សៀមរាប៖ ពិធីប្រគល់សម្ភារបរិក្ខារសម្រាប់ការងាររដ្ឋបាលសាលារៀនជូនដល់គ្រឹះស្ថានសិក្សាសាធារណ:ចំនួន២២ ក្នុងស្រុកស្រីស្នំ ខេត្តសៀមរាប រួមមាន ម៉ាស៊ីនថតចម្លងចំនួន០៤ គ្រឿង ម៉ាស៊ីនព្រីនធ័រចំនួន១៥គ្រឿង កំព្យូទ័រចំនួន១៧គ្រឿង សម្រាប់ផ្គត់ផ្គង់ដល់គ្រឹះស្ថានសិក្សាសាធារណ:ចំនួន២២ ក្នុងស្រុកស្រីស្នំ នាព្រឹកថ្ងៃទី១៣ ខែសីហា ឆ្នាំ២០១៨ ស្ថិតនៅក្នុងសាលារៀនវិទ្យាល័យ២៨មករា ស្រុកស្រីស្នំ ខេត្តសៀមរាប។

យោងតាមក្រសួងអប់រំ យុវជន និងកីឡា បានឲ្យដឹងថា ព្រឹត្តិការណ៍ប្រកួតកីឡា SEAVF Southeast Asian Vovinam Championship បានបញ្ចប់នៅថ្ងៃទី១២ ខែសីហា ឆ្នាំ២០១៨ ដោយ កីឡាករ កីឡាការិនីកម្ពុជា ដណ្តើមបានមេដាយសរុបចំនួន២៩គ្រឿង ក្នុងនោះមេដាយមាសចំនួន៦គ្រឿង មេដាយប្រាក់ចំនួន៨គ្រឿង និងមេដាយសំរឹទ្ធចំនួន១៥គ្រឿង។

អ្នកសង្កេតការណ៍ស្ម័គ្រចិត្តចំនួនជាង៥០០០នាក់ នឹងចូលរួមសង្កេតការណ៍ នៅក្នុងការប្រឡងមធ្យមសិក្សាទុតិយភូមិឆ្នាំ២០១៨ ដែលចំនួននេះកើនឡើង ៥៧២នាក់ ខណៈដែលបេក្ខជនមានឈ្មោះប្រឡងមានចំនួនជាង ១១៧០៦១ កើនឡើង ១៣៩៤៩ ហើយចំនួនមណ្ឌលប្រឡងមានចំនួន ១៩៦មណ្ឌលកើនឡើង ១៨មណ្ឌល បើធៀបនឹងឆ្នាំ២០១៧។ នេះបើតាមការឲ្យដឹងពីអង្គភាពប្រឆាំងអំពើពុករលួយ ក្នុងឱកាសជួបជាមួយនឹងអ្នកចូលរួមស្ម័គ្រចិត្តសង្កេតការណ៍ នៅក្នុងការប្រឡងមធ្យមសិក្សាទុតិភូមិ ឆ្នាំ២០១៨  មកពីទូទាំង ២៥រាជធានី ខេត្ត-ក្រុង នៃព្រះរាជាណាចក្រកម្ពុជា នៅរសៀលថ្ងៃទី១៣ ខែសីហា ឆ្នាំ២០១៨នេះ  នៅសាលវិទ្យាស្ថានបច្ចេកវិទ្យាកម្ពុជា៕ម.ន

ប្រជាពលរដ្ឋឃុំត្បែង ស្រុកកណ្តាលស្ទឹង សាទរចំពោះសមិទ្ធផលថ្មីៗជាច្រើន ដែលប្រធានគណៈពង្រឹងការងារឃុំត្បែង ស្រុកកណ្តាលស្ទឹងផ្តល់ជូន

នៅព្រឹកថ្ងៃ១៣ ខែសីហា ឆ្នាំ២០១៨នេះ លោក ក្រាសិ ចាន់ណាវង្ស (Krasae Chanawongse) ប្រធានមជ្ឈមណ្ឌលត្រៀមបង្ការគ្រោះមហន្តរាយអាស៊ី ទទួលបានការអនុញ្ញាតឲ្យចូលជួបពិភាក្សាការងារជាមួយសម្ដេចតេជោ ហ៊ុន សែន។ នៅក្នុងជំនួបនេះ លោក បានអបអរសាទរ ចំពោះកម្ពុជា ដែលបានរៀបចំការបោះឆ្នោត កាលពីពេលថ្មីៗកន្លងទៅនេះ ទទួលបានជោគជ័យ និងដំណើរការទៅបានយ៉ាងល្អឥតខ្ចោះ។