…

បន្ទាយមានជ័យ៖ក្នុងពិធីប្រគេនព្រះរាជប្រកាសនីយបត្រ និងប្រកាស​តែងតាំងអនុគណក្រុងប៉ោយប៉ែត និងមន្ត្រីសង្ឃ នៅវត្តនិមិត្តសុរីរាម​កូនដំរី សង្កាត់និមិត្ត ក្រុងប៉ោយប៉ែត ក្នុងសប្ដាហ៍នេះ លោក លៀម សុដា អភិបាលរង ខេត្តបន្ទាយមាន​ជ័យបានលើកឡើងថា វិស័យ​ព្រះពុទ្ធសាសនាបានរួមចំណែកលើកកម្ពស់ស្មារតីស្នេហាជាតិ ,ចូល​រួម​ក្នុងការអប់រំ​បណ្ដុះ​បណ្ដាល​ធនធានមនុស្ស និងចូលរួម ក្នុងការ​ថែរក្សាសុខសន្តិភាព ការអភិវឌ្ឍប្រទេស។ លោកបន្តថា ព្រះពុទ្ធសានាបានអប់រំមនុស្សឱ្យធ្វើនូវសេចក្តីល្អ ដើម្បី​ទទួលបានសេចក្តីសុខសម្រាប់បុគ្គល​គ្រប់រូបក៏ដូច​ជាសង្គមទាំងមូល។ មិនតែប៉ុណ្ណោះ ព្រះពុទ្ធសាសនាក៏ជាបទដ្ឋាននៃគុណតម្លៃ រួម ជួយឱ្ស​សង្គមមនុស្សមានសាមគ្គីធម៌ សុខដុមរមនានិង មានសេចក្ដីសុខផ្លូវ​ចិត្តផ្លូវកាយ ។ សូមជម្រាបថា ព្រះគ្រូបច្ចិមសីមាវាសី ប៉ោ សុឃឿន ចៅអធិការវត្ត និមិត្តសុរីរាមកូនដំរី ត្រូវបានប្រកាសតែងតាំង ជាតាំង​អនុគណ​ក្រុងប៉ោយប៉ែត បានមានសង្ឃដីកាថានឹងខិតខំបន្តអភិវឌ្ឍ​សមិទ្ធ​ផលពុទ្ធសាសនា ជាមួយការបង្កើនការបណ្ដុះ​បណ្ដាល​ចំណេះ​ដឹងផ្លូវលោក៊​ផ្លូវធម៌ទៅដល់ភិក្ខុ និងព្រះសង្ឃ រួមទាំងពុទ្ធបរិស័ទ ប្រជាពលរដ្ឋឱ្យទទួលបានការអប់រំផ្នែក​ផ្លូវធម៌ តាមរយៈពុទ្ធិកសិក្សា។ សូមបញ្ជាក់ថា ទន្ទឹមនឹងប្រកាសតែង តាំងអនុគណក្រុងប៉ោយប៉ែត ក៏មានប្រកាសតែងតាំងមន្ត្រីសង្ឃ គ្រូសូត្រឆ្វេង ស្ដាំ និងលោក​អាចារ្យនៅទូទាំងក្រុងប៉ោយប៉ែត ២០អង្គនិងនាក់ផងដែរ ៕ដោយ៖ គៀន ច័ន្ទហ៊ីន

(ភ្នំពេញ)៖ គរុនិស្សិត និងនិស្សិតចំនួន ៣ពាន់ ៣៥២នាក់ ត្រូវបានប្រកាសទទួលស្គាល់ និងបញ្ចូលជាសមាជិកគណបក្សប្រជាជនកម្ពុជា ក្នុងពិធីមួយដែលអញ្ជើញចូលរួមជាអធិបតីដោយឯកឧត្តម ហ៊ុន ម៉ានី សមាជិកគណៈអចិន្ត្រៃយ៍នៃគណៈកម្មាធិការកណ្តាល នៃគណៈកម្មាធិការកណ្តាលគណបក្សប្រជាជនកម្ពុជា ។ ពិធីប្រកាស បានធ្វើឡើងនៅព្រឹកថ្ងៃទី១៥ ខែមីនា ឆ្នាំ២០២៥ នៅវិមាន មករា ក្រោមការរៀបចំដោយផ្នែកគ្រឹះស្ថានសិក្សានៃយុវជនគណបក្សថ្នាក់កណ្តាល ។ អញ្ជើញចូលរួលក្នុងពិធីនោះដែររួមមាន៖ ឯកឧត្តម សោម សឿន សមាជិក សមាជិកគណៈអចិន្រ្តៃយ៍ និងជាប្រធានគណៈចាត់តាំង នៃគណៈកម្មាធិការកណ្តាល, ឯកឧត្តមបណ្ឌិតសភាចារ្យ ហង់ជួន ណារ៉ុន សមាជិកគណៈអចិន្រ្តៃយ៍ និងជាប្រធានគណៈកម្មាធិការបក្សក្រសួងអប់រំ យុវជន និងកីឡា រួមទាំងឯកឧត្តម លោកជំទាវ ដែលជាសមាជិកគណៈអចិន្រ្តៃយ៍ គណៈកម្មាធិការគណបក្ស តំណាងស្ថាប័នជុំវិញគណៈកម្មាធិការកណ្តាល ថ្នាក់ដឹកនាំយុវជនគណបក្សថ្នាក់កណ្តាល និងគណៈកម្មាធិការបក្ស និងសាខាបក្សមូលដ្ឋានជាច្រើននាក់ផងដែរ ។ យោងតាមរបាយការណ៍របស់លោក ហេង ណន ប្រធានផ្នែកគ្រឹះស្ថានសិក្សា នៃយុវជនគណបក្សថ្នាក់កណ្តាល បានបញ្ជាក់ថា គរុនិស្សិត និងនិស្សិតចំនួន ៣ពាន់ ៣៥២នាក់…

(ភ្នំពេញ)៖ ឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងជាប្រធានសហភាពសហព័ន្ធយុវជនកម្ពុជារាជធានីភ្នំពេញ បានលើកឡើងអំពី មនសិការពលរដ្ឋល្អ ដែលក្នុងនោះត្រូវមានសាមគ្គីភាព ឯកភាពផ្ទៃក្នុងល្អ និងមានឆន្ទៈស្មារតីមនសិការវិជ្ជាជីវៈរបស់ខ្លួន ត្រូវស្គាល់ពីទឹកដីរបស់ខ្លួន ដឹងពីអ្វីដែលខ្លួនបានធ្វើនិងត្រូវធ្វើអោយអស់ពីសមត្ថភាព ។ នេះជាប្រសាសន៍ថ្លែងរបស់ឯកឧត្តមឧបនាយករដ្ឋមន្រ្តី សាយ សំអាល់ ក្នុងកម្មវិធីទស្សនកិច្ចសិក្សា និង ជួបសំណេះសំណាលជាមួយសិស្សានុសិស្សនៃកម្មវិធីមនសិការពលរដ្ឋល្អ រាជធានីភ្នំពេញ នាថ្ងៃទី១៤ ខែមីនា ឆ្នាំ២០២៥ នៅទីស្តីការក្រសួង ។ ក្នុងឱកាសនោះ ឯកឧត្តមឧបនាយករដ្ឋមន្រ្តី សាយ សំអាល់ បានបង្ហាញពីក្តីសោមនស្សរីករាយដែលសិស្សានុសិស្សនៃកម្មវិធីមនសិការពលរដ្ឋល្អរាជធានីភ្នំពេញ បានមកធ្វើទស្សនកិច្ចនៅបរិវេណទីស្តីការក្រសួងរៀបចំដែនដី នគរូបនីយកម្ម និងសំណង់ ដើម្បីស្វែងយល់និងដកស្រង់បទពិសោធន៍ ពង្រឹងសមត្ថភាពរបស់ខ្លួនបន្ថែមទៀត ។ ឯកឧត្តមឧបនាយករដ្ឋមន្ត្រី បានបញ្ជាក់ថា ដើម្បីរួមគ្នាប្រែក្លាយប្រទេសកម្ពុជាឱ្យឆ្ពោះទៅមុខបន្ថែមទៀត ស្របតាមចក្ខុវិស័យរបស់រាជរដ្ឋាភិបាលកម្ពុជា នោះយើងទាំងអស់គ្នាត្រូវបង្កើនសមត្ថភាព ចំណេះដឹង ភាពវាងវៃរបស់ពលរដ្ឋម្នាក់ៗ ដែលជាធនធានមិនអាចខ្វះបាន ពីព្រោះកម្ពុជាត្រូវការប្រកួតប្រជែងជាមួយបណ្ដាប្រទេសនានាក្នុងតំបន់ និងពិភពលោកនាពេលអនាគត ។ ជាមួយនេះ ឯកឧត្តមឧបនាយករដ្ឋមន្រ្តី សាយ សំអាល់ បានចាត់ទុកគ្រូថាជាដៃគូពេញមួយជីវិតក្នុងការតម្រង់ទិសរបស់សិស្សនិស្សិត…

បាត់ដំបង៖រដ្ឋបាលខេត្តបាត់ដំបងកាលពីព្រឹកថ្ងៃទី១៤ ខែមីនា ឆ្នាំ២០២៥​បានរៀបចំ​ពិធីប្រុងពលីដើម្បីត្រៀម​រៀបចំ​ព្រឹត្តិការណ៍​សង្ក្រាន្តឆ្នាំថ្មី២០២៥ក្រោមអធិបតីភាពឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រី​ក្រសួង​មហាផ្ទៃ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាលខេត្តបាត់ដំបង ព្រមទាំងមន្រ្តីរាជការ​សាលា​ខេត្ត​និងបណ្តាមន្ទីរអង្គភាពជុំវិញខេត្ត អាជ្ញាធរមូលដ្ឋាន ក្រុមការងារសហភាពសហព័ន្ធយុវជកម្ពុជា (ស.ស.យ.ក.)។ ព្រឹត្តិការណ៍សង្រ្កាន្តបាត់ដំបងឆ្នាំនេះ រៀបចំឡើងក្រោមកិច្ចសហ​ការ​រវាងរដ្ឋបាលខេត្តបាត់ដំបង ជាមួយសហភាព​សហព័ន្ធ​​យុវជនកម្ពុជា​(ស.ស.យ.ក.)ខេត្ត។តាមកម្មវិធីគ្រោងទុកសម្រាប់ព្រឹត្តិការណ៍​សង្រ្កាន្តបាត់ដំបងមានដូចជា​វេទិកាបើកព្រឹត្តិការណ៍​សង្រ្កាន្ត,តំបន់​ត្រជាក់ចិត្ត,តំបន់ពាងទឹក,តំបន់ភូមិយើង,តំបន់តន្ត្រីស្រុកស្រែ,​តំបន់​សាសនា,តំបន់​ផលិត​ផលយក្ស,តំបន់ភូមិបង្អែមខ្មែរ,ពិព័រណ៍ទូទៅ និងការប្រគំតន្ត្រីសម័យជាដើម។ ដោយនៅសល់ពេលវេលាតែមួយខែទៀតនោះក្រុមការងារតាមផ្នែកនីមួយៗដែលភារកិច្ចប្រគល់ឱ្យកំពុងតែខិតខំពន្លឿនការរៀបចំតុប​តែង​លម្អ នៅតាមទីតាំងសំខាន់ៗ ធ្វើយ៉ាងណា ឱ្យមានលក្ខណៈប្លែក​និង​កាន់​តែទាក់ទាញជាងឆ្នាំមុនៗឆក់យកបេះដូងប្រជាពលរដ្ឋ ភ្ញៀវជាតិ អន្តរជាតិ ដែលនឹងធ្វើដំណើរមកកម្សាន្តនៅខេត្តជង្រុកស្រូវ និង​វប្បធម៌​ទេសចរណ៍មួយនេះ។ ពាក់ព័ន្ធនឹងការរៀបចំព្រឹត្តិការណ៍សង្ក្រាន្តឆ្នាំនេះ រដ្ឋបាលខេត្តបាត់​ដំបង​ក្រោមការដឹកនាំរបស់ឯកឧត្តម សុខ លូប្រារព្ធ​​​ឡើង​​ដើម្បី​ទទួលទេវតាឆ្នាំថ្មី ឆ្នាំម្សាញ់ ផ្តល់ឱកាសឱ្យយុវជនបង្ហាញពីទេព​កោសល្យ ពី​សក្តានុពល ឆន្ទៈ និងការ​ខិតខំប្រឹងប្រែង តាមរយៈ​ការចូលរួមរៀបចំបុណ្យប្រពៃណីជាតិខ្មែរ ឬព្រឹត្តិការណ៍នានា​ ។ក៏ដើម្បីផ្តល់​ឱកាសឱ្យយុវជន​ចូលរួមដោយស្ម័គ្រចិត្ត និងផ្លាស់ប្តូរ​បទពិសោធន៍គ្នាទៅវិញទៅមក។បង្ហាញពីវប្បធម៌ អរិយធម៌ និងទំនៀមទំលាប់ ប្រពៃណី សាសនា ការរស់នៅរបស់ប្រជាពលរដ្ឋ និង​ដើម្បីបង្កភាពសប្បាយរីករាយជូន​ប្រជាពលរដ្ឋ ភ្ញៀវទេសចរជាតិ​និងអន្តរជាតិ៕អត្ថបទ-រូបភាព៖អ៊ុក សំអាន បប.

(ភ្នំពេញ)៖ កិច្ចប្រជុំលើកទី២ របស់ក្រុមការងារសហប្រតិបត្តិការជាមួយអង្គការសហប្រជាជាតិ និងដៃគូអភិវឌ្ឍសម្រាប់ការអនុវត្តមុខងារសេសសល់ នៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ឬហៅកាត់ថាសាលាក្តីខ្មែរក្រហម បានពិភាក្សា និងឯកភាពលើខ្លឹមសាររួមស្តីពី សេចក្តីព្រាងឯកសារទស្សនាទានស្តីពីការបង្កើតស្ថាប័នកេរដំណែលរបស់អង្គជំនុំជម្រះវិសាមញ្ញក្នុងតុលាការកម្ពុជា នាពេលអនាគត ។ ស្ថាប័នកេរដំណែលដែលគ្រោងបង្កើតនេះ ពិភាក្សានិងឯកភាពលើខ្លឹមសារសំខាន់ៗរួមចំនួន ៤រួមមាន ៖ ទី១-គ្រប់គ្រងនិងថែរក្សាបណ្ណសារ ព្រមទាំងបង្កើតឡើងនូវសារៈមន្ទីរស្តីពីដំណើរការកាត់សេចក្តីរបស់ អ.វ.ត.ក. ដែលមានលក្ខណៈជាប្រវត្តិសាស្រ្ត; ទី២-លើកកម្ពស់ការបណ្តុះបណ្តាលនិងជំរុញឱ្យមានការស្រាវជ្រាវទៅលើសមិទ្ធផល បទពិសោធ និងយុត្តិសាស្រ្តដ៏មានតម្លៃរបស់អ.វ.ត.ក. ទី៣-លើកកម្ពស់ដល់ការអប់រំនិងការផ្សព្វផ្សាយឱ្យបានទូលំ-ទូលាយដល់យុវជនជំនាន់ក្រោយនិងសាធារណជន ក្នុងការទប់ស្កាត់អំពើសាហាវឃោរឃៅនិងអំពើប្រល័យពូជ-សាសន៍នៅកម្ពុជា ថ្នាក់តំបន់និងអន្តរជាតិ; និងទី៤-បង្កើតឱ្យមានភាពជាដៃគូជាមួយ ស្ថាប័នពាក់ព័ន្ធជាតិ និងអន្តរជាតិ ក្នុងគោលដៅលើកកម្ពស់ដល់ការអប់រំសន្តិភាព ការទប់ស្កាត់អំពើប្រល័យពូជសាសន៍ និងយុត្តិធម៌អន្តរកាល។ កិច្ចប្រជុំនេះធ្វើឡើងកាលពីថ្ងៃទី១២ ខែមីនា ឆ្នាំ២០២៥ ក្រោមការដឹកនាំដោយ ឯកឧត្តម វង្សី វិស្សុត ឧបនាយករដ្ឋមន្ដ្រីប្រចាំការ រដ្ឋមន្ដ្រីទទួលបន្ទុកទីស្ដីការគណៈរដ្ឋមន្ដ្រី និងដោយការអញ្ជើញចូលរួមពី ប្រធានគណៈកម្មាធិការសិទ្ធិមនុស្សកម្ពុជា រួមទាំងថ្នាក់ដឹកនាំតំណាងក្រសួង ស្ថាប័នពាក់ព័ន្ធចំនួន១៤ នៅអគារមិត្តភាពនៃទីស្តីការគណៈរដ្ឋមន្ត្រី។ ឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត មានប្រសាសន៍ថា ៖ ស្ថាប័នកេរដំណែលនេះ ជាស្ថាប័នជាតិដែលមានភាពជាម្ចាស់និងក៏មានលក្ខណៈបើកទូលាយផងដែរដល់អង្គការជាតិនិងអន្តរជាតិ និងដៃគូពាក់ព័ន្ធចូលរួមសហប្រតិបត្តិការ ជាពិសេសទាក់ទងទៅនឹងការលើកកម្ពស់កេរដំណែលរបស់អ.វ.ត.ក.…

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញជួបសំណេះសំណាល និង ពិសាអាហារស្រាយបួសខែរ៉ាម៉ាឌន ឆ្នាំ២០២៥ ជាមួយនារីឥស្លាមកម្ពុជា នៅមណ្ឌលម៉ូឌែន៥ រាជធានភ្នំពេញ នារសៀលថ្ងៃសុក្រ ១រោច ខែផល្គុន ឆ្នាំរោង ឆស័ក ព.ស.២៥៦៦ ត្រូវនឹងថ្ងៃទី១៤ ខែមីនា ឆ្នាំ២០២៥។ សម្តេចកិត្តិសង្គហបណ្ឌិត បានលើកឡើងថា រាជរដ្ឋាភិបាលកម្ពុជា បានយកចិត្តទុកដាក់ ចំពោះសុខដុមនីកម្មសាសនា ដើម្បីធានាថា កម្ពុជាមិនមានជម្លោះជាតិសាសន៍ និងសាសនាឡើយ។ សង្គ្រាមដ៏សែនឈឺចាប់ ក្នុងពេលអតីតកាលដែលបានក្លាយជាបទពិសោធន៍ បន្សល់ទុកនូវមេរៀនសម្រាប់ប្រទេសកម្ពុជាយើង ក៏ដូចជាតំបន់ខ្លះនៅលើពិភពលោកផងដែរ។ សុខដុមនីយកម្មនៃជនជាតិ និងសាសនា គឺមានសារៈសំខាន់ខ្លាំងណាស់ សម្រាប់កិច្ចអភិវឌ្ឍន៍សង្គមកម្ពុជាបច្ចុប្បន្ន ដើម្បរស់នៅជា មួយគ្នាប្រកបដោយភាពសុខសាន្ត ក្រោមម្លប់នៃសុខសន្តិភាព និងបានអនុញ្ញាតិឲ្យសាសនាផ្សេងៗនៅកម្ពុជាគោរពប្រតិបត្តិតាមជំនឿរៀងៗខ្លួន ៕ ដោយ ៖ ថេត វិចិត្រ+ ហេង សម្បត្តិ

(ភ្នំពេញ)៖ ឯកឧត្តម ឧបនាយករដ្ឋមន្ត្រី ហ៊ុន ម៉ានី បានលើកឡើងថា គិតមកដល់ថ្ងៃទី២៥ ខែកុម្ភៈឆ្នាំ២០២៥ មន្ត្រីរាជការជាស្ត្រី នៅតាមក្រសួង-ស្ថាប័នទាំងថ្នាក់ជាតិ និងថ្នាក់ក្រោមជាតិ មានចំនួនជាង៩ម៉ឺន៦ពាន់នាក់ ស្មើជាង ៤១,៨០% ក្នុងចំណោមមន្ត្រីរាជការទូទាំងប្រទេសចំនួនជាង ២៣ម៉ឺននាក់ ។ ឯកឧត្តម បន្ថែមថា រាជអាណត្តិទី៧នៃរដ្ឋសភានេះ មានស្ត្រីជាថ្នាក់ដឹកនាំកំពូលៗរួមមាន៖ប្រធានរដ្ឋសភាជាស្ត្រី និងរដ្ឋមន្ត្រីជាស្ត្រីចំនួន៣រូប ព្រមទាំងថ្នាក់ដឹកនាំជាស្ត្រីធ្វើជាអភិបាល ខេត្ត អភិបាលបាលក្រុង ស្រុក ខណ្ឌ មេ ឃុំ-ចៅសង្កាត់ ជាច្រើនរូប។ ប្រសាសន៍ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានកិត្តិយសគណៈកម្មការសាខាសមាគមន៍នារីកម្ពុជាដើម្បីសន្តិភាពនិងអភិវឌ្ឍន៍ក្រសួងមុខងារសាធារណៈ កាលពីព្រឹកថ្ងៃទី១៤ ខែមីនា ឆ្នាំ២០២៥ ក្នុងឱកាសអញ្ជើញជាអធិបតីដ៏ខ្ពង់ខ្ពស់ពិធីអបអរសាទរទិវាអន្តរជាតិនារី ខួបលើកទី១១៤ ក្រោមប្រធានបទ “សិទ្ធិ សមភាព និងភាពអង់អាច ចំពោះស្រ្តីនិងក្មេងស្រីគ្រប់រូប” ។ ឯកឧត្តម ឧបនាយករដ្ឋមន្ត្រី បានបញ្ជាក់ទៀតថា រាជរដ្ឋាភិបាលនីតិកាលទី៧ នៃរដ្ឋសភា នៅតែបន្តយកចិត្តទុកដាក់លើការលើកកម្ពស់សិទ្ធិស្ត្រីរួមទាំងកម្មវិធីគាំពារសង្គម និងការផ្តល់សាច់ប្រាក់ដល់ស្ត្រីមានផ្ទៃ…

(ភ្នំពេញ)៖ «ផែនការសកម្មភាពជាយុទ្ធសាស្រ្តដើម្បី «ផ្លូវជាតិស្អាត គ្មនសំរាមប្លាស្ទិក» នឹងក្លាយជាសកម្មភាពជំរុញភាពស្អាត គ្មានសំរាម និងសំណល់ប្លាស្ទិក តាមដងផ្លូវជាតិ ដែលធ្វើឱ្យកម្ពុជាសម្រច បាននូវភាពស្អាត ភាពបៃតង និងចីរភាព ស្របតាមយុទ្ធសាស្ត្រចក្រាវិស័យបរិស្ថាន» ការលើកឡើងរបស់ ឯកឧត្តម ខ្វៃ អាទិត្យា អនុរដ្ឋលេខាធិការនិងជាអ្នកនាំពាក្យក្រសួងបរិស្ថាន កាលពីព្រឹកថ្ងៃសុក្រទី១៤ ខែមីនា ឆ្នាំ២០២៥ នៅក្នុងឱកាសអញ្ជើញជាអធិបតីភាពបើកយុទ្ធនាការកម្ពុជាស្អាត ក្រោមប្រធានបទ «ផ្លូវជាតិស្អាត គ្មានសំរាមប្លាស្ទិក» នៅសាលាស្រុកត្បូងឃ្មុំ ខេត្តត្បូងឃ្មុំ។ ឯកឧត្តម បានបន្ថែមថា សំណល់ប្លាស្ទិកបានផ្តល់ផលប៉ះពាល់ដល់សង្គម សុខភាព និងគុណភាពបរិស្ថាន។ ឆ្លើយតបនឹងបញ្ហាប្រឈមនៃសំណល់ប្លាស្ទិក ក្រសួងបរិស្ថាន បានដាក់ចេញនូវយុទ្ធសាស្រ្តចក្រាវិស័យបរិស្ថាន ជាមួយសសរស្តម្ភចំនួន ៣ គឺ «ភាពស្អាត ភាពបៃតង និងចីរភាព» ដែរជាការចូលរួមចំណែកក្នុងវិស័យបរិស្ថាន ក្នុងការលើកកម្ពស់សោភ័ណភាព បរិស្ថាន អនាម័យ សុខភាពសាធារណៈ និងការចូលរួមចំណែកក្នុងការអភិវឌ្ឍមាតុភូមិឱ្យកាន់តែរីកចំម្រើនជឿនលឿនឈានទៅសម្រេចទស្សនវិស័យឆ្នាំ២០៥០ កម្ពុជាជាប្រទេសអព្យាក្រឹតកាបូន និងជាប្រទេសមានចំណូលកម្រិតខ្ពស់។ ឯកឧត្តមអនុរដ្ឋលេខាធិការ បានបញ្ជាក់ថា នៅពេលនេះសាធារណជន បានបង្ហាញភាពស្អាតចេញពីចិត្ត ចូលរួមយុទ្ធនាការនានារបស់ក្រសួងបរិស្ថាន ក្នុងនោះយុទ្ធនាការកាត់បន្ថយការប្រើប្រាស់ប្លាស្ទិក…